⪡ 1وَكَانَ فِي السَّنَةِ السَّادِسَةِ، فِي الشَّهْرِ السَّادِسِ، فِي الْخَامِسِ مِنَ الشَّهْرِ، وَأَنَا جَالِسٌ فِي بَيْتِي، وَمَشَايِخُ يَهُوذَا جَالِسُونَ أَمَامِي، أَنَّ يَدَ السَّيِّدِ الرَّبِّ وَقَعَتْ عَلَيَّ هُنَاكَ. اصحاح 7 : كان اسمه النهاية، نهايات كل الشرور. وكل العبادات اليهود المزيفة. وانتهي عصر الملوك في مملكة يهوذا. مجاش بعد صدقيا الملك، ملوك تاني.
اصحاح 8: ربنا أخد حزقيال النبي (بطريقة زي اللي اترفع بيها ايليا النبي) الي اورشليم. وقاله تعالي أوريك هما بيعملوا إيه في أورشليم.
وكمان هنا بيوضح أنواع الشر اللي وصلوله شعب اسرائيل، واللي خلي ربنا يجي عليهم بالتأديب. فبيوصف السبب: أن ليه ربنا كان شديد عليهم في التأديب.
"في السنة السادسة" ... تقريبا بعد سنة من دعوة حزقيال للنبوة وللخدمة، حوالي سنة وشهرين.
وفي الغالب: انه قعد 390 يوم علي جنبه الشمال و40 يوم علي جنبه اليمين. فلو حسبناها هتكون تقريبا حوالي سنة وشهرين. فغالبا بعد الجنب الشمال واليمين، ابتدي يأخد الرؤيا الجديدة ديه.
وطبعا كان حزقيال مسبي في بابل، يعني مش موجود في أورشليم.
رقم 6 ... دايما يشير للنقص. والي الشر. ده حتي رمز الوحش ضد المسيح 666 يعني ناقص ناقص.
" في السنة السادسة، في الشهر السادس" ... يعني هنا هنتفرج علي شر.
" أَنَّ يَدَ السَّيِّدِ الرَّبِّ وَقَعَتْ عَلَيَّ هُنَاكَ" ... ده تعبير مشهور لحزقيال النبي. فمعني كده انه هيشوف رؤيا جديدة.
2فَنَظَرْتُ وَإِذَا شِبْهٌ كَمَنْظَرِ نَارٍ، مِنْ مَنْظَرِ حَقْوَيْهِ إِلَى تَحْتُ نَارٌ، وَمِنْ حَقْوَيْهِ إِلَى فَوْقُ كَمَنْظَرِ لَمَعَانٍ كَشِبْهِ النُّحَاسِ اللاَّمِعِ. " شِبْهٌ" ... كلمة هتكرر كذا مرة.
في الاصحاح الأول آية 26 و27 " وعلي شبه العرش ...."
"كشبه" ... كمنظر انسان. واتكررت تاني في حزقيال 40.
"نحاس" ... طالما في نحاس، وهنشوفه كمان في سفر الرؤيا، يبقي دليل علي قضاء الله.
اذا منظر شبه مجد الرب: ده بيدل علي قضاء الله، الله آتي للدينونة.
"حقويه" ... يعني من وسط الإنسان لأسفل جسده. فشاف ربنا من وسطه لأسفل: نار.
" ومن حقويه الي فوق كمنظر لمعان، كشبه النحاس اللامع." ... ومن وسطه لفوق: لمعان جامد زي النحاس اللامع.
النار: لان ربنا له المجد يحمل طبيعة الهية كاملة. وطبيعة بشرية كاملة. لكنه شخص واحد.
3وَمَدَّ شِبْهَ يَدٍ وَأَخَذَنِي بِنَاصِيَةِ رَأْسِي، وَرَفَعَنِي رُوحٌ بَيْنَ الأَرْضِ وَالسَّمَاءِ، وَأَتَى بِي فِي رُؤَى اللهِ إِلَى أُورُشَلِيمَ، إِلَى مَدْخَلِ الْبَابِ الدَّاخِلِيِّ الْمُتَّجِهِ نَحْوَ الشِّمَالِ، حَيْثُ مَجْلِسُ تِمْثَالِ الْغَيْرَةِ، الْمُهَيِّجِ الْغَيْرَةِ. "بناصية رأسي" ... شاله من رأسه، بيقولوا: ربنا شال حزقيال من شعره لأنه كان كثيف.
"ورفعني روح" ... روح يعني ريح.
"بين الارض والسماء"...يعني كان في الجو.
حزقيال النبي: كان قاعد بين شيوخ يهوذا في السبي في بابل، وكانت عليه يد الرب، وهتوريله رؤيا جديدة. وشاف " شِبْهَ منظر" دايما هيقول شبه، لأنه مش عارف يوصف المنظر بالظبط. وهو شايف من تحت حقويه: من وسط الإنسان الي أسفل، شايف نار. ومن فوق زي النحاس اللامع. " وَمَدَّ شِبْهَ يَدٍ" ... واخده من راسه وكأنه بين السماء والارض، يعني كأنه في الهواء. فربنا اخده ووداه الي اورشليم.
نتخيل قبل ما نشوف تفاصيل المنظر ده ... ربنا هيدخله اورشليم علي 4 مراحل:
1) المنظر الأول: هيشوفه عند الباب الشرقي... دايما يتقال من الشمال: لان البابليين جايين من الشمال. يعني الشر جه عليهم من الشمال. الشر جه علي اورشليم من الشمال. (ربنا اخده عند السور وبعدين في باب بره، وفي بعد كده مدخل، وبعدين باب تاني من جوة. وبعد كده يدخل للمدينة). وبعد ما خلص سور اورشليم وشاف الرؤيا الأولي: اللي فيها تمثال الغيرة (آية 3).
2) المنظر التاني: راح مدخله علي: حدود الهيكل نفسه. وبرده من الباب الشمالي، ودخله في غرفة وكأنها غرفة سرية، ووراه منظر شيوخ بيعبدوا الأوثان في الهيكل.
3) المنظر التالت: وراح تاني دخله وفي الدار الخارجية: لقي منظر سيدات عمالين يندبوا.
4) المنظر الرابع: وبعدين راح ربنا أخده وموديه ما بين الدار الخارجية والقدس ... ولقي كهنة بيعملوا مصايب.
ودول كانوا الاربع مراحل. وبيقولوا رقم 4 ده رقم الشمول، يعني كده كان الشر شامل المدينة والهيكل والناس بكل اعمارهم.
" إِلَى مَدْخَلِ الْبَابِ الدَّاخِلِيِّ الْمُتَّجِهِ نَحْوَ الشِّمَالِ،" ... ربنا أخد حزقيال النبي ودخله علي الباب الداخلي: وده زي غرفة ليها باب خارجي وباب داخلي. فأخذه علي الباب ا لداخلي اللي علي السور من ناحية الشمال.
" حَيْثُ مَجْلِسُ تِمْثَالِ الْغَيْرَةِ، الْمُهَيِّجِ الْغَيْرَةِ." ... كانوا حاطين تمثال، ويقال ان أيام منسي الملك انتشرت التماثيل والعبادات الوثنية. وكمان شوية: ربنا هيقولهم تماثيلكم ومعبوداتك بعدد شوارعكم ومدنكم.
فالشعب حاطين علي الباب الشمالي بتاع المدينة: تمثال الغيرة.
وده معناه: انهم بيطلبوا الحماية من هذا التمثال. لأنهم حاطينه علي أبواب المدينة، وكأنهم نسيوا يهوه. وطلبوا الحماية من الهة غريبة.
ويقال: ان بعد المجموعة الأولي اللي اتاخدوا في السبي، ابتدوا يقولوا: بما اننا وقعنا كده يبقي ربنا بتاعنا ضعيف، لازم نلجأ لآلهة أخري تحمينا. فزادت عبادتهم الوثنية.
" الْمُهَيِّجِ الْغَيْرَةِ" ... الكتاب عاوز يقول: انهم بيغيظوا ربنا.
4وَإِذَا مَجْدُ إِلهِ إِسْرَائِيلَ هُنَاكَ مِثْلُ الرُّؤْيَا الَّتِي رَأَيْتُهَا فِي الْبُقْعَةِ. وعلشان يورينا المقارنة، كان بيتكلم عن تمثال الغيرة ... هنا ربنا بيوضح ان مجده: ده دلوقتي للقضاء. مش للنعمة.
" مَجْدُ إِلهِ إِسْرَائِيلَ هُنَاكَ" ... في الهيكل. حزقيال شايف ربنا في مجده جوة الهيكل ... يعني كمان ربنا موجود جوة الهيكل بتاعه وشايف كل الشر ده قدامه.
علشان كده احنا كمان جايز بنسمح وبنعمل بعض التجاوزات في بيت ربنا، اللي بتهيج غيرة ربنا وبنزعل ربنا مننا. فلازم نحترم بيت ربنا ويبقي في خشوع في الكنيسة.
5ثُمَّ قَالَ لِي: «يَا ابْنَ آدَمَ، ارْفَعْ عَيْنَيْكَ نَحْوَ طَرِيقِ الشِّمَالِ». فَرَفَعْتُ عَيْنَيَّ نَحْوَ طَرِيقِ الشِّمَالِ، وَإِذَا مِنْ شِمَالِيِّ بَابِ الْمَذْبَحِ تِمْثَالُ الْغَيْرَةِ هذَا فِي الْمَدْخَلِ. كأنه واقف من عند باب اورشليم، من جوة المدينة. وباصص ناحية الشمال، فشاف التمثال اللي عاملينه: تمثال الغيرة. وعاملين له مذبح، وعاملين له احترام ومكان مخصوص وكانوا بيقدموا ذبايح علي المذبح اللي عملوه، بيطلبوا منه الحماية ونسيوا اصلا ربنا.6وَقَالَ لِي: «يَا ابْنَ آدَمَ، هَلْ رَأَيْتَ مَا هُمْ عَامِلُونَ؟ الرَّجَاسَاتِ الْعَظِيمَةَ الَّتِي بَيْتُ إِسْرَائِيلَ عَامِلُهَا هُنَا لإِبْعَادِي عَنْ مَقْدِسِي. وَبَعْدُ تَعُودُ تَنْظُرُ رَجَاسَاتٍ أَعْظَمَ». ربنا بيقول لحزقيال النبي: شايف اللي هما عاملينه في الهيكل بتاعي؟ وده عتاب أب ، أب صعبان عليه اللي بيعملوه أولاده.
" لإِبْعَادِي عَنْ مَقْدِسِي." ... الشعب عامل الحاجات ديه في الهيكل بتاعي، علشان يطردوني. يطردوني من بيتي.
" وَبَعْدُ تَعُودُ تَنْظُرُ رَجَاسَاتٍ أَعْظَمَ" ... فديه كانت البداية. لسه في حاجات أًصعب.
في كل حاجة من الاربع رؤي اللي هيشوفهم حزقيال: في مكان. وفي طلب. وفي إدراك نبوي. وفي سؤال ربنا بيسأله.
الرؤيا الاولي: المكان هو: الباب الشمالي للمدينة. الطلب هو: ربنا أول ما جاب حزقيال، قاله يا ابن آدم ارفع عينك نحو الشمال وبص. الإدراك النبوي: حزقيال هيدرك وهيفهم هما بيعملوا ايه. والسؤال الالهي: ربنا قاله هل رأيت؟
7ثُمَّ جَاءَ بِي إِلَى بَابِ الدَّارِ، فَنَظَرْتُ وَإِذَا ثَقْبٌ فِي الْحَائِطِ. الرؤيا التانية:
"باب الدار" ... أخذ الله حزقيال في رؤيا " باب الدار"، والمقصود هنا الدار الخارجية، حيث يوجد سكن الكهنة على امتداد جانبيه.
كده دخلنا في حدود الهيكل. في ثقب في الحيطة. ربنا خلي حزقيال يبص من ثقب في الحيطة علي بيت ربنا من جوة.
8ثُمَّ قَالَ لِي: «يَا ابْنَ آدَمَ، انْقُبْ فِي الْحَائِطِ». فَنَقَبْتُ فِي الْحَائِطِ، فَإِذَا بَابٌ. ربنا قال لحزقيال " انقب في الحائط" ... كبر يا حزقيال الثقب ده وادخل، ولقي باب.
اذا المكان: باب الهيكل الشمالي.
الطلب: ربنا قاله كبر الثقب اللي في الحيطة شوية.
9وَقَالَ لِي: «ادْخُلْ وَانْظُرِ الرَّجَاسَاتِ الشِّرِّيرَةَ الَّتِي هُمْ عَامِلُوهَا هُنَا». ربنا قاله: ادخل وشوف الشر بتاعهم جوة الهيكل. في بيتي.10فَدَخَلْتُ وَنَظَرْتُ وَإِذَا كُلُّ شَكْلِ دَبَّابَاتٍ وَحَيَوَانٍ نَجِسٍ، وَكُلُّ أَصْنَامٍ بَيْتِ إِسْرَائِيلَ، مَرْسُومَةٌ عَلَى الْحَائِطِ عَلَى دَائِرِهِ. "حيوان نجس" ... قايمة الحيوانات النجسة ربنا قالها ليهم في (لاويين 11) فمعني كده: ان الشريعة جمدت، يعني مش بينفذوا كلام ربنا ولا شريعته.
حزقيال دخل من الباب ده، وشاف حيوانات نجسة جوة الهيكل. وكمان رسموا في الغرفة اللي دخلها حزقيال: رسموا علي الحيطة كل اشكال الدبابات والحيوانات النجسة والأصنام اللي بيعبدوها في الهيكل.
"دبابات" ... كل ما يدب علي الارض من الحيوانات.
11وَوَاقِفٌ قُدَّامَهَا سَبْعُونَ رَجُلاً مِنْ شُيُوخِ بَيْتِ إِسْرَائِيلَ، وَيَازَنْيَا بْنُ شَافَانَ قَائِمٌ فِي وَسْطِهِمْ، وَكُلُّ وَاحِدٍ مِجْمَرَتُهُ فِي يَدِهِ، وَعِطْرُ عَنَانِ الْبَخُورِ صَاعِدٌ. شاف حزقيال جوة الباب او الغرفة ديه:
". وَوَاقِفٌ قُدَّامَهَا سَبْعُونَ رَجُلًا مِنْ شُيُوخِ بَيْتِ إِسْرَائِيلَ،" ... فدول تقريبا ممثليين للشعب كله.
لان ال 70 شيخ: يفكرونا لما حمي موسي النبي قاله: الحمل كتر عليك، عين 70 شيخ يبقوا ممثلين للشعب قدامك. وامتلئوا من روح الله، لان ربنا اخد من الروح اللي علي موسي وحط فيهم. وبقوا بيتكلموا نيابة عن الشعب.
" وَيَازَنْيَا بْنُ شَافَانَ" ... شافان: ده كان في وقت يوشيا الملك الصالح، اللي عمل نهضة روحية ورجع عبادة ربنا تاني ، وشال الأصنام. وكان كاتب ومستشار يوشيا الملك، وكان بيقرأ عليه شريعة الله. لكن يازنيا ابنه: واقف مع ال 70 شيخ قدام الاوثان. ومعني اسم يازنيا: يهوه يسمع. يعني اسمه جميل، لكن تصرفاته مش كده خالص...
" وَعِطْرُ عَنَانِ الْبَخُورِ صَاعد" ... عاملين سحابة من البخور وريحته جميلة. والبخور ده كانت للأصنام والرسومات اللي علي الحيطة، واصلا كل ده جوة الهيكل.
اذا اول لقطة شاف: التمثال الضخم. تمثال الغيرة، عند باب الهيكل بره.
- وتاني لقطة شاف : الرسومات جوة الهيكل، وحاطين تماثيل وشيوخ إسرائيل بيعبدوا الأوثان جوة الهيكل.
12ثُمَّ قَالَ لِي: «أَرَأَيْتَ يَا ابْنَ آدَمَ مَا تَفْعَلُهُ شُيُوخُ بَيْتِ إِسْرَائِيلَ فِي الظَّلاَمِ، كُلُّ وَاحِدٍ فِي مَخَادِعِ تَصَاوِيرِهِ؟ لأَنَّهُمْ يَقُولُونَ: الرَّبُّ لاَ يَرَانَا! الرَّبُّ قَدْ تَرَكَ الأَرْضَ!». "في الظلام" ... بيقولوا: ان الشيوخ دول ممثلين للشعب، لقوا ربنا تخلي عن المدينة وعنهم بعد ماجه نبوخذنصر اول مرة. ولما انهم متأثرين بالشعوب اللي حواليهم، فقالوا: هزيمة الشعب بتساوي هزيمة الهه.
وده كان قانون عندهم، فقالوا طالما اورشليم اتهزمت ، معني كده ان يهوه اتهزم. فلجأوا لالهه غريبة علشان تحميهم. شعب وصل لفساد جامد.
فكل اللي عملوه: لجأوا لكل حيوانات نجسة وكل دبابات الارض والاصنام، لعلهم يجدوا معونة وقوة من الحاجات ديه. ونسيوا ربنا خالص.
وللأسف كل ده كان في الهيكل.
"، كُلُّ وَاحِدٍ فِي مَخَادِعِ تَصَاوِيرِهِ؟" ... عاوز يقول: انهم بيعملوا كده في مخادعهم، مالين مخادعهم بالاصنام وبيعبدوها. ونسيوا ربنا خالص.
مفيش أسوأ ان واحد يكون في مركز قيادي، ويكون مخادع تصاويره مليانة من الشر وفعل الشر. لان الشيوخ دول كانوا ممثلين للشعب، وكانت حالتهم كده. فلينا اننا نتخيل حال الشعب نفسه ايه؟
الخدام لازم يحطوا قدامهم الاية اللي قالها السيد المسيح له المجد: "من أجلهم أقدس أنا ذاتي." ... لازم يكون الخادم مقدس وقديس من اجل اولاده.
" لأَنَّهُمْ يَقُولُونَ: الرَّبُّ لاَ يَرَانَا! الرَّبُّ قَدْ تَرَكَ الأَرْضَ." ... هو ده السبب اللي خلاهم يعملوا كده، انهم قالوا ان ربنا مش شايفنا ، لا يرانا وربنا ساب الأرض. فهما فاكرين ان ربنا ساب أورشليم والهيكل، وده لأنهم اتهزموا. فهما بيبرروا لنفسهم خطاياهم. وطبعا اصلا مفيش اي تبرير للخطية.
13وَقَالَ لِي: «بَعْدُ تَعُودُ تَنْظُرُ رَجَاسَاتٍ أَعْظَمَ هُمْ عَامِلُوهَا». حزقيال النبي بيقول: ربنا قالي ده لسه في رجاسات ونجاسات أعظم واكتر من كده. لسه يا حزقيال هتشوف الشر اكتر من اللي فات.14فَجَاءَ بِي إِلَى مَدْخَلِ بَابِ بَيْتِ الرَّبِّ الَّذِي مِنْ جِهَةِ الشِّمَالِ، وَإِذَا هُنَاكَ نِسْوَةٌ جَالِسَاتٌ يَبْكِينَ عَلَى تَمُّوزَ. ديه المرحلة التالتة : عند الدار الخارجية.
شهر يوليو: اسمه السرياني شهر تموز، (تموز من الشهور السريانية) . وده كان اله الخصب والنماء. (وقصته: يقال انه جه وقت واتهزم ونزل للهاوية، وكان ليه اخت اسمها عشتار. اللي هي عند الهة اليونانيين اسمها أفروديت، آلهة الجنس والجمال والحب. فهي خلصت اخوها من الهاوية وطلعت. وطبعا ديه قصة خرافية. فنلاقي الخليط بين تموز اله الخصب واخته عشتار اله الجنس والجمال والحب، فطبعا عبادتهم لازم ترتبط بالانحلال الاخلاقي.)
" نِسْوَةٌ جَالِسَاتٌ يَبْكِينَ عَلَى تَمُّوزَ" ... في شهر يوليو كل سنة، تيجي نسوة يبكين علي تموز، تذكار نزوله وهزيمته.
طبعا شكل العبادة مرتبط بممارسات نجسة، وكمان جوة الهيكل وعمالين يبكوا علي تموز. طيب فين ربنا؟
15فَقَالَ لِي: «أَرَأَيْتَ هذَا يَا ابْنَ آدَمَ؟ بَعْدُ تَعُودُ تَنْظُرُ رَجَاسَاتٍ أَعْظَمَ مِنْ هذِهِ». ربنا قال لحزقيال: شوفت كل ده؟ ده لسه في نجاسات أعظم من كده.
علي فكرة احنا عمالين نقرب للقدس.
16فَجَاءَ بِي إِلَى دَارِ بَيْتِ الرَّبِّ الدَّاخِلِيَّةِ، وَإِذَا عِنْدَ بَابِ هَيْكَلِ الرَّبِّ، بَيْنَ الرِّوَاقِ وَالْمَذْبَحِ، نَحْوُ خَمْسَةٍ وَعِشْرِينَ رَجُلاً ظُهُورُهُمْ نَحْوَ هَيْكَلِ الرَّبِّ وَوُجُوهُهُمْ نَحْوَ الشَّرْقِ، وَهُمْ سَاجِدُونَ لِلشَّمْسِ نَحْوَ الشَّرْقِ. "وَإِذَا عِنْدَ بَابِ هَيْكَلِ الرَّبِّ،" ... باب قبل القدس علطول.
" بَيْنَ الرِّوَاقِ وَالْمَذْبَحِ،" ... الرواق: اول حتة في القدس، الفناء او الحوش.
" نَحْوُ خَمْسَةٍ وَعِشْرِينَ رَجُلًا ظُهُورُهُمْ نَحْوَ هَيْكَلِ الرَّبِّ وَوُجُوهُهُمْ نَحْوَ الشَّرْقِ، وَهُمْ سَاجِدُونَ لِلشَّمْسِ نَحْوَ الشَّرْقِ" ... حوالي 25 راجل ظهرهم للمذبح، وده زي ماقال ربنا " اعطوني القفا لا الوجه."
وبالرغم كل ده: لسه مجد الرب في الهيكل. وطبعا بعد كل ده كان لازم مجد الرب يفارق ويغادر الهيكل، بعد كل الرجاسات ديه. وربنا قال " أي اتفاق للمسيح مع بليعال، وأي شركة للنور مع الظلمة؟" .
25 راجل ...كأنهم ممثلين الفرق الكهنوتية في الهيكل. ودول مديين ضهرهم للقدس وقدس الاقداس. وبيبصوا للشمس وبيسجدوا لها.
علي فكرة في سفر تثنية: ربنا كان محذرهم ( تحذير) انهم ميبصوش لجند السماء، وانهم ميعجبوش ويفرحوا بيها ويسجدوا لها.
17وَقَالَ لِي: «أَرَأَيْتَ يَا ابْنَ آدَمَ؟ أَقَلِيلٌ لِبَيْتِ يَهُوذَا عَمَلُ الرَّجَاسَاتِ الَّتِي عَمِلُوهَا هُنَا؟ لأَنَّهُمْ قَدْ مَلأُوا الأَرْضَ ظُلْمًا وَيَعُودُونَ لإِغَاظَتِي، وَهَا هُمْ يُقَرِّبُونَ الْغُصْنَ إِلَى أَنْفِهِمْ. ربنا قال لحزقيال نفس السؤال: شوفت بيعملوا ايه؟
دول بيعملوا كده علشان يغيظوني.
" أَقَلِيلٌ لِبَيْتِ يَهُوذَا عَمَلُ الرَّجَاسَاتِ الَّتِي عَمِلُوهَا هُنَا؟" ... هو ده قليل اللي عملوه في بيتي هنا؟
" وَهَا هُمْ يُقَرِّبُونَ الْغُصْنَ إِلَى أَنْفِهِمْ" ... يعني كأن حد قاعد في برود، وحد قدامه متغاظ جدا، والشخص البارد ماسك وردة وعمال يشمها وبيغيظ في اللي قدامه. طبعا مع الفارق، بس للتبسيط. فديه كانت كمان حاجة زي الادمان، وبعض تقاليد عبادة الاوثان.
فكأنهم بيغيظوا ربنا بتصرفاتهم وعبادتهم الوثنية.
18فَأَنَا أَيْضًا أُعَامِلُ بِالْغَضَبِ، لاَ تُشْفُقُ عَيْنِي وَلاَ أَعْفُو. وَإِنْ صَرَخُوا فِي أُذُنَيَّ بِصَوْتٍ عَال لاَ أَسْمَعُهُمْ». النتيجة بقي: خلاص زمن المراحم انتهي وانقضي خلاص. هما دلوقتي في زمن الدينونة. ربنا قرر انه مش هيسامح شعبه. فهنا صراخهم هنا متأخر اوووي.
فياريت نبكي علي خطايانا، لان دلوقتي زمن التوبة. لسه عندنا فرصة للتوبة لأننا في زمن المراحم الالهية.
⪢