صورة توضيحية: رقم 2.. ديه صورة تانية: المية طالعة من تحت عتبة الهيكل. ومعدية جنوب المذبح (لونه بني).
وجنب البوابة الشرقية الداخلية. ومكملة لبره.
صورة توضيحية: رقم 3.. توضيح للمنظر.
صورة توضيحية: رقم 4.. منظر رأسي. من فوق.
صورة توضيحية: رقم 5.. المية الزرقاء. علىها سهم موف. طالعة من تحت عتبة البيت.
حزقيال النبي شاف بس المية. بس مشافش مصدرها منين.
المية ماشية من جنب الباب الشرقي. وأصلا الباب الشرقي محدش ينفع يدخل ويخرج منه أصلا. لأن الباب ده خاص بالرئيس فقط.
علشان كده حزقيال النبي عاوز يشوف المية ديه رايحة فين. علشان كده قال:
2 ثُمَّ أَخْرَجَنِي مِنْ طَرِيقِ بَابِ الشِّمَالِ وَدَارَ بِي فِي الطَّرِيقِ مِنْ خَارِجٍ إِلَى الْبَابِ الْخَارِجِيِّ مِنَ الطَّرِيقِ الَّذِي يَتَّجِهُ نَحْوَ الْمَشْرِقِ، وَإِذَا بِمِيَاهٍ جَارِيَةٍ مِنَ الْجَانِبِ الأَيْمَنِ. "ثُمَّ أَخْرَجَنِي مِنْ طَرِيقِ بَابِ الشِّمَالِ" ... طلع بحزقيال من االبوابة الشمالية.
"وَدَارَ بِي فِي الطَّرِيقِ مِنْ خَارِجٍ إِلَى الْبَابِ الْخَارِجِيِّ مِنَ الطَّرِيقِ الَّذِي يَتَّجِهُ نَحْوَ الْمَشْرِقِ،" ... ولف بيه من بره، علشان يجي بيه عند البوابة الشرقية.
صورة توضيحية: رقم 6.. البوابة الشرقية. والمية - اللي هي الخط الأزرق. المية ديه مكملة وطالعة لبره.
3 وَعِنْدَ خُرُوجِ الرَّجُلِ نَحْوَ الْمَشْرِقِ وَالْخَيْطُ بِيَدِهِ، قَاسَ أَلْفَ ذِرَاعٍ وَعَبَّرَنِي فِي الْمِيَاهِ، وَالْمِيَاهُ إِلَى الْكَعْبَيْنِ. هنشوف المية ديه طالعة ورايحة على فين دلوقتي.
"وَعِنْدَ خُرُوجِ الرَّجُلِ نَحْوَ الْمَشْرِقِ وَالْخَيْطُ بِيَدِهِ،" ... الرجل: هو شخص ربنا يسوع المسيح له المجد، أقنوم الكلمة. والخيط: ده من الكتان، وده الخيط اللي كان بيقيس بيه في أول الرؤيا.
"قَاسَ أَلْفَ ذِرَاعٍ وَعَبَّرَنِي فِي الْمِيَاهِ، وَالْمِيَاهُ إِلَى الْكَعْبَيْنِ." ... المية ديه اتحولت لنهر كبير. المية اللي طالعة من تحت عتبة البيت، لما طلعت بره البوابة الشرقية، اتحولت وكأنها نهر كبير. ودخل 1000 ذراع جوة النهر. ويدوب المية واصلة لكعب حزقيال النبي.
صورة توضحيحة: رقم 7.
4 ثُمَّ قَاسَ أَلْفًا وَعَبَّرَنِي فِي الْمِيَاهِ، وَالْمِيَاهُ إِلَى الرُّكْبَتَيْنِ. ثُمَّ قَاسَ أَلْفًا وَعَبَّرَنِي، وَالْمِيَاهُ إِلَى الْحَقْوَيْنِ. "ثُمَّ قَاسَ أَلْفًا وَعَبَّرَنِي فِي الْمِيَاهِ، وَالْمِيَاهُ إِلَى الرُّكْبَتَيْنِ." ... الـ 1000 ذراع التانية، المية وصلت لركبته.
"ثُمَّ قَاسَ أَلْفًا وَعَبَّرَنِي، وَالْمِيَاهُ إِلَى الْحَقْوَيْنِ." ... الـ 1000 التالتة، المية وصلت للحقويين، يعني لغاية وسطه.
5 ثُمَّ قَاسَ أَلْفًا، وَإِذَا بِنَهْرٍ لَمْ أَسْتَطِعْ عُبُورَهُ، لأَنَّ الْمِيَاهَ طَمَتْ، مِيَاهَ سِبَاحَةٍ، نَهْرٍ لاَ يُعْبَرُ. الـ 1000 الأخيرة، لقي نفسه هيغرق. مش عارف يقف في المية، ملهوش طول في المية. المية لازم تشيله علشان ميغرقش.
"مِيَاهَ سِبَاحَةٍ، نَهْرٍ لاَ يُعْبَرُ." ... مياة سباحة: يعني لازم الواحد يعوم.. الجزء ده بنقرأه في الكنيسة: في نبوات صلاة اللقان.
نرجع للصورة رقم 5: اللي فيها السهم الموف. والمية طالعة من تحت عتبة البيت.
وقولنا أن البيت ده يُمثل الكنيسة.
ايه المية الجارية اللي طالعة من الكنيسة؟ ... المية هي الروح القدس. "من آمن بي، تجري من بطنه أنهار ماء حي. قال هذا عن الروح القدس. الذي كان المؤمنين بيه مزمعين أن ينالونه.".. علشان كده احنا منعرفش مصدر المية.
الروح القدس في الكنيسة، بنشوف عمله وتأثيره. لكن مش بنشوفه هو شخصيا.
محدش فينا بيشوف عملية تحويل الميلاد الجديد اللي بيحصل في المعمودية. ولا بنشوف تحويل الخبز والخمر الي جسد ودم ربنا يسوع المسيح له المجد.
فحزقيال مش شايف المية ديه أصلها ايه. لكن شايف المية ديه: عملها وتأثيرها وهي بتجري قدامه.
اشمعنا المية ديه طالعة من الجنب اليمين؟ وليه ماشية على جنوب المذبح؟ لأنها الكنيسة. وفي الأصل الكنيسة هي جسد ربنا يسوع المسيح له المجد.
والمية اللي في الجنب اليمين: هي جنب المسيح له المجد المطعون، الذي جَري من دم وماء.
واحنا أخدنا الروح القدس من خلال الصليب. من خلال الجراحات والجنب المطعون. وموت المسيح الكفاري على عود الصليب.
فالمية طالعة من الجنب اليمين: لأنه جنب المسيح المطعون. وماشية على جنوب المذبح: يعني يمين المذبح، لأن المذبح هو الصليب. وبالصليب ربنا نقلنا من الشمال لليمين. من الظلمة للنور... اذاً المية هي عمل الروح القدس.
الحاجة التانية اللي شافها حزقيال النبي:
ربنا قاس لحزقيال النبي 4 مرات ... 1000 ذراع.
لغاية: الكعب – الركبة – الحقوين – المرة الأخيرة، المية غطته.
4 مرات ... والرقم 1000.
خلال عمل الروح القدس: احنا بنأخد عمل الروح القدس، وفاعلىة الصليب من خلال المعمودية. فرقم 1000 هو رقم الحياة الأبدية. "من يُولد من الماء والروح، له حياة أبدية."
طيب ليه 4 مرات؟ ... لأن ربنا بموته على الصليب: فتح الفردوس، وكمان طريق الأبدية للعالم كله.
لغاية الكعبيين وبعدين الركبتيين وبعدين الحقويين ... دول عبارة عن المفاصل. التلات مفاصل اللي في الرجل.
. وهو ماشي برجله، والمية واصلة لكعبه: هو هيقدر يقاوم المية.
. لما يدخل شوية والمية وصلت للركبتين: المقاومة بقت أصعب شوية.
. المية لغاية وسطه: المقاومة أصعب.
. المية غطته الأخر: هنا مش قدامه غير أن المية هي اللي تشيله.
والمية ديه هي: الروح القدس.
. الإنسان اللي على البر، على الشط ... ممكن يبقي مُعاند لعمل ربنا شوية.
. لكن اللي يدخل للعمق ... تبدأ مقاومته لصوت ربنا تقل، لغاية ما في الأخر الروح القدس هو اللي هيمشيه.
المية ديه شالته. زي ما قال القديس لوقا في سفر أعمال الرسل "سلمنا فصرنا نُحمل."
كمان الكعبين والركبتين والحقويين ... ديه نفس المفاصل اللي في المعمودية وفي سر الميرون، بيترشموا بالزيت.
(كل رجل، بتترشم 6 رشمات. 2 في عضمتين الكعب. 2 في الركبة. و 2 في الحقويين.)
وكأن بنقول لازم كل خطوة وكل حركة، تبقي مقدسة لربنا. وبحسب صوت الروح القدس الساكن فينا.
اذاً المية ... تُمثل المعمودية – عمل الروح القدس – الحياة الأبدية. الحياة الجديدة اللي ربنا فتحهالنا بالصليب. وبجنبه المطعون.
6 وَقَالَ لِي: «أَرَأَيْتَ يَا ابْنَ آدَمَ؟». ثُمَّ ذَهَبَ بِي وَأَرْجَعَنِي إِلَى شَاطِئِ النَّهْرِ. "وَقَالَ لِي: أَرَأَيْتَ يَا ابْنَ آدَمَ؟" ... بقالنا فترة مسمعناش يا ابن ادم، من وقت الرؤيا الأخيرة.
"ثُمَّ ذَهَبَ بِي وَأَرْجَعَنِي إِلَى شَاطِئِ النَّهْرِ." ... رجع بيه، بعد ما دخله في العمق لجوة. رجع بيه بره تاني.
7 وَعِنْدَ رُجُوعِي إِذَا عَلَى شَاطِئِ النَّهْرِ أَشْجَارٌ كَثِيرَةٌ جِدًّا مِنْ هُنَا وَمِنْ هُنَاكَ. صورة توضيحية: رقم 8.
لقي أشجار كتير على جانبي النهر.
المية هي عمل الروح القدس.
" إِذَا عَلَى شَاطِئِ النَّهْرِ أَشْجَارٌ كَثِيرَةٌ جِدًّا مِنْ هُنَا وَمِنْ هُنَاكَ." ... بقي أشجار كتيرة على جابني النهر.
واحنا: هو الشجر المغروس على عمل الروح القدس. "طوبي للرجل الذي لم يقف في طريق الخطاة... فيكون كالشجرة المغروسة على مجاري المياه، التي تُعطي ثمرها (ورقها) في حينه."
اذاً الشجر ده ... هما أولاد ربنا. والنهر يُمثل عمل الروح القدس.
8 وَقَالَ لِي: «هذِهِ الْمِيَاهُ خَارِجَةٌ إِلَى الدَّائِرَةِ الشَّرْقِيَّةِ وَتَنْزِلُ إِلَى الْعَرَبَةِ وَتَذْهَبُ إِلَى الْبَحْرِ. إِلَى الْبَحْرِ هِيَ خَارِجَةٌ فَتُشْفَى الْمِيَاهُ. "وَقَالَ لِي:" ... لسه ربنا بيكلم حزقيال.
"هذِهِ الْمِيَاهُ" ... مية النهر اللي أنت شايفها يا حزقيال.
" وَتَنْزِلُ إِلَى الْعَرَبَةِ" ... الْعَرَبَةِ: يعني الصحراء.
" هذِهِ الْمِيَاهُ خَارِجَةٌ إِلَى الدَّائِرَةِ الشَّرْقِيَّةِ وَتَنْزِلُ إِلَى الْعَرَبَةِ وَتَذْهَبُ إِلَى الْبَحْرِ." ... المية ديه هتروح الصحراء وهتروح البحر.
"إِلَى الْبَحْرِ هِيَ خَارِجَةٌ فَتُشْفَى الْمِيَاهُ." ... ديه المية التي تُمثل عمل الروح القدس، راحت على البحر والصحراء.
البحر: دايما يُمثل العالم. أو يُشير للعالم.
الصحراء: يُشير للمكان اللي مفيهوش ثمر.
9 وَيَكُونُ أَنَّ كُلَّ نَفْسٍ حَيَّةٍ تَدِبُّ حَيْثُمَا يَأْتِي النَّهْرَانِ تَحْيَا. وَيَكُونُ السَّمَكُ كَثِيرًا جِدًّا لأَنَّ هذِهِ الْمِيَاهَ تَأْتِي إِلَى هُنَاكَ فَتُشْفَى، وَيَحْيَا كُلُّ مَا يَأْتِي النَّهْرُ إِلَيْهِ. "النَّهْرَانِ" ... قبل كده كان نهر واحد. دلوقتي بقوا نهرين.
"لأَنَّ هذِهِ الْمِيَاهَ تَأْتِي إِلَى هُنَاكَ فَتُشْفَى،" ... بيقول: لما المية العذبة وصلت للبحر، حصل أن يعني المية المالحة الصعبة بتاعة البحر، هتتحول لمية عذبة.
فالمية المالحة هنا اتحولت لمية عذبة. هذا العالم الشديد المرارة، بعمل الروح القدس يُشفي.
شاول اتحول لبولس الرسول. وموسى الأسود اتحول لقديس الاسقيط... المية المالحة بعمل الروح القدس، بتتغير.
فلما وصل النهر ده للصحراء، هيغير ملامحها... ولما وصل النهر للمية المالحة، هيخليها عذبة.
ربنا معندهوش صعب ولا مستحيل.
علشان كده النهر بقي نهرين. لأن البحر بقي ميته عذبة. مبقاش مالح.
"وَيَكُونُ أَنَّ كُلَّ نَفْسٍ حَيَّةٍ تَدِبُّ حَيْثُمَا يَأْتِي النَّهْرَانِ تَحْيَا." ... كل إنسان يسلم نفسه لعمل الروح القدس، يحيا.
"وَيَكُونُ السَّمَكُ كَثِيرًا جِدًّا" ... السمك: هو احنا. وربنا قال لتلاميذه "تكونوا صيادي الناس."
وزمان كانت السمكة رمز للمسيحية. في القرون الأولي: أيام الاضطهاد، كانوا يميزوا أماكن المسيحين، بأنهم يعملوا علىها علامة سمكة. وكانوا لما يصلوا في المغاير والكهوف، كانوا يرسموا علامة السمكة.
وكلمة سمكة باليوناني: تحمل الحروف الأولي من كلمة: يسوع المسيح ابن الله مخلصنا.
كلمة سمكة باليونانية ἰχθύς "إخثيس" = الحروف الأولى من "يسوع المسيح ابن الله مخلصنا"
فالسمك ده ... هو أولاد ربنا. ويكونوا كتير جدا، بعمل الروح القدس.
"وَيَحْيَا كُلُّ مَا يَأْتِي النَّهْرُ إِلَيْهِ." ... كلمة الله حية وفعالة، وأمضي من كل سيف ذو حدين.
10 وَيَكُونُ الصَّيَّادُونَ وَاقِفِينَ عَلَيْهِ. مِنْ عَيْنِ جَدْيٍ إِلَى عَيْنِ عِجْلاَيِمَ يَكُونُ لِبَسْطِ الشِّبَاكِ، وَيَكُونُ سَمَكُهُمْ عَلَى أَنْوَاعِهِ كَسَمَكِ الْبَحْرِ الْعَظِيمِ كَثِيرًا جِدًّا. "وَيَكُونُ الصَّيَّادُونَ وَاقِفِينَ علىهِ." ... الصيادون: هما الخدام.
زي ما ربنا قال لبطرس الرسول "من الأن تكون صياد الناس."
"مِنْ عَيْنِ جَدْيٍ إِلَى عَيْنِ عِجْلاَيِمَ يَكُونُ لِبَسْطِ الشِّبَاكِ،" ... على الخرايط القديمة: عَيْنِ جَدْيٍ وعَيْنِ عِجْلاَيِمَ، مكانهم عند البحر الميت.
فالكلام هنا على البحر الميت ... اليه هيُشفي من ملوحته. وتبقي ميته عذبة.
والبحر الميت، علميا مفيهوش حياة. مفيش كائن حي يقدر يعيش فيه من شدة ملوحته.
فعاوز يقول: مهما كانت قساوة الإنسان، الله يستطيع أن يُخرج من الجافي حلاوة. حتى لو كان البحر الميت.
. هنلاقي أنه اختار مكانين عند البحر الميت، أسمائهم فيها: حيوانات الذبائح.
" عِجْلاَيِمَ،" ... معناها: زوج من العجول.
" جَدْيٍ" ... الجدي من الماشية.
فالشفاء بيكون من خلال ذبيحة الصليب. وعمل الروح القدس.
"وَيَكُونُ سَمَكُهُمْ عَلَى أَنْوَاعِهِ كَسَمَكِ الْبَحْرِ الْعَظِيمِ كَثِيرًا جِدًّا." ... البحر العظيم: دايما بيتقال على البحر الأبيض المتوسط.
11 أَمَّا غَمِقَاتُهُ وَبِرَكُهُ فَلاَ تُشْفَى. تُجْعَلُ لِلْمِلْحِ. "أَمَّا غَمِقَاتُهُ" ... اللي هي: المستنقعات.
المستنقعات والبرك: اللي هي الحتة اللي مقفولة على نفسها. مش مدية فرصة للمية العذبة أنها تدخل جواها.
" فَلاَ تُشْفَى." ... هو ده الإنسان: اللي قافل جواه على أي مدخل لصوت ربنا.
" تُجْعَلُ لِلْمِلْحِ." ... هيفضل مالح. مش هيخف . مش هيُشفي. ولا هيبقي فيه حياة.
صورة توضيحية: رقم 9.. وهي صورة مُجمعة للآيات من 1 لـ 11.
في الجزء اللي على الشمال: المستطيل ... يُمثل بناء الهيكل. والمية طالعة منه، اللي هي عبارة عن الخط الأزرق.
المية: اتحولت بره البناء، لنهر كبير.. وعلى جانبي النهر، في الأشجار.
رقم 1 ... حزقيال لما دخل المية، والمية عند كعبه.
رقم 2 ... المية عند ركبته.
رقم 3 ... المية عند حقويه (وسطه).
رقم 4 ... المية تقريبا مغطية حزقيال.
رقم 5 ... لما ربنا طلّع حزقيال مرة تاني على الشط.
واللي جوة الدايرة الحمراء ... البِرك والمستنقعات، المقفولة على نفسها. فالمية العذبة مش واصلة لها، فهتفضل مالحة. وعمرها ما هتتغير.
واللي جوة المربع الأزرق ... شبكة الصيادين. وجوة المستطيل اللي على الشمال ... الصيادين عاوزين يصطادوا في النهر الحلو، ويطلعوا سمك كتير لربنا.
12 وَعَلَى النَّهْرِ يَنْبُتُ عَلَى شَاطِئِهِ مِنْ هُنَا وَمِنْ هُنَاكَ كُلُّ شَجَرٍ لِلأَكْلِ، لاَ يَذْبُلُ وَرَقُهُ وَلاَ يَنْقَطِعُ ثَمَرُهُ. كُلَّ شَهْرٍ يُبَكِّرُ لأَنَّ مِيَاهَهُ خَارِجَةٌ مِنَ الْمَقْدِسِ، وَيَكُونُ ثَمَرُهُ لِلأَكْلِ وَوَرَقُهُ لِلدَّوَاءِ. زي الراجل اللي في المزمور "على مجاري المياه، ورقه لا ينتثر (لا يذبل)."
". كُلَّ شَهْرٍ يُبَكِّرُ" ... يعني يقدر يأخد من الثمر ده، كل شهر.
الثمار العادية بتاعة الأشجار ليها أوان. لكن ثمار أولاد الله، ثمار دائمة. لأن عمل الروح القدس اللي فينا مستمر.
"لأَنَّ مِيَاهَهُ خَارِجَةٌ مِنَ الْمَقْدِسِ، وَيَكُونُ ثَمَرُهُ لِلأَكْلِ وَوَرَقُهُ لِلدَّوَاءِ." ... وَوَرَقُهُ لِلدَّوَاءِ: يعني ابن ربنا المثمر، يقدر يداوي الإنسان المجروح. التعبان.
أولاد ربنا فيهم دواء.
13 « هكَذَا قَالَ السَّيِّدُ الرَّبُّ: هذَا هُوَ التُّخْمُ الَّذِي بِهِ تَمْتَلِكُونَ الأَرْضَ بِحَسَبِ أَسْبَاطِ إِسْرَائِيلَ الاثْنَيْ عَشَرَ، يُوسُفُ قِسْمَانِ. هنبتدي في جزء جديد: تقسيم الأرض.
(تقسيم أرض كنعان كان في سفر يشوع. المرة ديه الموضوع مختلف عن سفر يشوع.)
"هكَذَا قَالَ السَّيِّدُ الرَّبُّ: هذَا هُوَ التُّخْمُ الَّذِي بِهِ تَمْتَلِكُونَ الأَرْضَ" ... التخم: يعني الحدود.
"بِحَسَبِ أَسْبَاطِ إِسْرَائِيلَ الاثْنَيْ عَشَرَ، يُوسُفُ قِسْمَانِ." ... هما كانوا لسه في السبي وقت الرؤيا ديه. والوقت ده، الأسباط اللي كانوا فاضلين: هما سبطين، سبط يهوذا وسبط بنيامين. اللي هما مملكة يهوذا. لأن مملكة إسرائيل، العشر أسباط، انتهوا على ايد مملكة آشور.
لكن هنا ربنا بيقول لحزقيال النبي: قسم الأرض بحسب أسباط إسرائيل الـ 12.
يبقي احنا فعلا مش بنتكلم عن تقسيمة الأرض، لكن بنتكلم عن الكنيسة التي قامت على خدمة وكرازة تلاميذ ربنا يسوع المسيح له المجد، الاثني عشر.
فالكلام هنا: عن الكنيسة. أورشليم السمائية. (مش عن أرض الموعد. كنعان). والدليل أنه بيقول قسم على 12 سبط. وفي وقت مفيهوش أصلا الـ 12 سبط.
"، يُوسُفُ قِسْمَانِ." ... ربنا بيقوله: أول حاجة وأنت بتقسم، ان يوسف ليه قسمان. ليه نصيب اتنين. (لأن يوسف أخد البكورية عوض عن رأبين الابن البكر أو الأكبر.)
لكن هنا بما إننا مش بنتكلم عن الأسباط، فيوسف اللي أخد القسمين، يُمثل: حياة الأمانة وحياة العفة. الشهادة لربنا أمام العالم كله.
يوسف اللي ليه نصيب حلو، احنا هنا بنتكلم عن صفات يوسف.
14 وَتَمْتَلِكُونَهَا أَحَدُكُمْ كَصَاحِبِهِ، الَّتِي رَفَعْتُ يَدِي لأُعْطِيَ آبَاءَكُمْ إِيَّاهَا. وَهذِهِ الأَرْضُ تَقَعُ لَكُمْ نَصِيبًا. الأرض عن الأرض ديه. بيتكلم عن حدود الأرض، وكلها طبعا حدود رمزية.
" رَفَعْتُ يَدِي" ... أقسمت.
15 وَهذَا تُخْمُ الأَرْضِ: نَحْوَ الشِّمَالِ مِنَ الْبَحْرِ الْكَبِيرِ طَرِيقُ حِثْلُونَ إِلَى الْمَجِيءِ إِلَى صَدَدَ، " الْبَحْرِ الْكَبِيرِ " ... هو البحر الأبيض المتوسط. 16 حَمَاةُ وَبَيْرُوثَةُ وَسِبْرَائِمُ، الَّتِي بَيْنَ تُخْمِ دِمَشْقَ وَتُخْمِ حَمَاةَ، وَحَصْرُ الْوُسْطَى، الَّتِي عَلَى تُخْمِ حَوْرَانَ. الآيات من 16 لـ 20 ... كلها أسماء في أرض كنعان.
بيحدد الحدود الشرقية والغربية وهكذا.
17 وَيَكُونُ التُّخْمُ مِنَ الْبَحْرِ حَصْرَ عِينَانَ تُخْمَ دِمَشْقَ وَالشِّمَالُ شِمَالاً وَتُخْمَ حَمَاةَ. وَهذَا جَانِبُ الشِّمَالِ. 18 وَجَانِبُ الشَّرْقِ بَيْنَ حَوْرَانَ وَدِمَشْقَ وَجِلْعَادَ وَأَرْضَ إِسْرَائِيلَ الأُرْدُنُّ. مِنَ التُّخْمِ إِلَى الْبَحْرِ الشَّرْقِيِّ تَقِيسُونَ. وَهذَا جَانِبُ الْمَشْرِقِ. 19 وَجَانِبُ الْجَنُوبِ يَمِينًا مِنْ ثَامَارَ إِلَى مِيَاهِ مَرِيبُوثَ قَادِشَ النَّهْرُ إِلَى الْبَحْرِ الْكَبِيرِ. وَهذَا جَانِبُ الْيَمِينِ جَنُوبًا. 20 وَجَانِبُ الْغَرْبِ الْبَحْرُ الْكَبِيرُ مِنَ التُّخْمِ إِلَى مُقَابِلِ مَدْخَلِ حَمَاةَ. وَهذَا جَانِبُ الْغَرْبِ. 21 فَتَقْتَسِمُونَ هذِهِ الأَرْضَ لَكُمْ لأَسْبَاطِ إِسْرَائِيلَ. ده الميراث اللي ربنا شايله لينا في السماء.
كلها حدود رمزية. لا تنطبق أبدا على أورشليم السمائية.
22 وَيَكُونُ أَنَّكُمْ تَقْسِمُونَهَا بِالْقُرْعَةِ لَكُمْ وَلِلْغُرَبَاءِ الْمُتَغَرِّبِينَ فِي وَسْطِكُمُ الَّذِينَ يَلِدُونَ بَنِينَ فِي وَسْطِكُمْ، فَيَكُونُونَ لَكُمْ كَالْوَطَنِيِّينَ مِنْ بَنِي إِسْرَائِيلَ. يُقَاسِمُونَكُمُ الْمِيرَاثَ فِي وَسْطِ أَسْبَاطِ إِسْرَائِيلَ. علشان كده قالهم:
"وَيَكُونُ أَنَّكُمْ تَقْسِمُونَهَا بِالْقُرْعَةِ" ... الأرض بالقُرعة، زمان القٌرعة، كان بيقيسوا المساحة بالحبل.
وفي المزمور "حبال القُرعة وقعت لي في أرض غزيرة (مُخصبة)."
كلمة قٌرعة: يعني النصيب اللي جاي لي ده، أنا معملتش حاجة فيه. هي طلعت لي في القٌرعة. وكأن السماء: أنا معملتش فيها حاجة. ربنا هو اللي جهزهالي. ربنا هو اللي هيديني العطية ديه.
"هأنذا أمضي لأُعد لكم مكاناً." ... أن معملتش حاجة، كل اللي بأعمله هنا على الأرض، إني بأجاهد علشان يكون ليا مكان في السماء. في أورشليم السمائية.
وعشان نأكد أن الأرض ديه مش للأسباط، قالهم " لَكُمْ وَلِلْغُرَبَاءِ" ... وده مش بيحصل في أرض إسرائيل. لأن أرض الموعد، كنعان.. كانت للأسباط الـ12 وبس. مفيش حد من الأممي يقدر يملك معاهم.
" وَلِلْغُرَبَاءِ" ... اللي هما الأمم. احنا من الأمم، لأن أصلنا مش يهودي. احنا مش يهود.
فأول مرة في تقسيم الأرض، ربنا يقول: الغريب يأخد في الأرض، ويكون ليه نصيب.
" فَيَكُونُونَ لَكُمْ كَالْوَطَنِيِّينَ مِنْ بَنِي إِسْرَائِيلَ." ... فيكونون: اللي هما الغرباء.
في الكنيسة ليس يهودي وأممي. كله واحد.
23 وَيَكُونُ أَنَّهُ فِي السِّبْطِ الَّذِي فِيهِ يَتَغَرَّبُ غَرِيبٌ هُنَاكَ تُعْطُونَهُ مِيرَاثَهُ، يَقُولُ السَّيِّدُ الرَّبُّ. اذاً أصبح للأمم نصيب زي اليهود بالظبط.
بقي لينا نصيب. مفيش فرق بين يهودي وأممي.
⪢