1 «وَأَنَا فِي السَّنَةِ الأُولَى لِدَارِيُوسَ الْمَادِيِّ وَقَفْتُ لأُشَدِّدَهُ وَأُقَوِّيَهُ.
اللي بيتكلم هنا رئيس الملايكة جبرائيل (لان رئيس الملايكة ميخائيل ماسك في ايده سيف وبيحارب. مش بيتكلم. اللي بيتكلم هو رئيس الملايكة جبرائيل.).2 وَالآنَ أُخْبِرُكَ بِالْحَقِّ. هُوَذَا ثَلاَثَةُ مُلُوكٍ أَيْضًا يَقُومُونَ فِي فَارِسَ، وَالرَّابعُ يَسْتَغْنِي بِغِنًى أَوْفَرَ مِنْ جَمِيعِهِمْ، وَحَسَبَ قُوَّتِهِ بِغِنَاهُ يُهَيِّجُ الْجَمِيعَ عَلَى مَمْلَكَةِ الْيُونَانِ. التلات ملوك هما: كورش الملك وابنه قمبيز وداريوس هستاسب. والرابع كان ملك غني جدا وكنز كميات ضخمة من الفلوس وبعدين ضرب اليونان ورجع بخيبة كبيرة لانه طلع ب 2 مليون من جيوشه ومعرفش يحرك العدد الكبير ده واتضرب ضربة جامدة من اليونان. وعلي اد ما هجومه كان مرعب علي اليونان بالأعداد الضخمة ديه من الجيش علي اد ما كسفته كبيرة وهو راجع خسران من اليونان. وكان اسمه زركسيس الملك الرابع الغني. واليونانين كانوا فاكرين للفرس المهانة اللي علموها فيهم ( بتاعة الملك الرابع) وضربوهم لحد ما انتقم منهم الاسكندر الاكبر اليوناني.3 وَيَقُومُ مَلِكٌ جَبَّارٌ وَيَتَسَلَّطُ تَسَلُّطًا عَظِيمًا وَيَفْعَلُ حَسَبَ إِرَادَتِهِ. بيتكلم عن الإسكندر الأكبر مؤسس مملكة اليونان.4 وَكَقِيَامِهِ تَنْكَسِرُ مَمْلَكَتُهُ وَتَنْقَسِمُ إِلَى رِيَاحِ السَّمَاءِ الأَرْبَعِ، وَلاَ لِعَقِبِهِ وَلاَ حَسَبَ سُلْطَانِهِ الَّذِي تَسَلَّطَ بِهِ، لأَنَّ مَمْلَكَتَهُ تَنْقَرِضُ وَتَكُونُ لآخَرِينَ غَيْرِ أُولئِكَ. ولما يموت الاسكندر الاكبر هيجي مكانه 4 من القادة بتوعه:
بطليموس في مصر. سلوقس (سلوكس) في سوريا. والتالت في تركيا والرابع في اليونان.
"ولا لعقبه"... مفيش حد من نسل الاسكندر الأكبر (من اولاده) هيملك علي اليونان.
5 وَيَتَقَوَّى مَلِكُ الْجَنُوبِ. وَمِنْ رُؤَسَائِهِ مَنْ يَقْوَى عَلَيْهِ وَيَتَسَلَّطُ. تَسَلُّطٌ عَظِيمٌ تَسَلُّطُهُ. "ملك الجنوب" وملك الشمال ودول هنسمع عنهم كتير. وقولنا بعد موت الإسكندر الأكبر اتقسمت مملكته لأربعة. واللي يهمنا فيهم مملكة سوريا ... مملكة الشمال وقائدها سلوكس (سلوقس).
مملكة مصـــر ... مملكة الجنوب وقائدها بطليموس.
اللي حصل في الأول ان سلوكس كان واحد من ضباط بطليموس. لكن سلوكس اتمرد عليه. واسس كرسي خاص بيه لوحده. ومش كرسي عادي لكن كرسي قوي جدا لدرجة انه فتح لغاية الهند. كانت ملكه من البحر المتوسط لغاية الهند.
والدليل علي كده ان بطليموس لاجوس (في الجدول اللي فوق) ابتدأ حكمه سنة 323 قبل الميلاد. وسلوكس نيكاتور اول واحد في الكرسي السلوكي (تبع سلوكس) ابتدأ حكمه سنة 310 قبل الميلاد. اذا الفرق 13 سنة والـ 13 سنة دول كان سلوكس خاضع لبطليموس الاول. لحد ما استقل عنه. (الكلام ده حسب التاريخ.) وهنا هنشوف ان ربنا له المجد قال القصة ديه قبل حدوثها ب200 سنة ان واحد من رؤسائه هيتقوي ويؤسس الكرسي السلوكي.
6 وَبَعْدَ سِنِينَ يَتَعَاهَدَانِ، وَبِنْتُ مَلِكِ الْجَنُوبِ تَأْتِي إِلَى مَلِكِ الشِّمَالِ لإِجْرَاءِ الاتِّفَاقِ، وَلكِنْ لاَ تَضْبِطُ الذِّرَاعُ قُوَّةً، وَلاَ يَقُومُ هُوَ وَلاَ ذِرَاعُهُ. وَتُسَلَّمُ هِيَ وَالَّذِينَ أَتَوْا بِهَا وَالَّذِي وَلَدَهَا وَمَنْ قَوَّاهَا فِي تِلْكَ الأَوْقَاتِ. كلام صعب معناه... ان لما حصلت مشاكل وحروب بينهم وبين بعض قالوا أسهل حاجة نعمل وحدة (توحيد بيهم). بس وحدة خبيثة: بان ملك الجنوب (مصر) يجوز بنته اسمها برنيكي لملك الشمال (سوريا) كنوع من ربط الكلام؛ وده نوع من الجواز السياسي. برنيكي بنت ملك مصر اتجوزت انطيوخس تيوس (تيوس معناه الله. جايز كان بيتدعي الالوهة.) والمشكلة ان ملك الشمال انطيوخس تيوس كان متجوز ملكة اسمها لاوديس ولما اتجوز عليها مسكتتش وقلبت الدنيا لحد ما طلقها. وبعد ما طلقها انتقمت وحطت له السم ومات وخلت ابنها ملك واسمه: سلوكس كاللينيكوس.
"ولكن لا تضبط الذراع قوة." ... يعني القوة اللي حبوا يعملوها مجابتش نتيجة. والملكة الاصلية عرفت تخلص حقها من الكل.
7 وَيَقُومُ مِنْ فَرْعِ أُصُولِهَا قَائِمٌ مَكَانَهُ، وَيَأْتِي إِلَى الْجَيْشِ وَيَدْخُلُ حِصْنَ مَلِكِ الشِّمَالِ وَيَعْمَلُ بِهِمْ وَيَقْوَى. ولما حطت ابنها ملك، الخطة بتاعة بطليموس ملك مصر منفعتش ومعرفش يملك على سوريا. وبنت بطليموس ماتت عن طريق لاوديس الملكة الأصلية.
أخو برنيكي اسمه بطليموس ايروجيتس اللي جه بعد كده وكون جيش كبير وضرب سلوكس كاللينيكوس انتقاما لأخته واللي حصل. فكانت الحرب شغالة باستمرار بين الشمال والجنوب. (وطبعا الشمال والجنوب لموقع بالنسبة لأورشليم. لان المركز بتاعنا هو اورشليم لانه شعب الله. إذا الشمال والجنوب هو بالنسبة لشعب الله.)
"ويقوم من فرع اصولها" ... اللي هو بطليموس ايروجيتس أخو برنيكي.
8 وَيَسْبِي إِلَى مِصْرَ آلِهَتَهُمْ أَيْضًا مَعَ مَسْبُوكَاتِهِمْ وَآنِيَتِهِمِ الثَّمِينَةِ مِنْ فِضَّةٍ وَذَهَبٍ ، وَيَقْتَصِرُ سِنِينَ عَنْ مَلِكِ الشِّمَالِ. 9 فَيَدْخُلُ مَلِكُ الْجَنُوبِ إِلَى مَمْلَكَتِهِ وَيَرْجِعُ إِلَى أَرْضِهِ. دخل ضربه واخد ممتلكاته وغنايم كتير ورجع تاني لأرضه.10 «وَبَنُوهُ يَتَهَيَّجُونَ فَيَجْمَعُونَ جُمْهُورَ جُيُوشٍ عَظِيمَةٍ، وَيَأْتِي آتٍ وَيَغْمُرُ وَيَطْمُو وَيَرْجِعُ وَيُحَارِبُ حَتَّى إِلَى حِصْنِهِ. اولاد سلوكس كاللينيكوس كانوا اتنين ... "بنوه يتهيجون"
سلوكس كيرونوس ... كان ملك لمدة سنتين من سنة 225 ل 223 قبل الميلاد.
والابن التاني انطيوخس الكبير ... وجه بعد اخوه.
الاتنين الأخوات دول عملوا حلف وانهم لازم يضربوا بطليموس ايروجيتس (اللي ضرب ابوهم).
"يتهيجون" الكلام علي الاتنين الأخوات.
"يغمر ويطفو" ... الكلام علي واحد. لان بداية الحلف كان بين الاتنين الأخوات. بس في واحد منهم مات (علشان كده الجملة ابتدت بالجمع وانتهت بالمفرد.)
كيرونوس قعد سنتين ومات وانطيوخس الكبير قعد 37 سنة.
11 وَيَغْتَاظُ مَلِكُ الْجَنُوبِ وَيَخْرُجُ وَيُحَارِبُهُ أَيْ مَلِكَ الشِّمَالِ، وَيُقِيمُ جُمْهُورًا عَظِيمًا فَيُسَلَّمُ الْجُمْهُورُ فِي يَدِهِ. ملك الجنوب بطليموس فيلوباتير خرج وضرب انطيوخس ملك الشمال وهزمه هزيمة شديدة. وكأن دانيال النبي بيحمي قصة شايفها قدامه.
"فيسلم الجمهور في يده" ... يعني الجيش وقع في ايده.
12 فَإِذَا رُفِعَ الْجُمْهُورُ يَرِتْفِعُ قَلْبُهُ وَيَطْرَحُ رَبَوَاتٍ وَلاَ يَعْتَزُّ. ونتيجة انتصاره بقي مغرور...
"فاذا رفع الجمهور"... لما اتغلب الجيش قدامه. اتكبر
"ولا يعتز" ... يعني مش هيطلع بنتيجة من اللي عمله. لما اتغر فيلوباتير وغلب ملك الشمال، غلط غلطة عمره: انه دخل هيكل ربنا ودخل قدس الاقداس وداس علي الكل من غير احترام لاي شئ. وطبعا لما عمل كده هو اتحدي ربنا له المجد. وحصل ان جيشه هو وشعب سوريا هاجوا عليه وهرب ورجع للجنوب اللي هي مصر. ورجع بشروط مهينة اووي للصلح. وفرضوا عليه جزية. دفع جزية للشمال اللي هي سوريا.
13 فَيَرْجعُ مَلِكُ الشِّمَالِ وَيُقِيمُ جُمْهُورًا أَكْثَرَ مِنَ الأَوَّلِ، وَيَأْتِي بَعْدَ حِينٍ، بَعْدَ سِنِينَ بِجَيْشٍ عَظِيمٍ وَثَرْوَةٍ جَزِيلَةٍ. 14 وَفِي تِلْكَ الأَوْقَاتِ يَقُومُ كَثِيرُونَ عَلَى مَلِكِ الْجَنُوبِ، وَبَنُو الْعُتَاةِ مِنْ شَعْبِكَ يَقُومُونَ لإِثْبَاتِ الرُّؤْيَا وَيَعْثُرُونَ. اليهود لما قرأوا النبوات ديه ولقوها ماشية مع التسلسل ده: لقوا ان الكلام بينطبق علي نبوة دانيال النبي، فقالوا نستثمر الكلام ده لصالحنا. وراحوا لانطيوخس وقالوله: انت ممكن تحارب ملك الجنوب (مصر) وتكسب واحنا هنساعدك. عملوا كده لانهم فهموا نبوة دانيال النبي.
ويقال ان اليهود الكويسين رفضوا يحطوا ايدهم في ايد اليونان. لان اليونانيين وثنين وبيدنسوا اي حاجة.
"بنو العتاة" ... اللي هما استغلوا النبوة واستثمروها لصالحهم. لكن طبعا اليهود مش هيكسبوا ومطلعوش بحاجة في الاخر من ملك سوريا ولا حتي اداهم حريتهم.
"يعثرون" ... يعني مش هيكسبوا.
15 فَيَأْتِي مَلِكُ الشِّمَالِ وَيُقِيمُ مِتْرَسَةً وَيَأْخُذُ الْمَدِينَةَ الْحَصِينَةَ، فَلاَ تَقُومُ أَمَامَهُ ذِرَاعَا الْجَنُوبِ وَلاَ قَوْمُهُ الْمُنْتَخَبُ، وَلاَ تَكُونُ لَهُ قُوَّةٌ لِلْمُقَاوَمَةِ. 16 وَالآتِي عَلَيْهِ يَفْعَلُ كَإِرَادَتِهِ وَلَيْسَ مَنْ يَقِفُ أَمَامَهُ، وَيَقُومُ فِي الأَرْضِ الْبَهِيَّةِ وَهِيَ بِالتَّمَامِ بِيَدِهِ. "الارض البهية" ... اورشليم.
الكلام علي انطيوخس الكبير اللي امتلك كله وطرد ملك مصر.
17 وَيَجْعَلُ وَجْهَهُ لِيَدْخُلَ بِسُلْطَانِ كُلِّ مَمْلَكَتِهِ، وَيَجْعَلُ مَعَهُ صُلْحًا، وَيُعْطِيهِ بِنْتَ النِّسَاءِ لِيُفْسِدَهَا، فَلاَ تَثْبُتَ وَلاَ تَكُونَ لَهُ. "بنت النساء" ... ديه كليوباترا بس مش هي اللي نعرفها في التاريخ بتاعنا. وملك سوريا: عمل نفس اللعبة السياسية وادي بنته لملك مصر يتجوزها . وكانت الخطة انها تفسد الحكم في الجنوب. يعني تدخل كنوع من الجاسوسية. وشكلها حبت الملك وسابت ابوها. وخطة ابوها ملك سوريا فشلت.
"ليفسدها" ... يفسد الحكم المصري.
"فلا تثبت ولا تكون له." ... يعني خطته مش هتمشي . وحتى بنته مش هتكون ليه.
18 وَيُحَوِّلُ وَجْهَهُ إِلَى الْجَزَائِرِ وَيَأْخُذُ كَثِيرًا مِنْهَا، وَيُزِيلُ رَئِيسٌ تَعْيِيرَهُ فَضْلاً عَنْ رَدِّ تَعْيِيرِهِ عَلَيْهِ. "الجزائر" ... في الكتاب المقدس يقصد بيها: كريت والقبرص واليونان وايطاليا واسبانيا وانجلترا ولحد امريكا.
"رئيس" ... في رئيس هيظهر في التاريخ بعد اليونان وهيزيل التعيير والفضيحة اللي عملها انطيوخس. لان انطيوخس اتجرأ علي اليونان. واللي حصل تاريخيا: لما اليونانيين لقوا ان انطيوخس ضربهم، راحوا عملوا حلف مع روما. وروما ابتديت تظهرت في الوجود كقوة ضخمة عسكرية، واليونانيين عملوا حلف مع ايطاليا علشان ينجدوهم. وطبعا الرومان (روما) ماصدقوا وراحوا ضاربين انطيوخس ورجعوه علي بلده. فردوا التعيير بتاعه ، وكمان حطوا عليه جزية ضخمة جدا. فردوا تعييره بتعيير اكبر. لانه بدل مايفتح اليونان ويضمها ليه، رجع وعليه جزية كبيرة يدفعها.
19 وَيُحَوِّلُ وَجْهَهُ إِلَى حُصُونِ أَرْضِهِ وَيَعْثُرُ وَيَسْقُطُ وَلاَ يُوجَدُ. انطيوخس رجع علي بلاده تاني ... " ويحول وجهه الي حصون ارضه.
"ويعثر ويسقط ولا يوجد." ... لما حب يلم فلوس كتير علشان يدفع الجزية اللي اتفرضت عليه، فهو مش عارف يجيب الفلوس منين، فدخل هيكل جوبيتر وجوبيتر ده الاله بتاعهم علشان ياخد الذهب والفضة اللي جوة الهيكل. ولما عمل كده جيشه وشعبه هاجوا ضده وقتلوه لانه دنس المعبد بتاعهم.
20 «فَيَقُومُ مَكَانَهُ مَنْ يُعَبِّرُ جَابِيَ الْجِزْيَةِ فِي فَخْرِ الْمَمْلَكَةِ، وَفِي أَيَّامٍ قَلِيلَةٍ يَنْكَسِرُ لاَ بِغَضَبٍ وَلاَ بِحَرْبٍ. ابنه جه مكانه وسموه" جابي الجزية" ... لان كل شغلته انه يلم الضرائب. لدرجة انهم قالوله : ان بتثير الناس وممكن يكرهوك. قالهم: انا لا اعبد غير المال وبس. وده بعت انه يجيب كل ذهب هيكل اورشليم. وهنا بقي طبعا مش الناس اللي ثارت عليه لكن ربنا له المجد بنفسه هو اللي وقفله.
"جابي الجزية" ... بعت قائد اسمه هليودوروس وقاله. ادخل الهيكل وجمع كل الذهب اللي فيه. وفعلا عمل كده، والقائد وهو راجع في الطريق قال: انا بقيت قائد كبير ومعايا الذهب، طيب ايه المانع اني ابقي الملك؟ ولما رجع موت ابن انطيوخس " جابي الجزية" وحط نفسه الملك. علشان كده يقول " وفي ايام قليلة ينكسر لا بغضب ولا بحرب."
21 فَيَقُومُ مَكَانَهُ مُحْتَقَرٌ لَمْ يَجْعَلُوا عَلَيْهِ فَخْرَ الْمَمْلَكَةِ، وَيَأْتِي بَغْتَةً وَيُمْسِكُ الْمَمْلَكَةَ بِالتَّمَلُّقَاتِ. ابتداء من هنا الكلام عن انطيوخس ابيفانيوس ويسمي وحش الايام الاولي. (لان في وحش في الاخر بتاع سفر الرؤيا 13: ضد المسيح.) وانطيوخس نمذج لوحش الأيام الاخيرة.
معني اسم انطيوخس ... يعني مقاوم. حتي اسمه يشير للشخص اللي هيقاوم الله.
الآيات من 21 لـ 35 تنطبق علي انطيوخس ابيفانيوس وضد المسيح في الايام الاخيرة، لكن بالأكثر علي انطيوخس. لكن في الآية 36 ... يحصل فيها تحول من انطيوخس ابيفانيوس الي المسيح الدجال صراحة.
"محتقر" ... المؤرخين اللي بيسجلوا التاريخ يكتبوا عن انطيوخس ابيفانيوس انه: شاذ – غريب التصرفات – فظ – هائج – وضيع وخسيس.
"لم يجعلوا عليه فخر المملكة" ... مكانش ليه نصيب في المملكة. لأنه مكانش دوره في الحكم لان كان المفروض ابن اخوه الكبير هو اللي عليه الدور في انه يكون الملك. لكن بالتحايل أحد الحكم.
+ انطيوخس ابيفانيوس كان الابن الأصغر لانطيوخس الكبير، فالرومان لما ضربوا ابوه انطيوخس الكبير اخدوا الابن الأصغر اللي هو انطيوخس ابيفانيوس رهينة علي انه يعيش في روما حر. بس يفضل عايش في روما وده علشان يمنعوا ابوه انه يضرب اليونان او روما مرة تانية.
فهو بالتحايل عمل خدعة وجاب اخوة الكبير وحطه في روما وهرب هو. ورجع وعمل حيلة وضرب هليودوروس وموته. هليودوروس قعد علي كرسي الحكم لمدة 13 سنة. انطيوخس ابيفانيوس احتال علي الكل لدرجة انه مع مصر: حط رجالته كجواسيس في قلب قصر ملك مصر. فلما انطيوخس ابيفانيوس جه يضرب مصر، وملك مصر جه يجهز الجيش بتاعه اتفاجأ ان الجيش ضده.
"بالتملقات" ... بالخداع.
22 وَأَذْرُعُ الْجَارِفِ تُجْرَفُ مِنْ قُدَّامِهِ وَتَنْكَسِرُ، وَكَذلِكَ رَئِيسُ الْعَهْدِ. يعني كل اللي كان عاوز ياخد الكرسي بالعافية، شالهم من قدامه.
"وتنكسر، وكذلك رئيس العهد" ... رئيس العهد عليها خلاف: مين هو رئيس العهد؟
- ناس قالت انه: رئيس الكهنة. لأنه رئيس العهد المقدس
- وناس قالت انه: ابن الأخ الكبير لانطيوخس ابيفانيوس اللي كان عليه الدور في انه يبقي الملك. * وسواء كده او كده هو ضرب الكل.
23 وَمِنَ الْمُعَاهَدَةِ مَعَهُ يَعْمَلُ بِالْمَكْرِ وَيَصْعَدُ وَيَعْظُمُ بِقَوْمٍ قَلِيل. 24 يَدْخُلُ بَغْتَةً عَلَى أَسْمَنِ الْبِلاَدِ وَيَفْعَلُ مَا لَمْ يَفْعَلْهُ آبَاؤُهُ وَلاَ آبَاءُ آبَائِهِ. يَبْذُرُ بَيْنَهُمْ نَهْبًا وَغَنِيمَةً وَغِنًى، وَيُفَكِّرُ أَفْكَارَهُ عَلَى الْحُصُونِ، وَذلِكَ إِلَى حِينٍ. "اسمن البلاد" ... اللي هي سوريا. لأنها كانت اغني المناطق، واللي معملهوش ابائه هو عمله : انه يحط جزية كتيرة علي السوريين. 25 وَيُنْهِضُ قُوَّتَهُ وَقَلْبَهُ عَلَى مَلِكِ الْجَنُوبِ بِجَيْشٍ عَظِيمٍ، وَمَلِكُ الْجَنُوبِ يَتَهَيَّجُ إِلَى الْحَرْبِ بِجَيْشٍ عَظِيمٍ وَقَوِيٍّ جِدًّا، وَلكِنَّهُ لاَ يَثْبُتُ لأَنَّهُمْ يُدَبِّرُونَ عَلَيْهِ تَدَابِيرَ. ملك الجنوب (ملك مصر) لما لقي انطيوخس ابيفانيوس جاي يضربه، قام عليه بجيش ضخم وقوي جدا.
"ولكنه لا يثبت لأنهم يدبرون تدابير" ... وده نتيجة الجواسيس اللي كان حاططهم انطيوخس في قصر ملك مصر.
26 وَالآكِلُونَ أَطَايِبَهُ يَكْسِرُونَهُ، وَجَيْشُهُ يَطْمُو، وَيَسْقُطُ كَثِيرُونَ قَتْلَى. 27 وَهذَانِ الْمَلِكَانِ قَلْبُهُمَا لِفِعْلِ الشَّرِّ، وَيَتَكَلَّمَانِ بِالْكَذِبِ عَلَى مَائِدَةٍ وَاحِدَةٍ وَلاَ يَنْجَحُ، لأَنَّ الانْتِهَاءَ بَعْدُ إِلَى مِيعَادٍ. واللي كان بياكلهم علي ترابيزته، لان ملك الشمال والجنوب قعدوا يعملوا: مائدة مفوضات وكانوا ناويين علي السلام لكن مكانش في قلبهم نية السلام.28 فَيَرْجعُ إِلَى أَرْضِهِ بِغِنًى جَزِيل وَقَلْبُهُ عَلَى الْعَهْدِ الْمُقَدَّسِ، فَيَعْمَلُ وَيَرْجعُ إِلَى أَرْضِهِ. "وقلبه علي العهد المقدس" ... يعني كان راجع وناوي يضرب اليهود ضربة شديدة. وده لان اليهود جالهم أخباران انطيوخس ابيفانيوس مات في المعركة، فعملوا احتفالات ولما رجع وشاف الاحتفالات وسألت عن السبب قالولوه: ان انطيوخس مات والناس بتحتفل. فضربهم وانتقم منهم.29 «وَفِي الْمِيعَادِ يَعُودُ وَيَدْخُلُ الْجَنُوبَ، وَلكِنْ لاَ يَكُونُ الآخِرُ كَالأَوَّلِ. انطيوخس ابيفانيوس بقي عارف ان السكة مفتوحة، ويضرب في مصر زي ماهو عاوز. وبعد كام سنة فكر انه يضرب مصر تاني. "ولكن لا يكون الآخر كالأول" ... يعني المرة ديه مش زي المرة اللي فاتت.30 فَتَأْتِي عَلَيْهِ سُفُنٌ مِنْ كِتِّيمَ فَيَيْئَسُ وَيَرْجعُ وَيَغْتَاظُ عَلَى الْعَهْدِ الْمُقَدَّسِ، وَيَعْمَلُ وَيَرْجعُ وَيَصْغَى إِلَى الَّذِينَ تَرَكُوا الْعَهْدَ الْمُقَدَّسَ. "كتيم" ... هما الرومان.
ملك مصر لما لقي ان انطيوخس ابيفانيوس كل شوية ينزل مصر يضربه، عمل حلف مع روما علشان ينقذوه من ايد انطيوخس. والرومان كانوا لسه ظاهرين جديد. فالرومان بعتوا لملك مصر ينجدوه، وكان مع الجيش القائد الروماني بتاعهم. والقائد الروماني قال لانطيوخس هتنسحب؟ قاله هافكر. والكلام معجبش القائد الروماني وعمل دايرة حوالين الكرسي اللي قاعد عليه انطيوخس وقاله مش هتخرج من الدايرة ديه الا لما تديني قرارك. ولو طلعت بره الدايرة ديه من غير ماتديني قرار، هاموتك.
فطبعا انطيوخس انسحب، لان مكانش قدامه غير كده.
"ويغتاظ علي العهد المقدس" ... انطيوخس هيطلع غله علي اليهود الغلابة.
31 وَتَقُومُ مِنْهُ أَذْرُعٌ وَتُنَجِّسُ الْمَقْدِسَ الْحَصِينَ، وَتَنْزِعُ الْمُحْرَقَةَ الدَّائِمَةَ، وَتَجْعَلُ الرِّجْسَ الْمُخَرِّبَ. دبح خنزيرة علي المذبح وسلقها وحط الشوربة بتاعتها علي المذبح، وطبعا الخنزير بالنسبة لليهود نجس. وكان بيحط لحم الخنزير في بق (فم) اليهود بالعافية واللي ميرضاش ياكله ، كان بيموته.
سفر المكابيين يحكي: ان واحد من القديسين اليهود طلع لحم الخنزير من بقه ، فانطيوخس قتله بالسيف.
طيب ليه ربنا له المجد يسمح بحاجة زي كده؟ ده لان اليهود نفسهم وصلوا لحالة من السوء والانحطاط. فربنا له المجد مضطر انه يأدبهم. صحيح بعض القديسين ماتوا في السكة وكانوا شهداء، بس طبعا مش بنزعل ان في شهداء. فالتأديب حصل لان ربنا عاوزهم يتوبوا.
32 وَالْمُتَعَدُّونَ عَلَى الْعَهْدِ يُغْوِيهِمْ بِالتَّمَلُّقَاتِ. أَمَّا الشَّعْبُ الَّذِينَ يَعْرِفُونَ إِلهَهُمْ فَيَقْوَوْنَ وَيَعْمَلُونَ. "والمتعدون علي العهد" ... اللي هما اليهود الخونة اللي وقفوا في صف انطيوخس. ومن اليهود الخونة اتكونت مدرسة يهودية وبعضهم كانوا من الكهنة، علشان يعلموا الناس الفلسفة والعبادة الوثنية.
"اما الشعب الذين يعرفون إلههم فيقوون ويعملون." ... وديه اشارة لقيام الثورة المكابية. اتكونت مجموعة يهوذا المكابي ومجموعة المكابيين . وده في سفر المكابيين الأول والتاني. المكابيين دول قالوا: ايه سبب الغلب والهم اللي احنا فيه؟ ايه سبب اننا مكسورين قدام العدو؟ وده ملهوش الا سبب واحد وهو ان فينا خطية. ووجابوا كلام موسي النبي وقروه ولقوا انه قال كذا مرة: لو مشيتوا صح ربنا هيبارك وهيقف جنبكم، ولو مشيتوا غلط هتتضربوا. فالكلام كان واضح بالنسبة لهم.
فقالوا نتقدس وفعلا اتقدسوا. ومحدش قدر يجي جنبهم فعلا. وده اللي حصل تاريخيا. ولما كانوا يتغلبوا في مرة ، يدوروا علي السبب. يلاقوا برده انها الخطية، ولما يبعدوا عن الخطية يرجعوا ينتصروا تاني.
"فيقوون ويعملون" ... الكلام علي المكابيين.
33 وَالْفَاهِمُونَ مِنَ الشَّعْبِ يُعَلِّمُونَ كَثِيرِينَ. وَيَعْثُرُونَ بِالسَّيْفِ وَبِاللَّهِيبِ وَبِالسَّبْيِ وَبِالنَّهْبِ أَيَّامًا. 34 فَإِذَا عَثَرُوا يُعَانُونَ عَوْنًا قَلِيلاً، وَيَتَّصِلُ بِهِمْ كَثِيرُونَ بِالتَّمَلُّقَاتِ. 35 وَبَعْضُ الْفَاهِمِينَ يَعْثُرُونَ امْتِحَانًا لَهُمْ لِلتَّطْهِيرِ وَلِلتَّبْيِيضِ إِلَى وَقْتِ النِّهَايَةِ. لأَنَّهُ بَعْدُ إِلَى الْمِيعَادِ. في مدرسة اتأسست وقتها اسمها: مدرسة الغيوريين. وزي ماقولنا ان الكويسين من اليهود القديسين هيتضربوا ويموتوا ... "عثروا"
المهم ان ربنا له المجد بيسمح بالضربة عشان ... "للتطهير وللتبييض." يعني من اجل التمحيص. التنقية. وده مبدأ الكتاب المقدس: ان الضربات والالام من أجل التنقية.
ولحد هنا خلصت قصة انطيوخس ابيفانيوس
36 «وَيَفْعَلُ الْمَلِكُ كَإِرَادَتِهِ، وَيَرْتَفِعُ وَيَتَعَظَّمُ عَلَى كُلِّ إِلهٍ، وَيَتَكَلَّمُ بِأُمُورٍ عَجِيبَةٍ عَلَى إِلهِ الآلِهَةِ، وَيَنْجَحُ إِلَى إِتْمَامِ الْغَضَبِ، لأَنَّ الْمَقْضِيَّ بِهِ يُجْرَى. هنا هيبتدي الكلام عن المسيح الدجال
"يتعظم علي كل اله" ... الكلام ده مينفعش يمشي مع انطيوخس لانه حط تمثال جوبيتر جوة الهيكل وطلب من الناس تعبد جوبيتر، فده كان الهه. وكمان هو مقالش انا اله. فمينفعش الكلام ده ينطبق عليه.
رسالة تسالونيكي معلنا بولس الرسول قال الكلام ده بالنص: 2 تسالونيكي 2: "لا يخدعنكم احد علي طريقة ما ، وانه لا يأتي إن لم يأتي الارتداد اولا. ويستعلن انسان الخطية ابن الهلاك. المقاوم والمرتفع علي كل ما يدعي إلها أو معبودا، حتي انه ....... كاله مظهرا نفسه انه إله "
37 وَلاَ يُبَالِي بِآلِهَةِ آبَائِهِ وَلاَ بِشَهْوَةِ النِّسَاءِ، وَبِكُلِّ إِلهٍ لاَ يُبَالِي لأَنَّهُ يَتَعَظَّمُ عَلَى الْكُلِّ. "ولا يبالي بآلهة ابائه" ... ابائه توضح ان الكلام علي واحد هيطلع من وسط اليهود.. هو طالع من القلة، ودلوقتي اليهود قلة وموجودين في كل حتة. فده شخص هيطلع من وسطهم، بس مش هيكون بنفس إيمانهم وانهم بيعبدوا اله.
"ولا بشهوة النساء" ... هنا معناها: ان يبدوا إن الإنسان ده هيكون شاذ، من كل النواحي. وعلشان كده نلاحظ في سفر الرؤيا 11: لما كان بيتكلم عن الأيام الأخيرة، قال ان خطية الايام الاخيرة: هي خطايا سدوم ومصر. "التي تدعي روحيا سدوم ومصر." ... خطية مصر هي الكبرياء والفرعنة. فربنا يضرب علشان نفوق من اللي الواحد فيه، بس احنا مش هنفوق. وهي ديه خطية مصر. وخطية سدوم هي الشذوذ. فواضح ان الانسان ده لما يبقي موجود: هتبقي هي ديه الخطية السائدة في مملكته، يبدو كده.
"ولا بشهوة النساء" ... فده كده ضد المنطق الطبيعي، فيبدو انه انسان منعدم المشاعر والعواطف الطبيعية. انسان رهيب من كل النواحي.
38 وَيُكْرِمُ إِلهَ الْحُصُونِ فِي مَكَانِهِ، وَإِلهًا لَمْ تَعْرِفْهُ آبَاؤُهُ، يُكْرِمُهُ بِالذَّهَبِ وَالْفِضَّةِ وَبِالْحِجَارَةِ الْكَرِيمَةِ وَالنَّفَائِسِ. "إله الحصون" ... ليها كذا ترجمة:
- ترجمة بتقول: إله قوي.
- والتانية بتقول: اله القلاع (جمع قلعة). يعني اللي الناس متحصنة وراها. مثلا: النهاردة امريكا متحصنة وراء القوة العسكرية والقوة الاقتصادية. وديه القلاع اللي الناس بتعبدها وشايفينها حماية ليهم. الاسلحة والفلوس حمايتهم.
وده يتطابق مع فكرة سفر الرؤيا: ان في 10 ملوك هيدوله قوتهم... "إله الحصون." يعني هيتحامي في الملوك الأقوياء.
39 وَيَفْعَلُ فِي الْحُصُونِ الْحَصِينَةِ بِإِلهٍ غَرِيبٍ. مَنْ يَعْرِفُهُ يَزِيدُهُ مَجْدًا، وَيُسَلِّطُهُمْ عَلَى كَثِيرِينَ، وَيَقْسِمُ الأَرْضَ أُجْرَةً. "الحصون الحصينة" ... ببساطة هي الكنيسة. وبنقول ان في الأيام ديه "ضيق لم يكن مثله." وده لأنه هيضرب في الكنيسة ومش هيرحم.. وهيبقي ليه سلطان انه يضرب.
"باله غريب" ... لأنه هيظهر نفسه كاله. وهيرفض اي ديانات في العالم واي اله، مش بس الكنايس لكن هيرفض الكل.
الفرق بين الوثنية والالحاد:
الوثنية: ان واحد يعبد اله غير ربنا. النار- الشمس – القمر- ...
الالحاد: انكار وجود الله اصلا.
"من يعرفه" ... اللي ماشي وراه. وديه ماشية مع سفر الرؤيا: ان يعطي سمة علي جباه اللي ماشيين وراه واللي عنده السمة ديه "يستطيع ان يبيع ويشتري." .. يعني اللي تبعه هيقدروا ياخدوا نصيبهم ن العالم والحياة بالنسبة لها هتبقي سهلة.
++ وبكده انتهي الكلام عن المسيح الدجال ++
الآيات اللي جاية : ممكن تمشي علي انطيوخس ابيفانيوس والمسيح الدجال . تمشي علي الاتنين.
40 «فَفِي وَقْتِ النِّهَايَةِ يُحَارِبُهُ مَلِكُ الْجَنُوبِ، فَيَثُورُ عَلَيْهِ مَلِكُ الشِّمَالِ بِمَرْكَبَاتٍ وَبِفُرْسَانٍ وَبِسُفُنٍ كَثِيرَةٍ، وَيَدْخُلُ الأَرَاضِيَ وَيَجْرُفُ وَيَطْمُو. ملك الجنوب (مصر) هيفتكر انه طالما متحامي بالرومان يبقي هيقدر علي ملك الشمال (سوريا). بس الرومان مش موجودين، فاخد ملك الشمال اللي هو انطيوخس جيشه وراح ضرب ملك مصر.41 وَيَدْخُلُ إِلَى الأَرْضِ الْبَهِيَّةِ فَيُعْثَرُ كَثِيرُونَ، وَهؤُلاَءِ يُفْلِتُونَ مِنْ يَدِهِ: أَدُومُ وَمُوآبُ وَرُؤَسَاءُ بَنِي عَمُّونَ. المنطقة ديه واضح انهم كانوا بيساعدوا انطيوخس ابيفانيوس، فلما نزل وضرب مصر والمصريين، ضرب في سكته اليهود لكن ساب منطقة الاردن (حاليا) اللي هي كانت آدوم وموآب ومضربهاش.
(ازاي هيتم كل ده وقتها محدش يعرف.)
42 وَيَمُدُّ يَدَهُ عَلَى الأَرَاضِي، وَأَرْضُ مِصْرَ لاَ تَنْجُو. وديه الحرب الرابعة علي مصر. لان انطيوخس ابيفانيوس ضرب مصر 3 مرات وديه الرابعة.43 وَيَتَسَلَّطُ عَلَى كُنُوزِ الذَّهَبِ وَالْفِضَّةِ وَعَلَى كُلِّ نَفَائِسِ مِصْرَ. وَاللُّوبِيُّونَ وَالْكُوشِيُّونَ عِنْدَ خُطُوَاتِهِ. الحرب الرابعة ديه : محصلتش حرب بين جيوش، لكن نزل اخد من مصر جزية ولم الفلوس الموجودة في مصر ورجع. لكن مسقطش فيها قتلي.
"عند خطواته" ... يعني ايدوه. شكله اشتراهم، فايدوه انهم يقفوا معاه ضد المصريين.
"اللهويبيون والكوشيون" ... ليبيا واثيوبيا (ابتداء من النوبة لغاية تحت علي الخريطة.)
44 وَتُفْزِعُهُ أَخْبَارٌ مِنَ الشَّرْقِ وَمِنَ الشِّمَالِ، فَيَخْرُجُ بِغَضَبٍ عَظِيمٍ لِيُخْرِبَ وَلِيُحَرِّمَ كَثِيرِينَ. وهو في حربه مع مصر وبيلم الجزية، جاله خبر اهن حصل تمرد عليه في بلاد الفرس. وراح علي هناك، وهو هناك سمع ان حصل تمرد المكابيين (اليهود) وبعت القائد بتاعه : ليسياس وقاله : كاني انا موجود هناك وحط خيامه وقاله: تنزل تمسح اليهود خالص، تخلص عليهم، يبيدهم ابادة.
وان خيمته تبقي في وسط الجيش وكأن انطيوخس هو بنفسه اللي موجود.
انا انطيوخس هاحارب الفرس وانت تنزل تبيد اليهود. وبعد ما اصدر الامر ده: حصل مالم يكن في الحسبان، ان الدود ضربه في بطنه وطلعت من ريحة (موجود في اصحاح 8) ، وفي الاول ابتدى يتحدي ربنا له المجد، وشوية شوية قال: ان كل اللي حصله نتيجة انه اتحدي الله.
وفي الآخر: ندر ندر انه لو خف هيعفو عن اليهود، لكن كان خلاص كله انتهي واخد فرصه طول حياته "اعطيتها زمانا لكي تتوب، ولم تتب." وده اللي بيحصل معانا كمان: ربنا بيدينا وقت للتوبة، رفضنا التوبة ... ربنا بيرفضنا. وربما يكون هو ده التفسير.
وفعلا ده اللي حصل معاه، ولأنه يعتقد انها مكانتش توبة حقيقية لكن مجرد خوف من المرض.
"ويبلغ نهايته ولا معين" ... ده بالنسبة لانطيوخس ابيفانيوس. وبالنسبة ل ليسياس اللي نشر الفسطاط اللي هي الخيام الملكية، انتصر عليه يهوذا المكابي.
نفس الآيات ديه بتنطبق علي ضد المسيح:
مش منطقي ان مصر هتحارب سوريا. طيب هتيجي ازاي؟ ديه محطوطة قدامها علامة استفهام، وبكده احنا عارفين ان في الأيام الأخيرة هيحصل نوع من الحرب بين الجنوب والشمال. لكن ازاي مش عارفين.
من ناحية روحية:
ان "الفسطاط" ... عبارة عن خيام ملونة والوانها مزهزهة.
وهي قائمة "بين البحور" ... البحر الابيض والبحر الميت.
الفسطاط ده المكان اللي انتشرت فيه الخيام، فكان حاجز ملون ما بين البحور وجبل الله المقدس " جبل بهاء القدس." التأمل هنا: ان البدع والهرطقات اللي انتشرت في الايام ده ليها اشكال ملونة ، وبعدت الناس عن انهم يشوفوا جبل الله المقدس.
اخر ملك أتنبأ عنه الكتاب المقدس هو انطيوخس ابيفانيوس ومفيش نبوات عن ملوك تاني.
وده يدينا فكرة: اذا كان انطيوخس ابيفانيوس رمز للمسيح الدجال، فهيبقي ظهور المسيح الدجال هو نهاية العالم.
الاصحاح ال 12 بيتكلم عن الدينونة والأيام الاخيرة، ومرتبط بالموضوع الأخير (نقطة) اللي اتكلمنا فيه ...
طالما وصلنا للمسيح الدجال اذا من المؤكد الخطوة اللي بعدها هي الدينونة ، وعلشان كده اصحاح 12 والاخير بيتكلم عن الدينونة.
45 وَيَنْصُبُ فُسْطَاطَهُ بَيْنَ الْبُحُورِ وَجَبَلِ بَهَاءِ الْقُدْسِ، وَيَبْلُغُ نِهَايَتَهُ وَلاَ مُعِينَ لَهُ. ⪢
1 «وَأَنَا فِي السَّنَةِ الأُولَى لِدَارِيُوسَ الْمَادِيِّ وَقَفْتُ لأُشَدِّدَهُ وَأُقَوِّيَهُ.
اللي بيتكلم هنا رئيس الملايكة جبرائيل (لان رئيس الملايكة ميخائيل ماسك في ايده سيف وبيحارب. مش بيتكلم. اللي بيتكلم هو رئيس الملايكة جبرائيل.).2 وَالآنَ أُخْبِرُكَ بِالْحَقِّ. هُوَذَا ثَلاَثَةُ مُلُوكٍ أَيْضًا يَقُومُونَ فِي فَارِسَ، وَالرَّابعُ يَسْتَغْنِي بِغِنًى أَوْفَرَ مِنْ جَمِيعِهِمْ، وَحَسَبَ قُوَّتِهِ بِغِنَاهُ يُهَيِّجُ الْجَمِيعَ عَلَى مَمْلَكَةِ الْيُونَانِ. التلات ملوك هما: كورش الملك وابنه قمبيز وداريوس هستاسب. والرابع كان ملك غني جدا وكنز كميات ضخمة من الفلوس وبعدين ضرب اليونان ورجع بخيبة كبيرة لانه طلع ب 2 مليون من جيوشه ومعرفش يحرك العدد الكبير ده واتضرب ضربة جامدة من اليونان. وعلي اد ما هجومه كان مرعب علي اليونان بالأعداد الضخمة ديه من الجيش علي اد ما كسفته كبيرة وهو راجع خسران من اليونان. وكان اسمه زركسيس الملك الرابع الغني. واليونانين كانوا فاكرين للفرس المهانة اللي علموها فيهم ( بتاعة الملك الرابع) وضربوهم لحد ما انتقم منهم الاسكندر الاكبر اليوناني.3 وَيَقُومُ مَلِكٌ جَبَّارٌ وَيَتَسَلَّطُ تَسَلُّطًا عَظِيمًا وَيَفْعَلُ حَسَبَ إِرَادَتِهِ. بيتكلم عن الإسكندر الأكبر مؤسس مملكة اليونان.4 وَكَقِيَامِهِ تَنْكَسِرُ مَمْلَكَتُهُ وَتَنْقَسِمُ إِلَى رِيَاحِ السَّمَاءِ الأَرْبَعِ، وَلاَ لِعَقِبِهِ وَلاَ حَسَبَ سُلْطَانِهِ الَّذِي تَسَلَّطَ بِهِ، لأَنَّ مَمْلَكَتَهُ تَنْقَرِضُ وَتَكُونُ لآخَرِينَ غَيْرِ أُولئِكَ. ولما يموت الاسكندر الاكبر هيجي مكانه 4 من القادة بتوعه:
بطليموس في مصر. سلوقس (سلوكس) في سوريا. والتالت في تركيا والرابع في اليونان.
"ولا لعقبه"... مفيش حد من نسل الاسكندر الأكبر (من اولاده) هيملك علي اليونان.
5 وَيَتَقَوَّى مَلِكُ الْجَنُوبِ. وَمِنْ رُؤَسَائِهِ مَنْ يَقْوَى عَلَيْهِ وَيَتَسَلَّطُ. تَسَلُّطٌ عَظِيمٌ تَسَلُّطُهُ. "ملك الجنوب" وملك الشمال ودول هنسمع عنهم كتير. وقولنا بعد موت الإسكندر الأكبر اتقسمت مملكته لأربعة. واللي يهمنا فيهم مملكة سوريا ... مملكة الشمال وقائدها سلوكس (سلوقس).
مملكة مصـــر ... مملكة الجنوب وقائدها بطليموس.
اللي حصل في الأول ان سلوكس كان واحد من ضباط بطليموس. لكن سلوكس اتمرد عليه. واسس كرسي خاص بيه لوحده. ومش كرسي عادي لكن كرسي قوي جدا لدرجة انه فتح لغاية الهند. كانت ملكه من البحر المتوسط لغاية الهند.
والدليل علي كده ان بطليموس لاجوس (في الجدول اللي فوق) ابتدأ حكمه سنة 323 قبل الميلاد. وسلوكس نيكاتور اول واحد في الكرسي السلوكي (تبع سلوكس) ابتدأ حكمه سنة 310 قبل الميلاد. اذا الفرق 13 سنة والـ 13 سنة دول كان سلوكس خاضع لبطليموس الاول. لحد ما استقل عنه. (الكلام ده حسب التاريخ.) وهنا هنشوف ان ربنا له المجد قال القصة ديه قبل حدوثها ب200 سنة ان واحد من رؤسائه هيتقوي ويؤسس الكرسي السلوكي.
6 وَبَعْدَ سِنِينَ يَتَعَاهَدَانِ، وَبِنْتُ مَلِكِ الْجَنُوبِ تَأْتِي إِلَى مَلِكِ الشِّمَالِ لإِجْرَاءِ الاتِّفَاقِ، وَلكِنْ لاَ تَضْبِطُ الذِّرَاعُ قُوَّةً، وَلاَ يَقُومُ هُوَ وَلاَ ذِرَاعُهُ. وَتُسَلَّمُ هِيَ وَالَّذِينَ أَتَوْا بِهَا وَالَّذِي وَلَدَهَا وَمَنْ قَوَّاهَا فِي تِلْكَ الأَوْقَاتِ. كلام صعب معناه... ان لما حصلت مشاكل وحروب بينهم وبين بعض قالوا أسهل حاجة نعمل وحدة (توحيد بيهم). بس وحدة خبيثة: بان ملك الجنوب (مصر) يجوز بنته اسمها برنيكي لملك الشمال (سوريا) كنوع من ربط الكلام؛ وده نوع من الجواز السياسي. برنيكي بنت ملك مصر اتجوزت انطيوخس تيوس (تيوس معناه الله. جايز كان بيتدعي الالوهة.) والمشكلة ان ملك الشمال انطيوخس تيوس كان متجوز ملكة اسمها لاوديس ولما اتجوز عليها مسكتتش وقلبت الدنيا لحد ما طلقها. وبعد ما طلقها انتقمت وحطت له السم ومات وخلت ابنها ملك واسمه: سلوكس كاللينيكوس.
"ولكن لا تضبط الذراع قوة." ... يعني القوة اللي حبوا يعملوها مجابتش نتيجة. والملكة الاصلية عرفت تخلص حقها من الكل.
7 وَيَقُومُ مِنْ فَرْعِ أُصُولِهَا قَائِمٌ مَكَانَهُ، وَيَأْتِي إِلَى الْجَيْشِ وَيَدْخُلُ حِصْنَ مَلِكِ الشِّمَالِ وَيَعْمَلُ بِهِمْ وَيَقْوَى. ولما حطت ابنها ملك، الخطة بتاعة بطليموس ملك مصر منفعتش ومعرفش يملك على سوريا. وبنت بطليموس ماتت عن طريق لاوديس الملكة الأصلية.
أخو برنيكي اسمه بطليموس ايروجيتس اللي جه بعد كده وكون جيش كبير وضرب سلوكس كاللينيكوس انتقاما لأخته واللي حصل. فكانت الحرب شغالة باستمرار بين الشمال والجنوب. (وطبعا الشمال والجنوب لموقع بالنسبة لأورشليم. لان المركز بتاعنا هو اورشليم لانه شعب الله. إذا الشمال والجنوب هو بالنسبة لشعب الله.)
"ويقوم من فرع اصولها" ... اللي هو بطليموس ايروجيتس أخو برنيكي.
8 وَيَسْبِي إِلَى مِصْرَ آلِهَتَهُمْ أَيْضًا مَعَ مَسْبُوكَاتِهِمْ وَآنِيَتِهِمِ الثَّمِينَةِ مِنْ فِضَّةٍ وَذَهَبٍ ، وَيَقْتَصِرُ سِنِينَ عَنْ مَلِكِ الشِّمَالِ. 9 فَيَدْخُلُ مَلِكُ الْجَنُوبِ إِلَى مَمْلَكَتِهِ وَيَرْجِعُ إِلَى أَرْضِهِ. دخل ضربه واخد ممتلكاته وغنايم كتير ورجع تاني لأرضه.10 «وَبَنُوهُ يَتَهَيَّجُونَ فَيَجْمَعُونَ جُمْهُورَ جُيُوشٍ عَظِيمَةٍ، وَيَأْتِي آتٍ وَيَغْمُرُ وَيَطْمُو وَيَرْجِعُ وَيُحَارِبُ حَتَّى إِلَى حِصْنِهِ. اولاد سلوكس كاللينيكوس كانوا اتنين ... "بنوه يتهيجون"
سلوكس كيرونوس ... كان ملك لمدة سنتين من سنة 225 ل 223 قبل الميلاد.
والابن التاني انطيوخس الكبير ... وجه بعد اخوه.
الاتنين الأخوات دول عملوا حلف وانهم لازم يضربوا بطليموس ايروجيتس (اللي ضرب ابوهم).
"يتهيجون" الكلام علي الاتنين الأخوات.
"يغمر ويطفو" ... الكلام علي واحد. لان بداية الحلف كان بين الاتنين الأخوات. بس في واحد منهم مات (علشان كده الجملة ابتدت بالجمع وانتهت بالمفرد.)
كيرونوس قعد سنتين ومات وانطيوخس الكبير قعد 37 سنة.
11 وَيَغْتَاظُ مَلِكُ الْجَنُوبِ وَيَخْرُجُ وَيُحَارِبُهُ أَيْ مَلِكَ الشِّمَالِ، وَيُقِيمُ جُمْهُورًا عَظِيمًا فَيُسَلَّمُ الْجُمْهُورُ فِي يَدِهِ. ملك الجنوب بطليموس فيلوباتير خرج وضرب انطيوخس ملك الشمال وهزمه هزيمة شديدة. وكأن دانيال النبي بيحمي قصة شايفها قدامه.
"فيسلم الجمهور في يده" ... يعني الجيش وقع في ايده.
12 فَإِذَا رُفِعَ الْجُمْهُورُ يَرِتْفِعُ قَلْبُهُ وَيَطْرَحُ رَبَوَاتٍ وَلاَ يَعْتَزُّ. ونتيجة انتصاره بقي مغرور...
"فاذا رفع الجمهور"... لما اتغلب الجيش قدامه. اتكبر
"ولا يعتز" ... يعني مش هيطلع بنتيجة من اللي عمله. لما اتغر فيلوباتير وغلب ملك الشمال، غلط غلطة عمره: انه دخل هيكل ربنا ودخل قدس الاقداس وداس علي الكل من غير احترام لاي شئ. وطبعا لما عمل كده هو اتحدي ربنا له المجد. وحصل ان جيشه هو وشعب سوريا هاجوا عليه وهرب ورجع للجنوب اللي هي مصر. ورجع بشروط مهينة اووي للصلح. وفرضوا عليه جزية. دفع جزية للشمال اللي هي سوريا.
13 فَيَرْجعُ مَلِكُ الشِّمَالِ وَيُقِيمُ جُمْهُورًا أَكْثَرَ مِنَ الأَوَّلِ، وَيَأْتِي بَعْدَ حِينٍ، بَعْدَ سِنِينَ بِجَيْشٍ عَظِيمٍ وَثَرْوَةٍ جَزِيلَةٍ. 14 وَفِي تِلْكَ الأَوْقَاتِ يَقُومُ كَثِيرُونَ عَلَى مَلِكِ الْجَنُوبِ، وَبَنُو الْعُتَاةِ مِنْ شَعْبِكَ يَقُومُونَ لإِثْبَاتِ الرُّؤْيَا وَيَعْثُرُونَ. اليهود لما قرأوا النبوات ديه ولقوها ماشية مع التسلسل ده: لقوا ان الكلام بينطبق علي نبوة دانيال النبي، فقالوا نستثمر الكلام ده لصالحنا. وراحوا لانطيوخس وقالوله: انت ممكن تحارب ملك الجنوب (مصر) وتكسب واحنا هنساعدك. عملوا كده لانهم فهموا نبوة دانيال النبي.
ويقال ان اليهود الكويسين رفضوا يحطوا ايدهم في ايد اليونان. لان اليونانيين وثنين وبيدنسوا اي حاجة.
"بنو العتاة" ... اللي هما استغلوا النبوة واستثمروها لصالحهم. لكن طبعا اليهود مش هيكسبوا ومطلعوش بحاجة في الاخر من ملك سوريا ولا حتي اداهم حريتهم.
"يعثرون" ... يعني مش هيكسبوا.
15 فَيَأْتِي مَلِكُ الشِّمَالِ وَيُقِيمُ مِتْرَسَةً وَيَأْخُذُ الْمَدِينَةَ الْحَصِينَةَ، فَلاَ تَقُومُ أَمَامَهُ ذِرَاعَا الْجَنُوبِ وَلاَ قَوْمُهُ الْمُنْتَخَبُ، وَلاَ تَكُونُ لَهُ قُوَّةٌ لِلْمُقَاوَمَةِ. 16 وَالآتِي عَلَيْهِ يَفْعَلُ كَإِرَادَتِهِ وَلَيْسَ مَنْ يَقِفُ أَمَامَهُ، وَيَقُومُ فِي الأَرْضِ الْبَهِيَّةِ وَهِيَ بِالتَّمَامِ بِيَدِهِ. "الارض البهية" ... اورشليم.
الكلام علي انطيوخس الكبير اللي امتلك كله وطرد ملك مصر.
17 وَيَجْعَلُ وَجْهَهُ لِيَدْخُلَ بِسُلْطَانِ كُلِّ مَمْلَكَتِهِ، وَيَجْعَلُ مَعَهُ صُلْحًا، وَيُعْطِيهِ بِنْتَ النِّسَاءِ لِيُفْسِدَهَا، فَلاَ تَثْبُتَ وَلاَ تَكُونَ لَهُ. "بنت النساء" ... ديه كليوباترا بس مش هي اللي نعرفها في التاريخ بتاعنا. وملك سوريا: عمل نفس اللعبة السياسية وادي بنته لملك مصر يتجوزها . وكانت الخطة انها تفسد الحكم في الجنوب. يعني تدخل كنوع من الجاسوسية. وشكلها حبت الملك وسابت ابوها. وخطة ابوها ملك سوريا فشلت.
"ليفسدها" ... يفسد الحكم المصري.
"فلا تثبت ولا تكون له." ... يعني خطته مش هتمشي . وحتى بنته مش هتكون ليه.
18 وَيُحَوِّلُ وَجْهَهُ إِلَى الْجَزَائِرِ وَيَأْخُذُ كَثِيرًا مِنْهَا، وَيُزِيلُ رَئِيسٌ تَعْيِيرَهُ فَضْلاً عَنْ رَدِّ تَعْيِيرِهِ عَلَيْهِ. "الجزائر" ... في الكتاب المقدس يقصد بيها: كريت والقبرص واليونان وايطاليا واسبانيا وانجلترا ولحد امريكا.
"رئيس" ... في رئيس هيظهر في التاريخ بعد اليونان وهيزيل التعيير والفضيحة اللي عملها انطيوخس. لان انطيوخس اتجرأ علي اليونان. واللي حصل تاريخيا: لما اليونانيين لقوا ان انطيوخس ضربهم، راحوا عملوا حلف مع روما. وروما ابتديت تظهرت في الوجود كقوة ضخمة عسكرية، واليونانيين عملوا حلف مع ايطاليا علشان ينجدوهم. وطبعا الرومان (روما) ماصدقوا وراحوا ضاربين انطيوخس ورجعوه علي بلده. فردوا التعيير بتاعه ، وكمان حطوا عليه جزية ضخمة جدا. فردوا تعييره بتعيير اكبر. لانه بدل مايفتح اليونان ويضمها ليه، رجع وعليه جزية كبيرة يدفعها.
19 وَيُحَوِّلُ وَجْهَهُ إِلَى حُصُونِ أَرْضِهِ وَيَعْثُرُ وَيَسْقُطُ وَلاَ يُوجَدُ. انطيوخس رجع علي بلاده تاني ... " ويحول وجهه الي حصون ارضه.
"ويعثر ويسقط ولا يوجد." ... لما حب يلم فلوس كتير علشان يدفع الجزية اللي اتفرضت عليه، فهو مش عارف يجيب الفلوس منين، فدخل هيكل جوبيتر وجوبيتر ده الاله بتاعهم علشان ياخد الذهب والفضة اللي جوة الهيكل. ولما عمل كده جيشه وشعبه هاجوا ضده وقتلوه لانه دنس المعبد بتاعهم.
20 «فَيَقُومُ مَكَانَهُ مَنْ يُعَبِّرُ جَابِيَ الْجِزْيَةِ فِي فَخْرِ الْمَمْلَكَةِ، وَفِي أَيَّامٍ قَلِيلَةٍ يَنْكَسِرُ لاَ بِغَضَبٍ وَلاَ بِحَرْبٍ. ابنه جه مكانه وسموه" جابي الجزية" ... لان كل شغلته انه يلم الضرائب. لدرجة انهم قالوله : ان بتثير الناس وممكن يكرهوك. قالهم: انا لا اعبد غير المال وبس. وده بعت انه يجيب كل ذهب هيكل اورشليم. وهنا بقي طبعا مش الناس اللي ثارت عليه لكن ربنا له المجد بنفسه هو اللي وقفله.
"جابي الجزية" ... بعت قائد اسمه هليودوروس وقاله. ادخل الهيكل وجمع كل الذهب اللي فيه. وفعلا عمل كده، والقائد وهو راجع في الطريق قال: انا بقيت قائد كبير ومعايا الذهب، طيب ايه المانع اني ابقي الملك؟ ولما رجع موت ابن انطيوخس " جابي الجزية" وحط نفسه الملك. علشان كده يقول " وفي ايام قليلة ينكسر لا بغضب ولا بحرب."
21 فَيَقُومُ مَكَانَهُ مُحْتَقَرٌ لَمْ يَجْعَلُوا عَلَيْهِ فَخْرَ الْمَمْلَكَةِ، وَيَأْتِي بَغْتَةً وَيُمْسِكُ الْمَمْلَكَةَ بِالتَّمَلُّقَاتِ. ابتداء من هنا الكلام عن انطيوخس ابيفانيوس ويسمي وحش الايام الاولي. (لان في وحش في الاخر بتاع سفر الرؤيا 13: ضد المسيح.) وانطيوخس نمذج لوحش الأيام الاخيرة.
معني اسم انطيوخس ... يعني مقاوم. حتي اسمه يشير للشخص اللي هيقاوم الله.
الآيات من 21 لـ 35 تنطبق علي انطيوخس ابيفانيوس وضد المسيح في الايام الاخيرة، لكن بالأكثر علي انطيوخس. لكن في الآية 36 ... يحصل فيها تحول من انطيوخس ابيفانيوس الي المسيح الدجال صراحة.
"محتقر" ... المؤرخين اللي بيسجلوا التاريخ يكتبوا عن انطيوخس ابيفانيوس انه: شاذ – غريب التصرفات – فظ – هائج – وضيع وخسيس.
"لم يجعلوا عليه فخر المملكة" ... مكانش ليه نصيب في المملكة. لأنه مكانش دوره في الحكم لان كان المفروض ابن اخوه الكبير هو اللي عليه الدور في انه يكون الملك. لكن بالتحايل أحد الحكم.
+ انطيوخس ابيفانيوس كان الابن الأصغر لانطيوخس الكبير، فالرومان لما ضربوا ابوه انطيوخس الكبير اخدوا الابن الأصغر اللي هو انطيوخس ابيفانيوس رهينة علي انه يعيش في روما حر. بس يفضل عايش في روما وده علشان يمنعوا ابوه انه يضرب اليونان او روما مرة تانية.
فهو بالتحايل عمل خدعة وجاب اخوة الكبير وحطه في روما وهرب هو. ورجع وعمل حيلة وضرب هليودوروس وموته. هليودوروس قعد علي كرسي الحكم لمدة 13 سنة. انطيوخس ابيفانيوس احتال علي الكل لدرجة انه مع مصر: حط رجالته كجواسيس في قلب قصر ملك مصر. فلما انطيوخس ابيفانيوس جه يضرب مصر، وملك مصر جه يجهز الجيش بتاعه اتفاجأ ان الجيش ضده.
"بالتملقات" ... بالخداع.
22 وَأَذْرُعُ الْجَارِفِ تُجْرَفُ مِنْ قُدَّامِهِ وَتَنْكَسِرُ، وَكَذلِكَ رَئِيسُ الْعَهْدِ. يعني كل اللي كان عاوز ياخد الكرسي بالعافية، شالهم من قدامه.
"وتنكسر، وكذلك رئيس العهد" ... رئيس العهد عليها خلاف: مين هو رئيس العهد؟
- ناس قالت انه: رئيس الكهنة. لأنه رئيس العهد المقدس
- وناس قالت انه: ابن الأخ الكبير لانطيوخس ابيفانيوس اللي كان عليه الدور في انه يبقي الملك. * وسواء كده او كده هو ضرب الكل.
23 وَمِنَ الْمُعَاهَدَةِ مَعَهُ يَعْمَلُ بِالْمَكْرِ وَيَصْعَدُ وَيَعْظُمُ بِقَوْمٍ قَلِيل. 24 يَدْخُلُ بَغْتَةً عَلَى أَسْمَنِ الْبِلاَدِ وَيَفْعَلُ مَا لَمْ يَفْعَلْهُ آبَاؤُهُ وَلاَ آبَاءُ آبَائِهِ. يَبْذُرُ بَيْنَهُمْ نَهْبًا وَغَنِيمَةً وَغِنًى، وَيُفَكِّرُ أَفْكَارَهُ عَلَى الْحُصُونِ، وَذلِكَ إِلَى حِينٍ. "اسمن البلاد" ... اللي هي سوريا. لأنها كانت اغني المناطق، واللي معملهوش ابائه هو عمله : انه يحط جزية كتيرة علي السوريين. 25 وَيُنْهِضُ قُوَّتَهُ وَقَلْبَهُ عَلَى مَلِكِ الْجَنُوبِ بِجَيْشٍ عَظِيمٍ، وَمَلِكُ الْجَنُوبِ يَتَهَيَّجُ إِلَى الْحَرْبِ بِجَيْشٍ عَظِيمٍ وَقَوِيٍّ جِدًّا، وَلكِنَّهُ لاَ يَثْبُتُ لأَنَّهُمْ يُدَبِّرُونَ عَلَيْهِ تَدَابِيرَ. ملك الجنوب (ملك مصر) لما لقي انطيوخس ابيفانيوس جاي يضربه، قام عليه بجيش ضخم وقوي جدا.
"ولكنه لا يثبت لأنهم يدبرون تدابير" ... وده نتيجة الجواسيس اللي كان حاططهم انطيوخس في قصر ملك مصر.
26 وَالآكِلُونَ أَطَايِبَهُ يَكْسِرُونَهُ، وَجَيْشُهُ يَطْمُو، وَيَسْقُطُ كَثِيرُونَ قَتْلَى. 27 وَهذَانِ الْمَلِكَانِ قَلْبُهُمَا لِفِعْلِ الشَّرِّ، وَيَتَكَلَّمَانِ بِالْكَذِبِ عَلَى مَائِدَةٍ وَاحِدَةٍ وَلاَ يَنْجَحُ، لأَنَّ الانْتِهَاءَ بَعْدُ إِلَى مِيعَادٍ. واللي كان بياكلهم علي ترابيزته، لان ملك الشمال والجنوب قعدوا يعملوا: مائدة مفوضات وكانوا ناويين علي السلام لكن مكانش في قلبهم نية السلام.28 فَيَرْجعُ إِلَى أَرْضِهِ بِغِنًى جَزِيل وَقَلْبُهُ عَلَى الْعَهْدِ الْمُقَدَّسِ، فَيَعْمَلُ وَيَرْجعُ إِلَى أَرْضِهِ. "وقلبه علي العهد المقدس" ... يعني كان راجع وناوي يضرب اليهود ضربة شديدة. وده لان اليهود جالهم أخباران انطيوخس ابيفانيوس مات في المعركة، فعملوا احتفالات ولما رجع وشاف الاحتفالات وسألت عن السبب قالولوه: ان انطيوخس مات والناس بتحتفل. فضربهم وانتقم منهم.29 «وَفِي الْمِيعَادِ يَعُودُ وَيَدْخُلُ الْجَنُوبَ، وَلكِنْ لاَ يَكُونُ الآخِرُ كَالأَوَّلِ. انطيوخس ابيفانيوس بقي عارف ان السكة مفتوحة، ويضرب في مصر زي ماهو عاوز. وبعد كام سنة فكر انه يضرب مصر تاني. "ولكن لا يكون الآخر كالأول" ... يعني المرة ديه مش زي المرة اللي فاتت.30 فَتَأْتِي عَلَيْهِ سُفُنٌ مِنْ كِتِّيمَ فَيَيْئَسُ وَيَرْجعُ وَيَغْتَاظُ عَلَى الْعَهْدِ الْمُقَدَّسِ، وَيَعْمَلُ وَيَرْجعُ وَيَصْغَى إِلَى الَّذِينَ تَرَكُوا الْعَهْدَ الْمُقَدَّسَ. "كتيم" ... هما الرومان.
ملك مصر لما لقي ان انطيوخس ابيفانيوس كل شوية ينزل مصر يضربه، عمل حلف مع روما علشان ينقذوه من ايد انطيوخس. والرومان كانوا لسه ظاهرين جديد. فالرومان بعتوا لملك مصر ينجدوه، وكان مع الجيش القائد الروماني بتاعهم. والقائد الروماني قال لانطيوخس هتنسحب؟ قاله هافكر. والكلام معجبش القائد الروماني وعمل دايرة حوالين الكرسي اللي قاعد عليه انطيوخس وقاله مش هتخرج من الدايرة ديه الا لما تديني قرارك. ولو طلعت بره الدايرة ديه من غير ماتديني قرار، هاموتك.
فطبعا انطيوخس انسحب، لان مكانش قدامه غير كده.
"ويغتاظ علي العهد المقدس" ... انطيوخس هيطلع غله علي اليهود الغلابة.
31 وَتَقُومُ مِنْهُ أَذْرُعٌ وَتُنَجِّسُ الْمَقْدِسَ الْحَصِينَ، وَتَنْزِعُ الْمُحْرَقَةَ الدَّائِمَةَ، وَتَجْعَلُ الرِّجْسَ الْمُخَرِّبَ. دبح خنزيرة علي المذبح وسلقها وحط الشوربة بتاعتها علي المذبح، وطبعا الخنزير بالنسبة لليهود نجس. وكان بيحط لحم الخنزير في بق (فم) اليهود بالعافية واللي ميرضاش ياكله ، كان بيموته.
سفر المكابيين يحكي: ان واحد من القديسين اليهود طلع لحم الخنزير من بقه ، فانطيوخس قتله بالسيف.
طيب ليه ربنا له المجد يسمح بحاجة زي كده؟ ده لان اليهود نفسهم وصلوا لحالة من السوء والانحطاط. فربنا له المجد مضطر انه يأدبهم. صحيح بعض القديسين ماتوا في السكة وكانوا شهداء، بس طبعا مش بنزعل ان في شهداء. فالتأديب حصل لان ربنا عاوزهم يتوبوا.
32 وَالْمُتَعَدُّونَ عَلَى الْعَهْدِ يُغْوِيهِمْ بِالتَّمَلُّقَاتِ. أَمَّا الشَّعْبُ الَّذِينَ يَعْرِفُونَ إِلهَهُمْ فَيَقْوَوْنَ وَيَعْمَلُونَ. "والمتعدون علي العهد" ... اللي هما اليهود الخونة اللي وقفوا في صف انطيوخس. ومن اليهود الخونة اتكونت مدرسة يهودية وبعضهم كانوا من الكهنة، علشان يعلموا الناس الفلسفة والعبادة الوثنية.
"اما الشعب الذين يعرفون إلههم فيقوون ويعملون." ... وديه اشارة لقيام الثورة المكابية. اتكونت مجموعة يهوذا المكابي ومجموعة المكابيين . وده في سفر المكابيين الأول والتاني. المكابيين دول قالوا: ايه سبب الغلب والهم اللي احنا فيه؟ ايه سبب اننا مكسورين قدام العدو؟ وده ملهوش الا سبب واحد وهو ان فينا خطية. ووجابوا كلام موسي النبي وقروه ولقوا انه قال كذا مرة: لو مشيتوا صح ربنا هيبارك وهيقف جنبكم، ولو مشيتوا غلط هتتضربوا. فالكلام كان واضح بالنسبة لهم.
فقالوا نتقدس وفعلا اتقدسوا. ومحدش قدر يجي جنبهم فعلا. وده اللي حصل تاريخيا. ولما كانوا يتغلبوا في مرة ، يدوروا علي السبب. يلاقوا برده انها الخطية، ولما يبعدوا عن الخطية يرجعوا ينتصروا تاني.
"فيقوون ويعملون" ... الكلام علي المكابيين.
33 وَالْفَاهِمُونَ مِنَ الشَّعْبِ يُعَلِّمُونَ كَثِيرِينَ. وَيَعْثُرُونَ بِالسَّيْفِ وَبِاللَّهِيبِ وَبِالسَّبْيِ وَبِالنَّهْبِ أَيَّامًا. 34 فَإِذَا عَثَرُوا يُعَانُونَ عَوْنًا قَلِيلاً، وَيَتَّصِلُ بِهِمْ كَثِيرُونَ بِالتَّمَلُّقَاتِ. 35 وَبَعْضُ الْفَاهِمِينَ يَعْثُرُونَ امْتِحَانًا لَهُمْ لِلتَّطْهِيرِ وَلِلتَّبْيِيضِ إِلَى وَقْتِ النِّهَايَةِ. لأَنَّهُ بَعْدُ إِلَى الْمِيعَادِ. في مدرسة اتأسست وقتها اسمها: مدرسة الغيوريين. وزي ماقولنا ان الكويسين من اليهود القديسين هيتضربوا ويموتوا ... "عثروا"
المهم ان ربنا له المجد بيسمح بالضربة عشان ... "للتطهير وللتبييض." يعني من اجل التمحيص. التنقية. وده مبدأ الكتاب المقدس: ان الضربات والالام من أجل التنقية.
ولحد هنا خلصت قصة انطيوخس ابيفانيوس
36 «وَيَفْعَلُ الْمَلِكُ كَإِرَادَتِهِ، وَيَرْتَفِعُ وَيَتَعَظَّمُ عَلَى كُلِّ إِلهٍ، وَيَتَكَلَّمُ بِأُمُورٍ عَجِيبَةٍ عَلَى إِلهِ الآلِهَةِ، وَيَنْجَحُ إِلَى إِتْمَامِ الْغَضَبِ، لأَنَّ الْمَقْضِيَّ بِهِ يُجْرَى. هنا هيبتدي الكلام عن المسيح الدجال
"يتعظم علي كل اله" ... الكلام ده مينفعش يمشي مع انطيوخس لانه حط تمثال جوبيتر جوة الهيكل وطلب من الناس تعبد جوبيتر، فده كان الهه. وكمان هو مقالش انا اله. فمينفعش الكلام ده ينطبق عليه.
رسالة تسالونيكي معلنا بولس الرسول قال الكلام ده بالنص: 2 تسالونيكي 2: "لا يخدعنكم احد علي طريقة ما ، وانه لا يأتي إن لم يأتي الارتداد اولا. ويستعلن انسان الخطية ابن الهلاك. المقاوم والمرتفع علي كل ما يدعي إلها أو معبودا، حتي انه ....... كاله مظهرا نفسه انه إله "
37 وَلاَ يُبَالِي بِآلِهَةِ آبَائِهِ وَلاَ بِشَهْوَةِ النِّسَاءِ، وَبِكُلِّ إِلهٍ لاَ يُبَالِي لأَنَّهُ يَتَعَظَّمُ عَلَى الْكُلِّ. "ولا يبالي بآلهة ابائه" ... ابائه توضح ان الكلام علي واحد هيطلع من وسط اليهود.. هو طالع من القلة، ودلوقتي اليهود قلة وموجودين في كل حتة. فده شخص هيطلع من وسطهم، بس مش هيكون بنفس إيمانهم وانهم بيعبدوا اله.
"ولا بشهوة النساء" ... هنا معناها: ان يبدوا إن الإنسان ده هيكون شاذ، من كل النواحي. وعلشان كده نلاحظ في سفر الرؤيا 11: لما كان بيتكلم عن الأيام الأخيرة، قال ان خطية الايام الاخيرة: هي خطايا سدوم ومصر. "التي تدعي روحيا سدوم ومصر." ... خطية مصر هي الكبرياء والفرعنة. فربنا يضرب علشان نفوق من اللي الواحد فيه، بس احنا مش هنفوق. وهي ديه خطية مصر. وخطية سدوم هي الشذوذ. فواضح ان الانسان ده لما يبقي موجود: هتبقي هي ديه الخطية السائدة في مملكته، يبدو كده.
"ولا بشهوة النساء" ... فده كده ضد المنطق الطبيعي، فيبدو انه انسان منعدم المشاعر والعواطف الطبيعية. انسان رهيب من كل النواحي.
38 وَيُكْرِمُ إِلهَ الْحُصُونِ فِي مَكَانِهِ، وَإِلهًا لَمْ تَعْرِفْهُ آبَاؤُهُ، يُكْرِمُهُ بِالذَّهَبِ وَالْفِضَّةِ وَبِالْحِجَارَةِ الْكَرِيمَةِ وَالنَّفَائِسِ. "إله الحصون" ... ليها كذا ترجمة:
- ترجمة بتقول: إله قوي.
- والتانية بتقول: اله القلاع (جمع قلعة). يعني اللي الناس متحصنة وراها. مثلا: النهاردة امريكا متحصنة وراء القوة العسكرية والقوة الاقتصادية. وديه القلاع اللي الناس بتعبدها وشايفينها حماية ليهم. الاسلحة والفلوس حمايتهم.
وده يتطابق مع فكرة سفر الرؤيا: ان في 10 ملوك هيدوله قوتهم... "إله الحصون." يعني هيتحامي في الملوك الأقوياء.
39 وَيَفْعَلُ فِي الْحُصُونِ الْحَصِينَةِ بِإِلهٍ غَرِيبٍ. مَنْ يَعْرِفُهُ يَزِيدُهُ مَجْدًا، وَيُسَلِّطُهُمْ عَلَى كَثِيرِينَ، وَيَقْسِمُ الأَرْضَ أُجْرَةً. "الحصون الحصينة" ... ببساطة هي الكنيسة. وبنقول ان في الأيام ديه "ضيق لم يكن مثله." وده لأنه هيضرب في الكنيسة ومش هيرحم.. وهيبقي ليه سلطان انه يضرب.
"باله غريب" ... لأنه هيظهر نفسه كاله. وهيرفض اي ديانات في العالم واي اله، مش بس الكنايس لكن هيرفض الكل.
الفرق بين الوثنية والالحاد:
الوثنية: ان واحد يعبد اله غير ربنا. النار- الشمس – القمر- ...
الالحاد: انكار وجود الله اصلا.
"من يعرفه" ... اللي ماشي وراه. وديه ماشية مع سفر الرؤيا: ان يعطي سمة علي جباه اللي ماشيين وراه واللي عنده السمة ديه "يستطيع ان يبيع ويشتري." .. يعني اللي تبعه هيقدروا ياخدوا نصيبهم ن العالم والحياة بالنسبة لها هتبقي سهلة.
++ وبكده انتهي الكلام عن المسيح الدجال ++
الآيات اللي جاية : ممكن تمشي علي انطيوخس ابيفانيوس والمسيح الدجال . تمشي علي الاتنين.
40 «فَفِي وَقْتِ النِّهَايَةِ يُحَارِبُهُ مَلِكُ الْجَنُوبِ، فَيَثُورُ عَلَيْهِ مَلِكُ الشِّمَالِ بِمَرْكَبَاتٍ وَبِفُرْسَانٍ وَبِسُفُنٍ كَثِيرَةٍ، وَيَدْخُلُ الأَرَاضِيَ وَيَجْرُفُ وَيَطْمُو. ملك الجنوب (مصر) هيفتكر انه طالما متحامي بالرومان يبقي هيقدر علي ملك الشمال (سوريا). بس الرومان مش موجودين، فاخد ملك الشمال اللي هو انطيوخس جيشه وراح ضرب ملك مصر.41 وَيَدْخُلُ إِلَى الأَرْضِ الْبَهِيَّةِ فَيُعْثَرُ كَثِيرُونَ، وَهؤُلاَءِ يُفْلِتُونَ مِنْ يَدِهِ: أَدُومُ وَمُوآبُ وَرُؤَسَاءُ بَنِي عَمُّونَ. المنطقة ديه واضح انهم كانوا بيساعدوا انطيوخس ابيفانيوس، فلما نزل وضرب مصر والمصريين، ضرب في سكته اليهود لكن ساب منطقة الاردن (حاليا) اللي هي كانت آدوم وموآب ومضربهاش.
(ازاي هيتم كل ده وقتها محدش يعرف.)
42 وَيَمُدُّ يَدَهُ عَلَى الأَرَاضِي، وَأَرْضُ مِصْرَ لاَ تَنْجُو. وديه الحرب الرابعة علي مصر. لان انطيوخس ابيفانيوس ضرب مصر 3 مرات وديه الرابعة.43 وَيَتَسَلَّطُ عَلَى كُنُوزِ الذَّهَبِ وَالْفِضَّةِ وَعَلَى كُلِّ نَفَائِسِ مِصْرَ. وَاللُّوبِيُّونَ وَالْكُوشِيُّونَ عِنْدَ خُطُوَاتِهِ. الحرب الرابعة ديه : محصلتش حرب بين جيوش، لكن نزل اخد من مصر جزية ولم الفلوس الموجودة في مصر ورجع. لكن مسقطش فيها قتلي.
"عند خطواته" ... يعني ايدوه. شكله اشتراهم، فايدوه انهم يقفوا معاه ضد المصريين.
"اللهويبيون والكوشيون" ... ليبيا واثيوبيا (ابتداء من النوبة لغاية تحت علي الخريطة.)
44 وَتُفْزِعُهُ أَخْبَارٌ مِنَ الشَّرْقِ وَمِنَ الشِّمَالِ، فَيَخْرُجُ بِغَضَبٍ عَظِيمٍ لِيُخْرِبَ وَلِيُحَرِّمَ كَثِيرِينَ. وهو في حربه مع مصر وبيلم الجزية، جاله خبر اهن حصل تمرد عليه في بلاد الفرس. وراح علي هناك، وهو هناك سمع ان حصل تمرد المكابيين (اليهود) وبعت القائد بتاعه : ليسياس وقاله : كاني انا موجود هناك وحط خيامه وقاله: تنزل تمسح اليهود خالص، تخلص عليهم، يبيدهم ابادة.
وان خيمته تبقي في وسط الجيش وكأن انطيوخس هو بنفسه اللي موجود.
انا انطيوخس هاحارب الفرس وانت تنزل تبيد اليهود. وبعد ما اصدر الامر ده: حصل مالم يكن في الحسبان، ان الدود ضربه في بطنه وطلعت من ريحة (موجود في اصحاح 8) ، وفي الاول ابتدى يتحدي ربنا له المجد، وشوية شوية قال: ان كل اللي حصله نتيجة انه اتحدي الله.
وفي الآخر: ندر ندر انه لو خف هيعفو عن اليهود، لكن كان خلاص كله انتهي واخد فرصه طول حياته "اعطيتها زمانا لكي تتوب، ولم تتب." وده اللي بيحصل معانا كمان: ربنا بيدينا وقت للتوبة، رفضنا التوبة ... ربنا بيرفضنا. وربما يكون هو ده التفسير.
وفعلا ده اللي حصل معاه، ولأنه يعتقد انها مكانتش توبة حقيقية لكن مجرد خوف من المرض.
"ويبلغ نهايته ولا معين" ... ده بالنسبة لانطيوخس ابيفانيوس. وبالنسبة ل ليسياس اللي نشر الفسطاط اللي هي الخيام الملكية، انتصر عليه يهوذا المكابي.
نفس الآيات ديه بتنطبق علي ضد المسيح:
مش منطقي ان مصر هتحارب سوريا. طيب هتيجي ازاي؟ ديه محطوطة قدامها علامة استفهام، وبكده احنا عارفين ان في الأيام الأخيرة هيحصل نوع من الحرب بين الجنوب والشمال. لكن ازاي مش عارفين.
من ناحية روحية:
ان "الفسطاط" ... عبارة عن خيام ملونة والوانها مزهزهة.
وهي قائمة "بين البحور" ... البحر الابيض والبحر الميت.
الفسطاط ده المكان اللي انتشرت فيه الخيام، فكان حاجز ملون ما بين البحور وجبل الله المقدس " جبل بهاء القدس." التأمل هنا: ان البدع والهرطقات اللي انتشرت في الايام ده ليها اشكال ملونة ، وبعدت الناس عن انهم يشوفوا جبل الله المقدس.
اخر ملك أتنبأ عنه الكتاب المقدس هو انطيوخس ابيفانيوس ومفيش نبوات عن ملوك تاني.
وده يدينا فكرة: اذا كان انطيوخس ابيفانيوس رمز للمسيح الدجال، فهيبقي ظهور المسيح الدجال هو نهاية العالم.
الاصحاح ال 12 بيتكلم عن الدينونة والأيام الاخيرة، ومرتبط بالموضوع الأخير (نقطة) اللي اتكلمنا فيه ...
طالما وصلنا للمسيح الدجال اذا من المؤكد الخطوة اللي بعدها هي الدينونة ، وعلشان كده اصحاح 12 والاخير بيتكلم عن الدينونة.
45 وَيَنْصُبُ فُسْطَاطَهُ بَيْنَ الْبُحُورِ وَجَبَلِ بَهَاءِ الْقُدْسِ، وَيَبْلُغُ نِهَايَتَهُ وَلاَ مُعِينَ لَهُ. ⪢