⪡ 1وَكَانَ إِلَيَّ كَلاَمُ الرَّبِّ قَائِلاً: خلصنا الاصحاح الـ 24، وكان فيه موت زوجة حزقيال. وبكده يبقي خلصنا الجزء الاول من سفر حزقيال.
من اول الاصحاح الـ 26 وكام اصحاح بعده، ربنا يٌعلن الدينونة على الامم المجاورة لشعب إسرائيل
في اصحاح 25 هنا: في نبوة عن بني عمون، وديه اخدناها واحنا بندرس اصحاح 21. (بني عمون: ودلوقتي بقي اسمها عمان) . فاحنا اخدنا الحتة الاولي من الاصحاح الخاصة بنبوة ضد بني عمون.
وفاضل لينا في الاصحاح ده: نبوة ضد موآب، ونبوة ضد آدوم، وضد فلسطين. وعلشان الصورة تكمل معانا، هناخد كمان اصحاح 35 وده اصحاح صغير وكله ضد موآب.
معلومة: واحنا بندرس سفر عٌوبديا أصغر أسفار الأنبياء الصغار، نبوة عٌوبديا كلها كانت ضد آدوم. آدوم ده الاسم التاني لعيسو أخو يعقوب. ونسل أدوم سكن في منطقة جنوب اليهودية (شمال شِبه الجزيرة العربية)، والمنطقة كلها تٌسمي: آدوم او جبال سعير. لان المنطقة فيها جبال. وكانت فيها منطقة مشهورة اسمها: تيمان. فكانت برده تتسمي: تيمان. كلها اسماء لنفس المكان اللي سكنه أولاد عيسو.
عيسو: يعني كثيف الشعر او خشن. لان عيسو كان شعره كتير.
آدم: يعني دموي. أحمر.
طيب ليه أدوم بالذات اللي جت عليه نبوات كتيرة؟
اشعياء وارميا وحزقيال وكمان دانيال، وكمان في الانبياء الصغار كان في نبوات ضده. وده لان خطيتهم قدام ربنا، كانت خطية وحشة جداا. فيستحقوا النبوات اللي جت ضدهم.
من نسل أدوم: كان عماليق. وعائلة هيرودس. بس كانوا آدومين. وهيرودس الكبير عمل مذبحة أطفال بيت لحم. فهما نسل دموي.
من النبوات اللي جت عن أدوم: كانت في ملاخي 1 " الشعب الذي غضب عليه الرب الي الابد." وملاخي أخر أسفار العهد القديم.
أدوم موجود من اول اسفار العهد القديم، في سفر التكوين، كأن ربنا طول باله علي آدوم من اول سفر التكوين لغاية سفر ملاخي. وكل ده آدوم متابش خالص. وده يوضح طول أناة ربنا لغاية ما سفر ملاخي ختم العهد القديم وقال " الشعب الذي غضب عليه الرب الي الابد." " أحببت يعقوب، وأبغضت عيسو."
لدرجة ان في سفر عوبديا قال: "ولا يكون باقي من عيسو، لان الرب تكلم." ولغاية دلوقتي فعلا مفيش اي شعب او اي نسل يقول اننا من نسل آدوم. لان كلمة ربنا اتحققت بالتمام. لكن يتبقي الأماكن اللي كانوا عايشين فيها، أماكن فوق الجبال ومدن فوق الجبال حصينة جدا. وعليها نقوش لسه موجودة بس كله مهجور.
اصحاح 25 و26: نبوات ضد 7 أمم، 4 أمم مجاورة و 3 بعيد:
شرق اليهودية ... نبوة ضد بني عمون.
جنوب شرقي ... نبوة ضد موآب.
جنوب اليهودية ... نبوة ضد آدوم.
غرب اليهودية ... نبوة ضد الفلسطينيين.
ودول الاربع أمم المجاورة. مع العلم ان بني عمون (العمونيين) وبني موآب (الموآبيين) دول أخوات من نسل بنات لوط.
اول شعب ضده نبوة، هو شعب بني عمون.
ربنا كلم حزقيال:
2«يَا ابْنَ آدَمَ، اجْعَلْ وَجْهَكَ نَحْوَ بَنِي عَمُّونَ وَتَنَبَّأْ عَلَيْهِمْ، بني عمون علي فكرة مكانها حاليا: عمان. الاردن.
ربنا بيقول لحزقيال انه يتنبأ علي بني عمون.
3وَقُلْ لِبَنِي عَمُّونَ: اسْمَعُوا كَلاَمَ السَّيِّدِ الرَّبِّ: هكَذَا قَالَ السَّيِّدُ الرَّبُّ: مِنْ أَجْلِ أَنَّكِ قُلْتِ: هَهْ! عَلَى مَقْدِسِي لأَنَّهُ تَنَجَّسَ، وَعَلَى أَرْضِ إِسْرَائِيلَ لأَنَّهَا خَرِبَتْ، وَعَلَى بَيْتِ يَهُوذَا لأَنَّهُمْ ذَهَبُوا إِلَى السَّبْيِ، تنجس: قصده على الهيكل انه اتنجس.
"وَعَلَى أَرْضِ إِسْرَائِيلَ لأَنَّهَا خَرِبَتْ، وَعَلَى بَيْتِ يَهُوذَا لأَنَّهُمْ ذَهَبُوا إِلَى السَّبْيِ،" ... بني عمون فرحوا بكل اللي حصل في اورشليم وخراب الهيكل، وان شعب إسرائيل اتسبي لبابل. ففرحوا في بلية بني اسرائيل.
4فَلِذلِكَ هأَنَذَا أُسَلِّمُكِ لِبَنِي الْمَشْرِقِ مِلْكًا، فَيُقِيمُونَ صِيَرَهُمْ فِيكِ، وَيَجْعَلُونَ مَسَاكِنَهُمْ فِيكِ. هُمْ يَأْكُلُونَ غَلَّتَكِ وَهُمْ يَشْرَبُونَ لَبَنَكِ. "مِلْكًا،" ... مِلك يعني عبد. هتبقوا عبيد لبابل.
"فَيُقِيمُونَ صِيَرَهُمْ فِيكِ،" ... صيرهم: يعني حظائر الغنم والبقر والخرفان. يعني كل أرضك يا بني عمون هتبقي حظائر للغنم.
"وَيَجْعَلُونَ مَسَاكِنَهُمْ فِيكِ. هُمْ يَأْكُلُونَ غَلَّتَكِ وَهُمْ يَشْرَبُونَ لَبَنَكِ" ... كان اكتر حاجة مشهورين بيها بني عمون: الغلة والغنم، كله هيتاخد.
5وَأَجْعَلُ «رَبَّةَ» مَنَاخًا لِلإِبِلِ، وَبَنِي عَمُّونَ مَرْبِضًا لِلْغَنَمِ، فَتَعْلَمُونَ أَنِّي أَنَا الرَّبُّ. ربة: العاصمة بتاعتهم.
"مَنَاخًا لِلإِبِلِ،" ... مكان يرعي فيه البابليين الجمال بتاعتهم.
"وَبَنِي عَمُّونَ مَرْبِضًا لِلْغَنَمِ، فَتَعْلَمُونَ أَنِّي أَنَا الرَّبّ" ... يعني أرضهم بقت زي أرض البدو، بدل ما كانت مدينة جميلة. بقت مرعي للغنم والبقر. ووقتها لما يحصل العقاب عليكم هتعرفوا اني انا ربنا.
6لأَنَّهُ هكَذَا قَالَ السَّيِّدُ الرَّبُّ: مِنْ أَجْلِ أَنَّكَ صَفَّقْتَ بِيَدَيْكَ وَخَبَطْتَ بِرِجْلَيْكَ وَفَرِحْتَ بِكُلِّ إِهَانَتِكَ لِلْمَوْتِ عَلَى أَرْضِ إِسْرَائِيلَ. " مِنْ أَجْلِ أَنَّكَ صَفَّقْتَ بِيَدَيْكَ وَخَبَطْتَ بِرِجْلَيْكَ" ... خبط برجله وصفق بايده. معناها: انهم كانوا طايرين من الفرحة في اللي حصل في اسرائيل.
"وَفَرِحْتَ بِكُلِّ إِهَانَتِكَ لِلْمَوْتِ عَلَى أَرْضِ إِسْرَائِيلَ" ... فرحوا بالموت اللي حصل في شعب اسرائيل.
7فَلِذلِكَ هأَنَذَا أَمُدُّ يَدِي عَلَيْكَ وَأُسَلِّمُكَ غَنِيمَةً لِلأُمَمِ، وَأَسْتَأْصِلُكَ مِنَ الشُّعُوبِ، وَأُبِيدُكَ مِنَ الأَرَاضِي. أَخْرِبُكَ، فَتَعْلَمُ أَنِّي أَنَا الرَّبُّ. " وَأُسَلِّمُكَ غَنِيمَةً لِلأُمَمِ،" ... يعني بني عمون هيتسلموا غنيمة لبابل.
"وَأَسْتَأْصِلُكَ مِنَ الشُّعُوبِ، وَأُبِيدُكَ مِنَ الأَرَاضِي. أَخْرِبُكَ، فَتَعْلَمُ أَنِّي أَنَا الرَّبُّ" ... ربنا ابادهم. وبقوا خراب. وكلام ربنا اتنفذ بالحرف.
وخلاصة اللي عملوه بني عمون، موجود في سفر الامثال 17: 5 " الْفَرْحَانُ بِبَلِيَّةٍ لاَ يَتَبَرَّأُ" ... وده خلاصة اللي عملوه بني عمون شمتوا وفرحوا في تأديب شعب بني اسرائيل.
كده فاضل نبوة ضد موآب، ونبوة ضد فلسطين.
احنا عارفين ان لوط كان ليه ابنتين بعد ما خرج من سدوم وعمورة. الكبيرة جابت من لوط: موآب. والصغيرة جابت من لوط: عمون.
فالاتنين دول أبناء غير شرعيين بطريقة صعبة. فكان دايما فيهم شر. غلطة عملت لينا شعب كوارث.
8«هكَذَا قَالَ السَّيِّدُ الرَّبُّ: مِنْ أَجْلِ أَنَّ مُوآبَ وَسَعِيرَ يَقُولُونَ: هُوَذَا بَيْتُ يَهُوذَا مِثْلُ كُلِّ الأُمَمِ. " مِنْ أَجْلِ أَنَّ مُوآبَ وَسَعِير"... سعير اللي هما آدوم. هنا بيتكلم في النبوة ضد موآب، وهيقولنا علي بني عمون أخواتهم وعلي آدوم. وكأن بني عمون وآدوم في منتهي الوحاشة.
وهو بيتكلم علي موآب، جاب لينا سيرة الاتنين التانيين. من ناحية لان بني عمون اخواتهم، والحدود مع بعض علطول، حدود البلد. وفي نفس الوقت بني عمون كانت خطاياهم كتير جدا. وفرحوا في خراب أورشليم. وده كان واضح في اية 3 و 6 . فبني عمون فرحوا زي الآدوميين في خراب أورشليم
"يَقُولُونَ: هُوَذَا بَيْتُ يَهُوذَا مِثْلُ كُلِّ الأُمَمِ" ... ربنا بيقول انهم بيقولوا : ان أورشليم هلك وخِرب زي كل الامم.
9لِذلِكَ هأَنَذَا أَفْتَحُ جَانِبَ مُوآبَ مِنَ الْمُدُنِ، مِنْ مَدُنِهِ مِنْ أَقْصَاهَا، بَهَاءِ الأَرْضِ، بَيْتِ بَشِيمُوتَ وَبَعْلِ مَعُونَ وَقِرْيَتَايِمَ، أنتم فرحتوا، أنتم كمان؟ طيب هأفتح حدود موآب علشان أعاقب موآب. والعمونيين اخواتهم اللي هما علي الحدود معاهم. (حدودهم مع بعض موآب وعمون.). لأن موآب كان واخد بعض المدن اليهودية ومستولي عليها.
"بَهَاءِ الأَرْضِ، بَيْتِ بَشِيمُوتَ وَبَعْلِ مَعُونَ وَقِرْيَتَايِمَ" ... " بَهَاءِ الأَرْضِ" ... اللي هي اسرائيل. وكان بيتقال علي إسرائيل: فخر الأراضي، او الأراضي البهية.
علشان كده ربنا قالهم: هأفتح حدودك، وهأخلي الأعداء يدخلوا، ويخربوا الأرض بتاعتك أنت وبني عمون.
" بَيْتِ بَشِيمُوتَ وَبَعْلِ مَعُونَ وَقِرْيَتَايِمَ" ... يقولنا هنا أسماء 3 مدن. يُقال انها مدن يهودية، استولي عليها موآب. علشان كده اتذكر هنا " بَهَاءِ الأَرْضِ" ... موآب واخد من بهاء الارض: اورشليم، ومستولي عليها.
10لِبَنِي الْمَشْرِقِ عَلَى بَنِي عَمُّونَ، وَأَجْعَلُهُمْ مُلْكًا، لِكَيْلاَ يُذْكَرَ بَنُو عَمُّونَ بَيْنَ الأُمَمِ. هيفتح بني موآب علي بني عمون. علشان يجوا البدو اللي هما "بني المشرق" يخربوها. وبدل ماتبقي مدن محترمة، تبقي مدن للبدو، للرعي والجِمال. ويحطوا الخيام بتاعتهم.
" وَأَجْعَلُهُمْ مُلْكًا، لِكَيْلاَ يُذْكَرَ بَنُو عَمُّونَ بَيْنَ الأُمَمِ" ... برده بني عمون من الناس اللي مضايقين ربنا. وربنا زعلان منهم.
11وَبِمُوآبَ أُجْرِي أَحْكَامًا، فَيَعْلَمُونَ أَنِّي أَنَا الرَّبُّ. ربنا يوقّع أحكامه وتأديبه علي موآب.12« هكَذَا قَالَ السَّيِّدُ الرَّبُّ: مِنْ أَجْلِ أَنَّ أَدُومَ قَدْ عَمِلَ بِالانْتِقَامِ عَلَى بَيْتِ يَهُوذَا وَأَسَاءَ إِسَاءَةً وَانْتَقَمَ مِنْهُ، النبوة ضد آدوم:
"وَأَسَاءَ إِسَاءَةً وَانْتَقَمَ مِنْهُ" ... يعني عمل اثم، خطية كبيرة. (لان في وقت خراب أورشليم، والمفروض انهم يعتبروا اخوات لليهود، لكن فرحوا وشمتوا في اليهود. وياريت فرحوا من قلوبهم وخلاص. لكن انتهزوها فرصة، وكان اللي بيهرب من اليهودية وقت حصار بابل لليهود، يا إما كانوا يمسكوه ويموتوه. او يبيعوه عبيد للبابليين. وكانوا في منتهي السعادة وهما بيعملوا كده. لدرجة انهم في خراب أورشليم قالوا " انقضوا انقضوا حتي الأساس منها." مزمور 137 في صلاة النوم. فكانوا فرحانين بخراب اورشليم. مش عاوزين بقية تبقي لاورشليم. فكان عندهم شهوة انتقام، وفرح في مصيبة الاخرين. لدرجة ان عوبديا النبي قالهم "ما عملتم يعٌمل بكم. عملك يرتد علي راسك." عوبديا 1" 15.).
" مِنْ أَجْلِ أَنَّ أَدُومَ قَدْ عَمِلَ بِالانْتِقَامِ عَلَى بَيْتِ يَهُوذَا" ... بينتقم، لان بينهم تاريخ طويل.
الشعوب الاربعة دول: بينهم وبين شعب بي اسرائيل تاريخ طويل في الحروب.
13لِذلِكَ هكَذَا قَالَ السَّيِّدُ الرَّبُّ: وَأَمُدُّ يَدِي عَلَى أَدُومَ، وَأَقْطَعُ مِنْهَا الإِنْسَانَ وَالْحَيَوَانَ، وَأُصَيِّرُهَا خَرَابًا. مِنَ التَّيْمَنِ وَإِلَى دَدَانَ يَسْقُطُونَ بِالسَّيْفِ. آدوم في نبوة عوبديا: كانوا بيفتخروا بأن محدش يقدر يوصلهم. يقولوا ان الواحد من آدوم يقدر علي 100 طالعين ليه. لأنهم ساكنين علي الجبال فوق. وعلي بال ما يطلعوا لواحد آدومي، يكون قتلهم كلهم. فكانوا عايشين في حصانة طبيعية، حصانة الجبال كانت مدياهم ثقة زيادة في النفس. وطبعا كانت ثقة زائفة.
" وَأَقْطَعُ مِنْهَا الإِنْسَانَ وَالْحَيَوَانَ، وَأُصَيِّرُهَا خَرَابًا." ... وهو ده اللي تم فعلا. ولغاية دلوقتي كلمة ربنا ثابتة. واللي يشوف أماكنهم فهي لغاية دلوقتي أماكن مهجورة تماما.
"مِنَ التَّيْمَنِ وَإِلَى دَدَانَ يَسْقُطُونَ بِالسَّيْفِ." ... التيمن: مدينة مشهورة في آدوم. (ومن أصدقاء أيوب أليفاز التيماني. وكانت المدينة مشهورة بالحكمة والمعرفة.)
14وَأَجْعَلُ نَقْمَتِي فِي أَدُومَ بِيَدِ شَعْبِي إِسْرَائِيلَ، فَيَفْعَلُونَ بِأَدُومَ كَغَضَبِي وَكَسَخَطِي، فَيَعْرِفُونَ نَقْمَتِي، يَقُولُ السَّيِّدُ الرَّبُّ. " وَأَجْعَلُ نَقْمَتِي فِي أَدُومَ بِيَدِ شَعْبِي إِسْرَائِيلَ،" ... لدرجة كمان هيمر ويعدي الزمن واللي عملوه آدوم في أورشليم، هيترد لهم. لان مفيش 5 سنين من سقوط أورشليم علي يد البابليين، وآدوم نفسها سقطت علي يد البابليين. اللي عملوه، اتعمل فيهم.
وكمان بعد مرور سنوات طويلة يقولوا ان اليهود تحكموا في الآدوميين واجبروهم انهم يختتنوا، ويمارسوا الشعائر اليهودية.
علشان كده ربنا يقول " وَأَجْعَلُ نَقْمَتِي فِي أَدُومَ بِيَدِ شَعْبِي إِسْرَائِيلَ،".
"فَيَفْعَلُونَ بِأَدُومَ كَغَضَبِي وَكَسَخَطِي، فَيَعْرِفُونَ نَقْمَتِي، يَقُولُ السَّيِّدُ الرَّبُّ." ... يعني ربنا هيرد اللي فعلوه آدوم في شعب إسرائيل، وهيترد تاني علي شعب آدوم.
مبدأ مهم ففي الكتاب المقدس يقول في رسالة معلمنا بطرس الاولي اصحاح 4: 17
"لأَنَّهُ الْوَقْتُ لابْتِدَاءِ الْقَضَاءِ مِنْ بَيْتِ اللهِ. فَإِنْ كَانَ أَوَّلًا مِنَّا، فَمَا هِيَ نِهَايَةُ الَّذِينَ لاَ يُطِيعُونَ إِنْجِيلَ اللهِ؟" ... نلاقي ان ربنا أتم قضاءه في الاول: علي شعبه. والمفروض الامم المجاورة يتعظوا.
اذا المعني: ان ربنا هيتم القضاء في الاول علي شعبه. وبعدين القضاء علي باقية الامم المجاورة.
اذا ربنا في الاول أدب شعبه. وطلع بعد كده علي الامم المجاورة.
يبقي هنا اخدنا الآيات من 12 ل 14.
اخر جزء نبوة ضد فلسطين، وطبعا الفلسطينيين مع اليهود ديه مشكلة أزلية مش بتخلص.
15« هكَذَا قَالَ السَّيِّدُ الرَّبُّ: مِنْ أَجْلِ أَنَّ الْفِلِسْطِينِيِّينَ قَدْ عَمِلُوا بِالانْتِقَامِ، وَانْتَقَمُوا نَقْمَةً بِالإِهَانَةِ إِلَى الْمَوْتِ لِلْخَرَابِ مِنْ عَدَاوَةٍ أَبَدِيَّةٍ، هي ترجمة الآية صعبة. بس نقرأها بالطريقة ديه: قد عملوا بالانتقام (يعني انتقموا)، فانتقموا باحتقار من كل قلوبهم ... عملوا نقمة وهما اصلا محتقرين جدا شعب بني اسرائيل اللي هما بني يهوذا. ومن كل قلوبهم للتدمير. عاوزين يدمروا شعب إسرائيل علي الأخر نتيجة العداوة القديمة اللي بينهم. (وديه كده الترجمة البسيطة للآية)
الترجمة اليسوعية: قد عملوا بالانتقام (اللي هما الفلسطينيين). فانتقموا باحتقار. من كل قلوبهم، للتدمير وذلك عن عداوة قديمة. (ولغاية دلوقتي طبعا العداوة مستمرة).
16فَلِذلِكَ هكَذَا قَالَ السَّيِّدُ الرَّبُّ: هأَنَذَا أَمُدُّ يَدِي عَلَى الْفِلِسْطِينِيِّينَ وَأَسْتَأْصِلُ الْكَرِيتِيِّينَ، وَأُهْلِكُ بَقِيَّةَ سَاحِلِ الْبَحْرِ. " الْفِلِسْطِينِيِّينَ وَأسْتَأْصِلُ الْكَرِيتِيِّينَ، وَ بَقِيَّةَ سَاحِلِ الْبَحْرِ" ... التلات دول: نفس المعني لفلسطين. لما يتذكروا التلاتة دول، فالمقصود بيهم: فلسطين.
وقالوا آراء، ليه الفلسطينيين يقولوا عليهم الكريتيين؟ يقولوا ان في مجموعة كبيرة من أهل كريت هاجروا لفلسطين في القرن ال 12 قبل الميلاد.
17وَأُجْرِي عَلَيْهِمْ نَقْمَاتٍ عَظِيمَةً بِتَأْدِيبِ سَخَطٍ، فَيَعْلَمُونَ أَنِّي أَنَا الرَّبُّ، إِذْ أَجْعَلُ نَقْمَتِي عَلَيْهِمْ». في الأخر: ربنا عاوزهم يعرفوا " فَيَعْلَمُونَ أَنِّي أَنَا الرَّبُّ،". مش الآلهة بتاعتهم. ⪢