⪡ 1بَيْلْشَاصَّرُ الْمَلِكُ صَنَعَ وَلِيمَةً عَظِيمَةً لِعُظَمَائِهِ الأَلْفِ، وَشَرِبَ خَمْرًا قُدَّامَ الأَلْفِ. مادي وفارس محاصرينه بره وهو بدل ما يقعد بعمل خطط حرب للدفاع عن مملكته عمل حفلة كبيرة اسمها حفلة الالف: جايز يكون في قاعة تساع 1000 شخص علشان كده سموها حفلة الالف.) ودعا كل عظماء مملكته. وشرب خمر قدام الكل. وطبعا لما يكون الراس بالشكل ده فأكيد الباقي أصعب منه. 2وَإِذْ كَانَ بَيْلْشَاصَّرُ يَذُوقُ الْخَمْرَ، أَمَرَ بِإِحْضَارِ آنِيَةِ الذَّهَبِ وَالْفِضَّةِ الَّتِي أَخْرَجَهَا نَبُوخَذْنَصَّرُ أَبُوهُ مِنَ الْهَيْكَلِ الَّذِي فِي أُورُشَلِيمَ، لِيَشْرَبَ بِهَا الْمَلِكُ وَعُظَمَاؤُهُ وَزَوْجَاتُهُ وَسَرَارِيهِ. جت فكرة للملك انه يشرب خمر في أواني الفضة والذهب بتاعة بيت الله (الهيكل) اللي جابها جده نبوخذنصر من هيكل اورشليم. بس كانوا في العهد القديم بيقولوا عن الجد انه ابوه. واصلا نبوخذنصر كان محتفظ بالأواني ديه في خزانة هيكل الآلهة بتاعتهم. وكان نبوخذنصر محتفظ بيها مش نوع من الإكرام لكن علشان تبقي تذكار عنده انه انتصر على شعب مملكة يهوذا.
ودايما معظم الحفلات ديه بتتقلب في الآخر زي ما حصل هنا وكمان مع هيرودس الملك قلبت غم برده وقطع راس يوحنا المعمدان. وكمان احشويروش الملك لما عمل حفله وحب يفرج الناس علي جمال مراته الملكة ورفضت وغضب عليها. فلازم نحط في قلوب اولادنا وبناتنا انه بعد سر الاكليل مش لازم حفلات وقاعات فيها رقص. ممكن يعملوا افكار تانية انهم مثلا يسافروا وهكذا.
3حِينَئِذٍ أَحْضَرُوا آنِيَةَ الذَّهَبِ الَّتِي أُخْرِجَتْ مِنْ هَيْكَلِ بَيْتِ اللهِ الَّذِي فِي أُورُشَلِيمَ، وَشَرِبَ بِهَا الْمَلِكُ وَعُظَمَاؤُهُ وَزَوْجَاتُهُ وَسَرَارِيهِ. اللي كان نبوخذنصر جده محافظ عليه هو بهدله. لازم نحط ده درس قدامنا: ساعات احنا كآباء بيكون عندنا مسلمات ونفسنا ننقلها لأولادنا. بس مع الوقت الأولاد مش بيكونوا قابلين الحاجات ديه. مثلا عندنا صوم الأربع والجمعة وأسبوع الآلام وصيامات الكنيسة كلها والصلوات ونفسنا ان اولادنا يطلعوا متعلمين ومتمسكين بالحاجات ديه. فلازم نصلي من قلوبنا ونقوله يارب من جيل الي جيل والي دهر الدهور. علشان يفضل إيمانا ده والمسلمات ديه تفضل لغاية مجيء السيد المسيح له المجد.4كَانُوا يَشْرَبُونَ الْخَمْرَ وَيُسَبِّحُونَ آلِهَةَ الذَّهَبِ وَالْفِضَّةِ وَالنُّحَاسِ وَالْحَدِيدِ وَالْخَشَبِ وَالْحَجَرِ. كانوا بيشربوا الخمر في أنية هيكل الله (هيكل اورشليم) وكمان كانوا بيسبحوا الآلهة بتاعتهم وكأنه كان بيتعمد إهانة قدوس إسرائيل. وكل ده كبرياء منهم لأنه بيتكبر علي الله نفسه. وناسي انه تراب وعلشان كده جاله العقاب في ليلتها علطول.
علي فكرة غلطة الكبار كبيرة اوووي . هو الملك وغلط وجر المملكة كلها وراه وضيع المملكة كلها بإهماله. واستهتاره. زي ماحصل مع مملكة سليمان كانت قوية جدا وبعدين جه ابنه رحبعام المستهتر معجبتهوش مشورة الشيوخ وعجبته مشورة اصدقائه الشباب فانقسمت المملكة وهو بقي معاه سبطين من ال12 سبط.)
5فِي تِلْكَ السَّاعَةِ ظَهَرَتْ أَصَابعُ يَدِ إِنْسَانٍ، وَكَتَبَتْ بِإِزَاءِ النِّبْرَاسِ عَلَى مُكَلَّسِ حَائِطِ قَصْرِ الْمَلِكِ، وَالْمَلِكُ يَنْظُرُ طَرَفَ الْيَدِ الْكَاتِبَةِ. "في تلك الساعة" ... يعني في نفس الوقت ظهرت أصابع بتكتب علي حائط ابيض كبير في قصر الملك.
"مكلس" ... يعني مدهونة ابيض.
"النبراس" ... يعني المصباح. في مصباح عند حيطة بيضاء كبيرة. وجت الايد ديه قعدت تكتب علي الحيطة وكان شايف طرف الأيد بتكتب.
"والملك ينظر" ... اختلفت الآراء: هل الملك لوحده اللي شاف الايد والكتابة ولا بس هو؟ المهم ان الرعب دخل الكل.
6حِينَئِذٍ تَغَيَّرَتْ هَيْئَةُ الْمَلِكِ وَأَفْزَعَتْهُ أَفْكَارُهُ، وَانْحَلَّتْ خَرَزُ حَقْوَيْهِ، وَاصْطَكَّتْ رُكْبَتَاهُ. بعد ما كان قاعد بيشرب ومتكبر وفرحان. وشه اتغير واترعب وكان مفاصله سابت وركبه بقت تخبط في بعضها.7فَصَرَخَ الْمَلِكُ بِشِدَّةٍ لإِدْخَالِ السَّحَرَةِ وَالْكَلْدَانِيِّينَ وَالْمُنَجِّمِينَ، فَأَجَابَ الْمَلِكُ وَقَالَ لِحُكَمَاءِ بَابِلَ: «أَيُّ رَجُل يَقْرَأُ هذِهِ الْكِتَابَةَ وَيُبَيِّنُ لِي تَفْسِيرَهَا فَإِنَّهُ يُلَبَّسُ الأُرْجُوَانَ وَقِلاَدَةً مِنْ ذَهَبٍ فِي عُنُقِهِ، وَيَتَسَلَّطُ ثَالِثًا فِي الْمَمْلَكَةِ». الملك ده صوت زي النساء زي ما قال ارميا النبي "صاروا كنساء". وللأسف صرخ علشان يدخلوله السحرة والمنجمين وكل اللي طلبهم. طيب هل الملك بيلشاصر مسمعش عن دانيال اللي كان في مملكته؟ ليه مجابهوش؟ وليه دانيال مكانش في الحفلة ديه؟ غالبا دانيال كان كبر وباقي السحرة والمنجمين مكانوش عاوزين دانيال لأنه كان الريس بتاعهم وهو عبراني. فاستبعدوه من الحفلة وديه مصيبة.
طيب ولو عارف دانيال والملك مطلبهوش يجي علطول برده تبقي مصيبة. والملك ده يدينا فكرة عن الناس اللي بيهدروا الطاقات... مثلا في بيتنا وأسرتنا: كل واحد في اولادنا عنده طاقة وموهبة. ولو الواحد عرف يستغل الطاقات ديه بتاعة الأولاد فديه تبقي اسرة هايلة عبقرية، ونفس الكلام في خدمة مدارس الاحد: لو الخدام استغلوا طاقات اولادهم في الخدمة ديه تبقي حاجة مفرحة وجميلة.)
لكن الملك ده كان استاذ في اهدار الطاقات. كان عنده دانيال وراكنه على جنب.
فقال للحكماء أي حد هيقرأ الكتابة ديه ويفسرها هالبسه الأرجوان وقلادة من ذهب وهيبقي الراجل التالت في المملكة. طيب ليه الراجل التالت؟ يقال ان ابوه هو الملك الفعلي بس ابوه كان دماغه كبيرة بيحب الآثار والجولوجيا فكان مهتم بيهم وسايب المملكة لابنه المستهتر. يبقي الملك الفعلي وابنه بيلشاصر هو رقم 2. واللي يفسر هيبقي الراجل التالت في المملكة.
8ثُمَّ دَخَلَ كُلُّ حُكَمَاءِ الْمَلِكِ، فَلَمْ يَسْتَطِيعُوا أَنْ يَقْرَأُوا الْكِتَابَةَ، وَلاَ أَنْ يُعَرِّفُوا الْمَلِكَ بِتَفْسِيرِهَا. الآراء اختلفت هنا: البعض قالوا محدش عرف يقرأها والبعض قال عرفوا يقروها بس معرفوش يفسروها. لأنها كانت كلمات مع بعض وبالنسبة لهم مش مكونة جملة مفيدة. وهنا تاني مرة في سفر دانيال نشوف فشل الحكماء وبرده مش بيتعلموا الملوك يطلبوا الحكماء في الاول.
حاجة مهمة في لحظات الضيق بيتكشف إيه اللي جوانا. هنا في لحظات الضيق الملك طلب الحكماء. لا طلب دانيال ولا ربنا له المجد ولا طلب يصلي ويصوم. واحنا كمان في لحظات الشدة المفاجئة يطلع برده اللي جوانا علطول. ناس يطلع جواها غضب او تشتم او تهين. وناس تانية تبص على السماء وتقول يارب وينادوا على القديسين.
وفي رأي تاني ان جايز تكون الكتابة بالعبرية او جايز بلغتهم بس الكتابة مش مترتبة جنب بعض علشان تكون جملة مفيدة. المهم انهم معرفوش يفسروها.
9فَفَزَعَ الْمَلِكُ بَيْلْشَاصَّرُ جِدًّا وَتَغَيَّرَتْ فِيهِ هَيْئَتُهُ، وَاضْطَرَبَ عُظَمَاؤُهُ. الملك اضطرب واترعب. لما كان مبسوط وعامل الحفلة العظماء بتوعه كانوا فرحانين زيه. ولما اتضطرب واترعب هما كمان بقوا زيه بالظبط.10أَمَّا الْمَلِكَةُ فَلِسَبَبِ كَلاَمِ الْمَلِكِ وَعُظَمَائِهِ دَخَلَتْ بَيْتَ الْوَلِيمَةِ، فَأَجَابَتِ الْمَلِكَةُ وَقَالَتْ: «أَيُّهَا الْمَلِكُ، عِشْ إِلَى الأَبَدِ! لاَ تُفَزِّعْكَ أَفْكَارُكَ وَلاَ تَتَغَيَّرُ هَيْئَتُكَ. "الملكة" ... ديه مش مراته لان زوجاته وسراريه كانوا معاه في الحفلة. فديه كانت جدته ومكانتش معاه في الحفلة. بس راحت ودخلت لهم واديت تحية للملك ... "عش الي الابد.". وقالتله اطمن متخافش.
الملكة ديه شهدت لدانيال شهادة جميلة جدا ومنها هنقدر نعرف صفات دانيال الجميلة.
11يُوجَدُ فِي مَمْلَكَتِكَ رَجُلٌ فِيهِ رُوحُ الآلِهَةِ الْقُدُّوسِينَ، وَفِي أَيَّامِ أَبِيكَ وُجِدَتْ فِيهِ نَيِّرَةٌ وَفِطْنَةٌ وَحِكْمَةٌ كَحِكْمَةِ الآلِهَةِ، وَالْمَلِكُ نَبُوخَذْنَصَّرُ أَبُوكَ جَعَلَهُ كَبِيرَ الْمَجُوسِ وَالسَّحَرَةِ وَالْكَلْدَانِيِّينَ وَالْمُنَجِّمِينَ. أَبُوكَ الْمَلِكُ. 1) "روح الالهة القدوسين" ... نفس كلام زوجها نبوخذنصر. وبلغة العهد الجديد: فيه روح الله. وده اول سبب من عظمة دانيال... "ابيك" ... قصدها جده نبوخذنصر.
2) "نيرة" ... يعني نور او استنارة. وكلنا نفسنا يبقي عندنا استنارة. نطلب من ربنا له المجد ونقوله: يارب نور قلبنا وفكرنا وعنينا علشان منضيعش عمرنا على الفاضي. ونكون بنفكر فيك وبنحبك.
3) فطنة وحكمة ... فكل انواع الحكمة موجودة في دانيال. لان الحكمة انواع.
وجدك نبوخدنصر كان مخلي دانيال كبير الحكماء. عاوزة تقوله: طيب انت معملتش ليه زي جدك مع دانيال؟
12مِنْ حَيْثُ إِنَّ رُوحًا فَاضِلَةً وَمَعْرِفَةً وَفِطْنَةً وَتَعْبِيرَ الأَحْلاَمِ وَتَبْيِينَ أَلْغَازٍ وَحَلَّ عُقَدٍ وُجِدَتْ فِي دَانِيآلَ هذَا، الَّذِي سَمَّاهُ الْمَلِكُ بَلْطَشَاصَّرَ. فَلْيُدْعَ الآنَ دَانِيآلُ فَيُبَيِّنَ التَّفْسِيرَ». وهنا الجدة الملكة بتكرر نفس الكلام.
"روحا فاضلة" ... نفس معني روح الالهة القدوسين. يعني روح الله.
"معرفة وفطنة" ... معناها حكمة.
وعلشان دانيال عنده الحاجات ديه فهو يقدر يعرف ويفسرلك الكلام اللي شوفته.
دانيال رجل: صوم وصلاة ونعمة والايمان والحكمة والاستنارة. المملوء من روح الله. يعني شخص من الشخصيات النادرة. فقالت له هات دانيال وهيقولك علي التفسير ويحل لك الالغاز ديه.
13حِينَئِذٍ أُدْخِلَ دَانِيآلُ إِلَى قُدَّامِ الْمَلِكِ. فَأَجَابَ الْمَلِكُ وَقَالَ لِدَانِيآلَ: «أَأَنْتَ هُوَ دَانِيآلُ مِنْ بَنِي سَبْيِ يَهُوذَا، الَّذِي جَلَبَهُ أَبِي الْمَلِكُ مِنْ يَهُوذَا؟ 14قَدْ سَمِعْتُ عَنْكَ أَنَّ فِيكَ رُوحَ الآلِهَةِ، وَأَنَّ فِيكَ نَيِّرَةً وَفِطْنَةً وَحِكْمَةً فَاضِلَةً. ودخلوا دانيال للملك. وقاله "أأنت؟" يعني معني كده انه مكانش عارف دانيال. وكلمه بطريقة مستفزة: انت دانيال اللي جابك نبوخذنصر من بني يهوذا مسبي هنا؟ مع ان جدته الملكة شرحتله الموقف بس هو مستفز. وقاله نفس الصفات اللي في دانيال اللي قالتهاله جدته.15وَالآنَ أُدْخِلَ قُدَّامِي الْحُكَمَاءُ وَالسَّحَرَةُ لِيَقْرَأُوا هذِهِ الْكِتَابَةَ وَيُعَرِّفُونِي بِتَفْسِيرِهَا، فَلَمْ يَسْتَطِيعُوا أَنْ يُبَيِّنُوا تَفْسِيرَ الْكَلاَمِ. 16وَأَنَا قَدْ سَمِعْتُ عَنْكَ أَنَّكَ تَسْتَطِيعُ أَنْ تُفَسِّرَ تَفْسِيرًا وَتَحُلَّ عُقَدًا. فَإِنِ اسْتَطَعْتَ الآنَ أَنْ تَقْرَأَ الْكِتَابَةَ وَتُعَرِّفَنِي بِتَفْسِيرِهَا فَتُلَبَّسُ الأُرْجُوانَ وَقِلاَدَةً مِنْ ذَهَبٍ فِي عُنُقِكَ وَتَتَسَلَّطُ ثَالِثًا فِي الْمَمْلَكَةِ». حكي له الحكاية وان محدش عرف يفسرله أي حاجة. ولو أنت عرفت هاخليك التالت في المملكة. يعني الملك ده كان فاكر ان عنده وقت. هو أصلا هيموت في نفس الليلة.17فَأَجَابَ دَانِيآلُ وَقَالَ قُدَّامَ الْمَلِكِ: «لِتَكُنْ عَطَايَاكَ لِنَفْسِكَ وَهَبْ هِبَاتِكَ لِغَيْرِي. لكِنِّي أَقْرَأُ الْكِتَابَةَ لِلْمَلِكِ وَأُعَرِّفُهُ بِالتَّفْسِيرِ. دانيال قاله: مش عاوز هدايا واديها لحد غيري. بس هاقولك على الكتابة والتفسير... هنا إجابة دانيال تفكرنا باتنين:
-ابونا ابراهيم: في تكوين 14. لما قال لملك سدوم مش هاخد منك حاجة لئلا تقول إني اغنيت ابراهيم. وده لما ملك سدوم كانو عاوز يديله هدايا.
-ومعملنا بطرس الرسول: لما سيمون الساحر بيديهم فضة علشان يشتري موهبة الله. فبطرس الرسول قاله: "لتكن فضتك معك للهلاك."
دانيال عارف ان بعد 70 سنة هينتهي السبي وعارف ان مادي وفارس بره بابل وجاهزين لدخول بابل. وان مملكة الفضة هي مادي وفارس. فسقوط بابل امر مؤكد ومع كل ده الملك عمال يقول لدانيال هاديك هدايا وهتلبس الأرجوان.
18أَنْتَ أَيُّهَا الْمَلِكُ، فَاللهُ الْعَلِيُّ أَعْطَى أَبَاكَ نَبُوخَذْنَصَّرَ مَلَكُوتًا وَعَظَمَةً وَجَلاَلاً وَبَهَاءً. 19وَلِلْعَظَمَةِ الَّتِي أَعْطَاهُ إِيَّاهَا كَانَتْ تَرْتَعِدُ وَتَفْزَعُ قُدَّامَهُ جَمِيعُ الشُّعُوبِ وَالأُمَمِ وَالأَلْسِنَةِ. فَأَيًّا شَاءَ قَتَلَ، وَأَيًّا شَاءَ اسْتَحْيَا، وَأَيًّا شَاءَ رَفَعَ، وَأَيًّا شَاءَ وَضَعَ. 20فَلَمَّا ارْتَفَعَ قَلْبُهُ وَقَسَتْ رُوحُهُ تَجَبُّرًا، انْحَطَّ عَنْ كُرْسِيِّ مُلْكِهِ، وَنَزَعُوا عَنْهُ جَلاَلَهُ، 21وَطُرِدَ مِنْ بَيْنِ النَّاسِ، وَتَسَاوَى قَلْبُهُ بِالْحَيَوَانِ، وَكَانَتْ سُكْنَاهُ مَعَ الْحَمِيرِ الْوَحْشِيَّةِ، فَأَطْعَمُوهُ الْعُشْبَ كَالثِّيرَانِ، وَابْتَلَّ جِسْمُهُ بِنَدَى السَّمَاءِ، حَتَّى عَلِمَ أَنَّ اللهَ الْعَلِيَّ سُلْطَانٌ فِي مَمْلَكَةِ النَّاسِ، وَأَنَّهُ يُقِيمُ عَلَيْهَا مَنْ يَشَاءُ. نشوف اسلوب دانيال النبي مع الملك ده بالمقارنة لأسلوب دانيال مع نبوخذنصر. هنا في الآيات ديه الكلام عن نبوخذنصر: "جلالا وبهاءا" ... يعني مجد وكرامة. وربنا اللي مديهوم لنبوخذنصر. وجدك الناس كلها كانت بتترعب منه وأنت دلوقتي محاصرينك بره.
ولما اتكبر جدك وشالوه من حكمه للمملكة واتطرد من بين الناس وعاش كالحيوان. ولما فاق لنفسه وعرف ان الله هو الله العلي. رجع له عقله ورجع للمملكة والحكم تاني.
22وَأَنْتَ يَا بَيْلْشَاصَّرُ ابْنَهُ لَمْ تَضَعْ قَلْبَكَ، مَعَ أَنَّكَ عَرَفْتَ كُلَّ هذَا، مشكلتك يا بيلشاصر إنك اتكبرت مع إنك عارف حكاية جدك.23بَلْ تَعَظَّمْتَ عَلَى رَبِّ السَّمَاءِ، فَأَحْضَرُوا قُدَّامَكَ آنِيَةَ بَيْتِهِ، وَأَنْتَ وَعُظَمَاؤُكَ وَزَوْجَاتُكَ وَسَرَارِيكَ شَرِبْتُمْ بِهَا الْخَمْرَ، وَسَبَّحْتَ آلِهَةَ الْفِضَّةِ وَالذَّهَبِ وَالنِّحَاسِ وَالْحَدِيدِ وَالْخَشَبِ وَالْحَجَرِ الَّتِي لاَ تُبْصِرُ وَلاَ تَسْمَعُ وَلاَ تَعْرِفُ. أَمَّا اللهُ الَّذِي بِيَدِهِ نَسَمَتُكَ، وَلَهُ كُلُّ طُرُقِكَ فَلَمْ تُمَجِّدْهُ. وشربتم خمر في أواني بيت الله وبتسبحوا شوية حجارة وخشب. شوية الهة مش بتشوف ولا بتسمع وملهاش مخ ... "ولا تعرف.". لكن ربنا اللي انت كل حياتك في ايديه مدتهوش المجد واستخدمت حاجة ربنا لخدمة الشيطان.
وده بالظبط زي حد عنده موهبة من ربنا له المجد ويستخدمها استخدام سئ بتبقي حاجة صعبة . مثلا حد ذكي جدا يستخدم الذكاء ده في الشر او السرقة.
24حِينَئِذٍ أُرْسِلَ مِنْ قِبَلِهِ طَرَفُ الْيَدِ، فَكُتِبَتْ هذِهِ الْكِتَابَةُ. والكتابة ديه جاية من عند ربنا اللي أنت اتكبرت عليه.25وَهذِهِ هِيَ الْكِتَابَةُ الَّتِي سُطِّرَتْ: مَنَا مَنَا تَقَيْلُ وَفَرْسِينُ. هو ده الكلام المكتوب.26وَهذَا تَفْسِيرُ الْكَلاَمِ: مَنَا، أَحْصَى اللهُ مَلَكُوتَكَ وَأَنْهَاهُ. مملكتك جت لنهايتها وايامك خلاص انتهت.27تَقَيْلُ، وُزِنْتَ بِالْمَوَازِينِ فَوُجِدْتَ نَاقِصًا. 28فَرْسِ، قُسِمَتْ مَمْلَكَتُكَ وَأُعْطِيَتْ لِمَادِي وَفَارِسَ». احنا لازم ناخد درس من الكتابة ديه:
"منا" ... كل واحد فينا ليه عمر محدد. الله احصاه. فلازم في يوم من الايام لينا نهاية.
لكن المشكلة في " تقيل" ... هل لما نتوزن قدام الله سنوجد ناقصين؟
"وفرس" ... وهل في عقوبة؟ فلازم نفكر في الآية ديه: هنجي في نهاية العمر وهنتوزن قدام الله. فهل هتكون لينا عقوبة ولا مجد؟؟؟
29حِينَئِذٍ أَمَرَ بَيْلْشَاصَّرُ أَنْ يُلْبِسُوا دَانِيآلَ الأَرْجُوانَ وَقِلاَدَةً مِنْ ذَهَبٍ فِي عُنُقِهِ، وَيُنَادُوا عَلَيْهِ أَنَّهُ يَكُونُ مُتَسَلِّطًا ثَالِثًا فِي الْمَمْلَكَةِ. ولما عرف التفسير ادي امر انهم يكرموا دانيال ويكون تالت واحد في المملكة.
طيب ليه يارب سمحت لدانيال بالتكريم ده؟ مع إن بيلشاصر فاضله كام ساعة وهيموت. قالوا علشان لما يدخل ملك مادي وفارس ويشوف دانيال في مجده ولبسه الفخم ده ويسال هو ليه دانيال لابس كده؟ يقولوله : هو ده اللي اتنبا عن نهاية مملكة بابل وبداية ملك كورش . فيطلب من دانيال انه يحكي له. ولما يعرف القصة الملك يبتدي يدي لدانيال مجد وكرامة. وكل ده حكمة ربنا له المجد. وبعدين دانيال هيقول لكورش الملك ده انت اسمك مكتوب وموجود في الكتاب عندنا. وكورش هيفرح.
30فِي تِلْكَ اللَّيْلَةِ قُتِلَ بَيْلْشَاصَّرُ مَلِكُ الْكَلْدَانِيِّينَ، في نفس الليلة اتقتل بيلشاصر.
لازم ناخد درس: مملكة بابل كانت اداة في يد الله لعقاب مملكة يهوذا. وهنا سقطت مملكة بابل لما اتكبرت واكتمل اثمها وخطاياها قدام ربنا له المجد. فلازم نتعظ ونخلي بالنا.
31فَأَخَذَ الْمَمْلَكَةَ دَارِيُّوسُ الْمَادِيُّ وَهُوَ ابْنُ اثْنَتَيْنِ وَسِتِّينَ سَنَةً. واتولي المملكة الجديدة داريوس المادي (من مملكة مادي وفارس) وكان سنه وقتها 62 سنة. ⪢