"فِي السَّنَةِ الْخَامِسَةِ وَالْعِشْرِينَ مِنْ سَبْيِنَا،" ... حزقيال ليه في السبي 25 سنة.
"فِي رَأْسِ السَّنَةِ، فِي الْعَاشِرِ مِنَ الشَّهْرِ،" ... للتسهيل 10/1. يوم 10 من أول شهر في السنة. والتاريخ ده عند اليهود ليه معنيين: ياما أول السنة الدينية أو الروحية: وديه الخاصة خروف الفصح وقت خروجهم من أرض مصر وكان في شهر أبيب. (وديه ربنا حددها لهم رأس السنة الدينية وقالهم اعتبروا الشهر ده هو رأس الشهور يعني أول شهر في السنة.) والكلام عن اليوم العاشر، وده يوم تقديم خروف الفصح، بيقدموه يوم 10 في الشهر. ويتدبح يوم 14.
وكمان في رأس السنة المدنية: وده عندهم عيد الكفارة.
إذا التاريخ ده حاجة من الاتنين: أما موعد تقديم خروف الفصح. أو أنه يكون عيد الكفارة عندهم. والعيدين عبارة عن ذبيحة الصليب. لأننا مش عارفين هو بيتكلم عن أنهي أول شهر.
لأن حزقيال النبي دلوقتي هيكلمنا عن تأسيس كنيسة العهد الجديد. والكنيسة تأسست بالصليب. بدم ربنا يسوع المسيح له المجد. لأنه سفك دمه علي الصليب علشانا، علشان يأسس كنيسته.
"فِي السَّنَةِ الرَّابِعَةِ عَشَرَةَ، بَعْدَ مَا ضُرِبَتِ الْمَدِينَةُ فِي نَفْسِ ذلِكَ الْيَوْمِ،" ... في السنة الـ14 لسقوط أورشليم.
(السبي حصل علي مراحل، حصل السبي في الأول، وبعدين حصل الخراب الكامل لأورشليم.)
فالمعني: بعد 14 سنة من خراب أورشليم. و25 سنة من سبي حزقيال. (حزقيال اتسبي في الفوج التاني، كان في تاني مرحلة للسبي.)
"كَانَتْ عَلَيَّ يَدُ الرَّبِّ وَأَتَى بِي إِلَى هُنَاكَ " ... ربنا بالروح هيأخد حزقيال في رحلة.
2 فِي رُؤَى اللهِ أَتَى بِي إِلَى أَرْضِ إِسْرَائِيلَ وَوَضَعَنِي عَلَى جَبَل عَال جِدًّا، عَلَيْهِ كَبِنَاءِ مَدِينَةٍ مِنْ جِهَةِ الْجَنُوبِ. ربنا حط حزقيال علي جبل عالي جدا.
" عَلَى جَبَل عَال جِدًّا،" ... لأن الكنيسة وان كانت في العالم، فهي فوق العالم. فوق الأرضيات والماديات.
"عَلَيْهِ كَبِنَاءِ مَدِينَةٍ" ... مقدرش أقول إنها مدينة بالوضع اللي نعرفه، هي حاجة شبه المدينة. طيب ليه يا حزقيال مش قادر توصفها؟ أصل اللي هيتكلم عنه هو بناء غير مصنوع بأيدي بشر، ولا حتي بالمقاييس بتاعتنا.
"مِنْ جِهَةِ الْجَنُوبِ." ... لأن حزقيال جاي من الشمال. من ناحية أرض بابل
3 وَلَمَّا أَتَى بِي إِلَى هُنَاكَ، إِذَا بِرَجُل مَنْظَرُهُ كَمَنْظَرِ النُّحَاسِ، وَبِيَدِهِ خَيْطُ كَتَّانٍ وَقَصَبَةُ الْقِيَاسِ، وَهُوَ وَاقِفٌ بِالْبَابِ. طبعا هو أقنوم الكلمة، شخص ربنا يسوع المسيح له المجد. والنحاس هو رمز ناسوته .. القديس يوحنا الحبيب في سفر الرؤيا قال "رجلاه مثل النحاس النقي. كأنهما محميتان في أتون."
وحزقيال النبي في الرؤيا الأولي بتاعته، شافه نحاس في وسط نار. وكان اشارة للناسوت واللاهوت.
والنحاس بيُشير للدينونة والصليب. علشان كده المذبح في خيمة الاجتماع وهيكل سُليمان، كان مصنوع من النحاس.
فهنا ديه إحدى ظهورات ربنا لحزقيال.
"وَبِيَدِهِ خَيْطُ كَتَّانٍ وَقَصَبَةُ الْقِيَاسِ،" ... في ايده حاجتين، خيط الكتان وقصبة للقياس. لأنه هيقيس البناء ده. اللي هو الكنيسة.
الكتان ... رمز للنقاء، لأن الكنيسة مكان أولاد الله الأنقياء المقدسين. عمل الله جوة الكنيسة أنه ينقي أولاده ويطهرهم.
قصبة القياس ... لأن ربنا حافظ أولاده وعارفهم واحد واحد.
"وَهُوَ وَاقِفٌ بِالْبَابِ." ... واقف في باب المدينة ديه. لأن المسيح شخصيا هو الباب، "أنا هو باب الخراف."
علي فكرة الباب الأوسط في الكنيسة اسمه باب الخراف. وده رمز للمسيح. علشان الكل يدخل من خلاله، من خلال المسيح. "ان دخل بي أحد، يدخل ويخرج ويجد مرعي" فالمسيح واقف بالباب.
4 فَقَالَ لِي الرَّجُلُ: «يَا ابْنَ آدَمَ، انْظُرْ بِعَيْنَيْكَ وَاسْمَعْ بِأُذُنَيْكَ وَاجْعَلْ قَلْبَكَ إِلَى كُلِّ مَا أُرِيكَهُ، لأَنَّهُ لأَجْلِ إِرَاءَتِكَ أُتِيَ بِكَ إِلَى هُنَا. أَخْبِرْ بَيْتَ إِسْرَائِيلَ بِكُلِّ مَا تَرَى». ربنا قال لحزقيال، كل حاجة هأقولهالك، بص عليها كويس واسمعها كويس.
"وَاجْعَلْ قَلْبَكَ إِلَى كُلِّ مَا أُرِيكَهُ،" ... يعني افهمها كويس. كل ده يعني: ركز معايا كويس أوي.
"لأَنَّهُ لأَجْلِ إِرَاءَتِكَ أُتِيَ بِكَ إِلَى هُنَا. أَخْبِرْ بَيْتَ إِسْرَائِيلَ بِكُلِّ مَا تَرَى." ... علشان أنت هتوصل وتنقل الكلام ده لبيت اسرائيل.
وده أصلا دور الخادم والكاهن. أي راعي في الكنيسة ... يأخد من ربنا، ويوصّل للناس. محدش بيقول كلام من عنده. من دماغه.
5 وَإِذَا بِسُورٍ خَارِجَ الْبَيْتِ مُحِيطٍ بِهِ، وَبِيَدِ الرَّجُلِ قَصَبَةُ الْقِيَاسِ سِتُّ أَذْرُعٍ طُولاً بِالذِّرَاعِ وَشِبْرٌ. فَقَاسَ عَرْضَ الْبِنَاءِ قَصَبَةً وَاحِدَةً، وَسُمْكَهُ قَصَبَةً وَاحِدَةً. أول حاجة شافها حزقيال هو: السور.
"وَبِيَدِ الرَّجُلِ قَصَبَةُ الْقِيَاسِ سِتُّ أَذْرُعٍ طُولًا بِالذِّرَاعِ وَشِبْرٌ." ... الآباء المفسرين قالوا في رأيين للقصة ديه:
1) يأما معناها: أن القصبة ديه، 6 أذرع. بس كل ذراع مهواش الذراع العادي اللي يُعادل 46 سم. لكن نضيف عليه شبر. يعني كل ذراع + شبر.
2) الرأي التاني: بيقول أن القصبة كلها = 6 أذرع. ويضاف ليهم كلهم شبر واحد فقط.
(طبيعي أن الكلام ده ليه معني وهنفهمه دلوقتي. بس الأول نتخيل شكل البناء اللي شافه حزقيال.)
حزقيال شاف مبني ضخم، وبيحيط بيه سور. وموجود في الصورة المدخل أو البوابة اللي شاف المسيح يسوع له المجد واقف فيها. واصحاح النهاردة بيشرح البوابة ديه بس.
صورة المبني الضخم: الصورة الأولي.
صورة اخري للتوضيح:
"فَقَاسَ عَرْضَ الْبِنَاءِ قَصَبَةً وَاحِدَةً، وَسُمْكَهُ قَصَبَةً وَاحِدَةً." ... ومقياس عرض بناء الهيكل، العرض قصبة واحدة وسُمكه قصبة واحدة.
صورة قصبة القياس: الصورة التانية.
القصبة ... من 1 لـ 6 أذرع. والحتة البيضاء الصغيرة: هي الشبر الزيادة.. طيب ايه حكمة الذراع والشبر الزيادة ده؟
الذراع في ا لكتاب المقدس تُشير لعمل ربنا، وللتجسد. (مثلا في العهد القديم لما يقول: ربنا شمر عن ذراعه.)
والشبر: ده شغلنا احنا. الدور بتاعنا. جهادنا.
رقم 6 ... ده رقم ناقص.
وكأن قصبة القياس ديه بتقولي: ان ايد ربنا بتشتغل في الشبر الصغير ده. في النقص بتاعي.
ربنا بيقيس الكنيسة، والكنيسة هي احنا. فعاوز يقول: أن في مقاييس ربنا، ربنا بيعمل في نقص أولاده.
كمان هنلاقي أن معظم القياس الخارجي، شغال بالقصبة اللي فيها الذراع والشبر. لأن كل حد فينا بيقرب لربنا، لازم يبقي عنده جهاد. شغل من طرفه. اللي هو الشبر.
لكن لما ندخل المقدسات: هنلاقي كل القياسات أو تقريبا معظمها، بالذراع فقط. لأن جوة ده شغل ربنا بس. جوة احنا ملناش شغل.
إذا أول حاجة شافها حزقيال: هي السور. وليه عرض وارتفاع، زي ماهو واضح في الصورة التانية.
سُمكه = عرضه. نفس المقاسات بتاعة 6 أذرع وشبر.
لأن السور ده، هو الفاصل بين الأرضيات والأبديات. فاصل بين الناس المهتمة بالأرضيات وبين الناس المهتمة بالسماء. فلازم علشان أعدي السور ده يبقي عندي ارادة ورغبة اني أقرب من ربنا.
لكن في الحقيقة أن السور اللي بيحيط بالكنيسة، هو سور مش مبني، مش من حجارة. لكن السور ده ربنا اتكلم عنه في سفر زكريا 2 : 5 ... "وأنا يقول الرب، أكون لها سور نار من حولها. وأكون ممجد في وسطها."
إذا السور ده، يُشير الي ربنا شخصيا اللي بيُحيط بأولاده. عناية الله لينا وبينا.
6 ثُمَّ جَاءَ إِلَى الْبَابِ الَّذِي وَجْهُهُ نَحْوَ الشَّرْقِ وَصَعِدَ فِي دَرَجِهِ، وَقَاسَ عَتَبَةَ الْبَابِ قَصَبَةً وَاحِدَةً عَرْضًا، وَالْعَتَبَةَ الأُخْرَى قَصَبَةً وَاحِدَةً عَرْضًا. هيتكلم عن أول بوابة.
صورة المبني: نفس الصورة الأولي.
المبني ليه: 3 أبواب... والباب ده: حزقيال شاف فيه " إِذَا بِرَجُل مَنْظَرُهُ كَمَنْظَرِ النُّحَاسِ،" (اية 3). لأن باب المشارق: هو المسيح، شمس البر، المسيح هو باب المشرق.
"وَصَعِدَ فِي دَرَجِهِ، وَقَاسَ عَتَبَةَ الْبَابِ قَصَبَةً وَاحِدَةً عَرْضًا،" ... عتبة الباب عرضها قصبة. وديه أول حتة الانسان هيحط رجله فيها، هي عتبة الباب.
لأن دخولي للمبني ده، اللي هو الكنيسة. عبارة عن خطواتي نحو ربنا. فيها ربنا بيشدني. وفيها ارادتي اللي بتتقبل عمل الله في حياتي. علشان كده القصبة فيها الذراع. والشبر اللي هو جهادي وعملي في طريق ربنا.
صورة العتبة: الصورة التالتة.
صورة أخري للتوضيح:
إذا أول حاجة هي: عتبة الباب، الطرقة اللي بعد الباب، زي ماهو واضح في الصورة بالسهم الأسود، طولها: قصبة.
" وَالْعَتَبَةَ الأُخْرَى قَصَبَةً وَاحِدَةً عَرْضًا." ... والناحية التانية نفس المقياس، قصبة واحدة.
7 وَالْغُرْفَةَ قَصَبَةً وَاحِدَةً طُولاً وَقَصَبَةً وَاحِدَةً عَرْضًا، وَبَيْنَ الْغُرُفَاتِ خَمْسُ أَذْرُعٍ، وَعَتَبَةُ الْبَابِ بِجَانِبِ رِوَاقِ الْبَابِ مِنْ دَاخِل قَصَبَةٌ وَاحِدَةٌ. وهيبتدي يوصف الغُرفة الواحدة. بعد الباب علطول شاف 6 غُرف. 3 غُرف من كل ناحية.
"وَالْغُرْفَةَ قَصَبَةً وَاحِدَةً طُولًا وَقَصَبَةً وَاحِدَةً عَرْضًا،" ... كل أوضة في الستة، مربعة: يعني الطول والعرض مقياسهم قصبة واحدة.
"وَبَيْنَ الْغُرُفَاتِ خَمْسُ أَذْرُعٍ،" ... بين كل أوضة والتانية في فراغ. الفراغ مساحته 5 أذرع.
"وَعَتَبَةُ الْبَابِ بِجَانِبِ رِوَاقِ الْبَابِ مِنْ دَاخِل قَصَبَةٌ وَاحِدَةٌ." ... عتبة الباب زي ما قولنا مقياسها قصبة واحدة.
صورة توضيحية: الغرفة = قصبة واحدة طول x قصبة واحدة عرض.
والمسافة بين الغرفات = 5 أذرع.
8 وَقَاسَ رِوَاقَ الْبَابِ مِنْ دَاخِل قَصَبَةً وَاحِدَةً. يعني في طرقة، بعد الباب ده. مسافتها قصبة واحدة 9 وَقَاسَ رِوَاقَ الْبَابِ ثَمَانِيَ أَذْرُعٍ، وَعَضَائِدَهُ ذِرَاعَيْنِ، وَرِوَاقُ الْبَابِ مِنْ دَاخِل. مع أن الآية 8، قالت أن رواق الباب قصبة. هنا بيقول 8 أذرع. هنشوف البوابة ديه بعد شوية: أن الممر ده زي ممر الكنيسة اللي بين كنب الكنيسة (مثلا اللي فاصل بين السيدات والرجال). في باب في أوله وباب في أخره. بيدخل من ناحية، وبيطلع من الناحية التانية علي جوة.
فلما قاس الطرقة اللي بعد الباب الأول، كانت قصبة واحدة. والطرقة اللي عند الباب التاني لما قاسها، كانت 8 أذرع.
وده معناه: أن رقم 8، هو رقم الأبدية. فعاوز يقول اللي بيجاهد ويدخل. ربنا هيجيبه للعمق. هيكون مؤهل لدخول الأبدية.
"وَعَضَائِدَهُ ذِرَاعَيْنِ، وَرِوَاقُ الْبَابِ مِنْ دَاخِل." ... العضائد: هي الدُعامات اللي حوالين الباب. مقياسها ذراعين.
صورة الباب والعضائد: الصورة الرابعة.
الباب لونه أحمر، وعضائد الباب لونها أزرق.
الدُعامات اللي ماسكة الباب من الناحيتين. وقياس كل عُضادة او دُعامة: ذراعين. معني أن الدعامة ذراعين من ناحية، وذراعين من الناحية التانية: أن الإنسان اللي داخل من الباب، ده عاوز نعمة ربنا تسنده وتعضده. فكأنه عاوز ربنا يحضنه بذراعيه الاتنين. زي ما قالت عذراء النشيد "شماله تحت رأسي، ويمينه تُعانقني."
فلو دخلت لوحدي من غير سندة ايد ربنا، هأقع. فاحنا محتاجين سندة ربنا لينا دايما.
صورة أخري توضيحية لآية 8 و 9
مقياس الطرقة = 8 أذرع (العلامة الحمراء علي اليمين علي الأرض.)
طرقة الباب من داخل = مقياسها واحد قصبة.
العضائد أو الدُعامات = 2 ذراع.
10 وَغُرُفَاتُ الْبَابِ نَحْوَ الشَّرْقِ ثَلاَثٌ مِنْ هُنَا وَثَلاَثٌ مِنْ هُنَاكَ. لِلثَّلاَثِ قِيَاسٌ وَاحِدٌ، وَلِلْعَضَائِدِ قِيَاسٌ وَاحِدٌ مِنْ هُنَا وَمِنْ هُنَاكَ. الغُرف اللي شرحها، عددهم كلهم 6 غُرف.
"لِلثَّلاَثِ قِيَاسٌ وَاحِدٌ،" ... القياس كان قصبة مُربعة. يعني الطول = العرض. متساويين.
"وَلِلْعَضَائِدِ قِيَاسٌ وَاحِدٌ مِنْ هُنَا وَمِنْ هُنَاكَ." ... يعني الأوضة أو الغُرفة ديه، الدُعامات بتاعة مدخلها، شبه بعض.
إذا الباب اللي دخل منه حزقيال، باب الشرق، ليه سلم (درجاته 7 درجات).
صورة السلالم: الصورة الخامسة.
صورة توضيحية أخري: التلات غُرف من الناحيتن = 6 غرف.
حزقيال طلع السلم وعدد درجاته 7 درجات، (هنشوفها كمان شوية). ودخل من الباب (اللي لونه أحمر)، لقي في 6 غُرف. 3 غُرف في كل ناحية. وبين كل أوضة والتانية في مسافة.
صورة السلالم من فوق. الصورة السادسة.
وكل أوضة: قصبة مربعة. وديه غُرف الحراسة. كل بوابة ليها 6 غُرف حراسة. لأن الذي يحمي الانسان هو عمل الله. مثلث الأقانيم. وربنا يحمي الروح والنفس والجسد في الإنسان.
أبعادها قصبة في قصبة. لأن حراسة ربنا من غير ما أنا أكون أمين علي اللي ربنا أدهولي، مش هستفاد منه. (لأن ربنا بيحرس الإنسان، بس ممكن يكون في إنسان مصمم أنه يروح بعيد. وطبعا ربنا مش بيجبر الإنسان علي حاجة). فلازم أشتغل وأجاهد.
وبين كل أوضة والتانية ... المسافة 5 أذرع. لأن الإنسان اللي بيعيش ويحيا في حماية ربنا، هو الإنسان اللي بيسلم كل حواسه مِلك لربنا.
11 وَقَاسَ عَرْضَ مَدْخَلِ الْبَابِ عَشَرَ أَذْرُعٍ، وَطُولَ الْبَابِ ثَلاَثَ عَشَرَةَ ذِرَاعًا. الكلام عن الباب.
أبعاد الباب: الصورة السابعة.
الباب أبعاده: 10x13. والباب ده يُشير الي المسيح يسوع له المجد.
- لما نقول عن المسيح 10 : فده منطقي. لأن 10 رقم الكمال. والمسيح له المجد كامل.
- طيب ليه الطول 13؟ رقم شعب ربنا 12. وما يزيد عن شعب ربنا هو مرفوض. فرقم 13 هو رمز للرقم المرفوض. فالمسيح صار مرفوضا لأجلنا.
يسوع المسيح له المجد، هو كامل. لكن صار مرفوض. كامل لكن حمل اللعنة وصار لعنة من أجلنا. اذا الباب ده يُمثل المسيح يسوع له المجد.
صورة توضيحية تانية: عرض الباب 10= أذرع. وطول الباب =13 ذراع.
12 وَالْحَافَّةُ أَمَامَ الْغُرُفَاتِ ذِرَاعٌ وَاحِدَةٌ مِنْ هُنَا، وَالْحَافَّةُ ذِرَاعٌ وَاحِدَةٌ مِنْ هُنَاكَ. وَالْغُرْفَةُ سِتُّ أَذْرُعٍ مِنْ هُنَا، وَسِتُّ أَذْرُعٍ مِنْ هُنَاكَ. مربعة. (القصبة = 6 أذرع وشبر.) أبعاد الغرفة: كانت قصبة
هنا الغرفة 6 أذرع فقط من غير الشبر.
"وَالْحَافَّةُ أَمَامَ الْغُرُفَاتِ" ... الحافة يعني: تُخم، حتة لازقة قدام باب الأوضة. الحافة ديه موجودة قدام كل أُوضة، ومقياسها: ذراع.
والأوضة بعد ما كانت عليها مقياسها قصبة مربعة. رجع قال ديه 6 أذرع .. 6 أذرع. وكأن الصورة اتغيرت وبعت كده.
صورة لل 6 غُرف. الصورة التامنة... عبارة عن 6 غُرف. الغرف لونها أزرق. واللون الأصفر ديه مساحة، اسمها الحافة. طولها ذراع.
ومن ناحية اليمين، في السبع درجات للسلم. والسور.
إذا الرقم الإجمالي للغرفة الواحدة= 6 أذرع (الجزء الأزرق) + ذراع الحافة (الجزء الأصفر) = 7. رقم الكمال.
وكأنه بيقول: أن ضعف الإنسان، اللي هو الشبر. ده اختفي في عمل ربنا، لما بنسلم نفسنا لربنا.
+ ربنا قال للقديس بولس الرسول "قوتي في الضعف تُكمل." .. أنا (ربنا) بأشتغل في الضعف. أنا ألغي الضعف بتاعك. + فالشبر اللي كان موجود، خلاص اختفي. وداب في عمل ربنا.
فكأن الإنسان اللي ماشي في الطرقة اللي في النص ديه، اللي بين الغُرف. وقولنا أه الذراع يُشير لايد ربنا. فتبيقي ايد ربنا هي اللي حرساه من الناحيتين. وماشي في النص مش هامه أي حاجة. لأن ايد ربنا حافظة وساترة أولاده.
صورة توضيحية تانية: للجدار أو الحافة التي أمام الغرف (لونها روز) :
13 ثُمَّ قَاسَ الْبَابَ مِنْ سَقْفِ الْغُرْفَةِ الْوَاحِدَةِ إِلَى سَقْفِ الأُخْرَى عَرْضَ خَمْسٍ وَعِشْرِينَ ذِرَاعًا. اَلْبَابُ مُقَابِلُ الْبَابِ. يعني من أول الطرقة لأخر الطرقة.
"عَرْضَ خَمْسٍ وَعِشْرِينَ ذِرَاعًا. اَلْبَابُ مُقَابِلُ الْبَابِ." ...عرض الطرقة 25 ذراع.
عرض الطرقة: الصورة التاسعة.
في الصورة هنا: ال 7 درجات. باب الشرق. السور. ال 6 غُرف. وعرض الطرقة 25 ذراع.
رقم 25: ده مضعفات الرقم 5. وقولنا إن الأوض (الغُرف) ديه بتُشير لحراسة وحماية ربنا لأولاده. وتقديسهم لحواس الإنسان.
صورة توضيحية تانية من الخارج:
14 وَعَمِلَ عَضَائِدَ سِتِّينَ ذِرَاعًا إِلَى عَضَادَةِ الدَّارِ حَوْلَ الْبَابِ. عندنا باب رئيسي. وجوة 6 غُرف، كل غُرفة ليها دعامتها أو عضائدها.
ولما جه يحسب أطوال الدعامات، لقي طولها 60 ذراع. في ترنيمة بتقول: تخت سُليمان حوله ستون جبار. والعُضاد ديه ستر ربنا. تخت سُليمان: هي الكنيسة.
رقم 60 ... ده سندة ربنا للكنيسة.
60 = 5x12 ... رقم 5 : هي الحواس بتاعتنا الخمسة.
رقم 12 = 3x4 ... رقم 3 : عمل ربنا المثلث الأقانيم.
رقم 4 : اتجاهات الأرض الأربعة.
حزقيال لقي اجمالي دُعامات البوابة 60 ذراع. ومقالش قصبة. لأن حماية الكنيسة كلها، تخصص الهنا وربنا يسوع المسيح له المجد. الله بيحمي عروسته. كنيسته.
15 وَقُدَّامَ بَابِ الْمَدْخَلِ إِلَى قُدَّامِ رِوَاقِ الْبَابِ الدَّاخِلِيِّ خَمْسُونَ ذِرَاعًا. الصورة العاشرة.
العلامة الحمراء الموجودة علي الشمال، هو ده الجزء اللي اتكلمنا عنه. احنا لسه في الباب ده، مخرجناش منه.
هنا هنبتدي نأخد الخط الطولي اللي لونه أصفر: 50 طوله ذراع. (الحساب ده من الباب الأول، لغاية الباب اللي في نهاية المدخل.)
"رِوَاقِ الْبَابِ الدَّاخِلِيِّ خَمْسُونَ ذِرَاعًا." ... يعني الباب اللي من جوة. المتعلم عليه بالأحمر في الصورة علي الشمال.
رقم 50 ... ده سنة اليوبيل عند اليهود. سنة الحرية.
لما الواحد يدخل الكنيسة، يدخل جواها. فنفتكر اننا أحرار. "وان حرركم الابن، فبالحقيقة تصيرون أحرارا." لا عبودية في المسيح يسوع له المجد.
البوابة ديه، هي باب الدخول. فالواحد يدخل الي حيث يحرره دم المسيح يسوع له المجد، من الخطية وعبودية الشيطان.
اذاً الطول 50 ... ده رمز الحرية. سنة اليوبيل.
صورة توضيحية:
16 وَلِلْغُرُفَاتِ كُوًى مُشَبَّكَةٌ، وَلِلْعَضَائِدِ مِنْ دَاخِلِ الْبَابِ حَوَالَيْهِ، وَهكَذَا فِي الْقُبَبِ أَيْضًا، كُوًى حَوَالَيْهَا مِنْ دَاخِل، وَعَلَى الْعَضَادَةِ نَخِيلٌ. هيبدأ يوصف شكل ال 6 غُرف.
"وَلِلْغُرُفَاتِ كُوًى مُشَبَّكَةٌ،" ... كوي يعني: شبابيك. والشبابيك عليها شبك (شبكة).
"وَلِلْعَضَائِدِ مِنْ دَاخِلِ الْبَابِ حَوَالَيْهِ،" ... العضائد هي الدُعامات.
"وَهكَذَا فِي الْقُبَبِ أَيْضًا،" ... الغرفة واخدة شكل القبة. يعني السماء.
الكنيسة دايما شكل القبب اللي فيها، بتفكرنا اننا في السماء. واننا مش في الأرض.
"كُوًى حَوَالَيْهَا مِنْ دَاخِل، وَعَلَى الْعَضَادَةِ نَخِيلٌ." ... كل غرفة فيها شبابيك. والشبابيك عليها شبك. فالمعني أن الرؤيا من وراء الشبك ده، يعني رؤيا مش واضحة... القديس معلمنا بولس الرسول قال "نحن ننظر في مرآة. في لغز. ولكن حينئذ وجهاً لوجه." لسه الرؤيا بالنسبة لنا مش كاملة. فالنوافذ عليها شبك. لسه في لغز. منتظرين نُعاين ربنا يسوع المسيح له المجد في السماء وجهاً لوجه. لأن الكنيسة نافذة علي السماء.
"وَعَلَى الْعَضَادَةِ نَخِيلٌ." ... كل الدُعامات اللي في البوابة ديه، مُزينة برسمة النخيل. وكمان كان هيكل سُليمان كان متزين بالنخيل. المزمور يقول "الصدّيق مثل النخلة، يزهو." اللي جوة الكنيسة، أولاد الله الصدّيقون. النخيل. اللي مليانيين ثمر. والنخلة دايما عالية. مستقيمة. وهكذا أولاد الله.
فكل الطرقة والمدخل، متزيين بالنخيل. وبكده وصف لنا شكل البوابة الشرقية. ووصل لغاية الباب اللي جوة، أخر الطرقة اللي كان طولها 50 ذراع. الطرقة ديه بعد كده بتدخلنا علي الدار الخارجية للهيكل الجديد.
صورة توضيحية:
الصورة الأولي: الشبابيك وعليها الشبك. والصورة التانية: النخيل الموجود علي العُضادات.
17 ثُمَّ أَتَى بِي إِلَى الدَّارِ الْخَارِجِيَّةِ، وَإِذَا بِمَخَادِعَ وَمُجَزَّعٍ مَصْنُوعٍ لِلدَّارِ حَوَالَيْهَا. عَلَى الْمُجَزَّعِ ثَلاَثُونَ مِخْدَعًا. الدار الخارجية:
حوالين الدار الخارجية، كان فيه 30 مخدع. 10 من كل ناحية. كل بوابة حواليها 10 مخادع، 5 مخادع من كل ناحية من الباب. متعلم عليها باللون الأزرق. وهما 3 بوابات زي الصورة. اذاً حوالين الدار الخارجية 30 مخدع.
صورة توضيحية للدار الخارجية: كل الدار الخارجية لونه روز.
"ثُمَّ أَتَى بِي إِلَى الدَّارِ الْخَارِجِيَّةِ، وَإِذَا بِمَخَادِعَ" ... ال 30 مخدع.
"وَمُجَزَّعٍ مَصْنُوعٍ لِلدَّارِ حَوَالَيْهَا. عَلَى الْمُجَزَّعِ ثَلاَثُونَ مِخْدَعًا." ... الْمُجَزَّعِ يعني: يعني ممشي من الرخام، واسمه مجزع علشان التجزيعة اللي في الرخام.
في ممشي طويل بيُحيط بالمبني بالكامل، وجوة الممشي في 30 مخدع. وشغلة المخادع ديه: أن شعب ربنا اللي جاي للهيكل في الأعياد والمناسبات، يريح فيها. علشان كده اسمها مخادع.
طيب ليه عددها 10 في كل بوابة؟ لأن اللي يقرب من ربنا، ويريح عند ربنا. لازم يبقي حافظ وصايا ربنا اللي عددهم عشرة. وربنا قال "الذي يُحبني يحفظ وصاياي.".
فلو عاوز تريح عند ربنا، وربنا يستقبلك ويرحب بيك، لازم تحفظ وكلنا نحفظ وصايا ربنا.
18 وَالْمُجَزَّعُ بِجَانِبِ الأَبْوَابِ مُقَابِلَ طُولِ الأَبْوَابِ، الْمُجَزَّعُ الأَسْفَلُ. يعني عرض الممشي بعرض البوابة كلها. اللي هي 50 ذراع. الممشي بعرض ال 50 ذراع داير ما يدور.
"الْمُجَزَّعُ الأَسْفَلُ." ... جميلة الآية ديه. يعني الرخام الغالي جدا ده وتكاليف باهظة جدا. مكانه تحت بالنسبة لينا تحت رجلينا.
في الكنيسة لا قيمة لأي شئ. العالم أصلا المفروض يكون تحت رجلينا.
19 وَقَاسَ الْعَرْضَ مِنْ قُدَّامِ الْبَابِ الأَسْفَلِ إِلَى قُدَّامِ الدَّارِ الدَّاخِلِيَّةِ مِنْ خَارِجٍ، مِئَةَ ذِرَاعٍ إِلَى الشَّرْقِ وَإِلَى الشِّمَالِ. "وَقَاسَ الْعَرْضَ مِنْ قُدَّامِ الْبَابِ الأَسْفَلِ" ... يعني الباب الداخلي للدار الخارجية.
"إِلَى قُدَّامِ الدَّارِ الدَّاخِلِيَّةِ مِنْ خَارِجٍ، مِئَةَ ذِرَاعٍ إِلَى الشَّرْقِ وَإِلَى الشِّمَالِ." ... في نهاية المدخل: في باب في الأسفل، الباب ده اللي بيدخلنا للدار الخارجية.
والناحية التانية: الباب اللي بيدخلنا للدار الداخلية.
ما بين الاتنين دول ... المسافة 100 ذراع. والمسافة متساوية من كل الاتجاهات. زي ما هو موضح في الصورة.
المسافة ما بين الباب اللي يدخل للدار الخارجية، والباب اللي يدخل للدار الداخلية يساوي 100 ذراع. الصورة الـ 12.
صورة توضيحية تانية:
100 ذراع ... لأن الناس اللي دخلوا جوة، دول القطيع الصغير. وقطيع المسيح فيه 100. ولو ضاع واحد ربنا يسيب ال 99، ويروح يجيب الخروف الضال.
فالكنيسة مش هي الطوب والحجارة. لكنها: عبارة عن أولاد الله. اللي يُرمز لهم بالعدد 100.
فالمسافة اللي بتحاوط الهيكل من كل اتجاه هي 100 ذراع.
20 وَالْبَابُ الْمُتَّجِهُ نَحْوَ الشِّمَالِ الَّذِي لِلدَّارِ الْخَارِجِيَّةِ قَاسَ طُولَهُ وَعَرْضَهُ. التي تؤدي الي الدار الداخلية. اللي هي البوابة التانية. (لأن هيبدأ في الآية 20 و 21: يشرح البوابة الأولي تؤدي الي الدار الخارجية.) لكن البوابة التانية بتدخلّنا علي الدار الداخلية.
للتسهيل: البوابة الداخلية هي نفسها البوابة الخارجية. بنفس تفاصيلها ومقاساتها ونفس الغُرف اللي فيها. ماعدا اختلافين اتنين، هنشوفهم بعد شوية.
21 وَغُرُفَاتُهُ ثَلاَثٌ مِنْ هُنَا وَثَلاَثٌ مِنْ هُنَاكَ، وَعَضَائِدُهُ وَمُقَبَّبُهُ كَانَتْ عَلَى قِيَاسِ الْبَابِ الأَوَّلِ، طُولُهَا خَمْسُونَ ذِرَاعًا وَعَرْضُهَا خَمْسٌ وَعِشْرُونَ ذِرَاعًا. اذاً غرف الحراسة 3 من كل ناحية من الباب. الطول 50 ذراع والعرض 25 ذراع. وده نفس التفاصيل بتاعة البوابة الخارجية.
بالظبط زي الصور 6 و 10.
22 وَكُوَاهَا وَمُقَبَّبُهَا وَنَخِيلُهَا عَلَى قِيَاسِ الْبَابِ الْمُتَّجِهِ نَحْوَ الشَّرْقِ، وَكَانُوا يَصْعَدُونَ إِلَيْهِ فِي سَبْعِ دَرَجَاتٍ، وَمُقَبَّبُهُ أَمَامَهُ. نفس التفاصيل بتاعة الشبابيك والمقبب، اللي هو رمز للسماء.23 وَلِلدَّارِ الدَّاخِلِيَّةِ بَابٌ مُقَابِلُ بَابٍ لِلشِّمَالِ وَلِلشَّرْقِ. وَقَاسَ مِنْ بَابٍ إِلَى بَابٍ مِئَةَ ذِرَاعٍ. نفس التفاصيل برده شوفناها قبل كده.24 ثُمَّ ذَهَبَ بِي نَحْوَ الْجَنُوبِ، وَإِذَا بِبَابٍ نَحْوَ الْجَنُوبِ، فَقَاسَ عَضَائِدُهُ وَمُقَبَّبَهُ كَهذِهِ الأَقْيِسَةِ. "ثُمَّ ذَهَبَ بِي نَحْوَ الْجَنُوبِ، وَإِذَا بِبَابٍ نَحْوَ الْجَنُوبِ،" ... البوابة الجنوبية.
لأن المدينة ليها 3 أبواب. أبواب من كل الاتجاهات، ماعدا اتجاه الغرب ملهوش باب. عنده حيطة. كل اتجاه الغرب عبارة عن حيطة.
لكن الكنيسة في طقسها، ملهاش باب من اتجاه الشرق. لكن برده ليها 3 أبواب. لأن الشرق اللي فيه الهيكل.
"فَقَاسَ عَضَائِدُهُ وَمُقَبَّبَهُ كَهذِهِ الأَقْيِسَةِ." ... نفس المقاسات اللي قبل كده.
25 وَفِيهِ كُوًى وَفِي مُقَبَّبِهِ مِنْ حَوَالَيْهِ كَتِلْكَ الْكُوَى. اَلطُّولُ خَمْسُونَ ذِرَاعًا وَالْعَرْضُ خَمْسٌ وَعِشْرُونَ ذِرَاعًا. 26 وَسَبْعُ دَرَجَاتٍ مَصْعَدُهُ وَمُقَبَّبُهُ قُدَّامَهُ، وَلَهُ نَخِيلٌ وَاحِدَةٌ مِنْ هُنَا وَوَاحِدَةٌ مِنْ هُنَاكَ عَلَى عَضَائِدِهِ. والآيات (20 – 26) هي شرح تفاصيل الباب المتجه للشمال والباب المتجه للجنوب. وهي متطابقة مع تفاصيل الباب المتجه للشرق. فمن يدخل البيت من أي اتجاه هو مقبول عند الله "من يأتي إليَّ لا أخرجه خارجًا."
صورة توضيحية: للآيات من 20 - 26
27 وَلِلدَّارِ الدَّاخِلِيَّةِ بَابٌ نَحْوَ الْجَنُوبِ. وَقَاسَ مِنَ الْبَابِ إِلَى الْبَابِ نَحْوَ الْجَنُوبِ مِئَةَ ذِرَاعٍ. زي الصورة 12. كل باب من الدار الخارجية، موجود قصاده باب في الدار الداخلية.
"وَلِلدَّارِ الدَّاخِلِيَّةِ بَابٌ نَحْوَ الْجَنُوبِ. وَقَاسَ مِنَ الْبَابِ إِلَى الْبَابِ نَحْوَ الْجَنُوبِ مِئَةَ ذِرَاعٍ." ... من الباب للباب المسافة زي الآية 19: 100 ذراع
28 وَأَتَى بِي إِلَى الدَّارِ الدَّاخِلِيَّةِ مِنْ بَابِ الْجَنُوبِ، وَقَاسَ بَابَ الْجَنُوبِ كَهذِهِ الأَقْيِسَةِ. 29 وَغُرُفَاتُهُ وَعَضَائِدُهُ وَمُقَبَّبُهُ كَهذِهِ الأَقْيِسَةِ. وَفِيهِ وَفِي مُقَبَّبِهِ كُوًى حَوَالَيْهِ. اَلطُّولُ خَمْسُونَ ذِرَاعًا وَالْعَرْضُ خَمْسٌ وَعِشْرُونَ ذِرَاعًا. نفس التفاصيل للغرف والعضائد والمقبب اللي زي السماء. نفس الصورة العاشرة.30 وَحَوَالَيْهِ مُقَبَّبٌ خَمْسٌ وَعِشْرُونَ ذِرَاعًا طُولاً وَخَمْسُ أَذْرُعٍ عَرْضًا. وده أول اختلاف في الباب الداخلي، أن الباب حواليه قبة. طولها 25 ذراع، وعرضها 5 أذرع. (هنرجعلها تاني للتوضيح.)31 وَمُقَبَّبُهُ نَحْوَ الدَّارِ الْخَارِجِيَّةِ، وَعَلَى عَضَائِدِهِ نَخِيلٌ، وَمَصْعَدُهُ ثَمَانِي دَرَجَاتٍ. "وَمَصْعَدُهُ ثَمَانِي دَرَجَاتٍ " ... وده الاختلاف التاني: الدرجات أو السلالم عددها هنا 8 درجات. 32 وَأَتَى بِي إِلَى الدَّارِ الدَّاخِلِيَّةِ نَحْوَ الْمَشْرِقِ وَقَاسَ الْبَابَ كَهذِهِ الأَقْيِسَةِ. 33 وَغُرُفَاتُهُ وَعَضَائِدُهُ وَمُقَبَّبُهُ كَهذِهِ الأَقْيِسَةِ. وَفِيهِ وَفِي مُقَبَّبِهِ كُوًى حَوَالَيْهِ. اَلطُّولُ خَمْسُونَ ذِرَاعًا وَالْعَرْضُ خَمْسٌ وَعِشْرُونَ ذِرَاعًا. 34 وَمُقَبَّبُهُ نَحْوَ الدَّارِ الْخَارِجِيَّةِ، وَعَلَى عَضَائِدِهِ نَخِيلٌ مِنْ هُنَا وَمِنْ هُنَاكَ، وَمَصْعَدُهُ ثَمَانِي دَرَجَاتٍ. من الآيات 32 لـ 34، نفس التفاصيل قبل كده مع الاختلاف، أن درجات السلم 8 درجات.35 وَأَتَى بِي إِلَى بَابِ الشِّمَالِ وَقَاسَ كَهذِهِ الأَقْيِسَةِ. 36 غُرُفَاتُهُ وَعَضَائِدُهُ وَمُقَبَّبُهُ وَالْكُوَى الَّتِي لَهُ حَوَالَيْهِ. اَلطُّولُ خَمْسُونَ ذِرَاعًا وَالْعَرْضُ خَمْسٌ وَعِشْرُونَ ذِرَاعًا. 37 وَعَضَائِدُهُ نَحْوَ الدَّارِ الْخَارِجِيَّةِ، وَعَلَى عَضَائِدِهِ نَخِيلٌ مِنْ هُنَا وَمِنْ هُنَاكَ، وَمَصْعَدُهُ ثَمَانِي دَرَجَاتٍ. أخده علي الباب من ناحية الشمال. من الآيات 35 لـ 37
اذاً واضح أن التلات أبواب نسخة واحدة. وبكده يبقي عندنا اختلافين مابين الباب الذي يؤدي للدار الخارجية، والباب الذي يؤدي للدار الداخلية:
1) أول اختلاف: القبة اللي حواليه: القبة احنا عارفين أنها رمز للسماء. واحنا عمالين ندخل ونقرب. وكل ما بندخل للعمق، لجوه، كل ما بنقرب للأقداس.
فميز الباب التاني اللي يدّخل علي الدار الداخلية، اللي هتوديني علي القدس وقدس الأقداس. ميزه بالقبة
5 أذرع x 25 ذراع ...
وقولنا إن 25 من مضعفات ال 5، لأن لا دخول للسماء إلا عن طريق حفظ الإنسان حواسه مقدسة.
سفر الرؤيا قال عن السماءـ: أنه لا يدخل فيها شئ دنس. ولا من يصنع كذبا.
2) تاني اختلاف: في عدد درجات السلم، هنا 8 درجات. بدل 7 درجات. وده لأننا بنقرب أكتر من ربنا. فالمفروض اننا بنعلي بالروحيات. وكمان اللي بيقرب أكتر من ربنا، هو اللي رُتبة. لأن الباب ده اللي بيدخل منه الكهنة. لأن الكهنة المفروض يكونوا في درجة روحية أعلي. العلاقة أفضل مع ربنا.
ولما نضيف ال 7 درجات اللي بره مع ال 8 درجات اللي جوة، يكون العدد 15 درجة سلم. وكان عندهم عدد مزامير المصاعد 15 مزمور.
يبقي عمالين نعلي، لأننا بنقرب من ربنا. بنقرب من قدس الأقداس.
الاختلاف التاني: السلم 8 درجات. الصورة ال 13.
38 وَعِنْدَ عَضَائِدِ الأَبْوَابِ مِخْدَعٌ وَمَدْخَلُهُ. هُنَاكَ يَغْسِلُونَ الْمُحْرَقَةَ. لأن الجزء ده موجود في باب الشمال فقط. مش موجود في باقي المفروض احنا حاليا في باب الشمال.
الجزء ده خاص بغسيل المحرقة. والموائد. طيب ليه موجود بس في الباب الشمالي؟
لأن باب الشمال يُشير للدينونة. ربنا لما حب يُدين شعبه، بعت لهم العقاب من جهة الشمال. فكل من يرفض ذبيحة المسيح يسوع له المجد، يسقط تحت الدينونة.
"وَعِنْدَ عَضَائِدِ الأَبْوَابِ مِخْدَعٌ وَمَدْخَلُهُ." ... عند الدُعامات بتاعة الأبواب لقي مخدع، بس المخدع ده مش للراحة زي المرة اللي فاتت.
"هُنَاكَ يَغْسِلُونَ الْمُحْرَقَةَ." ... في المخدع ده يدخلوا يغسلوا الذبيحة اللي هتتقدم. قبل ما يقدموها.
طيب ده بيُشير لايه؟
المخدع ده عند الدار الداخلية، من بره عند الباب. كأنه عاوز يقولنا: كل ماتقرب من ربنا، حاول تفحص نفسك.
فالمخدع ده: هو مخدع الصلاة. "ادخل الي مخدعك وأغلق بابك." لازم تفحص نفسك. اغسل نفسك قبل ما تتقدم للأقداس. (وبنقول في القداس: القدسات للقديسين)
فأول مخدع هو للغسيل والتنضيف. مش للنوم والراحة.
وديه نفسها فكرة اللقان في الكنيسة، الكنيسة بتحط لنا اللقان في الجزء الأخير من الكنيسة. وكأنها بتقولي: قبل ما تفكر تدخل جوة، وتتقدم للقدسات، لازم تغسل نفسك.
39 وَفِي رِوَاقِ الْبَابِ مَائِدَتَانِ مِنْ هُنَا، وَمَائِدَتَانِ مِنْ هُنَاكَ، لِتُذْبَحَ عَلَيْهَا الْمُحْرَقَةُ وَذَبِيحَةُ الْخَطِيئَةِ وَذَبِيحَةُ الإِثْمِ. صورة توضيحية: في طرقة الباب مائدتين من كل ناحية، لذبح الذبائح الخاصة بالمحرقة وذبيحة الخطية.
40 وَعَلَى الْجَانِبِ مِنْ خَارِجٍ حَيْثُ يُصْعَدُ إِلَى مَدْخَلِ بَابِ الشِّمَالِ مَائِدَتَانِ، وَعَلَى الْجَانِبِ الآخَرِ الَّذِي لِرِوَاقِ الْبَابِ مَائِدَتَانِ. 41 أَرْبَعُ مَوَائِدَ مِنْ هُنَا، وَأَرْبَعُ مَوَائِدَ مِنْ هُنَاكَ عَلَى جَانِبِ الْبَابِ. ثَمَانِي مَوَائِدَ كَانُوا يَذْبَحُونَ عَلَيْهَا. من 39 لـ 41، الكلام لسه علي باب الشمال. الآيات
الموائد: الصورة ال 14.
4 موائد من كل ناحية. مائدتين جوة الباب. ومائدتين بره الباب. فالإجمالي 8 موائد.
صورة توضيحية تانية: للآيات 40 و41
طيب دول رمز لايه؟ المائدة اللي هتتقدم عليها الذبيحة، وطبعا ديه رمز للمسيح يسوع ربنا له المجد.
طيب ليه 4 و 4 ؟ 4 من بره، و 4 من جوة، لأن المسيح له المجد هو الذبيح لكل العالم. لما يأتي لفئة معينة فقط. مسفكش دمه لأجل مجموعة معينة.
بره وجوة: لأن ذبيحة المسيح له المجد، اللي بنأخدها في العالم كله، هي اللي بتأخدنا وبتدخلنا لجوه. "يُعطي عنا خلاصا وغفرانا للخطية. وحياة أبدية لمن يتناول منه." علشان كده عدد الموائد 8، رمز للحياة الأبدية.
المسيح يبدأ معانا علي الأرض، ويستمر في السماء. لأن معلمنا يوحنا شافه، خروف قائم كأنه مذبوح.
بس احنا شَبعنا واتحدنا بالمسيح في الأرض في سر الافخارستينا. أكيد يختلف عن شَبعنا واتحادنا بالمسيح يسوع ربنا له المجد في الأبدية. لكن ذبيحة الأفخارسيتا هي اللي بتقودنا أن نُعاين المسيح، الخروف القائم كأنه مذبوح. علشان كده 4 موائد بره و4 موائد جوة، هي اللي بتأهلنا لدخول السماء. "من لا يأكل جسدي ويشرب دمي. ليست له حياة أبدية."
42 وَالْمَوَائِدُ الأَرْبَعُ لِلْمُحْرَقَةِ مِنْ حَجَرٍ نَحِيتٍ، الطُّولُ ذِرَاعٌ وَنِصْفٌ، وَالْعَرْضُ ذِرَاعٌ وَنِصْفٌ، وَالسَّمْكُ ذِرَاعٌ وَاحِدَةٌ. كَانُوا يَضَعُونَ عَلَيْهَا الأَدَوَاتِ الَّتِي يَذْبَحُونَ بِهَا الْمُحْرَقَةَ وَالذَّبِيحَةَ. هيبتدي يشرح الموائد الأربعة.
"وَالْمَوَائِدُ الأَرْبَعُ لِلْمُحْرَقَةِ مِنْ حَجَرٍ نَحِيتٍ،" ... يعني الموائد ديه منحوتة من الحجر.
في طقس كنيستنا: مذبح الكنيسة يُصنع من الخشب أو الحجر. رمز للصليب. والقبر اللي كان منحوت في الصخر.
المائدة هنا من حجر، مهياش زي المايدة اللي في خيمة الاجتماع أو هيكل سُليمان، اللي كانت مصنوعة من الخشب المُغشي بالذهب. وده لأن في العهد القديم، المايدة مكانش عليها يسوع المسيح له المجد الذبيحة. لكن كانت بتحمل رمز للمسيح. علشان كده الخشب المطلي بالذهب هو رمز الناسوت المتحد باللاهوت.
لكن في العهد الجديد: المسيح شخصيا موجود علي المذبح. هو الذهب الحقيقي. هو اللي بيزين المايدة . فالمائدة تُصنع من الحجر.
"الطُّولُ ذِرَاعٌ وَنِصْفٌ، وَالْعَرْضُ ذِرَاعٌ وَنِصْفٌ،" ... طولها وعرضها واحد ونص ذراع * واحد ونص ذراع.
أولا الصليب وعمل المسيح الكفاري، محدش فينا ليه دخل فيه، ده عمل ربنا يسوع المسيح له المجد لوحده. "دوست المعصرة وحدي. ومن الشعوب لم يكن معي أحد."
ذراع ونص x ذراع ونص ... نحس أن في حاجة ناقصة. لأن ذبيحة الصليب: هي عربون للاتحاد الكامل بالمسيح يسوع في السماء.
"وَالسَّمْكُ ذِرَاعٌ وَاحِدَةٌ."
"كَانُوا يَضَعُونَ عَلَيْهَا الأَدَوَاتِ الَّتِي يَذْبَحُونَ بِهَا الْمُحْرَقَةَ وَالذَّبِيحَةَ." ... زي ما احنا دلوقتي علي المذبح، بنضع أدوات المذبح: الصنية والكأس والمستير وخلافه.
43 وَالْمَآزِيبُ شِبْرٌ وَاحِدٌ مُمَكَّنَةً فِي الْبَيْتِ مِنْ حَوْلِهِ. وَعَلَى الْمَوَائِدِ لَحْمُ الْقُرْبَانِ. المآزيب: يعني الخُطاف اللي بيعلقوا عليه الذبيحة، علشان يدبحوها ويغسلوها.
وهنا نلاقي أن الشبر: ظهر تاني.
" وَعَلَى الْمَوَائِدِ لَحْمُ الْقُرْبَانِ." ... علي المائدة لحم حقيقي. جسد حقيقي لربنا يسوع المسيح له المجد.
(أؤمن أن هذا هو الجسد المُحيّ الذي أخذه من سيدتنا وملكتنا كلنا والدة الالة القديسة الطاهرة مريم.)
الخُطاف اللي بيمسك الذبيحة، مقاسه شبر. طيب واحنا علشان نمسك في المسيح له المجد الذبيحة، ديه بقي شغلتنا وجهادنا احنا. خلاص هو قدم نفسه علشانا. بس علشان نمسك فيه، ديه شغلتنا احنا.
الشبر... ده عملي وشغلي أنا.
صورة توضيحية للآيات من 40 ل 43: اللي لونه احمر فوق المائدة، ده الخُطاف او المآزيب.
44 وَمِنْ خَارِجِ الْبَابِ الدَّاخِلِيِّ مَخَادِعُ الْمُغَنِّينَ فِي الدَّارِ الدَّاخِلِيَّةِ الَّتِي بِجَانِبِ بَابِ الشِّمَالِ، وَوُجُوهُهَا نَحْوَ الْجَنُوبِ. وَاحِدٌ بِجَانِبِ بَابِ الشَّرْقِ مُتَّجِهٌ نَحْوَ الشِّمَالِ. لقي في الدار الداخلية مخادع. فربنا قاله: ديه مخادع المغنيين والكهنة. الآيات من 44 لـ 46
المغنيين: شغلتهم التسبيح.
والكهنة: وظيفتهم تقديم الذبائح.
لأن التسبيح والافخارستيا مش بنفصلهم عن بعض. أول ما بنتناول: الشمامسة بره يقولوا: سبحوا الله في جميع قديسيه... فالاتنين وجهان لعملة واحدة في الكنيسة.
صورة توضيحية: للمخدع.
45 وَقَالَ لِي: «هذَا الْمِخْدَعُ الَّذِي وَجْهُهُ نَحْوَ الْجَنُوبِ هُوَ لِلْكَهَنَةِ حَارِسِي حِرَاسَةِ الْبَيْتِ. 46 وَالْمِخْدَعُ الَّذِي وَجْهُهُ نَحْوَ الشِّمَالِ لِلْكَهَنَةِ حَارِسِي حِرَاسَةِ الْمَذْبَحِ. هُمْ بَنُو صَادُوقَ الْمُقَرَّبُونَ مِنْ بَنِي لاَوِي إِلَى الرَّبِّ لِيَخْدِمُوهُ». ومرة يقول علي الكهنة ... " هُوَ لِلْكَهَنَةِ حَارِسِي حِرَاسَةِ الْبَيْتِ."
ومرة تانية يقول علي الكهنة ... "لِلْكَهَنَةِ حَارِسِي حِرَاسَةِ الْمَذْبَحِ."
أصل وظيفة الكهنة: حفظ البيت، يعني حفظ الرعية. وكمان حفظ المذبح، يعني سُلطان الربط والحِل. يعني مين اللي يقدر يتقدم لهذة المائدة ومين لا يجوز له.
"وَالْمِخْدَعُ الَّذِي وَجْهُهُ نَحْوَ هُمْ بَنُو صَادُوقَ" ... كلمة صادوق يعني: بر. لأننا أولاد ملك البر.
"الْمُقَرَّبُونَ مِنْ بَنِي لاَوِي إِلَى الرَّبِّ لِيَخْدِمُوهُ." ... يعني زي كهنوت العهد القديم ما كان مُستمد من كهنوت لاوي. فكهنوت العهد الجديد مُستمد من ربنا يسوع المسيح له المجد. ملك البر. رئيس الكهنة الأعظم.
47 فَقَاسَ الدَّارَ مِئَةَ ذِرَاعٍ طُولاً، وَمِئَةَ ذِرَاعٍ عَرْضًا، مُرَبَّعَةً، وَالْمَذْبَحَ أَمَامَ الْبَيْتِ. هيبتدي هنا يقيس الدار الداخلية.
"وَالْمَذْبَحَ أَمَامَ الْبَيْتِ." ... هنا المقصود بالمذبح: المذبح الذي يٌقدم عليه الذبائح. الذي يُقابل مذبح النحاس في خيمة الاجتماع.
والدار الداخلية زي الدار الخارجية ... طولها 100 ذراع * 100 ذراع. واتكلمنا عن رقم 100.
صورة توضيحية:
48 وَأَتَى بِي إِلَى رِوَاقِ الْبَيْتِ وَقَاسَ عَضَادَةَ الرِّوَاقِ، خَمْسَ أَذْرُعٍ مِنْ هُنَا وَخَمْسَ أَذْرُعٍ مِنْ هُنَاكَ، وَعَرْضَ الْبَابِ ثَلاَثَ أَذْرُعٍ مِنْ هُنَا وَثَلاَثَ أَذْرُعٍ مِنْ هُنَاكَ. "وَأَتَى بِي إِلَى رِوَاقِ الْبَيْتِ" ... يعني خلاص هيدخل علي القدس. الرواق: يعني الطرقة اللي هتدخلنا علي القدس.
ولغاية الجزء ده حزقيال مكمل مع الرجُل. علشان بعد كده هنشوف حاجة تانية، وهي أن حزقيال هيقف، لأن ليه حدود.
صورة توضيحية: عضادة الرواق (الطرقة) ، العُضادة أو الدُعامة = 5 أذرع كل واحد
صورة توضيحية تانية: وديه عرض الباب 3 أذرع.
49 طُولُ الرِّوَاقِ عِشْرُونَ ذِرَاعًا، وَالْعَرْضُ إِحْدَى عَشَرَةَ ذِرَاعًا عِنْدَ الدَّرَجِ الَّذِي بِهِ كَانُوا يَصْعَدُونَ إِلَيْهِ. وَعِنْدَ الْعَضَائِدِ أَعْمِدَةٌ، وَاحِدٌ مِنْ هُنَا وَوَاحِدٌ مِنْ هُنَاكَ. "طُولُ الرِّوَاقِ" ... الرواق: ده المدخل اللي بيدخلّه علي القدس. والرواق: عبارة عن طرقة عليها عمودين
من كل ناحية. الدُعامة بتاعتها 5 أذرع. وضلفة الباب 3 أذرع.
صورة توضيحية: طول الرواق (الطرقة) = 20 ذراع.
صورة تانية توضح عرض الطرقة (الرواق) = 11 ذراع.
واتنين أعمدة، لونهم دهبي. كل عُضادة عندها عمود.
طيب ايه الهدف من الرواق؟
الهدف أن الواحد وهو داخل المقدسات، ميجريش بسرعة ويدخل. لازم يبقي في تهيئة. لأننا داخلين علي القدس.
دايما الآباء يقولولنا: نقف عند باب الكنيسة، مندخلش علطول. علشان نتهيئ، لأننا داخلين لمحضر الله. ونسجد علي باب الكنيسة. "أما أنا فبكثرة رحمتكـ أدخل بيتك وأسجد قدام هيكلك المقدس."
الرواق: الحكمة والهدف منه أن الأنسان ميجيش من الشارع وبيته ويدخل علطول. ودول عبارة عن الدار الخارجية. ويدخل بسرعة علي الدار الداخلية. لأننا داخلين علي المقدسات.
+ والارقام 5 و 3 ... ديه الأرقام السايدة. علشان مفيش دخول للمقدسات، بدون حفظ حواسنا أنها تكون مقدسة.
والمقدسات كلها هي عمل الثالوث القدوس.
⪢