⪡ 1مِنْ نَبُوخَذْنَصَّرَ الْمَلِكِ إِلَى كُلِّ الشُّعُوبِ وَالأُمَمِ وَالأَلْسِنَةِ السَّاكِنِينَ فِي الأَرْضِ كُلِّهَا: لِيَكْثُرْ سَلاَمُكُمْ. الاصحاح ده كتبة نبوخذنصر. وهو وثني. ودانيال أخد وثيقة الملك ديه وحطها في الكتاب المقدس. واللي هيقرأ الاصحاح ده هيجيله شعور: ان في بعض الكلمات غريبة زي مثلا: الساهر / القدوس/ روح الآلهة القدوسين.
فديه مش تعبيرات الكتاب المقدس. لكن تعبيرات ملك وثني. علشان كده هنلاقي حاجات تقيلة علي ودانا مش متعودين عليها. وده دليل للناس اللي بينتقدوا الكتاب المقدس. ودليل ان الكتاب المقدس صحيح.
إذا الملك كان بيكتب رسالته ديه للناس... زمان لما الملك يتعظم في نفسه. يفتكر انه ملك الارض كلها. فهنا بيكتب لكل الأرض وفاكر نفسه ملك الملوك.
2اَلآيَاتُ وَالْعَجَائِبُ الَّتِي صَنَعَهَا مَعِي اللهُ الْعَلِيُّ، حَسُنَ عِنْدِي أَنْ أُخْبِرَ بِهَا. عاوز اقولكم اللي حصل معايا أنا شخصيا. الآيات والعجائب اللي الله العلي عملها معايا. انا مبسوط أنى اقولكم إيه اللي حصل معايا ... وده عكس لما بيحصل معانا حاجة مش حلوة الواحد بيتكسف يقولها للناس لدرجة إن البعض بيكدب علشان ميقولش الحقيقة.3آيَاتُهُ مَا أَعْظَمَهَا، وَعَجَائِبُهُ مَا أَقْوَاهَا! مَلَكُوتُهُ مَلَكُوتٌ أَبَدِيٌّ وَسُلْطَانُهُ إِلَى دَوْرٍ فَدَوْرٍ. ساعات لما ربنا يسمح لينا ندخل في تجربة او ضيقة بنطلع من التجربة ديه بخلاصة وخبرة معينة. وده اللي حصل مع الملك وطلع لينا وقالنا الخلاصة. بيقول ده حصل معايا شخصيا: شوفت آياته وعجائبه. الملك كان فاكر ان مملكته ديه مش هتنتهي. بس ربنا له المجد وصله: ان كل الممالك ديه هتنتهي حتي مملكتك.
ربنا له المجد قاله: الملكوت الوحيد اللي مش هينتهي هو ملكوتي. وسلطاني الوحيد هو مش هينتهي. ووصل الدرس كويس لنبوخذ نصر.
4أَنَا نَبُوخَذْنَصَّرُ قَدْ كُنْتُ مُطْمَئِنًّا فِي بَيْتِي وَنَاضِرًا فِي قَصْرِي. لما ابتدي يحكي القصة مقالش انا الملك. فهو خلاص عرف حجمه كويس. فبيقول أنا كنت مطمن في بيتي وكنت قوي.
درس نتعلمه: ساعات الاطمئنان والراحة بيبقوا مزيفين: مثلا حد مطمن أن معاه فلوس كتير. ويقدر يعمل اي حاجة في اي وقت. لكن طبعا مش ديه الراحة الحقيقية. الراحة والاطمئنان الوحيد في ربنا له المجد.
5رَأَيْتُ حُلْمًا فَرَوَّعَنِي، وَالأَفْكَارُ عَلَى فِرَاشِي وَرُؤَى رَأْسِي أَفْزَعَتْنِي. بس ربنا مسابهوش. بيقول: أنا شوفت حلم.
ربنا له المجد جميل اووي وعلشان ميجيش حد بعد كده ويقول الناس ديه ذنبها ايه؟ ديه نفس طريقة معاملة ربنا له المجد من الآف السنين: إن ربنا بيوصل الرسالة لكل نفس. ونبوخذنصر دليل علي تعاملات الله.
شاف حلم ... علشان ربنا له المجد يوضحله إن راحته ديه مش دايما. غالبا دخل في كل الحروب وانتصر فيها وبقي مستريح خالص. فكان قاعد هادي ومبسوط في قصره.
6فَصَدَرَ مِنِّي أَمْرٌ بِإِحْضَارِ جَمِيعِ حُكَمَاءِ بَابِلَ قُدَّامِي لِيُعَرِّفُونِي بِتَعْبِيرِ الْحُلْمِ. 7حِينَئِذٍ حَضَرَ الْمَجُوسُ وَالسَّحَرَةُ وَالْكَلْدَانِيُّونَ وَالْمُنَجِّمُونَ، وَقَصَصْتُ الْحُلْمَ عَلَيْهِمْ، فَلَمْ يُعَرِّفُونِي بِتَعْبِيرِهِ. وأصدرت أمر أن كل الحكماء يجوا ويعرفوني تفسير الحلم ولما حكيت لهم الحلم محدش عرف يفسره.
طيب ما كان المفروض يجيب دانيال من الاول. ما هو جرب دانيال قبل كده في الحلم الاول. بس هو مشي علي نفس الخطوات الأولانية ... بس لما نشوف الحلم نفسه يمكن نفهم ليه هو مستدعاش دانيال من الأول.
هيقول "الساهر القدوس" وهو أصلا ميعرفش كلمة القدوس. فغالبا حس ان الحلم فيه حاجة من عند إله دانيال. وغالبا في عقوبة. فحب يشوف مع الحكماء في الأول ولو معرفوش نشوف دانيال. بس المرة ديه هو اللي قالهم الحلم وكان عاوز تفسيره. بس محدش عرف تفسيره. او جايز يكونوا عرفوه معناه بس خافوا يوصلوله انه هيبقي زي الحيوانات في العيشة والتصرف. وحتى لو عرفوه التفسير فهما مش مقتنعين انه ازاي يبقي زي الحيوانات لأنهم مشافوش إنسان قبل كده بقي في الوضع ده. فالموضوع كان صعب.
وكمان حاجة مهمة: طالما الحلم من الله فلازم اللي يفسره يكون من الله برده.
8أَخِيرًا دَخَلَ قُدَّامِي دَانِيآلُ الَّذِي اسْمُهُ بَلْطَشَاصَّرُ كَاسْمِ إِلهِي، وَالَّذِي فِيهِ رُوحُ الآلِهَةِ الْقُدُّوسِينَ، فَقَصَصْتُ الْحُلْمَ قُدَّامَهُ: وفي الاخر طلبت دانيال واللي اسمه بلطشاصر علي اسم الهي.
"روح الالهة القديسين" ... احنا معندناش التعبيرات ديه. بس هو بيعبر بطريقته. وحكيت الحلم لدانيال.
وطبعا دانيال أكيد مكانش فرحان بالاسم البابلي ده ولأنه علي اسم اله الملك البابلي. الملك هنا بيقول إن فيه حاجة من عند الآلهة. مش عارف ايه هي بس عنده حاجة منهم. بس ده اعتراف من الملك الوثني ان دانيال فيه من روح الله.
9«يَا بَلْطَشَاصَّرُ، كَبِيرُ الْمَجُوسِ، مِنْ حَيْثُ إِنِّي أَعْلَمُ أَنَّ فِيكَ رُوحَ الآلِهَةِ الْقُدُّوسِينَ، وَلاَ يَعْسُرُ عَلَيْكَ سِرٌّ، فَأَخْبِرْنِي بِرُؤَى حُلْمِي الَّذِي رَأَيْتُهُ وَبِتَعْبِيرِهِ. يا بلطشاصر كبير المجوس وأكيد ديه حاجة تجرح دانيال زي موضوع ان خلي اسمه علي اسم الهه اللي هو البعل. (لان دانيال عبد يهوه. عبد وابن ربنا له المجد).
وده اعتراف من الملك: انت فيك روح الالهة ومفيش حاجة صعبة عليك. وده طبعا لأنه جرب ده في الحلم الاولاني. فهنا هيحكي الحلم وعاوز تفسيره... وده يمكن اقتناع الملك ان فيه روح الله ومفيش حاجة تخفي او تستخبي عليه. وده غالبا يفسر ليه دانيال مكانش موجود ساعة التمثال من الذهب. جايز يكون الملك مستدعهوش او بعته مأمورية بعيدة. لأنه عارف إن دانيال فيه روح الالهة القدوسين. ومفيش حاجة بتخفي علي دانيال. فخاف ليبوظ له الحفلة علشان كده دانيال متذكرش خالص في الاصحاح اللي فات.
10فَرُؤَى رَأْسِي عَلَى فِرَاشِي هِيَ: أَنِّي كُنْتُ أَرَى فَإِذَا بِشَجَرَةٍ فِي وَسَطِ الأَرْضِ وَطُولُهَا عَظِيمٌ. 11فَكَبُرَتِ الشَّجَرَةُ وَقَوِيَتْ، فَبَلَغَ عُلُوُّهَا إِلَى السَّمَاءِ وَمَنْظَرُهَا إِلَى أَقْصَى كُلِّ الأَرْضِ. 12أَوْرَاقُهَا جَمِيلَةٌ وَثَمَرُهَا كَثِيرٌ وَفِيهَا طَعَامٌ لِلْجَمِيعِ، وَتَحْتَهَا اسْتَظَلَّ حَيَوَانُ الْبَرِّ، وَفِي أَغْصَانِهَا سَكَنَتْ طُيُورُ السَّمَاءِ، وَطَعِمَ مِنْهَا كُلُّ الْبَشَرِ. كل ديه كتابات الملك بنفسه. بيحكي الحلم: يا دانيال ان شوفت شجرة في وسط الارض. (في آراء بتقول: انهم بيعتبروا إن بابل في وسط الارض. بس الارض الشريرة. بس برده كانوا بيعتبروا إن اورشليم في وسط الارض.)
والشجرة كبرت اوي ووصلت للسماء ومنظرها جميل جدا واوراقها جميلة وفيها ثمر كتير جدا. والحيوانات قاعدة تحتها والطيور ساكنة فيها وفيها اكل لكل البشر.
13كُنْتُ أَرَى فِي رُؤَى رَأْسِي عَلَى فِرَاشِي وَإِذَا بِسَاهِرٍ وَقُدُّوسٍ نَزَلَ مِنَ السَّمَاءِ، "ساهر"... في الترجمة معناها سهران. مش بينام.
"قدوس"... يعني بلا خطية. غريب التعبير ده اننا نسمعه من الملك الوثني. يعني الساهر القدوس نزل من السماء.
14فَصَرَخَ بِشِدَّةٍ وَقَالَ هكَذَا: اقْطَعُوا الشَّجَرَةَ، وَاقْضِبُوا أَغْصَانَهَا، وَانْثُرُوا أَوْرَاقَهَا، وَابْذُرُوا ثَمَرَهَا، لِيَهْرُبَ الْحَيَوَانُ مِنْ تَحْتِهَا وَالطُّيُورُ مِنْ أَغْصَانِهَا. وده الحكم: اقطعوا الشجرة. "اقصوا اغصانها " يعني قصوها. وكل الجمال اللي شوفناه في الشجرة ديه من اوراق واغصان والحيوان تحتها والطيور اللي عليها ... كل ده اتبدد.15وَلكِنِ اتْرُكُوا سَاقَ أَصْلِهَا فِي الأَرْضِ، وَبِقَيْدٍ مِنْ حَدِيدٍ وَنُحَاسٍ فِي عُشْبِ الْحَقْلِ، وَلْيَبْتَلَّ بِنَدَى السَّمَاءِ، وَلْيَكُنْ نَصِيبُهُ مَعَ الْحَيَوَانِ فِي عُشْبِ الْحَقْلِ. بس سيبوا الساق بتاعتها الأصل بتاع الشجرة في الأرض زي ما هو وتبقي مقيدة بحديد ونحاس في عشب الحقل. وبعد ما كان بيتكلم عن شجرة هيتكلم عن إنسان انه هيتبل من ندي السماء.16لِيَتَغَيَّرْ قَلْبُهُ عَنِ الإِنْسَانِيَّةِ، وَلِْيُعْطَ قَلْبَ حَيَوَانٍ، وَلْتَمْضِ عَلَيْهِ سَبْعَةُ أَزْمِنَةٍ. برده بعد الكلام عن الشجرة. بقي يتكلم عن انسان.17هذَا الأَمْرُ بِقَضَاءِ السَّاهِرِينَ، وَالْحُكْمُ بِكَلِمَةِ الْقُدُّوسِينَ، لِكَىْ تَعْلَمَ الأَحْيَاءُ أَنَّ الْعَلِيَّ مُتَسَلِّطٌ فِي مَمْلَكَةِ النَّاسِ، فَيُعْطِيهَا مَنْ يَشَاءُ، وَيُنَصِّبَ عَلَيْهَا أَدْنَى النَّاسِ. كان بيتكلم عن ساهر واحد وقدوس واحد. دلوقتي بصيغة الجمع ساهرين وقدوسين. والآباء المفسرين قالوا: وفيما هو لا يعلم قد اعطي إعلان عن الله الواحد المثلث الاقانيم. فده كان إعلان مخفي للملك الوثني.
"لكي تعلم الاحياء ان العلي متسلط في مملكة الناس" ... زمان كان عندهم اعتقاد ان إله السماء هو في السماء وملهوش علاقة بالأرض. بس هنا ربنا له المجد بيقوله لا أنا ضابط الكل السماء والارض وكل مكان. حلوة الخبرة اللي اتعلمها نبوخذنصر. وحلو كمان إننا ناخد الخبرة ديه :"فيعطيها من يشاء وينصب عليها اذي الناس." ..."الرافع البائس من المزبلة." يا نبوخدنصر كلكم تراب. وممكن ربنا ياخد منك المملكة ويديها لأدني الناس.
لازم كلنا نعرف ان الامور مش ماشية بعشوائية لان في ضابط الكل.
18هذَا الْحُلْمُ رَأَيْتُهُ أَنَا نَبُوخَذْنَصَّرَ الْمَلِكَ. أَمَّا أَنْتَ يَا بَلْطَشَاصَّرُ فَبَيِّنْ تَعْبِيرَهُ، لأَنَّ كُلَّ حُكَمَاءِ مَمْلَكَتِي لاَ يَسْتَطِيعُونَ أَنْ يُعَرِّفُونِي بِالتَّعْبِيرِ. أَمَّا أَنْتَ فَتَسْتَطِيعُ، لأَنَّ فِيكَ رُوحَ الآلِهَةِ الْقُدُّوسِينَ». أنت بقي يا بلطشاصر قولي التفسير. لان حكماء مملكتي معرفوش يفسروه. 19حِينَئِذٍ تَحَيَّرَ دَانِيآلُ الَّذِي اسْمُهُ بَلْطَشَاصَّرُ سَاعَةً وَاحِدَةً وَأَفْزَعَتْهُ أَفْكَارُهُ. أَجَابَ الْمَلِكُ وَقَالَ: «يَا بَلْطَشَاصَّرُ، لاَ يُفْزِعُكَ الْحُلْمُ وَلاَ تَعْبِيرُهُ». فَأَجَابَ بَلْطَشَاصَّرُ وَقَالَ: «يَا سَيِّدِي، الْحُلْمُ لِمُبْغِضِيكَ وَتَعْبِيرُهُ لأَعَادِيكَ. دانيال النبي اتفزع / اضطرب. مع انه المفروض يفرح لأنه عارف ان الحلم ده معناه عقاب للملك الي اخدهم في السبي ودمر اورشليم والهيكل. بس دانيال إنسان جميل اوووي.
"ساعة واحدة" ... مش معناها 60 دقيقة. لكن عبارة عن وقت من الزمن.
دانيال عرف التفسير واللي هيحصل للملك وهو مش من النوع اللي بيخاف من الناس بس المفروض إن نبوخذنصر هو الملك وانه يكون خاضع ليه.
ارميا النبي قال ايه لليهود قبل السبي وكانوا لسه رايحين للسبي. ارميا 29 "واطلبوا سلام المدينة اللي سبيتكم اليها (ده كلام ربنا له المجد علي لسان ارميا النبي لشعبه) وصلوا لأجلها الي الرب لأنه بسلامها يكون لكم سلام."
دانيال النبي كان عارف الآية ديه: انه بسلام نبوخذنصر وبابل هيكون سلام لليهود المسبيين وعارف انهم لازم هيفضلوا 70 سنة كاملة مسبيين.
والملك خد باله ان دانيال اتغير. وهو كان عنده احساس ان الحلم ده فيه عقوبة ليه.
ودانيال قاله يا سيدي الحلم لمبغضيك وتعبيره لأعاديك. وديه مش معناها ان دانيال بيدعي علي الأعداء لكن زي ما أوقات الناس تقول: ان شاء لله عدوك. وده يوضح ان دانيال كان انسان جميل وقلبه جميل. وفي ارميا 51 : 34 – 36 كان الكلام عن نبوخذنصر.
20اَلشَّجَرَةُ الَّتِي رَأَيْتَهَا، الَّتِي كَبُرَتْ وَقَوِيَتْ وَبَلَغَ عُلُوُّهَا إِلَى السَّمَاءِ، وَمَنْظَرُهَا إِلَى كُلِّ الأَرْضِ، 21وَأَوْرَاقُهَا جَمِيلَةٌ وَثَمَرُهَا كَثِيرٌ وَفِيهَا طَعَامٌ لِلْجَمِيعِ، وَتَحْتَهَا سَكَنَ حَيَوَانُ الْبَرِّ، وَفِي أَغْصَانِهَا سَكَنَتْ طُيُورُ السَّمَاءِ، 22إِنَّمَا هِيَ أَنْتَ يَاأَيُّهَا الْمَلِكُ، الَّذِي كَبُرْتَ وَتَقَوَّيْتَ، وَعَظَمَتُكَ قَدْ زَادَتْ وَبَلَغَتْ إِلَى السَّمَاءِ، وَسُلْطَانُكَ إِلَى أَقْصَى الأَرْضِ. الشجرة هي انت ايها الملك. ووصف الشجرة ديه بيدينا وصف عن نبوخذنصر ومملكة بابل.
بابل كانت بتتميز بالجمال " اوراقها جميلة.
من عجائب الدنيا السبعة القديمة: حدائق بابل المعلقة وكانت في منتهي الجمال وكانت بابل مشهورة بالجمال.
"وكان ثمرها كتير" ... كان فيها خير كتير جدا. وكله كان بيلاقي حماية عند نبوخذنصر... ان حيوان البر تحت الشجر والطيور في اغصانها.
23وَحَيْثُ رَأَى الْمَلِكُ سَاهِرًا وَقُدُّوسًا نَزَلَ مِنَ السَّمَاءِ وَقَالَ: اقْطَعُوا الشَّجَرَةَ وَأَهْلِكُوهَا، وَلكِنِ اتْرُكُوا سَاقَ أَصْلِهَا فِي الأَرْضِ، وَبِقَيْدٍ مِنْ حَدِيدٍ وَنُحَاسٍ فِي عُشْبِ الْحَقْلِ، وَلْيَبْتَلَّ بِنَدَى السَّمَاءِ، وَلْيَكُنْ نَصِيبُهُ مَعَ حَيَوَانِ الْبَرِّ، حَتَّى تَمْضِيَ عَلَيْهِ سَبْعَةُ أَزْمِنَةٍ. "سبعة أزمنة" ...ممكن تكون 7 شهور او اسابيع او سنين. ازمنة هنا المقصود بيها وقت كامل. وفي الوقت ده اكتمل فيه غرض الله من ناحية نبوخذنصر. ومش فارقة معانا المدة بالظبط.24فَهذَا هُوَ التَّعْبِيرُ أَيُّهَا الْمَلِكُ، وَهذَا هُوَ قَضَاءُ الْعَلِيِّ الَّذِي يَأْتِي عَلَى سَيِّدِي الْمَلِكِ: دانيال شخص مهذب جدا في كلامه واسلوبه. كان سياسي وحكيم جدا كان اسلوبه حلو في الكلام والمعاملة مع الرؤساء والملوك والمعاملات الرسمية. * وبالرغم انه هيفسر له الحلم وهيقوله انه هيبقي زي الحيوانات إلا انه بيقوله سيدي الملك.25يَطْرُدُونَكَ مِنْ بَيْنِ النَّاسِ، وَتَكُونُ سُكْنَاكَ مَعَ حَيَوَانِ الْبَرِّ وَيُطْعِمُونَكَ الْعُشْبَ كَالثِّيرَانِ، وَيَبُلُّونَكَ بِنَدَى السَّمَاءِ، فَتَمْضِي عَلَيْكَ سَبْعَةُ أَزْمِنَةٍ حَتَّى تَعْلَمَ أَنَّ الْعَلِيَّ مُتَسَلِّطٌ فِي مَمْلَكَةِ النَّاسِ وَيُعْطِيهَا مَنْ يَشَاءُ. جايز في الوقت ده بيجبوله الأكل وكان بيرفض ويطلب العشب. او جايز جاله اعتقاد او احساس انه حيوان مفترس وشرس.
فكان لازم توصل للملك الرسالة المهمة ان "العلي متسلط في مملكة الناس ويعطيها من يشاء." ... لان هنشوف إن اتكبر وارتفع جدا في قلبه حتى في كلامه مع التلات فتية قالهم " من هو الاله الذي ينقذكم من يدي."
ساعات الواحد لما بيعلي اوووي بيتجنن من العظمة. في مقولة للقديس يوحنا ذهبي الفم (عجبي علي رئيس يخلص.) اللي مياخدش باله وياخد منصب كبير ومش ماشي في الاتضاع هيبقي خلاصه صعب اوووي.
26وَحَيْثُ أَمَرُوا بِتَرْكِ سَاقِ أُصُولِ الشَّجَرَةِ، فَإِنَّ مَمْلَكَتَكَ تَثْبُتُ لَكَ عِنْدَمَا تَعْلَمُ أَنَّ السَّمَاءَ سُلْطَانٌ. "أمروا" ... الله الواحد المثلث الاقانيم.
"السماء" ... بدل ما يقوله الله قاله السماء.
دانيال قاله بالرغم من انك هتمر بالحالة الغريبة ديه لكن مملكتك هتفضل ثابتة .وبيقولوا ان ابنه في الفترة ديه اتولي المملكة في الفترة الانتقالية ديه لغاية ما الملك رجع له عقله تاني ورجعت المملكة في سلطان اعظم لان ساق الشجرة لسه موجود.
27لِذلِكَ أَيُّهَا الْمَلِكُ، فَلْتَكُنْ مَشُورَتِي مَقْبُولَةً لَدَيْكَ، وَفَارِقْ خَطَايَاكَ بِالْبِرِّ وَآثَامَكَ بِالرَّحْمَةِ لِلْمَسَاكِينِ، لَعَلَّهُ يُطَالُ اطْمِئْنَانُكَ». دانيال بالرغم انه مش مطلوب منه مشورة لكن قدم للملك مشورة حلوة وتنفع لينا احنا كمان:
"فلتكن مشورتي مقبولة لديك" ... دانيال النبي بيترجاه أرجوك اسمع مشورتي يا جلالة الملك: مش مجرد تفارق خطاياك ومتعملهاش لكن كمان اعمل بر (حاجات كويسة) وخير.
"وآثامك بالرحمة للمساكين" ... الآية ديه تمشي مع وقت الصوم عاوز ربنا يرحمك خلي في قلبك رحمة علي المساكين واخوة الرب والفقراء. "طوبي للرحماء على المساكين فان الرحمة تحل عليهم." طول ما قلبنا قاسي علي الفقراء والمساكين بصراحة كده ... "بالكيل الذي بيه تكيلون يكال لكم."
فدانيال قاله ياريت تبقي رحيم شوية. مع ان ارميا النبي قال عن نبوخذنصر انه كان ملك مفترس.
28كُلُّ هذَا جَاءَ عَلَى نَبُوخَذْنَصَّرَ الْمَلِكِ. 29عِنْدَ نِهَايَةِ اثْنَيْ عَشَرَ شَهْرًا كَانَ يَتَمَشَّى عَلَى قَصْرِ مَمْلَكَةِ بَابِلَ. ربنا له المجد من مراحمه سابه 12 شهر لان ربنا طويل الآناة جدا: اداله الإنذار وبعدها مهلة يمكن يرجع عن كبريائه. فكان ماشي فوق القصر بتاعه.30وَأَجَابَ الْمَلِكُ فَقَالَ: «أَلَيْسَتْ هذِهِ بَابِلَ الْعَظِيمَةَ الَّتِي بَنَيْتُهَا لِبَيْتِ الْمُلْكِ بِقُوَّةِ اقْتِدَارِي، وَلِجَلاَلِ مَجْدِي؟» بيت الملك: يعين المدينة الخاصة بالملك. كان واقف فوق قصره بيشوف بابل المدينة العظيمة بتاعته وجاله شعور بالكبرياء. وجايز زي الشيطان لما قال "اضع كرسي فوق العلي." ونفش الشعور اللي جه لآدم وحواء "تصيران مثل العلي."
هو كمان حس انه فوق العلي (الله) ومحدش اعلي منه كملك وكان كل الملوك التانين خاضعين ليه وهزم كل ملوك البلاد. وكان شايف ان حتي آلهة البلاد ديه مقدرتش تقف قدام قوته ومحدش من الآلهة ديه نجي بلادهم.
31وَالْكَلِمَةُ بَعْدُ بِفَمِ الْمَلِكِ، وَقَعَ صَوْتٌ مِنَ السَّمَاءِ قَائِلاً: «لَكَ يَقُولُونَ يَا نَبُوخَذْنَصَّرُ الْمَلِكُ: إِنَّ الْمُلْكَ قَدْ زَالَ عَنْكَ. 32وَيَطْرُدُونَكَ مِنْ بَيْنِ النَّاسِ، وَتَكُونُ سُكْنَاكَ مَعَ حَيَوَانِ الْبَرِّ، وَيُطْعِمُونَكَ الْعُشْبَ كَالثِّيرَانِ، فَتَمْضِي عَلَيْكَ سَبْعَةُ أَزْمِنَةٍ حَتَّى تَعْلَمَ أَنَّ الْعَلِيَّ مُتَسَلِّطٌ فِي مَمْلَكَةِ النَّاسِ وَأَنَّهُ يُعْطِيهَا مَنْ يَشَاءُ». ولسه كان بيقول الكلام ده جواه وده يفكرنا بالغني الغبي "الآن تؤخذ نفسك منك." ربنا له المجد كان عاوز يوصله الدرس ده: لازم تعرف إنك هنا بسماح مني لا هي بقوتك ولا بقدرتك ولا بمجدك. واكيد الكلام ده لينا احنا كمان.33فِي تِلْكَ السَّاعَةِ تَمَّ الأَمْرُ عَلَى نَبُوخَذْنَصَّرَ، فَطُرِدَ مِنْ بَيْنِ النَّاسِ، وَأَكَلَ الْعُشْبَ كَالثِّيرَانِ، وَابْتَلَّ جِسْمُهُ بِنَدَى السَّمَاءِ حَتَّى طَالَ شَعْرُهُ مِثْلَ النُّسُورِ، وَأَظْفَارُهُ مِثْلَ الطُّيُورِ. "في تلك الساعة" ... حصل بقي التحول الكبير في حياته.
في ناس قالوا جايز انها تكون حالة مرضية (مرض) والبعض قال جايز تكون حلت عليه روح نجس زي الشخص بتاع كورة الجدريين في العهد الجديد. أيا كان اللي حصله: ليكن الله صادقا في كلامه ووعوده.
34وَعِنْدَ انْتِهَاءِ الأَيَّامِ، أَنَا نَبُوخَذْنَصَّرُ، رَفَعْتُ عَيْنَيَّ إِلَى السَّمَاءِ، فَرَجَعَ إِلَيَّ عَقْلِي، وَبَارَكْتُ الْعَلِيَّ وَسَبَّحْتُ وَحَمَدْتُ الْحَيَّ إِلَى الأَبَدِ، الَّذِي سُلْطَانُهُ سُلْطَانٌ أَبَدِيٌّ، وَمَلَكُوتُهُ إِلَى دَوْرٍ فَدَوْرٍ. بعد ما كلمت الأزمنة ومقاصد الله من جهة نبوخذنصر كان كل الفترة اللي فاتت هو باصص علي الأرض واللي فيها. لكن أول ما ابتدي يرفع عينه للسماء رجع له عقله. واحنا كمان اوقات كتير محتاجين نرفع عنينا على السماء. الي الله نبص لربنا له المجد ونطمن ونشعر انه الهنا ضابط الكل.
يبقي الترتيب اللي حصل: رفع عينه لفوق. ... رجع لقلبه. .... وبارك الله وسبحه وحمده.
وبيقولوا ديه كانت بداية حياة جديدة لنبوخذنصر.
هل هو آمن بإله اسرائيل وكمل في الإيمان ده ؟ هنعرف في السماء. لكن ديه كانت آخر حاجة عن نبوخذنصر.
35وَحُسِبَتْ جَمِيعُ سُكَّانِ الأَرْضِ كَلاَ شَيْءَ، وَهُوَ يَفْعَلُ كَمَا يَشَاءُ فِي جُنْدِ السَّمَاءِ وَسُكَّانِ الأَرْضِ، وَلاَ يُوجَدُ مَنْ يَمْنَعُ يَدَهُ أَوْ يَقُولُ لَهُ: «مَاذَا تَفْعَلُ؟». اخيرا وصله الدرس: هو كان فاكر ان ربنا اللي فوق ده يفضل فوق في السماء واحنا نتحكم على الارض. لكن ربنا له المجد قاله لا. ده انا المتسلط في مملكة الناس كمان.
ناخد درس لينا من الكلام ده: ان لما نلاقي الدنيا ملخبطة خالص حوالينا ونضعف ونقول يعني هو ربنا مش قادر يمد ايده ويخلصنا؟ طبعا ربنا له المجد قادر ومفيش حاجة تقدر تمنع ايد ربنا له المجد ولا حتي يقوله ماذا تفعل؟ لكن كل الموضوع ان "لكل شئ تحت السماء وقت."
36فِي ذلِكَ الْوَقْتِ رَجَعَ إِلَيَّ عَقْلِي، وَعَادَ إِلَيَّ جَلاَلُ مَمْلَكَتِي وَمَجْدِي وَبَهَائِي، وَطَلَبَنِي مُشِيرِيَّ وَعُظَمَائِي، وَتَثَبَّتُّ عَلَى مَمْلَكَتِي وَازْدَادَتْ لِي عَظَمَةٌ كَثِيرَةٌ. مشيره وعظمائه سابوه خالص وبعدوا عنه رجعوا ليه تاني.37فَالآنَ، أَنَا نَبُوخَذْنَصَّرُ، أُسَبِّحُ وَأُعَظِّمُ وَأَحْمَدُ مَلِكَ السَّمَاءِ، الَّذِي كُلُّ أَعْمَالِهِ حَقٌّ وَطُرُقِهِ عَدْلٌ، وَمَنْ يَسْلُكُ بِالْكِبْرِيَاءِ فَهُوَ قَادِرٌ عَلَى أَنْ يُذِلَّهُ. "ملك السماء" ... وفهمنا من دانيال ان ربنا له المجد إله اسرائيل زعلان من اليهود فقالوا إله السماء.
"كل اعماله حق وطرقه عدل." ... يا ريت منتهمش ربنا له المجد بالظلم وانه مقصر معانا. ربنا له المجد مش بيعمل حاجة فيها ظلم ابدا ده ربنا له المجد امين وعادل وكل اعماله حق وعدل.
"ومن يسلك بالكبرياء فهو قادر علي ان يذله" ... ونفتكر اي حد سلك بالكبرياء وكان دائما مصير كبريائهم ده ان ربنا له المجد اذلهم.
واحنا لازم نتعلم الدرس وقلوبنا متتكبرش وشوفنا اللي حصل لنبوخذ نصر وبقي زي الحيوانات. نتعلم ان لما يبقي فينا حاجة كويسة ننسبها دايما لربنا له المجد ونقول: المجد كله لربنا وان احنا مفيناش حاجة اصلا عدلة ابدا.
ولإلهنا كل مجد وكرامة. الآن وإلي الأبد امين.
⪢