⪡ 1حَسُنَ عِنْدَ دَارِيُّوسَ أَنْ يُوَلِّيَ عَلَى الْمَمْلَكَةِ مِئَةً وَعِشْرِينَ مَرْزُبَانًا يَكُونُونَ عَلَى الْمَمْلَكَةِ كُلِّهَا. اصحاح متميز ومشهور في سفر دانيال: دانيال في جب الأسود.
اصحاح غني جدا بالمفاهيم والتعاليم. وان الله هو الذي ينجي. والإيمان. دانيال وقوة إيمانه.
في الاصحاح ده نفتكر أسبوع الآلام لغاية أحد القيامة. لأن فيه رموز كتير لحاجات حصلت في العهد الجديد وخاصة في الأسبوع الأخير من حياة ربنا يسوع علي الأرض.
قولنا إن دانيال هو راجل صلاة وصوم ونعمة ومبادئ وحكمة والمملوء من روح الله. واتسمي اسم جميل: الرجل المحبوب. وهو الوحيد اللي اتسمي باللقب ده. وطبعا في العهد الجديد: القديس يوحنا الحبيب.
في الاصحاح اللي فات شوفنا نهاية مملكة بابل وسقوطها في وقت الملك المستهتر. ودانيال فسر له الكتابة وقاله "وزنت بالموازيين فوجدت ناقصا."
اتقال اراء كتير في داريوس وكورش الملوك (ملوك مملكة مادي وفارس.): يقال ان داريوس كان جد كورش من امه. وكان مادي من المنطقة اللي اسمها مادي في حين ان ابو كورش الملك كان فارسي. داريوس الملك مسك في الاول وبعده جه كورش الملك. وفي عهد كورش الملك كانت المملكة اكتر عظمة. وكورش الملك هو اللي ابتدي يرجع اليهود المسبيين الي بلادهم.
1 حَسُنَ عِنْدَ دَارِيُّوسَ أَنْ يُوَلِّيَ عَلَى الْمَمْلَكَةِ مِئَةً وَعِشْرِينَ مَرْزُبَانًا يَكُونُونَ عَلَى الْمَمْلَكَةِ كُلِّهَا.
ديه نقطة جميلة شوفناها في داريوس: حلو إن الواحد يتعلم التفويض والاختصاصات. وده مهم في علم الإدارة: وده قسم مهم في علم الإدارة اسمه التفويض. والإدارة الناجحة هي الإدارة اللي فيها المدير عارف إمكانيات اللي معاه ومدي لكل واحد اختصاصاته. وبعد كده يراجعهم ويحاسبهم.
وده اللي عمله داريوس وعين 120 حاكم ... "مرزبانا". لأنه لقي ان المملكة كبيرة جدا.
2وَعَلَى هؤُلاَءِ ثَلاَثَةَ وُزَرَاءَ أَحَدُهُمْ دَانِيآلُ، لِتُؤَدِّيَ الْمَرَازِبَةُ إِلَيْهِمِ الْحِسَابَ فَلاَ تُصِيبَ الْمَلِكَ خَسَارَةٌ. وفوقهم 3 وزراء وكان منهم دانيال النبي. ممكن يكون لما شاف دانيال لابس الأرجوان والقلادة في رقبته قاله. احكي لي حكايتك. وعرف انه مملوء حكمه.
وبكده بقي في هرم إداري: 120 حاكم ... يدوا الأخبار ل 3 وزراء ...وبدورهم يدوا أخبار للملك داريوس.
3فَفَاقَ دَانِيآلُ هذَا عَلَى الْوُزَرَاءِ وَالْمَرَازِبَةِ، لأَنَّ فِيهِ رُوحًا فَاضِلَةً. وَفَكَّرَ الْمَلِكُ فِي أَنْ يُوَلِّيَهُ عَلَى الْمَمْلَكَةِ كُلِّهَا. "روحا فاضلة" ... الروح القدس. مملوء من الروح القدس. روح الله وديه نفس الجملة اللي قالتها جدة بيلشاصر لبيلشاصر لما كلمته عن دانيال. وداريوس فكر انه يولي دانيال علي المملكة كلها. وغالبا ده اللي وصل الناس لأخرها من دانيال. لأنه بكده هيعتبر الراجل التاني علي المملكة. وطبعا دانيال غريب عنهم مش من جنسيتهم ولا أي حاجة وكمان مسبي.
وده يفكرنا بحب يعقوب ليوسف وأخواته اتغاظوا منه وفكروا أزاي يخصلوا منه.
4ثُمَّ إِنَّ الْوُزَرَاءَ وَالْمَرَازِبَةَ كَانُوا يَطْلُبُونَ عِلَّةً يَجِدُونَهَا عَلَى دَانِيآلَ مِنْ جِهَةِ الْمَمْلَكَةِ، فَلَمْ يَقْدِرُوا أَنْ يَجِدُوا عِلَّةً وَلاَ ذَنْبًا، لأَنَّهُ كَانَ أَمِينًا وَلَمْ يُوجَدْ فِيهِ خَطَأٌ وَلاَ ذَنْبٌ. قعدوا يفكروا في مشكلة او مصيبة يخصلوا بيها من دانيال النبي. لازم يدوروله علي غلطة أو حاجة غلط عنده وطبعا مش هيلاقوا.
"من جهة المملكة" ... بيدوروله علي أي مشكلة او غلطة في شغله ومسئولياته. وطبعا مش لاقيين.
"لأنه كان أمينا ولم ويوجد فيه خطا ولا ذنب." ... فكرة جديدة عن دانيال انه رجل أمين.
من الناحية الرمزية: "من منكم يبكتني علي خطية؟" ... المسيح اللي قالها. وطبعا مع الفارق بس برده هنا دانيال النبي مكانوش لاقيين فيه ذنب ولا خطية. فكان رمز للمسيح. القدوس البار. وطبعا هيبتدوا يدوروله علي اي غلطة علشان يوقعوه, زي ما عملوا مع ربنا يسوع المسيح وملقيوش برده فجابوا شهود زور وشهادتهم لم تتفق مع بعض.
5فَقَالَ هؤُلاَءِ الرِّجَالُ: «لاَ نَجِدُ عَلَى دَانِيآلَ هذَا عِلَّةً إِلاَّ أَنْ نَجِدَهَا مِنْ جِهَةِ شَرِيعَةِ إِلهِهِ». مش لاقين لدانيال النبي أي غلطة إلا من ناحية إلهك. يا بختك يا دانيال ... زي بالظبط لما يدوروا علي غلطة في واحد مسيحي وميلقوش غير ان بس اسمه مسيحي فيضطهدوه. والاضطهاد بس علشان هو مسيحي.6حِينَئِذٍ اجْتَمَعَ هؤُلاَءِ الْوُزَرَاءُ وَالْمَرَازِبَةُ عِنْدَ الْمَلِكِ وَقَالُوا لَهُ هكَذَا: «أَيُّهَا الْمَلِكُ دَارِيُوسُ، عِشْ إِلَى الأَبَدِ! من أول الآية ديه لغاية آية 23 بيفكرنا بأسبوع الآلام وهنبتدي حتة رمزية (إشارة رمزية للسيد المسيح)
الوزراء وال 120 حاكم راجو للملك وقدموله التحية. وده يفكرنا برؤساء الكهنة والكتبة: لما اجتمعوا واتشاوروا ليجدوا علة علي المسيح.
مجموعة الناس دول اتفقوا مع بعض وراحوا للملك. والملك كان طيب شويتين. والمجموعة ديه اتفقوا علي فكرة. وعلي فكرة شكل الهدف منها حاجة والهدف الحقيقي حاجة تانية خالص.
7إِنَّ جَمِيعَ وُزَرَاءِ الْمَمْلَكَةِ وَالشِّحَنِ وَالْمَرَازِبَةِ وَالْمُشِيرِينَ وَالْوُلاَةِ قَدْ تَشَاوَرُوا عَلَى أَنْ يَضَعُوا أَمْرًا مَلَكِيًّا وَيُشَدِّدُوا نَهْيًا، بِأَنَّ كُلَّ مَنْ يَطْلُبُ طِلْبَةً حَتَّى ثَلاَثِينَ يَوْمًا مِنْ إِلهٍ أَوْ إِنْسَانٍ إِلاَّ مِنْكَ أَيُّهَا الْمَلِكُ، يُطْرَحُ فِي جُبِّ الأُسُودِ. إن كل مسئولين مملكتك اتفقوا على حاجة وطبعا كلامهم كدب لان دانيال النبي مكاننش معاهم في الاتفاق ده. لان دانيال كان من الوزراء التلاتة دول. وطبعا الاتفاق ده كان من وراء دانيال. ميعرفش عنه حاجة.
وديه اختراعات شياطين: أزاي أن محدش يطلب طلب أو أي حاجة من إنسان ولا من إله لمده شهر ويطلبوا بس من الملك؟ فالقصة في ظاهرها إن الناس ديه بتحب الملك أوي وعاوزين يعظموه وعلشان مهابة الملك تظهر قدام الناس والمملكة كلها. بس ممكن نحط عنوان للآية ديه هي: صناعة الدكتاتور او صناعة الآلهة. فهما رايحين يقولوا للملك هنخليه إله. اي حد عاوز حاجة يطلبها منك علطول ومعني كده انه هيبقي أعظم من كل الآلهة بتاعتهم. وطبعا الكلام ده بالنسبة لكل الناس عادي وأكيد فرحانين. لكن بالنسبة لدانيال النبي هيفرق معاه طبعا لان ليه إلهه. ربنا له المجد. وطبعا في الظاهر ان الطلب ده فيه تمجيد للملك وتاليه ليه (تاليه الإنسان يعني يعملوه إله.) لكن جوة الطلب هما عارفين ان دانيال ليه الهه اللي بيعبده ومش هيوافق علي القرار ده ومش هينفذه أصلا. وبكده يكونوا اتخلصوا منه.
والحلو انهم قالوا ان العقوبه انه يطرح في الجب ومقالوش انه لازم يموت في جب الأسود لانهم طبيعي فاكرين انه لما ينزل جب الأسود أكيد الأسود هتخلص عليه في ثانية. فيبقي كده كده ميت.
8فَثَبِّتِ الآنَ النَّهْيَ أَيُّهَا الْمَلِكُ، وَأَمْضِ الْكِتَابَةَ لِكَيْ لاَ تَتَغَيَّرَ كَشَرِيعَةِ مَادِي وَفَارِسَ الَّتِي لاَ تُنْسَخُ». التمثال اللي حلم بيه نبوخذنصر كان فيه أنواع معادن: ذهب وفضة ونحاس وحديد وخزف. واختلاف المعادن يشير الي اختلاف القوة الحاكمة. ونبوخذنصر اتقال عليه في الاصحاح اللي فات: "ايا من شاء قتل وايا من شاء استحيا." يعني كلمتي اللي طلعت هتتنفذ.
هنا في مملكة مادي وفارس اللي حوالين الملك ابتدي يبقي ليهم دور. وكلمة. وللأسف الملك اللي يدي ودنه ويسمع كلام الحاشية بتوعه يضيعوه. زي ما حصل بالظبط مع رحبعام ابن سليمان الحكيم.
في الدستور والقوانين بتاعتهم ان طالما الملك أصدر حكم مينفعش يرجع فيه تاني.
9لأَجْلِ ذلِكَ أَمْضَى الْمَلِكُ دَارِيُوسُ الْكِتَابَةَ وَالنَّهْيَ. وقع الملك في الفخ وكتب وأصدر الأمر. لما حد يمدحك كتير خلي بالك منه وأوعي تصدقه. وأقول جوة نفسي أنا عارف حجمي وإمكانياتي.
"امضي" ... يعني مضي وكأنه مضي علي قرار انه إله الآلهة
10فَلَمَّا عَلِمَ دَانِيآلُ بِإِمْضَاءِ الْكِتَابَةِ ذَهَبَ إِلَى بَيْتِهِ، وَكُواهُ مَفْتُوحَةٌ فِي عُلِّيَّتِهِ نَحْوَ أُورُشَلِيمَ، فَجَثَا عَلَى رُكْبَتَيْهِ ثَلاَثَ مَرَّاتٍ فِي الْيَوْمِ، وَصَلَّى وَحَمَدَ قُدَّامَ إِلهِهِ كَمَا كَانَ يَفْعَلُ قَبْلَ ذلِكَ. دانيال كان ساكن في علية: عبارة عن مكان عالي شوية وكان فيه شبابيك وغالبا كان عامل الشبابيك ديه تبص ناحية اورشليم (لان كانت كل تطلعاتهم وتفكيرهم في اورشليم مدينة الله.)
"جثا علي ركبتيه" ... ديه نفس الجملة اللي قالها معملنا بولس الرسول في افسس " احني ركبتاي". فدانيال سجد. جثى علي ركبتيه خشوع وتذلل وانسحاق أمام الله.
"كما فعل من قبل" ... نفس أسلوب دانيال من وهو شاب لغاية دلوقتي. ودلوقتي عنده حوالي 80 سنة وماشي بنفس المنهج بتاعته مع ربنا له المجد. كان ممكن الشيطان يحاربه ويقوله: عاوز تصلي ماشي براحتك بس اقفل الشباك بتاعك. ولو كان مثلا دانيال أتعرض لفكر زي ده فهو أكيد قاومه لأنه لو قال لو قفلت الشباك فده ضمنيا معناه اني جبان او باطيع امر الملك. وده مش هيحصل. وفضل يعمل زي ما هو متعود وطلع العلية وسجد 3 مرات مع الصلاة وغالبا ديه كانت صلاة زي صلوات السواعي بتاعة الأجبية.
11فَاجْتَمَعَ حِينَئِذٍ هؤُلاَءِ الرِّجَالُ فَوَجَدُوا دَانِيآلَ يَطْلُبُ وَيَتَضَرَّعُ قُدَّامَ إِلهِهِ. أصلا هما عاملين القرار ده علشان يتخلصوا من دانيال النبي، فاجتمعوا مع بعض وبصوا علي دانيال ولقوه برده بيصلي زي ما هو متعود. والمشكلة إن دانيال وهو في بيته كانوا بيراقبوه جوه بيته. وده شئ متعب. 12فَتَقَدَّمُوا وَتَكَلَّمُوا قُدَّامَ الْمَلِكِ فِي نَهْيِ الْمَلِكِ: «أَلَمْ تُمْضِ أَيُّهَا الْمَلِكُ نَهْيًا بِأَنَّ كُلَّ إِنْسَانٍ يَطْلُبُ مِنْ إِلهٍ أَوْ إِنْسَانٍ حَتَّى ثَلاَثِينَ يَوْمًا إِلاَّ مِنْكَ أَيُّهَا الْمَلِكُ يُطْرَحُ فِي جُبِّ الأُسُودِ؟» فَأَجَابَ الْمَلِكُ وَقَالَ: «الأَمْرُ صَحِيحٌ كَشَرِيعَةِ مَادِي وَفَارِسَ الَّتِي لاَ تُنْسَخُ». راحوا للملك وقالوله: مش أنت مضيت القرار إن محدش يطلب حاجة من إله أو إنسان؟ الطلب يكون منك بس واللي يخالف ده يطرح في جب الأسود؟ قالهم صح.13حِينَئِذٍ أَجَابُوا وَقَالُوا قُدَّامَ الْمَلِكِ: «إِنَّ دَانِيآلَ الَّذِي مِنْ بَنِي سَبْيِ يَهُوذَا لَمْ يَجْعَلْ لَكَ أَيُّهَا الْمَلِكُ اعْتِبَارًا وَلاَ لِلنَّهْيِ الَّذِي أَمْضَيْتَهُ، بَلْ ثَلاَثَ مَرَّاتٍ فِي الْيَوْمِ يَطْلُبُ طِلْبَتَهُ». وده يفكرنا لما راحوا اشتكوا الفتية التلاتة (في الاصحاح التالت" 10) وفي الحالتين قالوا للملك: مش عاملين لك اعتبار.
"من بني سبي يهوذا" ... مع ان دانيال ده رئيس الوزراء. فكانوا بيتكلموا عنه بأسلوب مفيهوش احترام.
يا جلالة الملك: دانيال مش عامل لك اي اعتبار وبيصلي 3 مرات في اليوم.
14فَلَمَّا سَمِعَ الْمَلِكُ هذَا الْكَلاَمَ اغْتَاظَ عَلَى نَفْسِهِ جِدًّا، وَجَعَلَ قَلْبَهُ عَلَى دَانِيآلَ لِيُنَجِّيَهُ، وَاجْتَهَدَ إِلَى غُرُوبِ الشَّمْسِ لِيُنْقِذَهُ. علي فكرة الملك بيحب دانيال جدا. وعلشان كده "اغتاظ علي نفسه جدا" ... حس وفهم إن اتعمل فيه مقلب محترم. هو كان فاكر انه هيبقي إله الآلهة وبس. لكن اتضايق جدا لأنه وقع في الفخ بتاعهم وصعبت عليه نفسه. وحاول انه ينقذ دانيال النبي لأنه بيحبه اووووي . وده بيفكرنا ببيلاطس البنطي انه مكانش لاقي عله علي يسوع المسيح له المجد.15فَاجْتَمَعَ أُولئِكَ الرِّجَالُ إِلَى الْمَلِكِ وَقَالُوا لِلْمَلِكُ: «اعْلَمْ أَيُّهَا الْمَلِكُ أَنَّ شَرِيعَةَ مَادِي وَفَارِسَ هِيَ أَنَّ كُلَّ نَهْيٍ أَوْ أَمْرٍ يَضَعُهُ الْمَلِكُ لاَ يَتَغَيَّرُ». قالوله. أوعي ترجع في كلامك أيها الملك. علشان ميقولوش إنك بتقول كلام وبترجع فيه. وده هيعمل لك قلق في المملكة ومش هيسمعوا كلامك بعد كده وبعدين المملكة تضيع منك.
لازم نفهم إننا لما ناخد قرار غلط مهم اووي ولازم نرجع في قرارتنا الغلط. مفيش حاجة اسمها مينفعش ارجع في كلامي. نرجع ونعتذر لأنه قرار غلط.
16حِينَئِذٍ أَمَرَ الْمَلِكُ فَأَحْضَرُوا دَانِيآلَ وَطَرَحُوهُ فِي جُبِّ الأُسُودِ. أَجَابَ الْمَلِكُ وَقَالَ لِدَانِيآلَ: «إِنَّ إِلهَكَ الَّذِي تَعْبُدُهُ دَائِمًا هُوَ يُنَجِّيكَ». وأكيد وهما رايحين يقبضوا علي دانيال سلم نفسه ليهم زي ما حصل مع السيد المسيح لما قبضوا عليه وسلم نفسه بإرادته.
واخدوه علي جب الأسود علشان يلقوه هناك... ازاي كانت مشاعر دانيال؟ وازاي كان فرح الأشرار؟ لان ده مشهد في منتهي الشر منهم وفي منتهي الأمانة والبر من دانيال النبي.
وفعلا رموه في جب الأسود والملك مقدرش يعمل اي حاجة والملك قال لدانيال: "ان إلهك الذي تعبده دائما هو ينجيك." لازم نحفظ الآية ديه " هو ينجيك" آية حلوة اوووي. لما الواحد يكون في امر صعب او ضيقة وزنقة "هو ينجيك". الهنا ينجي من جب الأسود واتون النار ومن كل شر.
معلمنا بولس الرسول قال "الذي نجانا من الموت مثل هذا. وهو ينجي. الذي لنا فيه رجاء انه سينجي ايضا فيما بعد."
وطرحوا دانيال في جب الأسود والجب ليه فتحة من فوق والأسود جعانة جدا. وجايز يكونوا مدوهاش اكل من قبلها وأكيد كمان أصوات الأسود حاجة ترعب.
17وَأُتِيَ بِحَجَرٍ وَوُضِعَ عَلَى فَمِ الْجُبِّ وَخَتَمَهُ الْمَلِكُ بِخَاتِمِهِ وَخَاتِمِ عُظَمَائِهِ، لِئَلاَّ يَتَغَيَّرَ الْقَصْدُ فِي دَانِيآلَ. وحطوا حجر علي الجب من فوق واتختم عليه بختم الملك وختم العظماء علشان محدش يقرب من الجب.
"لئلا يتغير القصد في دانيال " ... زي بالظبط لما المسيح اتحط في القبر ووضعوا حجر ضخم وختموه علشان ممنوع حد يقرب مال الحجر ده. اللي حصل هنا هو قيامة من الموت. "لم تدع تقيك (قدوسك) يري فسادا."
18حِينَئِذٍ مَضَى الْمَلِكُ إِلَى قَصْرِهِ وَبَاتَ صَائِمًا، وَلَمْ يُؤْتَ قُدَّامَهُ بِسَرَارِيهِ وَطَارَ عَنْهُ نَوْمُهُ. "بسراريه" ... ساعات تترجم طعام.
الملك صام مرديش ياكل خالص وراح علي قصره... الآية ديه تفكرنا بسبت النور (الفرح): خلصنا الجمعة العظيمة وتمت الدفنة. فصعبان علينا نسيب المسيح وأننا نروح البيت بسرعة وناكل حاجة بسرعة ونرجع تاني بعد ما نريح شوية علشان نكمل الليلة جنب المسيح. أصل سبت الفرح كان مختلف: كانوا بيخلصوا الجمعة العظيمة ويبتدوا يقروا ال 150 مزمور. مزمور مزمور. لغاية ما يوصلوا للمزمور ال 151 "أنا الصغير في أخواتي" ويبتدوا بيه سبت الفرح. مكانوش بيسيبوا المسيح ويمشوا. وسبت الفرح بنقرا فيه قصص المعجزات. الله الذي يفعل المعجزات زي: سوسنة اللي ربنا خلصها من الأشرار. وأجزاء من سفر يونان النبي وحاجات تانية كتيرة.
19ثُمَّ قَامَ الْمَلِكُ بَاكِرًا عِنْدَ الْفَجْرِ وَذَهَبَ مُسْرِعًا إِلَى جُبِّ الأُسُودِ. "باكرا جدا" ... زي المريمات اللي راحوا باكرا جدا عند القبر.
راح الملك بسرعة في الفجر عند جب الأسود.
20فَلَمَّا اقْتَرَبَ إِلَى الْجُبِّ نَادَى دَانِيآلَ بِصَوْتٍ أَسِيفٍ. أَجَابَ الْمَلِكُ وَقَالَ لِدَانِيآلَ: «يَا دَانِيآلُ عَبْدَ اللهِ الْحَيِّ، هَلْ إِلهُكَ الَّذِي تَعْبُدُهُ دَائِمًا قَدِرَ عَلَى أَنْ يُنَجِّيَكَ مِنَ الأُسُودِ؟» القديس مارافرايم السرياني وهو بيتأمل وبيقول: وهما بيلقوا دانيال في الجب اخذته على كفوفهم علشان ميقعش وعملوا كفوفهم وايديهم زي وسادات (مخدات) علشان يريح عليها.
في الليلة ديه هل ملاك الرب سد أفواه الأسود؟ او ان ربنا انتزع عنهم شراستهم في الوقت ده؟ محدش عارف لغاية ما نتقابل فوق مع دانيال ونعرف منه بالظبط ايه اللي حصل.
وديه عاملة زي لما المسيح كان في القبر. طيب ايه اللي حصل وقتها يارب؟ بس الكنيسة هنا تقولنا ان ربنا له المجد سبي سبيا واعطي الناس كرامات.
الملك قرب من الجب ونادي دانيال وهو اسف علي اللي حصل لدانيال بس كان عنده امل ان اله دانيال هينجيه. وسأله: هل إلهك قدر ينجيك من الأسود؟
21فَتَكَلَّمَ دَانِيآلُ مَعَ الْمَلِكِ: «يَا أَيُّهَا الْمَلِكُ، عِشْ إِلَى الأَبَدِ! وكانت المفاجأة ان دانيال رد عليه من جوة الجب وأداله التحية. وهيبان مدي فرحة الملك واد ايه رعب الوزراء والسلاطين.
"أشهرهم جهارا ظافرا بهم. فيه (في الصليب)." وكمان دانيال في انتصر في الجب. وعلي فكرة مفيش جب من غير ملاك الله. ولا هامان من غير استير... لأن اللي خلص الشعب من هامان كانت استير الملكة وكمان اللي كان عاوز يعمله هامان في مردخاي. العمل ارتد علي هامان نفسه. إلهنا إله عجيب.
22إِلهِي أَرْسَلَ مَلاَكَهُ وَسَدَّ أَفْوَاهَ الأُسُودِ فَلَمْ تَضُرَّنِي، لأَنِّي وُجِدْتُ بَرِيئًا قُدَّامَهُ، وَقُدَّامَكَ أَيْضًا أَيُّهَا الْمَلِكُ، لَمْ أَفْعَلْ ذَنْبًا». "لم افعل ذنبا" ... إلهي بعت ملاكه وسد أفواه الأسود لأني برئ قدام ربنا وقدامك أيها الملك. الحقيقة قيامة ربنا يسوع من الأموات برهان ان المسيح هو القدوس البار الذي لم يفعل ذنبا. مكانش فيه خطية علشان كده قام من الأموات ولم يمسك من الموت. الجحيم والهاوية ميقدروش يمسكوا يسوع لأنه بلا خطية. لكن الجحيم يمسك الخطاة ... إذا دانيال كان رمز للمسيح في الجزء ده.23حِينَئِذٍ فَرِحَ الْمَلِكُ بِهِ، وَأَمَرَ بِأَنْ يُصْعَدَ دَانِيآلُ مِنَ الْجُبِّ. فَأُصْعِدَ دَانِيآلُ مِنَ الْجُبِّ وَلَمْ يُوجَدْ فِيهِ ضَرَرٌ، لأَنَّهُ آمَنَ بِإِلهِهِ. وديه اللي قالها معلمنا بولس الرسول في عبرانيين 11 " بالإيمان أطفئوا قوة النيران وبالإيمان سدوا أفواه اسود."
الإيمان اللي في قلب دانيال أقوى من أفواه الأسود واقوي من جوع الأسود. جميل اوووي إننا نؤمن بالهنا. الهنا يستطيع إن ينجينا.
24فَأَمَرَ الْمَلِكُ فَأَحْضَرُوا أُولئِكَ الرِّجَالَ الَّذِينَ اشْتَكَوْا عَلَى دَانِيآلَ وَطَرَحُوهُمْ فِي جُبِّ الأُسُودِ هُمْ وَأَوْلاَدَهُمْ وَنِسَاءَهُمْ. وَلَمْ يَصِلُوا إِلَى أَسْفَلِ الْجُبِّ حَتَّى بَطَشَتْ بِهِمِ الأُسُودُ وَسَحَقَتْ كُلَّ عِظَامِهِمْ. فرصة الملك انه ياخد حقه نتيجة خداعهم ليه. خطية الواحد ممكن تجيب له كارثة هو واللي معاه في بيته. بالظبط زي اب غلط ممكن يجيب مشكلة او كارثة للأسرة كلها. أو الأولاد حد غلط منهم ممكن يعمل مشكلة للأسرة كلها. وزمان العقوبة مكانتش للشخص بس لكن للأسرة كلها علشان الباقي يخاف وميعملش غلط.
ممكن يكون في ليلة جب الأسود ان الوزراء والكبار دول احتفلوا انهم اتخلصوا من دانيال ومش عارفين انها لليلة الأخيرة ليهم وهيتعاقبوا وهيدخلوا الجب. وهو ده الفرح اللي بيتحول لغم بعد كده. لأنه فرح باطل ومبني علي الظلم. فأكيد مش هيكمل.
وأول ما وصلوا للأسود تحت في الجب, الأسود خلصوا عليهم لان الأسود كانت جعانة.
25ثُمَّ كَتَبَ الْمَلِكُ دَارِيُّوسُ إِلَى كُلِّ الشُّعُوبِ وَالأُمَمِ وَالأَلْسِنَةِ السَّاكِنِينَ فِي الأَرْضِ كُلِّهَا: «لِيَكْثُرْ سَلاَمُكُمْ. الملك كتب امر للكل وبعت تحية "ليكثر السلام.".26مِنْ قِبَلِي صَدَرَ أَمْرٌ بِأَنَّهُ فِي كُلِّ سُلْطَانِ مَمْلَكَتِي يَرْتَعِدُونَ وَيَخَافُونَ قُدَّامَ إِلهِ دَانِيآلَ، لأَنَّهُ هُوَ الإِلهُ الْحَيُّ الْقَيُّومُ إِلَى الأَبَدِ، وَمَلَكُوتُهُ لَنْ يَزُولَ وَسُلْطَانُهُ إِلَى الْمُنْتَهَى. بيقولوا اللي كتبه الملك داريوس كان أعمق شوية من كلام نبوخذنصر لما طلعوا التلات فتية من الأتون.
"القيوم" ... الإله القائم.
والجزء ده لما أدركه نبوخذنصر رجع لعقله وقتها وموجود في الاصحاح الرابع نفس التعبيرات ديه تقريبا.
كتب امر: ان الكل يخاف ويهاب إله دانيال لان ملكوته الي الأبد وسلطانه للمنتهي. وبرده لسه معتبرهوش إلهه هو شخصيا. هو إله دانيال. لأنهم مش عارفين ربنا كإله.
27هُوَ يُنَجِّي وَيُنْقِذُ وَيَعْمَلُ الآيَاتِ وَالْعَجَائِبَ فِي السَّمَاوَاتِ وَفِي الأَرْضِ. هُوَ الَّذِي نَجَّى دَانِيآلَ مِنْ يَدِ الأُسُودِ». "هو ينجي"... تاني مرة تتقال في الاصحاح ده.
الهنا ينجي وينقذ وبيعمل آيات وعجائب في السماوات. وشوفناها لما شق البحر الأحمر ولما نجي دانيال من جب الأسود.
28فَنَجَحَ دَانِيآلُ هذَا فِي مُلْكِ دَارِيُّوسَ وَفِي مُلْكِ كُورَشَ الْفَارِسِيِّ. "فنجح دانيال" ... طبعا لأن فيه روح الله.
فكان دانيال ناجح في فترة ملك الملك داريوس وكمان كورش الملك الفارسي اللي جه بعد داريوس.
وبكده انتهي الجزء التاريخي من سفر دانيال
ومن الاصحاح السابع هيبتدي الجزء اللي مليان بالروئ
إصحاحات نبوية
⪢