⪡ 1وَصَرَخَ فِي سَمْعِي بِصَوْتٍ عَال قَائِلاً: «قَرِّبْ وُكَلاَءَ الْمَدِينَةِ، كُلَّ وَاحِدٍ وَعُدَّتَهُ الْمُهْلِكَةَ بِيَدِهِ». "وكلاء المدينة" ... المعينين للقضاء علي المدينة. المسؤولين عن رعايتها.
" وَصَرَخَ فِي سَمْعِي بِصَوْتٍ عَال" ... ربنا يصرخ لانه غضبان وثائر علي شعب إسرائيل بسبب خطاياه وشروره وعنده. مش عاوزين يتوبوا ومصممين علي طرقهم الشريرة... ومن لا يسمع صوت الله اللطيف سيسمع صوت صراخ غضبه وتهديداته. لان ربنا بيدي مهلة ووقت علشان الواحد يتوب ويرجع، بس لما تنتهي فرصه في التوبة يبقي هو اللي حكم علي نفسه.
فقرر أن يؤدبها تأديبًا شديدًا، بتدميرها وحرقها وقتل أبنائها.
وكلاء المدينة: هم الملائكة المسئولون عن رعايتها، إما بالحماية وفيض نعمة الله عليهم، إن ساروا مع الله، أو تأديبهم إن عصوا الله ورفضوا التوبة. فطلب الله من حزقيال أن يقرب هؤلاء الملائكة إلى أورشليم، أي أمر الله بقرب تنفيذ التأديب للمدينة.
"وعدَّتَهم المهلكة" ... هى العقاب الإلهي على أورشليم، وهو السيف والجوع والوبأ، أي الوسائل التي سيهلك بها سكانها الأشرار (حز 6: 11).
2وَإِذَا بِسِتَّةِ رِجَال مُقْبِلِينَ مِنْ طَرِيقِ الْبَابِ الأَعْلَى الَّذِي هُوَ مِنْ جِهَةِ الشِّمَالِ، وَكُلُّ وَاحِدٍ عُدَّتُهُ السَّاحِقَةُ بِيَدِهِ، وَفِي وَسْطِهِمْ رَجُلٌ لاَبِسٌ الْكَتَّانَ، وَعَلَى جَانِبِهِ دَوَاةُ كَاتِبٍ. فَدَخَلُوا وَوَقَفُوا جَانِبَ مَذْبَحِ النُّحَاسِ. "ستة رجال" ... 6 ملايكة.
"في وسطهم رجل لابس الكتان" ... لبس الكتان، ديه كانت ملابس الكهنة في العهد القديم. والكتان: يرمز للبر والنقاوة. ... " دَوَاةُ كَاتِبٍ" ... الدواية اللي فيها الحبر، علشان يكتب.
" وَوَقَفُوا جَانِبَ مَذْبَحِ النُّحَاسِ" ... مذبح النحاس يشير الي الصليب. والعدل والقضاء الإلهي.
أتى التأديب بواسطة الملائكة الستة من الباب الذي من جهة الشمال؛ لأن بابل أقبلت على أورشليم من الشمال ودمرتها.
حمل الرجال الستة عدتهم الساحقة، أي أدوات الهلاك، التي ستسحق أورشليم ومن بها. في وسط الستة رجال الذين سيؤدبون أورشليم ظهر رجل لابس كتان
3وَمَجْدُ إِلهِ إِسْرَائِيلَ صَعِدَ عَنِ الْكَرُوبِ الَّذِي كَانَ عَلَيْهِ إِلَى عَتَبَةِ الْبَيْتِ. فَدَعَا الرَّجُلَ اللاَّبِسَ الْكَتَّانِ الَّذِي دَوَاةُ الْكَاتِبِ عَلَى جَانِبِهِ، " وَمَجْدُ إِلهِ إِسْرَائِيلَ" ... ابتدي مجد ربنا يتحرك من الهيكل.
" صَعِدَ عَنِ الْكَرُوب الَّذِي كَانَ عَلَيْهِ" ... لان مجد الرب كان علي الكروب، الموجود في قدس الأقداس. مجد الرب كان بيحل علي شكل سحاب او نور في قدس الأقداس بين الاتنين الكاروب الموجودين علي غطاء تابوت العهد.
"إِلَى عَتَبَةِ الْبَيْتِ." ... علي بداية القدس في الخارج، كان الكهنة اللي كانوا واقفين ومدين ربنا القفا، ووشهم ناحية الشمس وبيسجدوا لها. (المنظر ده هنشوفه بالتفصيل المرة الجاية.)
" فَدَعَا الرَّجُلَ اللاَّبِسَ الْكَتَّانِ الَّذِي دَوَاةُ الْكَاتِبِ عَلَى جَانِبِهِ،" ... صوت ربنا نادي علي الراجل اللابس الكتان.
ولما زاد شر شعب الله، فارق مجد الله قدس الأقداس، وانتقل من فوق الكاروبين، ولكنه لم يخرج من بيته، بل وقف على عتبة البيت. فشر شعبه هو السبب في تركه لبيته.
4وَقَالَ لَهُ الرَّبُّ: «اعْبُرْ فِي وَسْطِ الْمَدِينَةِ، فِي وَسْطِ أُورُشَلِيمَ، وَسِمْ سِمَةً عَلَى جِبَاهِ الرِّجَالِ الَّذِينَ يَئِنُّونَ وَيَتَنَهَّدُونَ عَلَى كُلِّ الرَّجَاسَاتِ الْمَصْنُوعَةِ فِي وَسْطِهَا». الرجل اللابس الكتان: في الأول بيشير للنعمة، وهنا ربنا قاله: اعبر في وسط المدينة.
" وَسِمْ سِمَةً" ... في بعض الترجمات العربي ... ارسم صليبا. وأصلها في العبري تاو
Taw ، وده الحرف الأخير في العبري القديم وشكله زي الصليب. (العبري الحديث شكل حرف تاو مختلف عن العبري القديم)
فهنا ربنا بيقوله: اعمل صليب. وديه تورينا إننا بنخلص بصليب ربنا يسوع المسيح له المجد.
"سمة" ... علامة او ختم. فربنا أمر الراجل اللابس الكتان: ان قبل ما يحصل العقاب والضربات، انه يحط علامة ربنا علي جباه الناس اللي قلبها وأجعها علي اللي بيحصل.
5وَقَالَ لأُولئِكَ فِي سَمْعِي: «اعْبُرُوا فِي الْمَدِينَةِ وَرَاءَهُ وَاضْرِبُوا. لاَ تُشْفُقْ أَعْيُنُكُمْ وَلاَ تَعْفُوا. "لأولئك" ... اللي هما الستة رجال الموجودين في آية 2. واتفقنا ان رقم 6 ... رمز للشر. لانه رقم ناقص. فالستة رجال هيجوا بالشر، لكن الرجل السابع اللابس الكتان: كان بتاع النعمة.
في الاصحاح اللي فات شوفنا إن الكل فسد، حتي السيدات. والسبعين شيخ اللي كانوا بيعبدوا الأصنام في الهيكل دول كانوا ممثلين كل فئات الشعب كبير وصغير. ولما كانوا بيمارسوا رجاسات الأمم، وبيقدموا أولادهم ذبائح ... فربنا قال " لاَ تُشْفُقْ أَعْيُنُكُمْ وَلاَ تَعْفُوا"... كل اللي متلاقوش عليه السمة، اهلكوهم. لأنهم اخدوا فرصتهم ومتابوش خالص. فجه وقت العقاب.
وديه كانت شبه ضربة الملاك المهلك: اللي مكانش عنده علامة الدم كان الابن البكر بيموت.
6اَلشَّيْخَ وَالشَّابَّ وَالْعَذْرَاءَ وَالطِّفْلَ وَالنِّسَاءَ، اقْتُلُوا لِلْهَلاَكِ. وَلاَ تَقْرُبُوا مِنْ إِنْسَانٍ عَلَيْهِ السِّمَةُ، وَابْتَدِئُوا مِنْ مَقْدِسِي». فَابْتَدَأُوا بِالرِّجَالِ الشُّيُوخِ الَّذِينَ أَمَامَ الْبَيْتِ. كل فئات العمر، رجالة وستات. كله هيااخد عقابه لو متابش. بالظبط زي يوم الدينونة: الفئات اللي تبع الشيطان هتروح معاه للهلاك الأبدي.
لما نلاقي في العهد القديم أطفال بتموت كعقاب، فده رحمة ليهم وللبشرية، لانهم كانوا هيطلعوا أسوأ من أهلهم. والشر مكمل. لكن ربنا بينضف البشرية، لان الوثنية بتزيد اوي
" وَلاَ تَقْرُبُوا مِنْ إِنْسَانٍ عَلَيْهِ السِّمَةُ،" ... متقربوش من حد من أولادي عليه السمة (العلامة او الختم.)
والأصعب من كده " وَابْتَدِئُوا مِنْ مَقْدِسِي. فَابْتَدَأُوا بِالرِّجَالِ الشُّيُوخِ الَّذِينَ أَمَامَ الْبَيْتِ" ... لان الكهنة دول اللي كانوا مدين لربنا القفا وبيعبدوا الشمس. اذا الحكم يبتدي من بيت ربنا. حاجة تخوف اوووي: أول ناس يتأدبوا او يتضربوا في اليوم الأخير " من مقدس الرب."
وديه قالها القديس بولس الرسول لأهل رومية "القضاء يبدأ من بيت الله." الكهنة والرتب الكهنوتية: أول ناس هتتحاكم وهيتحاسبوا لو مقصرين في الخدمة او مع الشعب. لأنهم عارفين أكثر من الشعب. والشعب معرفته اقل من الكهنة. فالبداية كانت من بيت ربنا " مقدسه" لأنه كان خربان روحيا.
7وَقَالَ لَهُمْ: «نَجِّسُوا الْبَيْتَ، وَامْلأُوا الدُّورَ قَتْلَى. اخْرُجُوا». فَخَرَجُوا وَقَتَلُوا فِي الْمَدِينَةِ. " نَجِّسُوا الْبَيْتَ،" ... زمان كان عندهم وصية: ان اللي يلمس ميت، يتنجس. فالقتلى هيكونوا كتير جدا جوة الهيكل. واللي هيلمسهم هيتنجس.
" فَخَرَجُوا وَقَتَلُوا فِي الْمَدِينَةِ" ... خرجوا ونفذا الأمر الإلهي.
والجميل في سفر حزقيال وغيره: ان هناك دايما بقية. يعني في بقية هتخلص.
8وَكَانَ بَيْنَمَا هُمْ يَقْتُلُونَ، وَأُبْقِيتُ أَنَا، أَنِّي خَرَرْتُ عَلَى وَجْهِي وَصَرَخْتُ وَقُلْتُ: «آهِ، يَا سَيِّدُ الرَّبُّ! هَلْ أَنْتَ مُهْلِكٌ بَقِيَّةَ إِسْرَائِيلَ كُلَّهَا بِصَبِّ رِجْزِكَ عَلَى أُورُشَلِيمَ؟». حزقيال النبي شايف اللي بيحصل في شعبه، وهو مسئول عنهم كنبي. فسجد علي الأرض.
والآية ديه توضح لنا شفاعة حزقيال النبي في شعبه. لما حزقيال لقي الهلاك والناس بتتقتل وبتموت، قال "وَقُلْتُ: «آهِ، يَا سَيِّدُ الرَّبُّ! هَلْ أَنْتَ مُهْلِكٌ بَقِيَّةَ إِسْرَائِيلَ كُلَّهَا بِصَبِّ رِجْزِكَ عَلَى أُورُشَلِيمَ؟" ... مفيش بقية يارب؟ فربنا هيطمنه إن في بقية حلوة لسه موجودة.
9فَقَالَ لِي: «إِنَّ إِثْمَ بَيْتِ إِسْرَائِيلَ وَيَهُوذَا عَظِيمٌ جِدًّا جِدًّا، وَقَدِ امْتَلأَتِ الأَرْضُ دِمَاءً، وَامْتَلأَتِ الْمَدِينَةُ جَنَفًا. لأَنَّهُمْ يَقُولُونَ: الرَّبُّ قَدْ تَرَكَ الأَرْضَ، وَالرَّبُّ لاَ يَرَى. الآية ديه توضح أد إيه الإثم عظيم جدا جدا.
"، وَقَدِ امْتَلأَتِ الأَرْضُ دِمَاءً،" ... في قتل كتير في الأرض وظلم كتير وافتراء.
"وَامْتَلأَتِ الْمَدِينَةُ جَنَفًا." ... جنفا: يعني ظلما. ملئوا الأرض من الظلم.
"لأَنَّهُمْ يَقُولُونَ: الرَّبُّ قَدْ تَرَكَ الأَرْضَ، وَالرَّبُّ لاَ يَرَى" ... ظلمهم ملئ الأرض، لأنهم قالوا إن ربنا ساب الأرض، ومش شايف اللي بيحصل. مش شايف اي حاجة. وملهوش أي تأثير.
حاليا بقي في العالم: كل اللي بيحصل بقي شر عظيم جدا جدا. الشهوات الجسدية والفلوس وغيره: كله مسيطر علي الناس بطريقة غريبة.
طبعا ربنا موجود في كل مكان وشايف كل حاجة علي الأرض. ربنا ضابط الكل، ومحب للبشر.
10وَأَنَا أَيْضًا عَيْنِي لاَ تَشْفُقُ وَلاَ أَعْفُو. أَجْلِبُ طَرِيقَهُمْ عَلَى رُؤُوسِهِمْ». ربنا بيقول: تأديبي نتيجة شرورهم. فيتحملوا نتيجة شرورهم وخطاياهم وعدم توبتهم.
" عَيْنِي لاَ تَشْفُقُ وَلاَ أَعْفُو." ... تالت مرة ربنا يقولها. ربنا يرحمنا.
" أَجْلِبُ طَرِيقَهُمْ عَلَى رُؤُوسِهِمْ" ... اللي حصلهم نتيجة أفعالهم وشرورهم. والافتراء بتاعهم. لان "ما يزرعه الإنسان إياه يحصد."
طول ما احنا لسه عايشين: لازم نستغل مراحم ربنا ونتوب. قبل ما الفرصة تضيع ونندم. ربنا يدينا دايما ان احنا نتوب ونصلح من نفسنا ونراجع نفسنا باستمرار.
11وَإِذَا بِالرَّجُلِ اللاَّبِسِ الْكَتَّانِ الَّذِي الدَّوَاةُ عَلَى جَانِبِهِ رَدَّ جَوَابًا قَائِلاً: «قَدْ فَعَلْتُ كَمَا أَمَرْتَنِي». كان قبل كده حزقيال سأل ربنا: يارب مش هتبقي بقية؟
وكأن شفاعة حزقيال، كان ليها نتيجة. وجت ليه الإجابة بطريقة غير مباشرة علي لسان الراجل اللابس الكتان. وقال الراجل اللابس الكتان لربنا في وجود حزقيال ... " قَدْ فَعَلْتُ كَمَا أَمَرْتَنِي." يعني في بقية وهيحصل ليها الخلاص.
وكأن ربنا جه للعالم: مخلص وديان.
- مخلص ... بأنه وضع السمة علي أولاده. اسمه علينا. لأننا مسيحيين، وعندنا فكر المسيح المخلص، وبنعمل أعماله.
- ديان ... ربنا جاي ديان للعالم. في الزمن الأخير. الدينونة.
⪢