⪡ 1فِي الشَّهْرِ السَّابعِ فِي الْحَادِي وَالْعِشْرِينَ مِنَ الشَّهْرِ، كَانَتْ كَلِمَةُ الرَّبِّ عَنْ يَدِ حَجَّي النَّبِيِّ قَائِلاً: هنا في رسالة جديدة.
الرسالة الأولي (في الاصحاح الأول): كانت في أول الشهر. وده كان عيد عند اليهود. اللي هو رأس الشهر.
لكن هنا الرسالة: يوم 21 /7 . واليوم 21 عند اليهود، ده سابع يوم في عيد المظال. لأن عيد المظال عند اليهود: 7 أيام. واليوم التامن هو يوم الاحتفال.
عيد المظال: عند اليهود، ده عيد فرح. لأنه مرتبط بالحصاد. عيد وكمان فرح ... طيب هل الشيطان هيسيبهم يعيدوا ويفرحوا؟ طبعا مستحيل. هنشوف ايه اللي هيحصل.
" كَانَتْ كَلِمَةُ الرَّبِّ عَنْ يَدِ حَجَّي النَّبِيِّ قَائِلًا:" ... هنشوف رسالة ربنا ليهم.
2«كَلِّمْ زَرُبَّابِلَ بْنَ شَأَلْتِيئِيلَ وَالِي يَهُوذَا، وَيَهُوشَعَ بْنِ يَهُوصَادِقَ الْكَاهِنِ الْعَظِيمِ وَبَقِيَّةِ الشَّعْبِ قَائِلاً: ربنا له المجد بيقول لحجي النبي: كلم زربابل والي يهوذا. ويهوشع رئيس الكهنة وكل الشعب.3مَنِ الْبَاقِي فِيكُمُ الَّذِي رَأَى هذَا الْبَيْتَ فِي مَجْدِهِ الأَوَّلِ؟ وَكَيْفَ تَنْظُرُونَهُ الآنَ؟ أَمَا هُوَ فِي أَعْيُنِكُمْ كَلاَ شَيْءٍ! هنشوف ايه اللي حصل.
"مَنِ الْبَاقِي فِيكُمُ الَّذِي رَأَى هذَا الْبَيْتَ فِي مَجْدِهِ الأَوَّلِ؟"... الناس أول ما ابتدوا يشتغلوا في هيكل ربنا له المجد.الناس الكبار في السن، اشتغلوا مناحة. وفي سفر عزرا: بيقول أن الناس مبقتش قادرة تميز صوت الهتاف من صوت البكاء.
"وَكَيْفَ تَنْظُرُونَهُ الآنَ؟ أَمَا هُوَ فِي أَعْيُنِكُمْ كَلاَ شَيْءٍ." ... الكهنة والمغنيين بيهتفوا. والشيوخ الكبار بيولولوا. والعيد اتقلب لمناحة بسبب الشيوخ. وقالوا للناس: ايه اللي بتبنوه ده؟ ده يطلع ايه جنب هيكل سُليمان وجماله؟ فين الذهب اللي كان في الهيكل وكل عظمة الهيكل؟
واحنا بنعمل غلطة مع أولادنا. أن اللي بيعملوه، بنحاول نقلل منه. ونقولهم: ياه. ده فين من اللي احنا كنا بنعمله زمان؟ ايه الهيافة اللي بتعملوها ديه؟
وده برده عمل الشيطان معانا، لما بيخلينا نيأس من نفسنا ومن أي حاجة بنعملها في طريقنا الروحي.. فالشيوخ شكلهم عملوا كده مع اللي بيبنوا البيت حاليا. وقالولهم ايه اللي انتم بتعملوه ده؟ ده مش زي بتاع هيكل سُليمان.
"مَنِ الْبَاقِي فِيكُمُ الَّذِي رَأَى هذَا الْبَيْتَ فِي مَجْدِهِ الأَوَّلِ؟" ... اللي هما الناس الشيوخ، الكبار في السن. فربنا بيقولهم: لأ. مين اللي بيقولكم أنه " كَلاَ شَيْءٍ." ... ده كده عاجبني أوي.
4فَالآنَ تَشَدَّدْ يَا زَرُبَّابِلُ، يَقُولُ الرَّبُّ. وَتَشَدَّدْ يَا يَهُوشَعُ بْنُ يَهُوصَادِقَ الْكَاهِنُ الْعَظِيمُ، وَتَشَدَّدُوا يَا جَمِيعَ شَعْبِ الأَرْضِ، يَقُولُ الرَّبُّ. وَاعْمَلُوا فَإِنِّي مَعَكُمْ، يَقُولُ رَبُّ الْجُنُودِ. هنا ربنا له المجد بيشجعهم. وبيقولهم: سيبكم بقي من اليأس والإحباط ده. واللي الشيطان عاوز يعمله. أنا فرحان بيكم. وقابل الشغل من ايدكم. اتشجعوا وشدوا حيلكم.
نخلي بالنا من شيطان صغر النفس. وشيطان اليأس.
ربنا له المجد بيقبل القليل. وديه حاجة مُشجعة أوي لينا. ربنا عاوز يحس بالنية اللي عندنا في التغيير للأحسن. بالرغبة. بالجهاد، اللي بنبذله علشان نجاهد ضد الخطية.
" وَتَشَدَّدُوا يَا جَمِيعَ شَعْبِ الأَرْضِ، يَقُولُ الرَّبُّ." ... علشان كده ربنا له المجد بيقولوهم: تشددوا. كل واحد فيكم يتشجع ويتشدد. سيبكم من روح الإحباط.
الشيطان عاوز يكسرنا. لكن "أستطيع كل شيء في المسيح الذي يقويني"
5حَسَبَ الْكَلاَمِ الَّذِي عَاهَدْتُكُمْ بِهِ عِنْدَ خُرُوجِكُمْ مِنْ مِصْرَ، وَرُوحِي قَائِمٌ فِي وَسَطِكُمْ. لاَ تَخَافُوا. "حَسَبَ الْكَلاَمِ الَّذِي عَاهَدْتُكُمْ بِهِ عِنْدَ خُرُوجِكُمْ مِنْ مِصْرَ،"... ربنا له المجد بيقولهم حاجة مُعزية جدا. طيب يارب بعد السنين ديه كلها، وبعد كل اللي عملوه وزعلوك يارب. لسه فاكر عندك معاهم؟
"وَرُوحِي قَائِمٌ فِي وَسَطِكُمْ. لاَ تَخَافُوا" ... ربنا لسه فاكر عهده معاهم. وبيقول لسه أنتم شعبي. ولسه أنا في وسطكم.
لكن لسه هيحصل الأكثر من كده:
6لأَنَّهُ هكَذَا قَالَ رَبُّ الْجُنُودِ: هِيَ مَرَّةٌ، بَعْدَ قَلِيلٍ، فَأُزَلْزِلُ السَّمَاوَاتِ وَالأَرْضَ وَالْبَحْرَ وَالْيَابِسَةَ، " بَعْدَ قَلِيلٍ": المسيح يسوع له المجد، جه بعد حجي النبي بحوالي أكثر من 500 سنة. أصل "ألف سنة عند الرب كيوم. ويوم كألف سنة."
"فَأُزَلْزِلُ السَّمَاوَاتِ وَالأَرْضَ وَالْبَحْرَ وَالْيَابِسَةَ،" ... الزلزلة: ممكن يكون المقصود بيها، تحطيم كل ممالك الشر. رئيس سلطان الهواء.
وفعلىا: خلاص السيد المسيح يسوع له المجد على الصليب، حصل معاه زلزلة. وحصلت زلزلة، وقت قيام السيد المسيح له المجد من الموت. القيامة.
7وَأُزَلْزِلُ كُلَّ الأُمَمِ. وَيَأْتِي مُشْتَهَى كُلِّ الأُمَمِ، فَأَمْلأُ هذَا الْبَيْتَ مَجْدًا، قَالَ رَبُّ الْجُنُودِ. مشتهي كل الأمم: هو ربنا يسوع المسيح له المجد.
"فَأَمْلأُ هذَا الْبَيْتَ مَجْدًا، قَالَ رَبُّ الْجُنُودِ." ... ربنا له المجد ملأ كنيسته من مجده.
الآيات 6 و 7
هنلاقي تعزية ربنا له المجد، تعزية حلوة. أنتم عمالين تتخانقوا على المباني؟ أنا عاوز القلب. كنت عاوزكم تعيدوا بناء البيت. الهيكل. علشان العبادة النقية ترجع.. لكن أنا شايل لكم: الخلاص. مش من السبي بس، لكن كمان من سبي الشيطان للبشر.
ربنا جه وزلزل السماوات والأرض والبحر واليابسة ... ""فَأُزَلْزِلُ السَّمَاوَاتِ وَالأَرْضَ وَالْبَحْرَ وَالْيَابِسَةَ،" علشان " َيَأْتِي مُشْتَهَى كُلِّ الأُمَمِ،".. والمزمور بيقول "ليتك تشق السماوات، وتنزل" ... امتي يارب تيجي معانا على الأرض.
8لِي الْفِضَّةُ وَلِي الذَّهَبُ، يَقُولُ رَبُّ الْجُنُودِ. ربنا له المجد بيقولهم: أنتم بتبكوا علشان الهيكل مفيهوش ذهب وفضة؟
ما أنا أقدر أديكم فضة وذهب. أنا مصدر كل غِني. وجود ربنا له المجد في الهيكل، هو سر المجد. الموضوع مش موضوع ذهب وفضة.
9مَجْدُ هذَا الْبَيْتِ الأَخِيرِ يَكُونُ أَعْظَمَ مِنْ مَجْدِ الأَوَّلِ، قَالَ رَبُّ الْجُنُودِ. وَفِي هذَا الْمَكَانِ أُعْطِي السَّلاَمَ، يَقُولُ رَبُّ الْجُنُودِ». بعد ما زربابل بني البيت وكمله، وهيرودس أعاد تجديده من تاني.
ربنا له المجد وهو ماشي مع تلاميذه، وشاف الهيكل قاله " أَتَنْظُرُ هذِهِ الأَبْنِيَةَ الْعَظِيمَةَ؟ لاَ يُتْرَكُ حَجَرٌ عَلَى حَجَرٍ لاَ يُنْقَضُ".. وبعدين ربنا قال "انقضوا هذا البيت وفي ثلاثة أيام أقيمه." والكتاب المقدس وضح وقال "قال هذا عن هيكل جسده."
علشان كده لو كان زربابل رمز للمسيح له المجد. فهيكل زربابل هو رمز لجسد السيد المسيح له المجد.. اذاً منقدرش نقارن هيكل سُليمان، بجسد السيد المسيح له المجد.. جسد السيد المسيح له المجد اللي هو الهيكل اللي نقضه على الصليب، وأقامه بعد 3 أيام. به تمت المصالحة بين السمائيين والأرضيين. عشان كده يقول " وَفِي هذَا الْمَكَانِ أُعْطِي السَّلاَمَ، يَقُولُ رَبُّ الْجُنُودِ."
خلاص السيد المسيح له المجد، أعظم من الذهب والفضة اللي كانوا في هيكل سُليمان.
مجد السيد المسيح له المجد أعظم من الشكل الجمالي اللي كان علىه هيكل سُليمان.
10فِي الرَّابعِ وَالْعِشْرِينَ مِنَ الشَّهْرِ التَّاسِعِ، فِي السَّنَةِ الثَّانِيَةِ لِدَارِيُوسَ، كَانَتْ كَلِمَةُ الرَّبِّ عَنْ يَدِ حَجَّي النَّبِيِّ قَائِلاً: كده عديت فترة 3 شهور و24 يوم.
"كَانَتْ كَلِمَةُ الرَّبِّ عَنْ يَدِ حَجَّي النَّبِيِّ قَائِلًا:" ... ربنا بعت رسالة لحجي النبي
11«هكَذَا قَالَ رَبُّ الْجُنُودِ: اِسْأَلِ الْكَهَنَةَ عَنِ الشَّرِيعَةِ قَائِلاً: رسالة ربنا له المجد لحجي، أنه يسأل الكهنة عن الشريعة.. طيب يارب ما هو حجي أصلا من الأنبياء. وبتكلمه يارب علطول. طيب ايه لزمة أن حجي يروح يسأل الكهنة؟
وكأن ربنا له المجد بيقوله: أن كل واحد ليه اختصاصه وشغله ومهمته. ولأن "من فم الكاهن تُطلب الشريعة."
كل واحد ليه شغل في بيت ربنا. كل واحد ربنا مديله موهبة. كلنا بنكمل بعض.
12إِنْ حَمَلَ إِنْسَانٌ لَحْمًا مُقَدَّسًا فِي طَرَفِ ثَوْبِهِ وَمَسَّ بِطَرَفِهِ خُبْزًا أَوْ طَبِيخًا أَوْ خَمْرًا أَوْ زَيْتًا أَوْ طَعَامًا مَّا، فَهَلْ يَتَقَدَّسُ؟» فَأَجَابَ الْكَهَنَةُ وَقَالُوا: «لاَ». ده سؤال ربنا ليهم، كان سؤال في الشريعة.. لو عندنا لحم مقدس. اللي هو جزء من الذبيحة. وروحت بالذبيحة ديه، لمست أي حاجة تاني. هل الحاجة التانية ديه، تتقدس علشان الذبيحة؟
" فَأَجَابَ الْكَهَنَةُ وَقَالُوا: لاَ." ... فالإجابة كانت لأ.
13فَقَالَ حَجَّي: «إِنْ كَانَ الْمُنَجَّسُ بِمَيْتٍ يَمَسُّ شَيْئًا مِنْ هذِهِ، فَهَلْ يَتَنَجَّسُ؟» فَأَجَابَ الْكَهَنَةُ وَقَالُوا: «يَتَنَجَّسُ». سؤال تاني: لو حد لمس جثة ميت. وراح لمس أي حاجة تاني. الحاجة ديه تتنجس؟
"فَأَجَابَ الْكَهَنَةُ وَقَالُوا: يَتَنَجَّسُ." ... ردوا وقالوا: آه تتنجس. لأن الشريعة بتقول كده.
يبقي في حالة: حاجة مقدسة. ولمست حاجة تانية ... القداسة مش بتتنقل.. لكن النجاسة، تنجس.
الخطية سهلة الانتشار. لكن القداسة، مش سهلة الانتشار.
لو واحد قديس، قعد في وسط ناس. ممكن يفرحوا بكلامه. يتعلموا منه حاجة. لكن مش لازم يأخدوا منه القداسة.
لكن لو الشرير، قعد في وسط مجموعة. يبوظ اللي معاه كلهم. "المعاشرات الرديئة تُفسد الأخلاق الجيدة"
الخطية سهل تنتشر وتتنقل. بعكس القداسة.
طيب ايه اللي عاوز يقوله حجي بالمثل ده؟ وليه ربنا له المجد قاله يروح يسأل الكهنة، السؤال الخاص بالشريعة ده؟
14فَأَجَابَ حَجَّي وَقَالَ: «هكَذَا هذَا الشَّعْبُ، وَهكَذَا هذِهِ الأُمَّةُ قُدَّامِي، يَقُولُ الرَّبُّ، وَهكَذَا كُلُّ عَمَلِ أَيْدِيهِمْ وَمَا يُقَرِّبُونَهُ هُنَاكَ. هُوَ نَجِسٌ. ربنا له المجد بيقولهم: طالما أنتم عايشين في الخطية، وأنا مش في حساباتكم.
"يَقُولُ الرَّبُّ، وَهكَذَا كُلُّ عَمَلِ أَيْدِيهِمْ وَمَا يُقَرِّبُونَهُ هُنَاكَ. هُوَ نَجِسٌ." ... النتيجة هتكون: أن كل عمل هتعملوه، هيكون بالنسبة لي عمل غير مقدس. هتقدموا ذبيحة، هتكون مرفوضة. حتى البناء بتاعكم مش عاوزه. أنا عاوز قلوبكم.
القرابين اللي هتقدموها مش عاوزها لأنها نجسة. لأنها صادرة من قلوب شريرة.
ربنا بيقولهم: روحوا غيروا قلوبكم، علشان أرضي عنكم وعن أي عمل تقدموه وتعملوه.
زي بالظبط: لما تكون في خطية، الواحد رافض يتوب عنها. ومثلا بعد كده يروح يقدم عشور. هل ربنا هيفرح بيه، ويقوله أنت كده تمام وزي الفل؟ أكيد لأ.. أو أي عمل الواحد يقدمه لربنا له المجد، وهو في حالة رفض للتوبة. هل ديه حاجة تفرح ربنا؟ أكيد لأ.
ربنا له المجد عاوز القلب "يا ابني أعطيني قلبك."
" يَقْتَرِبُ إِلَيَّ هذَا الشَّعْبُ بِفَمِهِ، وَيُكْرِمُني بِشَفَتَيْهِ، وَأَمَّا قَلْبُهُ فَمُبْتَعِدٌ عَنِّي بَعِيدًا"
15وَالآنَ فَاجْعَلُوا قَلْبَكُمْ مِنْ هذَا الْيَوْمِ فَرَاجِعًا، قَبْلَ وَضْعِ حَجَرٍ عَلَى حَجَرٍ فِي هَيْكَلِ الرَّبِّ. ربنا له المجد بيقولهم: ارجعوا وشوفوا أنتم كنتم بتعملوا ايه؟ قبل ما تبدوأ الشغل في الهيكل، في بيت ربنا. شوفوا حالكم كان ايه . راجعوا حساباتكم.
"قَبْلَ وَضْعِ حَجَرٍ عَلَى حَجَرٍ فِي هَيْكَلِ الرَّبِّ." ... راجعوا أنفسكم، قبل ما تبنوا الهيكل.
إنّه يطالبهم بمراجعة أنفسهم، لئلا فيما هم ينشغلون في البناء الخارجي يفقدون تقديس القلب.
16مُذْ تِلْكَ الأَيَّامِ كَانَ أَحَدُكُمْ يَأْتِي إِلَى عَرَمَةِ عِشْرِينَ فَكَانَتْ عَشَرَةً. أَتَى إِلَى حَوْضِ الْمِعْصَرَةِ لِيَغْرُفَ خَمْسِينَ فُورَةً فَكَانَتْ عِشْرِينَ. عَرَمَةِ: ديه مكيال للحبوب.
فبيقولهم: لو متوقعين تجمعوا 20 مكيال من الحبوب، الحقيقة بتلاقوا إنكم بتجمعوا 10 مكيال بس. وده علشان مفيش بركة.
"أَتَى إِلَى حَوْضِ الْمِعْصَرَةِ لِيَغْرُفَ خَمْسِينَ فُورَةً فَكَانَتْ عِشْرِينَ." ... فُورَةً: اللي هو الحوض لما يتملي بالكرم. أو عصير العنب.
فبيقولهم: لو المحصول ده المفروض يملي ليكم الحوض ده 50 مرة. تلاقوه اتملي 20 مرة بس. لأن برده مفيش بركة.
17قَدْ ضَرَبْتُكُمْ بِاللَّفْحِ وَبِالْيَرَقَانِ وَبِالْبَرَدِ فِي كُلِّ عَمَلِ أَيْدِيكُمْ، وَمَا رَجَعْتُمْ إِلَيَّ، يَقُولُ الرَّبُّ. اللَّفْحِ: هو الريح الحارة.
"الْيَرَقَانِ" ... هو الدود والحشرات اللي بتبوظ في الزرع.
"الْبَرَدِ" ... السقيع اللي بيبوظ الثمار.
"وَمَا رَجَعْتُمْ إِلَيَّ، يَقُولُ الرَّبُّ." ... بالرغم من انكم شوفتم قبل كده ان لما بتبعدوا عني، النتيجة بتكون ايه.
لكن أصريتم على طريقكم ومشيتوا بعيد عني.. شوفتم أن مفيش بركة في حياتكم لكن كملتم في طريقكم بعيد عني
18فَاجْعَلُوا قَلْبَكُمْ مِنْ هذَا الْيَوْمِ فَصَاعِدًا، مِنَ الْيَوْمِ الرَّابعِ وَالْعِشْرِينَ مِنَ الشَّهْرِ التَّاسِعِ، مِنَ الْيَوْمِ الَّذِي فِيهِ تَأَسَّسَ هَيْكَلُ الرَّبِّ، اجْعَلُوا قَلْبَكُمْ. في الآية 15 "وَالآنَ فَاجْعَلُوا قَلْبَكُمْ مِنْ هذَا الْيَوْمِ فَرَاجِعًا،" ... يعني راجعوا حساباتكم.
هنا بيقولهم: "فَاجْعَلُوا قَلْبَكُمْ مِنْ هذَا الْيَوْمِ فَصَاعِدًا،"... عاوزين بقي بداية جديدة من دلوقتي. اعتبروا بداية بناء الهيكل. هو بداية جديدة لكل واحد فيكم. زي ما ربنا عاوز الهيكل المبني، كمان عاوز هيكل الجسد بتاعنا. ربنا له المجد عاوز يسكن جوانا. بداية جديدة. قلب جديد.
"مِنَ الْيَوْمِ الرَّابعِ وَالْعِشْرِينَ مِنَ الشَّهْرِ التَّاسِعِ، مِنَ الْيَوْمِ الَّذِي فِيهِ تَأَسَّسَ هَيْكَلُ الرَّبِّ، اجْعَلُوا قَلْبَكُمْ." ... معنى تحديد التاريخ من اليوم الرابع والعشرين.. أن الله يحدد ميعاد رجوع البركة ليهم، ويطلب منهم أن يلاحظوا أنهم في نفس اليوم الذي بدأوا فيه البناء، واستجابوا لنداء الله.
وفي نفس هذا اليوم عادت البركة ليهم، علىهم إذًا أن لا ينسبوا عودة البركة لهم للصدفة أو رضا الطبيعة علىهم، بل يفهموا أنها نتيجة رضا الله علىهم، الله عاد بالبركة لهم (أي أمطار وثمار وبدون لفح ولا يرقان..) لما رجعوا لله واستجابوا لندائه وقدموا توبة.. وعلىهم أن يلاحظوا ميعاد عودة البركة ليفهموا أنها من الله.
19هَلِ الْبَذْرُ فِي الأَهْرَاءِ بَعْدُ؟ وَالْكَرْمُ وَالتِّينُ وَالرُّمَّانُ وَالزَّيْتُونُ لَمْ يَحْمِلْ بَعْدُ. فَمِنْ هذَا الْيَوْمِ أُبَارِكُ». "هَلِ الْبَذْرُ فِي الأَهْرَاءِ بَعْدُ؟"... الأَهْرَاءِ: يعني المخازن. هل في حبوب لسه عندكم في المخازن؟
الإجابة: طبعا مفيش. لأن مفيش عندهم بركة ربنا له المجد.
"وَالْكَرْمُ وَالتِّينُ وَالرُّمَّانُ وَالزَّيْتُونُ لَمْ يَحْمِلْ بَعْدُ." ... لسه مفيش ثمار.
"فَمِنْ هذَا الْيَوْمِ أُبَارِكُ." ... بس بالرغم من كده، وطالما هتبدوأ معايا من النهاردة. من اليوم، بداية جديدة.
يعني بالرغم من أن قبل كده مكانش عندكم أي حاجة. لكن بسبب البداية الجديدة ديه هتشوفوا بركة كبيرة جدا.
عاوز يقولنا هنا حاجة مهمة:
اليوم اللي الواحد يبدأ فيه مع ربنا له المجد: هي ديه البركة في حياتنا. اليوم اللي هأسلم فيه نفسي لربنا له المجد، هو ده اليوم اللي هأعرف فيه معني البركة. بركة في كل حاجة في حياتي.
20وَصَارَتْ كَلِمَةُ الرَّبِّ ثَانِيَةً إِلَى حَجَّي، فِي الرَّابعِ وَالْعِشْرِينَ مِنَ الشَّهْرِ قَائِلاً: نفس اليوم الـ 24 من الشهر. ربنا له المجد كلم حجي النبي تاني.
وديه نهاية نبوة حجي النبي. يوم 24 من الشهر التاسع. وهو كان أصلا بدأ في يوم: 1/6 (يوم 1 من الشهر السادس).
اذاً نبوته صغيرة جدا، من ناحية الفترة. 3 شهور و24 يوم بالظبط
21« كَلِّمْ زَرُبَّابِلَ وَالِي يَهُوذَا قَائِلاً: إِنِّي أُزَلْزِلُ السَّمَاوَاتِ وَالأَرْضَ، وديه أخر رسالة من ربنا له المجد لحجي النبي:
"كَلِّمْ زَرُبَّابِلَ وَالِي يَهُوذَا قَائِلًا: إِنِّي أُزَلْزِلُ السَّمَاوَاتِ وَالأَرْضَ،" ... ربنا له المجد بيقولهم: بما أن حصلت استجابة. وبعدتم عن الكسل اللي كنتم فيه، والتراخي والحِجج والأعذار، اللي كنتم بتتحججوا بيها. فالأمور كلها جديدة.
22وَأَقْلِبُ كُرْسِيَّ الْمَمَالِكِ، وَأُبِيدُ قُوَّةَ مَمَالِكِ الأُمَمِ، وَأَقْلِبُ الْمَرْكَبَاتِ وَالرَّاكِبِينَ فِيهَا، وَيَنْحَطُّ الْخَيْلُ وَرَاكِبُوهَا، كُلٌّ مِنْهَا بِسَيْفِ أَخِيهِ. ربنا له المجد عاوز يقول لزربابل: مش هتعول هم أي حاجة بعد كده. لا جيوش ولا أعداء ولا ممالك ولا قوات.
وديه رسالة لينا:
يوم ما أحط ربنا له المجد في حياتي. مشلش هم حاجة. لا قوات ظُلمة ولا جيوش الأعداء الروحيين. ولا حتى الموت.
" وَيَنْحَطُّ الْخَيْلُ وَرَاكِبُوهَا،" ... لأن الهنا "يقودنا في موكب نصرته". وقتها هيكون موكب انتصار. مش موكب انكسار ولا موكب سبي.
"كُلٌّ مِنْهَا بِسَيْفِ أَخِيهِ." ... يعني ربنا له المجد ممكن يدبر أحداث معينة في العالم، علشان يحمي أولاده.
واحنا كأولاد ربنا له المجد، كل دورنا في الأحداث ديه، نتفرج ونكون واثقين في ايد ربنا. "الرب يدافع عنكم وأنتم صامتون."
23فِي ذلِكَ الْيَوْمِ، يَقُولُ رَبُّ الْجُنُودِ، آخُذُكَ يَا زَرُبَّابِلُ عَبْدِي ابْنُ شَأَلْتِيئِيلَ، يَقُولُ الرَّبُّ، وَأَجْعَلُكَ كَخَاتِمٍ، لأَنِّي قَدِ اخْتَرْتُكَ، يَقُولُ رَبُّ الْجُنُودِ». زربابل، هو رمز للسيد المسيح له المجد. معني اسم بابل: المولود في أرض بابل، وبالنسبة له هي أرض السبي. أرض الغربة. مش بلده.
والمسيح يسوع له المجد وُلد بالجسد في أرض غربتنا. في أرض السبي. لأن الأرض كانت في ايد الشيطان. عدو الخير. لكن في نفس الوقت المسيح يسوع له المجد، هو صاحب القوة.
"وَأَجْعَلُكَ كَخَاتِمٍ، لأَنِّي قَدِ اخْتَرْتُكَ، يَقُولُ رَبُّ الْجُنُودِ." ... لأن عن طريق ختم الملك، بيدي الأمر والسُلطة والقوة والتنفيذ.
- الله يقدر يدي لأولاده القوة. لأنه قوي.
- الله يقدر يدي لأولاده السلطان. ... أعطيكم السلطان لتدوسوا القوات والعقار وكل قوات العدو.
وزي ما زربابل هو رمز للمسيح يسوع له المجد، زربابل هو كمان كل واحد فينا ربنا له المجد أداله القوة.
"وَأَجْعَلُكَ كَخَاتِمٍ،" ... لما درسنا سفر نشيد الأنشاد، عروس النشيد طلبت من العريس، ربنا يسوع المسيح له المجد طلب جميل: "اجعلني كخاتم على قلبك. كخاتم على ساعدك."
الله له المجد أدانا القوة. ختمنا. وسر الميرون: هو سر الختم.
" لأَنِّي قَدِ اخْتَرْتُكَ، يَقُولُ رَبُّ الْجُنُودِ." ... كلنا مختارين، أولاد ربنا المختارين.
"لَيْسَ أَنْتُمُ اخْتَرْتُمُونِي بَلْ أَنَا اخْتَرْتُكُمْ،"
يا بخت اللي ربنا له المجد يديله القوة. ... "وَأَجْعَلُكَ كَخَاتِمٍ،"
يا بخت اللي يسلم حياته لربنا له المجد ... ربنا هيقوله ""فَمِنْ هذَا الْيَوْمِ أُبَارِكُ."
- يا بخت الإنسان اللي عنده غيرة على بيت ربنا له المجد.
- يا بخت الإنسان اللي معندهوش حجج وأعذار.
- يا بخت الإنسان اللي هيكل جسده مبني ومقدس. وربنا له المجد ساكن فيه.
بالمعموديّة تنهزم تحت أقدامنا أعمال الإنسان القديم كأمم وثنيّة منهارة وننعم بالختم السماوي، الأمر الذي اشتهته العروس قائلة: "اجعلني كخاتم على قلبك، كخاتم على ساعدك."
به صرنا كخاتم نحمل كرامة السيّد وغناه وسلطانه الروحي، نشهد له كعروس اتحدت معه على مستوى فائق.
⪢