↰🏠 
🔝

حزقيال

فهرس الاصحاحات 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

الاصحاح 14

فهرس الاعداد1 2 3 4 5 6 7 8 9 10 11 12 13 14 15 16 17 18 19 20 21 22 23
📖   - + 🔊 📚
⪡ 1 فَجَاءَ إِلَيَّ رِجَالٌ مِنْ شُيُوخِ إِسْرَائِيلَ وَجَلَسُوا أَمَامِي. الاصحاح ال 13: كان نبوة ضد الانبياء الكذبة. والانبياء الكذبة نوعين: - يا أما ماشين وراء الاوثان. - أو أنبياء بيتنبأوا من تلقاء انفسهم، وبيقولوا كلام ربنا اصلا مقالهوش. وشوفنا في الاصحاح ال 13 ربنا أد ايه كان زعلان من الانبياء الكذبة والنبيات الكاذبات. شوفنا نفس الفكرة ديه في اصحاح 8. " شُيُوخِ إِسْرَائِيلَ" ... دول المندوبين عن اسرائيل كلها، عن الشعب كله. بيمثلوا الشعب اليهودي. "وَجَلَسُوا أَمَامِي" ... وجلسوا قدام حزقيال النبي، وقبل ماتيكلموا ويقولوا أي حاجة ،
2 فَصَارَتْ إِلَيَّ كَلِمَةُ الرَّبِّ قَائِلَةً: ربنا كلم حزقيال علطول ولحقه. ربنا قاله هاقولك :
3 «يَا ابْنَ آدَمَ، هؤُلاَءِ الرِّجَالُ قَدْ أَصْعَدُوا أَصْنَامَهُمْ إِلَى قُلُوبِهِمْ، وَوَضَعُوا مَعْثَرَةَ إِثْمِهِمْ تِلْقَاءَ أَوْجُهِهِمْ. فَهَلْ أُسْأَلُ مِنْهُمْ سُؤَالاً؟ " يَا ابْنَ آدَمَ، " ... التعبير المشهور بتاع سفر حزقيال. "هؤُلاَءِ الرِّجَالُ قَدْ أَصْعَدُوا أَصْنَامَهُمْ إِلَى قُلُوبِهِمْ،" ... الرجالة او الشيوخ اللي جايين لك دول عندهم خطية كبيرة اوووي، وهي الخطية الاساسية اللي مزعلاني من الشعب. يعني جايين اصلا وهما بيعبدوا الاوثان. لو أدينا ملخص للاصحاح ده: لا يستطيع أحد ان يخدم سيدين. وكأن ربنا بيقولوهم: ياتعبدوني أنا، يا أما الاصنام بتاعتكم. فالشيوخ دول جايين يسألوا ربن عن طريق حزقيال، وهما اصلا بيعبدوا آلهة أخري، وده بالرغم انهم شيوخ اسرائيل. "وَوَضَعُوا مَعْثَرَةَ إِثْمِهِمْ تِلْقَاءَ أَوْجُهِهِمْ." ... معثرة اثمهم: شوفناها في حزقيال 7: 19، ومعناها: ان خطيتهم بقيت هي السبب في هلاكهم وعثرتهم وكسرتهم. فربنا بيقول لحزقيال: هما جايين وفي قلوبهم أساسا عبادة الاصنام بتاعتهم. واللي زعل ربنا: طالما هما اصلا بيعبدوا الهتهم ، ليه جايين يسألوا ربنا عن طريق حزقيال؟ وكون انهم عملوا كده : ده معناه ، كأنهم في علاقة عادية وكويسة مع ربنا . بس اصلا ده مش الواقع. " فَهَلْ أُسْأَلُ مِنْهُمْ سُؤَالًا؟" ... جايين يسألوني؟ ده العلاقة بينا اصلا مش حلوة وبيعبدوا الهة اخري.
4 لأَجْلِ ذلِكَ كَلِّمْهُمْ وَقُلْ لَهُمْ: هكَذَا قَالَ السَّيِّدُ الرَّبُّ: كُلُّ إِنْسَانٍ مِنْ بَيْتِ إِسْرَائِيلَ الَّذِي يُصْعِدُ أَصْنَامَهُ إِلَى قَلْبِهِ، وَيَضَعُ مَعْثَرَةَ إِثْمِهِ تِلْقَاءَ وَجْهِهِ، ثُمَّ يَأْتِي إِلَى النَّبِيِّ، فَإِنِّي أَنَا الرَّبُّ أُجِيبُهُ حَسَبَ كَثْرَةِ أَصْنَامِهِ، ربنا بيقول لحزقيال كلمهم، وقولهم الآتي: "هكَذَا قَالَ السَّيِّدُ الرَّبُّ: كُلُّ إِنْسَانٍ مِنْ بَيْتِ إِسْرَائِيلَ الَّذِي يُصْعِدُ أَصْنَامَهُ إِلَى قَلْبِهِ، وَيَضَعُ مَعْثَرَةَ إِثْمِهِ تِلْقَاءَ وَجْهِهِ، ثُمَّ يَأْتِي إِلَى النَّبِيِّ،" ... كل واحد جاي من بني اسرائيل، وتعبير "كل انسان" ... هيتكرر تاني في اية 7 .( وده متاخد من سفر اللاويين ، ربنا قاله كتير التعبير ده.) "فَإِنِّي أَنَا الرَّبُّ أُجِيبُهُ حَسَبَ كَثْرَةِ أَصْنَامِهِ،" ... رنبا نفسه هو اللي هيجاوب عليه. يعلن الله أن من تعلق بالأصنام ووضعها أمام وجهه، ثم يأتي في رياء ليسأل الله كأنه يعبد الله، فالله سيجيب عليه بما يناسب قلبه الشرير، ربنا هيعاقبه على هذا الرياء والتعلق بالأصنام.
5 لِكَيْ آخُذَ بَيْتَ إِسْرَائِيلَ بِقُلُوبِهِمْ، لأَنَّهُمْ كُلَّهُمْ قَدِ ارْتَدُّوا عَنِّي بِأَصْنَامِهِمْ. لكَيْ آخُذَ بَيْتَ إِسْرَائِيلَ بِقُلُوبِهِمْ،" ... كأن ربنا بيضبطهم في ذات الفعل، ممسوكين في خطاياهم. ممسوكين وأصنامهم جوة قلوبهم وأفكارهم. لان قلوبهم مليانة عبادة اصنام. " لأَنَّهُمْ كُلَّهُمْ قَدِ ارْتَدُّوا عَنِّي بِأَصْنَامِهِم" ... وديه كانت حاجة مزعلة ربنا له المجد اوووي من الشعب.
6 لِذلِكَ قُلْ لِبَيْتِ إِسْرَائِيلَ: هكَذَا قَالَ السَّيِّدُ الرَّبُّ: تُوبُوا وَارْجِعُوا عَنْ أَصْنَامِكُمْ، وَعَنْ كُلِّ رَجَاسَاتِكُمُ اصْرِفُوا وُجُوهَكُمْ. " تُوبُوا وَارْجِعُوا عَنْ أَصْنَامِكُمْ،" ... ولغاية دلوقتي ربنا بينادي ليهم بالتوبة، بيقولهم: توبوا. ياحزقيال قول لبيت اسرائيل: ربنا بيقولكم توبوا وارجعوا عن اصنامكم، اللي في أفكاركم وقلوبكم... " وَعَنْ كُلِّ رَجَاسَاتِكُمُ اصْرِفُوا وُجُوهَكُمْ ". فربنا له المجد بيتكلم معاهم بكل صراحة: علشان اقدر اجاوبكم شيلوا الاصنام من وسطكم. من قلوبكم وحواسكم، علشان ربنا يقدر يرجع تاني ويملك في وسطهم. واحنا كمان نرجع لربنا بكل قلوبنا وحواسنا ، علشان ربنا يكون في وسطنا ، فلازم نقدم توبة حقيقية من القلب.
7 لأَنَّ كُلَّ إِنْسَانٍ مِنْ بَيْتِ إِسْرَائِيلَ أَوْ مِنَ الْغُرَبَاءِ الْمُتَغَرِّبِينَ فِي إِسْرَائِيلَ، إِذَا ارْتَدَّ عَنِّي وَأَصْعَدَ أَصْنَامَهُ إِلَى قَلْبِهِ، وَوَضَعَ مَعْثَرَةَ إِثْمِهِ تِلْقَاءَ وَجْهِهِ، ثُمَّ جَاءَ إِلَى النَّبِيِّ لِيَسْأَلَهُ عَنِّي، فَإِنِّي أَنَا الرَّبُّ أُجِيبُهُ بِنَفْسِي. " لأَنَّ كُلَّ إِنْسَانٍ مِنْ بَيْتِ إِسْرَائِيلَ " ... ربنا بيقول تاني نفس التعبير. "أَوْ مِنَ الْغُرَبَاءِ الْمُتَغَرِّبِينَ فِي إِسْرَائِيلَ،" ... جايز يكون تعبير معروف قبل السبي. لكن في السبي هما كلهم اصلا غرباء لانهم مش في بلدهم. وكمان الاصل تعبير غرباء: دول اللي دخلوا في شعب بني اسرائيل، وانضموا لشعب الله. "إِذَا ارْتَدَّ عَنِّي وَأَصْعَدَ أَصْنَامَهُ إِلَى قَلْبِهِ،" ... الي قلبه، نلاحظ انه دايما بيتكلم عن القلب، لان من القلب بتخرج كل المشاعر والافكار. القلب في الكتاب المقدس: بيمثل مركز الانسان، افكاره وكل حاجة بتخرج منه. نلاحظ ان الانسان اللي جاي ده عامل 3 حاجات وحشة: - ارتد عني. – أصنامه في قلبه. – معثرة اثمه قدامه. "وَوَضَعَ مَعْثَرَةَ إِثْمِهِ تِلْقَاءَ وَجْهِهِ،" ... يعني عيونهم ممتلئة خطية، وقلبهم مملوء بالاصنام ، وحالتهم صعبة جدا. "ثُمَّ جَاءَ إِلَى النَّبِيِّ لِيَسْأَلَهُ عَنِّي، فَإِنِّي أَنَا الرَّبُّ أُجِيبُهُ بِنَفْسِي" ... ربنا بيكرر تاني ان ربنا بنفسه اللي هيجاوبهم بنفسهم ، لانهم جايين يسالوا وفي قلوبهم خطاياهم واصنامهم ومش عاوزين يتوبوا عنها. فربنا هيديهم عقوبة ثلاثية بسبب شرهم وعدم توبتهم.
8 وَأَجْعَلُ وَجْهِي ضِدَّ ذلِكَ الإِنْسَانِ وَأَجْعَلُهُ آيَةً وَمَثَلاً، وَأَسْتَأْصِلُهُ مِنْ وَسْطِ شَعْبِي، فَتَعْلَمُونَ أَنِّي أَنَا الرَّبُّ. ودول التلات عقوبات. ربنا بيحذرهم ان اللي هيجي ويمثل وعامل نفسه علاقته بيا كويسة، وهو مش كده اصلا، وجاي علشان يسأل ربنا وعاوز يسمع كلمتين حلوين فيهم خلاص وشفاء، وهما اصلا أصنامهم جوة قلوبهم وخطيتهم قدامهم. فهتيجي عليهم العقوبات الثلاثية ديه: 1) " وَأَجْعَلُ وَجْهِي ضِدَّ ذلِكَ الإِنْسَانِ" ... كأن ربنا بيقوله: هنبقي في خصومة مع بعض ، والهدف ان الانسان ده يفوق ويتوب. 2) "وَأَجْعَلُهُ آيَةً وَمَثَلًا،" ... جايز يكون معناها: ان الشخص ده هيتفضح لان من جوه قلبه نجاسات وحاجات وحشة، ومن بره بيمثل انه كويس ورايح يسال ربنا. فربنا هيفضح اللي جوة قلبه . فربنا بيقولك هاخليك آية: يعني كل الناس هتعرف باللي انت عملته. ومثلا: هتبقي مثال للناس. هيقولوا لما فلان عمل كذا وكذا. فكأن ربنا بيقول للي جاي ومخبي الحاجات ديه في قلبه، انا فاحص القلوب والكلي. عارف اللي جوة كل واحد. 3) "وَأَسْتَأْصِلُهُ مِنْ وَسْطِ شَعْبِي،" ... انت جاي وعامل نفسك من شعبي، ده هيبقي وجهي ضدك ومش هتبقي من شعبي خالص. "فَتَعْلَمُونَ أَنِّي أَنَا الرَّبُّ" ... وهو ده الهدف دايما. ودايما ربنا بيقولهم: ارجعوا وتوبوا وأنا هأعفر لكم وهأقبلكم.
9 فَإِذَا ضَلَّ النَّبِيُّ وَتَكَلَّمَ كَلاَمًا، فَأَنَا الرَّبَّ قَدْ أَضْلَلْتُ ذلِكَ النَّبِيَّ، وَسَأَمُدُّ يَدِي عَلَيْهِ وَأُبِيدُهُ مِنْ وَسْطِ شَعْبِي إِسْرَائِيلَ. " فَإِذَا ضَلَّ النَّبِيُّ وَتَكَلَّمَ كَلاَمًا،" ... الكلام هنا عن الانبياء الكذبة. "فَأَنَا الرَّبَّ قَدْ أَضْلَلْتُ ذلِكَ النَّبِيَّ، " ... لما يكون النبي ده من الانبياء الكذبة (نوعية الانبياء في الاصحاح ال 13.) وبيتكلم من تلقاء نفسه. وربنا اصلا لم يدع احد منهم للخدمة و لا انهم يتنبأوا. فربنا ينزع منهم معرفة مشيئته. يعني النبي: ده ميبقاش عارف مشيئة ربنا فين. لان ربنا هيجعل وجهه ضد النبي ده ، وبالتالي النبي الكذاب ده هيتكلم من تلقاء نفسه وهيضل نفسه واللي حواليه. " قَدْ أَضْلَلْتُ ذلِكَ النَّبِيَّ، " ... اذا معناها: ربنا نزع روحه من النبي ده، او منعه من معرفة اسرار ربنا . وبكده النبي الكذاب يتكلم من تلقاء نفسه. وديه بالظبط زي " وقسي الرب قلب فرعون" ... مش ربنا هو اللي قسي قلب فرعون، اصلا قلب فرعون كان قاسي لوحده وكان مستمتع بالقساوة بتاعته ديه، فربنا سلمه الي قساوة قلبه. فربنا بيحاول مرات كتيرة مع الانسان، ولما الانسان يبقي مصمم علي اللي هو فيه، ربنا يقوله: خلاص اعمل اللي انت عاوزه، حاولت معاك كتير وانت رافض. اتحمل نتيجة افعالك واعمالك ، فالنبي الكذاب مصمم انه يتنبأ من تلقاء نفسه، فربنا بيقوله اتنبأ زي ما انت عاوز. ومعناها: ان خلاص مبقاش في تواصل مع ربنا ، هو مش عارف مشورة وفكر ربنا ، فهيتكلم من تلقاء نفسه. "وَسَأَمُدُّ يَدِي عَلَيْهِ" ... جملة صعبة اوووي. مين اللي يقدر يقف قدام ربنا ، ولا يقدر يقف قدام ايد ربنا لما ربنا يتصرف؟ " وَأُبِيدُهُ مِنْ وَسْطِ شَعْبِي إِسْرَائِيلَ." ... ويمكن ديه كانت اقصي عقوبة : أن الانسان يتعزل من شعب ربنا، وميتحسبش من ضمن شعب الله. اذا الانسان اللي جاي يسأل ربنا عن طريق حزقيال النبي، وكمان النبي الكذاب : الاتنين دول هينزعوا من وسط الشعب.
10 وَيَحْمِلُونَ إِثْمَهُمْ. كَإِثْمِ السَّائِلِ يَكُونُ إِثْمُ النَّبِيِّ. كل واحد هيشيل خطيته. الانسان اللي جاي يسأل واصنامه جوة قلبه، هيشيل خطيته. والنبي الكذاب اللي بيتكلم كلام من عنده هو ومش من ربنا، برده هيشيل خطيته. كل واحد هيشيل خطية نفسه وبس.
11 لِكَيْ لاَ يَعُودَ يَضِلُّ عَنِّي بَيْتُ إِسْرَائِيلَ، وَلِكَيْ لاَ يَعُودُوا يَتَنَجَّسُونَ بِكُلِّ مَعَاصِيهِمْ، بَلْ لِيَكُونُوا لِي شَعْبًا وَأَنَا أَكُونُ لَهُمْ إِلهًا، يَقُولُ السَّيِّدُ الرَّبُّ». آية جميلة: وتبين الهدف اللي جوة قلب ربنا. ديه الخلاصة: ربنا عاوز انهم يكونوا ليه شعب، وربنا يكون الههم... "بَلْ لِيَكُونُوا لِي شَعْبًا وَأَنَا أَكُونُ لَهُمْ إِلهًا، يَقُولُ السَّيِّدُ الرَّبُّ." ... وكأن ربنا بيقولهم: وضعت قدامكم الموت والحياة. الخير والشر. طيب ما تختاروا الحياة علشان تحييوا. " لِكَيْ لاَ يَعُودَ يَضِلُّ عَنِّي بَيْتُ إِسْرَائِيلَ،" ... ربنا جميل اوووي، نفسه يفضل شعبه دايما علي معرفة قوية وعميقة بيه. ميضلوش ابدا ويبعدوا عن طريق ربنا. فربنا هيشيل كل الانبياء الكذبة، علشان ميضلوش الشعب مرة تانية. "وَلِكَيْ لاَ يَعُودُوا يَتَنَجَّسُونَ بِكُلِّ مَعَاصِيهِمْ،" ... ربنا هيشيل الاصنام ديه كلها ، وهيبقوا شعب جديد من تاني لربنا. نفهم من الاية ديه: ان ربنا مش بيجبر حد، كل واحد بيختار طريقة. بس شهوة قلب ربنا: "بَلْ لِيَكُونُوا لِي شَعْبًا وَأَنَا أَكُونُ لَهُمْ إِلهًا، يَقُولُ السَّيِّدُ الرَّبُّ." . الاصحاح ال 14: عبارة عن جزئين او قسمين: - خلصنا القسم الاول ، وهو ان ربنا بيدين عبدة الاصنام.... ومركز الجزء الاول، آية 6: توبوا وارجعوا عن ا صنامكم، وكل رجاساتكم ... " اصرفوا وجوهكم" خلاص بقي سيبكم من الحاجات ديه اللي بتعملوها. - الجزء التاني: من الاصحاح.
12 وَكَانَتْ إِلَيَّ كَلِمَةُ الرَّبِّ قَائِلَةً: ربنا له المجد كلم حزقيال تاني.
13 «يَا ابْنَ آدَمَ، إِنْ أَخْطَأَتْ إِلَيَّ أَرْضٌ وَخَانَتْ خِيَانَةً، فَمَدَدْتُ يَدِي عَلَيْهَا وَكَسَرْتُ لَهَا قِوَامَ الْخُبْزِ، وَأَرْسَلْتُ عَلَيْهَا الْجُوعَ، وَقَطَعْتُ مِنْهَا الإِنْسَانَ وَالْحَيَوَانَ، " يَا ابْنَ آدَمَ،" ... الجملة المميزة لسفر حزقيال. في سفر حزقيال: ربنا بيسمي خطيتهم الكبيرة وانصرافهم عن ربنا وعبادتهم للاوثان: خيانة. مثلما تخون الزوجة زوجها. طبعا التشبيه مع الفارق. والنغمة ديه هتزيد في الاصحاحات الجاية. وديه خطية صعبة لما نترك ربنا له المجد، ونروح نعبد الهة اخري. " إِنْ أَخْطَأَتْ إِلَيَّ أَرْضٌ" ... مش بس شعب اسرائيل، لكن اي حد اخطأ لربنا ، " وَخَانَتْ خِيَانَةً،" ... نفهم منها: عبادة الاوثان، والانحراف عن ربنا. " فَمَدَدْتُ يَدِي عَلَيْهَا وَكَسَرْتُ لَهَا قِوَامَ الْخُبْزِ، وَأَرْسَلْتُ عَلَيْهَا الْجُوعَ، وَقَطَعْتُ مِنْهَا الإِنْسَانَ وَالْحَيَوَانَ،" ... هنا ربنا بيقول 4 عقوبات: اول عقوبة: الجوع ... "وَكَسَرْتُ لَهَا قِوَامَ الْخُبْز" الارض ديه: اخطأت وخانت خيانة ، وكل ده ضد وصايا ربنا له المجد. فعاقبتهم بالجوع. وعقوبة واحدة زي الجوع ديه ممكن تقطع الانسان والحيوان من الارض كلها . لانها مجاعة.
14 وَكَانَ فِيهَا هؤُلاَءِ الرِّجَالُ الثَّلاَثَةُ: نُوحٌ وَدَانِيآلُ وَأَيُّوبُ، فَإِنَّهُمْ إِنَّمَا يُخَلِّصُونَ أَنْفُسَهُمْ بِبِرِّهِمْ، يَقُولُ السَّيِّدُ الرَّبُّ. "وَكَانَ فِيهَا هؤُلاَءِ الرِّجَالُ الثَّلاَثَةُ: نُوحٌ وَدَانِيآلُ وَأَيُّوبُ،" ... 3 من رجال الله في العهد القديم واتقياء ومن الناس اللي فرحوا قلب ربنا له المجد. " فَإِنَّهُمْ إِنَّمَا يُخَلِّصُونَ أَنْفُسَهُمْ بِبِرِّهِمْ، يَقُولُ السَّيِّدُ الرَّبّ" ... ربنا بيقول لو الارض فيها التلاتة دول، ولانهم ابرار، برده مش هيخلصوا حد، لكن هيخلصوا نفسهم وبس ، هيخلصوا انفسهم بسبب برهم. القديس يوحنا ذهبي الفم يقول: الشفاعة تنفع الناس اللي بيجاهدوا، وبيبذلوا مجهود وبيتعبوا. لكن الشفاعة متنفعش الناس الكسلانة واللي رافضين الحياة مع ربنا... فالناس دول رافضين الحياة مع ربنا له المجد، فحتي لو وسطهم نوح ودانيال وايوب : شفاعتهم مش هتخلص حد من خطاياه. وديه كانت أول عقوبة : المجاعة.
15 إِنْ عَبَّرْتُ فِي الأَرْضِ وُحُوشًا رَدِيئَةً فَأَثْكَلُوهَا وَصَارَتْ خَرَابًا بِلاَ عَابِرٍ بِسَبَبِ الْوُحُوشِ، وديه تاني عقوبة. " إِنْ عَبَّرْتُ فِي الأَرْضِ وُحُوشًا رَدِيئَةً" ... العقوبة التانية : الوحوش الرديئة. " فَأَثْكَلُوهَا" ... معناها: خلصوا عليها. قتلوها. نهبوها. " وَصَارَتْ خَرَابًا بِلاَ عَابِرٍ بِسَبَبِ الْوُحُوشِ" ... والبلد هتبقي خراب ومحدش هيعدي حتي عليها.
16 وَفِي وَسْطِهَا هؤُلاَءِ الرِّجَالُ الثَّلاَثَةُ، فَحَيٌّ أَنَا، يَقُولُ السَّيِّدُ الرَّبُّ، إِنَّهُمْ لاَ يُخَلِّصُونَ بَنِينَ وَلاَ بَنَاتٍ. هُمْ وَحْدَهُمْ يَخْلُصُونَ وَالأَرْضُ تَصِيرُ خَرِبَةً. برده في الضربة التانية : الوحوش الرديئة. " وَفِي وَسْطِهَا هؤُلاَءِ الرِّجَالُ الثَّلاَثَةُ، فَحَيٌّ أَنَا، يَقُولُ السَّيِّدُ الرَّبُّ، إِنَّهُمْ لاَ يُخَلِّصُونَ بَنِينَ وَلاَ بَنَاتٍ." ... ربنا بيقول حتي برده لو فيها نوح ودانيال وايوب، مش هيحصل ليهم خلاص. مش هيخلصوا. "هُمْ وَحْدَهُمْ يَخْلُصُونَ وَالأَرْضُ تَصِيرُ خَرِبَةً " ... برده التلات رجال نوح وايوب ودانيال هيخلصوا لوحدهم بسبب برهم. ما أصعب أن الانسان يوصل للمرحلة: اللي لازم يتعاقب فيها. ده حتي مراحم ربنا كتيرة، وربنا طويل الاناة جدا حتي مع الخطاة، بس ان الانسان يوصل لمرحلة ان ربنا يقول: حتي لو في وسطهم نوح ودانيال وايوب ، فالتلاتة دول هينجوا انفسهم وبس. لكن الشعب نفسه هيتعاقب.
17 أَوْ إِنْ جَلَبْتُ سَيْفًا عَلَى تِلْكَ الأَرْضِ وَقُلْتُ: يَا سَيْفُ اعْبُرْ فِي الأَرْضِ، وَقَطَعْتُ مِنْهَا الإِنْسَانَ وَالْحَيَوَانَ، ربنا قال: هأجلب عليهم كطرقهم. هما استخدموا السيف. فربنا هيجلب عليهم السيف ... " أَوْ إِنْ جَلَبْتُ سَيْفًا عَلَى تِلْكَ الأَرْضِ". "وَقُلْتُ: يَا سَيْفُ اعْبُرْ فِي الأَرْضِ، وَقَطَعْتُ مِنْهَا الإِنْسَانَ وَالْحَيَوَانَ،" ... وعن طريق السيف طبعا الناس هتموت ، وبالتالي مش فهيبقي فيها انسان او حيوان. وده لان " الذين يأخذون بالسيف، بالسيف يؤخذون." . لان ده ثمر اعمالهم. " الذي يزرعه الانسان ، اياه يحصد ايضا.".
18 وَفِي وَسْطِهَا هؤُلاَءِ الرِّجَالُ الثَّلاَثَةُ، فَحَيٌّ أَنَا، يَقُولُ السَّيِّدُ الرَّبُّ، إِنَّهُمْ لاَ يُخَلِّصُونَ بَنِينَ وَلاَ بَنَاتٍ، بَلْ هُمْ وَحْدَهُمْ يَخْلُصُونَ. ربنا له المجد بيكرر نفس الكلام تاني. وكأن ربنا بيقول: أوعوا تتكلوا أبدا ان ديه اورشليم مدينتي. او الهيكل محل قدسي. فربنا بيقولهم : لو فضلتم في طريقكم ، يبقي اورشليم والهيكل هيصيروا خراب. والمسيح له المجد قالهم " هوذا بيتكم يترك لكم خرابا." " يَقُولُ السَّيِّدُ الرَّبُّ، إِنَّهُمْ لاَ يُخَلِّصُونَ بَنِينَ وَلاَ بَنَاتٍ، بَلْ هُمْ وَحْدَهُمْ يَخْلُصُونَ" ... يعني بر التلاتة دول: نوح وايوب ودانيال ، مش هينفع حد غيرهم هما وبس. وده طبعا يفكرنا باليوم الاخير: ان محدش هيقدر يقول : أن لنا ابراهيم ابا." او مثلا كان ابويا الروحي حد قديس وكويس اوووي. مفيش الحاجات ديه عند ربنا . مفيش محاباة . وديه كانت العقوبة التالتة: ضربة السيف.
19 أَوْ إِنْ أَرْسَلْتُ وَبَأً عَلَى تِلْكَ الأَرْضِ، وَسَكَبْتُ غَضَبِي عَلَيْهَا بِالدَّمِ لأَقْطَعَ مِنْهَا الإِنْسَانَ وَالْحَيَوَانَ، وديه الضربة الرابعة: الوبأ. وجاي معاه الدم. يعني برده في موت. وبرده النتيجة : موت الانسان والحيوان.
20 وَفِي وَسْطِهَا نُوحٌ وَدَانِيآلُ وَأَيُّوبُ، فَحَيٌّ أَنَا، يَقُولُ السَّيِّدُ الرَّبُّ، إِنَّهُمْ لاَ يُخَلِّصُونَ ابْنًا وَلاَ ابْنَةً. إِنَّمَا يُخَلِّصُونَ أَنْفُسَهُمْ بِبِرِّهِمْ. ربنا بيأكد علي نقطة ... انهم بيخلصوا انفسهم ببرهم. اذا خلاصة الجزء ده : كل واحد يأخذ أجرته حسب عمله وتعبه. البار ... ياخد اجرة بره. والفاسد ...ياخد اجرة فساده وشره. " مايزرعه الانسان ياه يحصد ايضا." يعني مينفعش اقف قدام ربنا واقوله : يارب ده ابويا كان راجل تقي وبار وكويس ، وامي كانت قديسة. فالجزء ده كان بياكد علي حتمية القعاب.
21 « لأَنَّهُ هكَذَا قَالَ السَّيِّدُ الرَّبُّ: كَمْ بِالْحَرِيِّ إِنْ أَرْسَلْتُ أَحْكَامِي الرَّدِيئَةَ عَلَى أُورُشَلِيمَ: سَيْفًا وَجُوعًا وَوَحْشًا رَدِيئًا وَوَبَأً، لأَقْطَعَ مِنْهَا الإِنْسَانَ وَالْحَيَوَانَ! ربنا له المجد قال: ان العقاب ممكن يكون جوع – وحوش رديئة – سيف – وبأز وكل واحدة من العقوبات ديه: قادرة انها تخلص علي الارض ، علي الانسان والحيوان. " كَمْ بِالْحَرِيِّ إِنْ أَرْسَلْتُ أَحْكَامِي الرَّدِيئَةَ عَلَى أُورُشَلِيمَ: سَيْفًا وَجُوعًا وَوَحْشًا رَدِيئًا وَوَبَأً، لأَقْطَعَ مِنْهَا الإِنْسَانَ وَالْحَيَوَانَ" ... فربنا بيقول: أمال لو الاربعة عقوبات جم مع بعض مرة واحدة؟ دول هيجوا علي اورشليم مرة واحدة. وقتها الموضوع هيبقي عامل ازاي؟ " أَحْكَامِي الرَّدِيئَةَ" ... اوقات تتقال : احكامي ( العقوبات) التي لا مفر منها. لان الاربع احكام او عقوبات جايين مرة واحدة علي اورشليم. " لأَقْطَعَ مِنْهَا الإِنْسَانَ وَالْحَيَوَانَ" ... اذا كانت عقوبة واحدة من الاربعة دول قادرة انها تهلك بلد كاملة، ما بالك بالاربعة مرة واحدة علي اورشليم؟ هيعملوا فيها ايه؟
22 فَهُوَذَا بَقِيَّةٌ فِيهَا نَاجِيَةٌ تُخْرَجُ بَنُونَ وَبَنَاتٌ. هُوَذَا يَخْرُجُونَ إِلَيْكُمْ فَتَنْظُرُونَ طَرِيقَهُمْ وَأَعْمَالَهُمْ، وَتَتَعَزَّوْنَ عَنِ الشَّرِّ الَّذِي جَلَبْتُهُ عَلَى أُورُشَلِيمَ عَنْ كُلِّ مَا جَلَبْتُهُ عَلَيْهَا. ".فَهُوَذَا بَقِيَّةٌ فِيهَا نَاجِيَةٌ تُخْرَجُ بَنُونَ وَبَنَاتٌ." ... دايما هنلاقي في بقية. بس الباقية اللي هنا كانوا غلطانين ، بس نجوا من الموت. يعني لو في بقية نجت او استحييت بعد كل العقوبات ديه، "هُوَذَا يَخْرُجُونَ إِلَيْكُمْ فَتَنْظُرُونَ طَرِيقَهُمْ وَأَعْمَالَهُمْ،" ... يعني كأن ربنا سايبهم، علشان الباقين يشوفوهم ، لان الباقين كانوا في حيرة. زينا دلوقتي: نقول فين ربنا" وليه سايب الدنيا كده ؟ وسامح بكل الشر ده حوالينا؟ ففي باقين مش شعب اليهود بيفكروا : هو الهنا مش اله حقيقي ولا ايه؟ ازاي نبوخذنصر ينتصر علي ربنا بتاعنا؟ فابتدي الناس يدخلوا في افكار شك. واورشليم بتخرب والهيكل ابتدي يتدمر، فتبقي الالهة التانية هي اللي صح. وهي اللي بتدافع عن شعبها. "وَتَتَعَزَّوْنَ عَنِ الشَّرِّ الَّذِي جَلَبْتُهُ عَلَى أُورُشَلِيمَ عَنْ كُلِّ مَا جَلَبْتُهُ عَلَيْهَا." ... لانهم مش فاهمين كل الشر اللي هما فيه ده ليه؟ وليه ربنا ساب اورشليم والهيكل؟ لانهم كانوا بيسمعوا كلام الانبياء الكذبة اللي بيضحكوا عليهم : ان اورشليم والهيكل مش هيحصل لهم حاجة . فربنا له المجد بيوضح لهم: هاسيب لكم بقية تحكي لكم، ان اللي حصل في اورشليم كان حق وعدل. فالناس التانية هيبطلوا يفكروا افكارهم ديه ... ووقتها هتتعزوا.
23 وَيُعَزُّونَكُمْ إِذْ تَرَوْنَ طَرِيقَهُمْ وَأَعْمَالَهُمْ، فَتَعْلَمُونَ أَنِّي لَمْ أَصْنَعْ بِلاَ سَبَبٍ كُلَّ مَا صَنَعْتُهُ فِيهَا، يَقُولُ السَّيِّدُ الرَّبُّ». كأن ربنا بيقولهم: كل اللي اتعمل فيكم ده كان بسبب خطاياكم وشروركم والنجاسة اللي عايشين فيها.
 ⪢