⪡ 1وَكَانَ فِي السَّنَةِ الرَّابِعَةِ لِيَهُويَاقِيمَ بْنِ يُوشِيَّا مَلِكِ يَهُوذَا، أَنَّ هذِهِ الْكَلِمَةَ صَارَتْ إِلَى إِرْمِيَا مِنْ قِبَلِ الرَّبِّ قَائِلَةً: إحنا كنا شوفنا في الإصحاح اللي فات قصة الركابيين وشفنا أد ايه المجموعة دي من الناس كانوا أمناء جداً للوصية اللي جدهم الكبير إدهالهم. المرة دي هنشوف إصحاح 36 ونلاقي الكتاب يرجع بينا فترة زمنية كده تاني لأن إحنا الحتة دي مش مترتبة تاريخياً لكن مترتبة بحسب الموضوع.
إصحاح 36: هيتكلم عن موقف الحقيقة من أسوأ ما يكون مع الملك يهوياقيم والملك يهوياقيم ده الملك رقم 18 على مملكة يهوذا.
السنة الرابعة ليهوياقيم بتوافق السنة الأولى لنبوخذنصر، وهنا بيحدد زمن النبوة. وفي نفس السنة دي حصلت معركة كركميش ما بين بابل ومصر وانهزمت مصر في المعركة دي وابتدت بابل تبقى هي سيدة العالم وابتدى الخطر البابلي يكبر جداً وكل الأمم الصغيرة اللي زي يهوذا شبه تخاف منها، والكلام ده كان سنة 605 قبل الميلاد.
2«خُذْ لِنَفْسِكَ دَرْجَ سِفْرٍ، وَاكْتُبْ فِيهِ كُلَّ الْكَلاَمِ الَّذِي كَلَّمْتُكَ بِهِ عَلَى إِسْرَائِيلَ وَعَلَى يَهُوذَا وَعَلَى كُلِّ الشُّعُوبِ، مِنَ الْيَوْمِ الَّذِي كَلَّمْتُكَ فِيهِ، مِنْ أَيَّامِ يُوشِيَّا إِلَى هذَا الْيَوْمِ. الإصحاح كده من أهميته بيورينا طريقة كتابة الكتاب المقدس، ويعني لو حد عايز يعرف ازاي الكتاب المقدس كان في بعض الأحيان بيتكتب، النهاردة هنشوف في الإصحاح ده إزاي كلمة الله تم تسجيلها، ليست بمشيئة إنسان ولا بمشيئة بشر، فارميا النبي بناءا على توصية من ربنا قال له أكتب كل الكلام اللي أنا قولتهولك من البداية على إسرائيل وعلى يهوذا وعلى بقية الأمم.
ويُقال إن في الفترة دي أو في السنة دي كان إرميا بقاله ما بين 21 لـ 23 سنة بيتنبأ.
3لَعَلَّ بَيْتَ يَهُوذَا يَسْمَعُونَ كُلَّ الشَّرِّ الَّذِي أَنَا مُفَكِّرٌ أَنْ أَصْنَعَهُ بِهِمْ، فَيَرْجِعُوا كُلُّ وَاحِدٍ عَنْ طَرِيقِهِ الرَّدِيءِ، فَأَغْفِرَ ذَنْبَهُمْ وَخَطِيَّتَهُمْ». "لعل،" ... وهتتكرر كلمة "لعل" هنا في آية 3 وأية 7. وبصوا قد تكون كلمة الله تحمل تهديد وغضب ووعيد، لكن مشيئة الله: مغفرة وتوبة لينا ورحمة فربنا بيقول ليه لعل يعني لو تابوا يبقى خلاص أنا أغفر ليهم وأصفح عن آثامهم.
"لعَلَّ بَيْتَ يَهُوذَا يَسْمَعُونَ كُلَّ الشَّرِّ الَّذِي أَنَا مُفَكِّرٌ أَنْ أَصْنَعَهُ بِهِمْ، فَيَرْجِعُوا كُلُّ وَاحِدٍ عَنْ طَرِيقِهِ الرَّدِيءِ، فَأَغْفِرَ ذَنْبَهُمْ وَخَطِيَّتَهُمْ. " ... ربنا بيقوله يا إرميا اكتب جايز لما تكتب وهما يسمعوا بقى الكلام كله متجمع كده على بعضه، فلعلهم يتوبوا ويرجعوا فأصفح عن خطاياهم وأغفر. اذا غرض النبوة او كتابة النبوة: ان ربنا يحرك قلوبهم للتوبة.وربنا يغفر ليهم خطاياهم.
"لعل بيت يهوذا يصنعون كل الشر الذي أنا مفكر أن أصنعه بهم" ... وهتتكرر مرة تانية، طب هو ربنا بيصنع شر؟
شوفوا القديس كيرلس الكبير بيفسرها ازاي، بيقول: حين يقول "أندم عن الشر"، لا يقصد فعل الشر، لأن إلهنا الذي يحب الفضيلة ليس هو فاعل للشرور، القديس كيرلس الكبير بيقول كده فمش معناها إن ربنا يعمل شر، ولكن ده إلهنا ده بتاع الخير كله ليس فاعل للشرور، بل بالحري الغضب الذي يسبب الشر. يعني ربنا هيرجع عن الغضب اللي هيسبب عقوبات من نفس نوع خطايا الناس دي، بمعنى إنهم سلكوا في الظلم والقتل وسفك الدماء يعني طرقهم تيجي فوق دماغهم مرة تانية.
4فَدَعَا إِرْمِيَا بَارُوخَ بْنَ نِيرِيَّا، فَكَتَبَ بَارُوخُ عَنْ فَمِ إِرْمِيَا كُلَّ كَلاَمِ الرَّبِّ الَّذِي كَلَّمَهُ بِهِ فِي دَرْجِ السِّفْرِ. "درج السفر" ... عبارة عن رقائق من الجلد أو نبات البردي يتكتب عليها، وبتكون ملفوفة عند حفظها ولما بتتقري بيفتحوها او بيفردوها.
أول مرة – المفروض - تاريخياً نرى باروخ، وباروخ: كان كاتب إرميا . ونقدر نستشف من الإصحاح ده ومن إصحاح 45 بعض المعلومات عن باروخ.
وباروخ كلمة عبرية معناها "مُبَارَك" وده كان رجل متعلم جداً وكاتب محترف. وفي نفس الوقت كان باروخ من أسرة عالية المكانة في خدمة الملك وهنشوف إن هو بيطلع وبيخش في أماكن مش مفترض إن كل الناس يطلعوا ويخشوا فيها.
وباروخ كتب جزء من كلمة ربنا وعلى الأقل الحتة اللي كتبها لما إرميا قالهاله. وبيقولوا المفسرين إنها من إصحاح 1 لـ 25، وهنلاقي فيه كلام من ربنا موجه لباروخ مباشرة في إرميا 45، وإحنا شفنا باروخ ده في إصحاح 32 لما إرميا كان عايز يكتب عقد البيع والشراء فجاب باروخ وقاله : اكتب عقد بيع وشراء علشان هنشتري أرض، والحتة بتاعة إصحاح 32 دي زمنياً بعد إصحاح 36 اللي إحنا فيه فيعني أول مرة تاريخياً يظهر باروخ هو في إصحاح 36، ويقال كده إن باروخ أنتهت حياته في بابل، وكتب في بابل سفر باروخ اللي هو من الأسفار القانونية التانية المكون من ست إصحاحات والإصحاح السادس في سفر باروخ ده إصحاح رسالة من إرميا للي خلاص هيتاخذوا على السبي أو المنفى.
"فَكَتَبَ بَارُوخُ عَنْ فَمِ إِرْمِيَا كُلَّ كَلاَمِ الرَّبِّ الَّذِي كَلَّمَهُ بِهِ فِي دَرْجِ السِّفْرِ." ... يعني إرميا بيقول وباروخ يأخذ الكلام من فم إرميا ويكتبه.
5وَأَوْصَى إِرْمِيَا بَارُوخَ قَائِلاً: «أَنَا مَحْبُوسٌ لاَ أَقْدِرُ أَنْ أَدْخُلَ بَيْتَ الرَّبِّ. بيقوله بص يا باروخ أنا محبوس، ومحبوس هنا مش بمعنى إنه مسجون وهنشوف في الإصحاح ده إنهم قالوا لباروخ إلحق أنت وإرميا أهربوا وأختفوا خالص علشان الملك ميوصلكوش6فَادْخُلْ أَنْتَ وَاقْرَأْ فِي الدَّرْجِ الَّذِي كَتَبْتَ عَنْ فَمِي كُلَّ كَلاَمِ الرَّبِّ فِي آذَانِ الشَّعْبِ، فِي بَيْتِ الرَّبِّ فِي يَوْمِ الصَّوْمِ، وَاقْرَأْهُ أَيْضًا فِي آذَانِ كُلِّ يَهُوذَا الْقَادِمِينَ مِنْ مُدُنِهِمْ. نركز بس إن في الوحي الإلهي عندنا، الله لا يلغي شخصية الكاتب، يعني الكاتب بيكتب بطريقته. فإرميا بيقول بطريقته وبأسلوبه لكن روح الله يعصم من الخطأ، بيمنع من الخطـأ.
فبيقوله بص يا باروخ أنا مش هقدر أروح الهيكل فخد الدرج اللي أنت كتبته وروح أقراه في الهيكل، وفي مناسبة كانت مناسبة للصوم، ويقول المفسرين إن مكانش صوم ديني معروف من الأصوام الثابتة لكن دي كانت حاجة زيادة كده، وغالباً الرؤساء في الهيكل نادوا بيه علشان تقدُّم البابليين وعلشان ربنا يرفع غضبه عنهم،
"فِي بَيْتِ الرَّبِّ فِي يَوْمِ الصَّوْمِ، وَاقْرَأْهُ أَيْضًا فِي آذَانِ كُلِّ يَهُوذَا الْقَادِمِينَ مِنْ مُدُنِهِمْ." ... واحد يقول ما هم صايمين أهو ولكن الحقيقة هما صايمين بس بدون توبة، فده صوم مش مقبول.
يعني ممكن يبقى في صوم غير مقبول؟ آه، لو صوم بدون توبة ومنظر بس، لكن الصوم المقبول هو الصوم والصلاة والصوم اللي معاه توبة وانسحاق.
7لَعَلَّ تَضَرُّعَهُمْ يَقَعُ أَمَامَ الرَّبِّ، فَيَرْجِعُوا كُلُّ وَاحِدٍ عَنْ طَرِيقِهِ الرَّدِيءِ، لأَنَّهُ عَظِيمٌ الْغَضَبُ وَالْغَيْظُ اللَّذَانِ تَكَلَّمَ بِهِمَا الرَّبُّ عَلَى هذَا الشَّعْبِ». مرة تانية نشوف كلمة "لعل". إرميا بيقوله : روح أقرأ لهم ، لعل كل واحد فيهم يرجع عن طريقه الردئ لأن الغضب والغيظ اللي تكلم بهم الرب على هذا الشعب عظيم جداً، ودي تعبيرات بشرية زي ما اتفقنا علشان توضح يعني الموقف، فساعات تستخدم تعبيرات بشرية عن الله ،علشان توضح الهدف اللي ربنا عايز يقوله. 8فَفَعَلَ بَارُوخُ بْنُ نِيرِيَّا حَسَبَ كُلِّ مَا أَوْصَاهُ بِهِ إِرْمِيَا النَّبِيُّ، بِقِرَاءَتِهِ فِي السِّفْرِ كَلاَمَ الرَّبِّ فِي بَيْتِ الرَّبِّ. دي أول مره يتقرى الكلام أهو في الإصحاح ده، وهيتقري الدرج ده 3 مرات وأول مرة على الشعب كله دلوقتي. 9وَكَانَ فِي السَّنَةِ الْخَامِسَةِ لِيَهُويَاقِيمَ بْنِ يُوشِيَّا مَلِكِ يَهُوذَا، فِي الشَّهْرِ التَّاسِعِ، أَنَّهُمْ نَادَوْا لِصَوْمٍ أَمَامَ الرَّبِّ، كُلَّ الشَّعْبِ فِي أُورُشَلِيمَ، وَكُلَّ الشَّعْبِ الْقَادِمِينَ مِنْ مُدُنِ يَهُوذَا إِلَى أُورُشَلِيمَ. بيتكلم عن الصوم اللي كان في الوقت ده اللي نادوا بيه. 10فَقَرَأَ بَارُوخُ فِي السِّفْرِ كَلاَمَ إِرْمِيَا فِي بَيْتِ الرَّبِّ فِي مِخْدَعِ جَمَرْيَا بْنِ شَافَانَ الْكَاتِبِ، فِي الدَّارِ الْعُلْيَا، فِي مَدْخَلِ بَابِ بَيْتِ الرَّبِّ الْجَدِيدِ، فِي آذَانِ كُلِّ الشَّعْبِ. زمان كان بيبقى فيه في الكنيسة حاجة اسمها الامبل كده وده كان مكان عالي ويطلع الأب الأسقف يوعظ، ففي الهيكل كان فيه "الدار العليا" ... عند مدخل باب بيت الرب، فيعني كل اللي داخلين للهيكل كانوا هيشوفوا الراجل اللي واقف في الدار العليا دي وبيتكلم للداخلين. فباروخ طلع فعلاً في المكان ده اللي بيسموه "مخدع جماريا بن شافان الكاتب في الدار العليا في مدخل باب بيت الرب" ... يعني والناس داخلة وخارجة مكان تجمع الناس كلها ففي زي شرفة عالية كده مخدع جماريا ابن شافان الكاتب ده فوقف هناك باروخ وأبتدا يقرأ لكل الناس اللي داخلين والخارجين والمتجمعين في الهيكل.
نفتكر مع بعض" شافان الكاتب" ... ده هو اللي قرأ سفر الشريعة أيام يوشيا لما لقوا سفر الشريعة لما كانت ضايعة فيوشيا ابتدى النهضة بتاعته لما لقوا سفر الشريعة، فقرأ على يوشيا سفر الشريعة شفان الكاتب ده فمزق يوشيا ثيابه واللي معاه وقدموا توبة،
11فَلَمَّا سَمِعَ مِيخَايَا بْنُ جَمَرْيَا بْنِ شَافَانَ كُلَّ كَلاَمِ الرَّبِّ مِنَ السِّفْرِ، شاب اسمه "ميخايا " وميخايا يعني زي ميخائيل كده، ابن جمريا ابن شافان، والكلام ده لو أنتوا خدتوا بالكوا في السنة الخامسة ليهوياقيم ونلاقي بداية السفر وبداية الأمر الإلهي لإرميا إنه يكتب في السنة الرابعة ليهوياقيم، يعني تقريباً إرميا مع باروخ خدوا يمكن سنة في كتابة كلام الله لإرميا، ويقال من بعض المفسرين إن ممكن في السنة دي كان كتبها وبيقولوا للي رايح واللي جاي أو يعني اللي عايز يسمع لغاية ما جت مناسبة الصوم فقروها عامة للناس، وبعض المفسرين بيقولوا لا ده خدوا الفترة دي كلها في كتابة كل كلام الرب على فم إرميا. 12نَزَلَ إِلَى بَيْتِ الْمَلِكِ، إِلَى مِخْدَعِ الْكَاتِبِ، وَإِذَا كُلُّ الرُّؤَسَاءِ جُلُوسٌ هُنَاكَ: أَلِيشَامَاعُ الْكَاتِبُ، وَدَلاَيَا بْنُ شِمْعِيَا، وَأَلْنَاثَانُ بْنُ عَكْبُورَ، وَجَمَرْيَا بْنُ شَافَانَ، وَصِدْقِيَّا بْنُ حَنَنِيَّا، وَكُلُّ الرُّؤَسَاءِ. راح على القصر مكان تجمع الوزراء والرؤساء في مكان اسمه ... "مخدع الكاتب" فلقي بقى الرؤساء قاعدين ويذكر هنا خمس رؤساء وفي 3 منهم هيتكرروا في آخر الإصحاح، فركزوا بقا كده.
وَجَمَرْيَا بْنُ شَافَانَ، وَصِدْقِيَّا بْنُ حَنَنِيَّا، وَكُلُّ الرُّؤَسَاءِ." ... جماريا ابن شافان ده هنقول عليه حاجة برضه في الآخر، لكن أهو خمسة من الرؤساء ذكرهم وبيقولك وكل الرؤساء كانوا قاعدين فجالهم ميخايا ده واقتحم الأوضة وكان ميخايا ابن جماريا، وقالهم الحقوا باروخ قرأ في الهيكل كلام الرب على فم إرميا والكلام مرعب فلازم تشوفوا الحكاية دي إيه.
13فَأَخْبَرَهُمْ مِيخَايَا بِكُلِّ الْكَلاَمِ الَّذِي سَمِعَهُ عِنْدَمَا قَرَأَ بَارُوخُ السِّفْرَ فِي آذَانِ الشَّعْبِ. 14فَأَرْسَلَ كُلُّ الرُّؤَسَاءِ إِلَى بَارُوخَ يَهُودِيَ بْنَ نَثَنْيَا بْنِ شَلَمْيَا بْنِ كُوشِي قَائِلِينَ: «الدَّرْجُ الَّذِي قَرَأْتَ فِيهِ فِي آذَانِ الشَّعْبِ، خُذْهُ بِيَدِكَ وَتَعَالَ». فَأَخَذَ بَارُوخُ بْنُ نِيرِيَّا الدَّرْجَ بِيَدِهِ وَأَتَى إِلَيْهِمْ. أرسلوا لباروخ رجل اسمه "يهودي بن نثنيا بن شلميا،" ... ده اسمه. فراحوا بعتوه لباروخ علطول وقالوله هات الدرج ده وتعالى. 15فَقَالُوا لَهُ: «اجْلِسْ وَاقْرَأْهُ فِي آذَانِنَا». فَقَرَأَ بَارُوخُ فِي آذَانِهِمْ. قالوله أقعد كده وسمعنا اللي أنت بتقوله ده. 16فَكَانَ لَمَّا سَمِعُوا كُلَّ الْكَلاَمِ أَنَّهُمْ خَافُوا نَاظِرِينَ بَعْضُهُمْ إِلَى بَعْضٍ، وَقَالُوا لِبَارُوخَ: «إِخْبَارًا نُخْبِرُ الْمَلِكَ بِكُلِّ هذَا الْكَلاَمِ». نشكر ربنا إنه لغاية الوقت ده فيه ناس لما كانت تسمع كلام ربنا تخاف، فدي برضه حاجة كويسة، فخافوا واترعبوا، يعني تخيلوا أول 25 إصحاح اللي إحنا كنا بندرسهم كان : كلام فعلاً يخوف ويرعب. وقالوله إحنا لازم نقول للملك بكل اللي أنت بتقوله ده لعله يعني يرجع عن اللي في دماغه. 17ثُمَّ سَأَلُوا بَارُوخَ قَائِلِينَ: «أَخْبِرْنَا كَيْفَ كَتَبْتَ كُلَّ هذَا الْكَلاَمِ عَنْ فَمِهِ؟» قالو له أنت عملت كل ده ازاي وكتبته ازاي؟ 18فَقَالَ لَهُمْ بَارُوخُ: «بِفَمِهِ كَانَ يَقْرَأُ لِي كُلَّ هذَا الْكَلاَمِ، وَأَنَا كُنْتُ أَكْتُبُ فِي السِّفْرِ بِالْحِبْرِ». باروخ قالهم ان ارميا النبي هو اللي كان بيمليه النبوات ديه وهو بيكتب.19فَقَالَ الرُّؤَسَاءُ لِبَارُوخَ: «اذْهَبْ وَاخْتَبِئْ أَنْتَ وَإِرْمِيَا وَلاَ يَعْلَمُ إِنْسَانٌ أَيْنَ أَنْتُمَا». قالوله بص إحنا عارفين يهوياقيم ده راجل شراني وقتل نبي من أنبياء الله اسمه أوريا، يعني أوريا ده بعد ما قال كلام الله، يهوياقيم قال هموته فهرب أوريا إلى مصر فراح بعتله واحد من اللي اتذكروا دول هنا اسمه ألناثان ابن عكبور جابه من مصر وقتله، يعني قتل نبي من أنبياء الله، فالحقيقة هما عارفين الراجل ده شراني ودموي فقالوله : الحق أنت وإرميا و استخبوا في مكان مجهول لأنهم خافوا عليهما من انتقام الملك والأنبياء الكذبة، وهذا يؤكد محبتهم لأرميا وباروخ ومخافتهم لله.20ثُمَّ دَخَلُوا إِلَى الْمَلِكِ إِلَى الدَّارِ، وَأَوْدَعُوا الدَّرْجَ فِي مِخْدَعِ أَلِيشَامَاعَ الْكَاتِبِ، وَأَخْبَرُوا فِي أُذُنَيِ الْمَلِكِ بِكُلِّ الْكَلاَمِ. قالوا للملك الحق ده إرميا بيقول كذا وكذا، وباروخ قرأ الكلام ده على الناس في الهيكل وإحنا سمعناه بنفسنا. 21فَأَرْسَلَ الْمَلِكُ يَهُودِيَ لِيَأْخُذَ الدَّرْجَ، فَأَخَذَهُ مِنْ مِخْدَعِ أَلِيشَامَاعَ الْكَاتِبِ، وَقَرَأَهُ يَهُودِيَ فِي أُذُنَيِ الْمَلِكِ، وَفِي آذَانِ كُلِّ الرُّؤَسَاءِ الْوَاقِفِينَ لَدَى الْمَلِكِ. الملك بعت يهودي علشان يجيب الدرج ده اللي زي الكتاب علشان يقرأه قدام الملك وكل اللي معاه. علشان يقرا كلام ارميا اللي كتبه باروخ تلميذه. 22وَكَانَ الْمَلِكُ جَالِسًا فِي بَيْتِ الشِّتَاءِ فِي الشَّهْرِ التَّاسِعِ، وَالْكَانُونُ قُدَّامَهُ مُتَّقِدٌ. 23وَكَانَ لَمَّا قَرَأَ يَهُودِيُ ثَلاَثَةَ شُطُورٍ أَوْ أَرْبَعَةً أَنَّهُ شَقَّهُ بِمِبْرَاةِ الْكَاتِبِ، وَأَلْقَاهُ إِلَى النَّارِ الَّتِي فِي الْكَانُونِ، حَتَّى فَنِيَ كُلُّ الدَّرْجِ فِي النَّارِ الَّتِي فِي الْكَانُونِ. "بيت الشتاء" ... بيت بيسكنوا فيه في الشتاء، يتميز بالدفء.
"الكانون " ... موقد كان يستخدم للتدفئة أو الطهي قديمًا وإلى عهد قريب في القرن العشرين، يشعل فيه بعض الأخشاب فتعطي نارًا للتدفئة بين مساحة صغيرة محاطة بالطوب أو الحجارة.
يؤكد هنا زمان قراءة السفر وهو في الشهر التاسع أي الموافق لديسمبر أي في الشتاء وكان الكانون مشتعلًا للتدفئة في غرفة الملك.
"مبراه " ...سكينة صغيرة بيستخدمها الكاتب في اعداد القلم الخشبي ليصير ذو سن رفيع ليكتب به عند غمسه في الحبر.( زي براية بس عبارة عن سكينة.).
و ابتدى يهودي يفتح الدرج، وأبتدأ يقرأ. ويقولك الكتاب: "وَكَانَ لَمَّا قَرَأَ يَهُودِيُ ثَلاَثَةَ شُطُورٍ أَوْ أَرْبَعَةً." ... راح الملك قاله استنى، وبدلً ما يخاف الملك من غضب الله، أتجاسر وأمر بتمزيق الدرج بواسطة مبراه الكاتب، ومستحملش انه يسمع كلام الله يدوب تلات او اربع سطور منه وخلاص، بدل ما يخاف ويتوب هو وشعبه ويرجعوا لربنا من تاني.
24وَلَمْ يَخَفِ الْمَلِكُ وَلاَ كُلُّ عَبِيدِهِ السَّامِعِينَ كُلَّ هذَا الْكَلاَمِ، وَلاَ شَقَّقُوا ثِيَابَهُمْ. تفتكروا ليه قال الكلمتين دول؟ فيه في الكلمات دي مقارنة مع أبوه يوشيا، يعني يوشيا لما شافان الكاتب قرأ سفر الشريعة راح شق ثيابه واللي معاه قدموا توبة وعملوا نهضة، ولكن لما يهودي قرأ ليهوياقيم كلام إرميا راح بدل ما يشق ثيابه شق كلام الله اللي على فم إرميا وحرقه، وعلشان كده يقولك الكتاب: ولا شققوا ثيابهم، ولكن دول شققوا كلمة الله وقطعوها وحرقوها وشوفوا بيبقى أب جميل ازاي وابنه يبقى شرير ودي حاجة غريبة ... ولكن في 3 من الخمسة اللي قريناهم من الرؤساء كانوا بيتحايلوا على يهوياقيم ويقولوله أرجوك بلاش لأن هما عارفين الكارثة اللي بيعملها.25وَلكِنَّ أَلْنَاثَانَ وَدَلاَيَا وَجَمَرْيَا تَرَجَّوْا الْمَلِكَ أَنْ لاَ يُحْرِقَ الدَّرْجَ فَلَمْ يَسْمَعْ لَهُمْ. 26بَلْ أَمَرَ الْمَلِكُ يَرْحَمْئِيلَ ابْنَ الْمَلِكِ، وَسَرَايَا بْنَ عَزَرْئِيلَ، وَشَلَمْيَا بْنَ عَبْدِئِيلَ، أَنْ يَقْبِضُوا عَلَى بَارُوخَ الْكَاتِبِ وَإِرْمِيَا النَّبِيِّ، وَلكِنَّ الرَّبَّ خَبَّأَهُمَا. طبعاً أول مرة نسمع كلمة عزرئيل في الكتاب المقدس مع إن كلمة "عزرئيل" ... دي معناها حلو على فكرة، ومعناها الله هو عوني. زي عزرا كده من آزر يعني شد كده وساعد وأدي معونة، فبيقولك الـ 3 دول، "يرحمئيل" ... يعني الله رحمة يعني أو يرحم، "وسرايا بن عزرئيل،" " وشلميا ابن عبدئيل " ... يعني عبد الله.
وصي الــ 3 دول إن هما يقبضوا على باروخ الكاتب وإرميا النبي وزي ما الرؤساء توقعوا أهو عمل. "وَلكِنَّ الرَّبَّ خَبَّأَهُمَا." ... نشكر ربنا موقعوش في ايديه، ولكن ربنا خباهما.
آخر حتة بقى شوف خلصت ازاي الحكاية؟ هو الملك في نظره قطع كلمة ربنا وحرقها خلاص استريح يعني.
27ثُمَّ صَارَتْ كَلِمَةُ الرَّبِّ إِلَى إِرْمِيَا بَعْدَ إِحْرَاقِ الْمَلِكِ الدَّرْجَ وَالْكَلاَمَ الَّذِي كَتَبَهُ بَارُوخُ عَنْ فَمِ إِرْمِيَا قَائِلَةً: 28«عُدْ فَخُذْ لِنَفْسِكَ دَرْجًا آخَرَ، وَاكْتُبْ فِيهِ كُلَّ الْكَلاَمِ الأَوَّلِ الَّذِي كَانَ فِي الدَّرْجِ الأَوَّلِ الَّذِي أَحْرَقَهُ يَهُويَاقِيمُ مَلِكُ يَهُوذَا، كل الكلام اكتبه تاني. 29وَقُلْ لِيَهُويَاقِيمَ مَلِكِ يَهُوذَا: هكَذَا قَالَ الرَّبُّ: أَنْتَ قَدْ أَحْرَقْتَ ذلِكَ الدَّرْجَ قَائِلاً: لِمَاذَا كَتَبْتَ فِيهِ قَائِلاً: مَجِيئًا يَجِيءُ مَلِكُ بَابِلَ وَيُهْلِكُ هذِهِ الأَرْضَ، وَيُلاَشِي مِنْهَا الإِنْسَانَ وَالْحَيَوَانَ؟ يهوياقيم بيقوله ازاي تقول يا إرميا إن مجيئا يجئ ملك بابل ويلاشي الإنسان والحيوان ويهلك الأرض دي كلها. 30لِذلِكَ هكَذَا قَالَ الرَّبُّ عَنْ يَهُويَاقِيمَ مَلِكِ يَهُوذَا: لاَ يَكُونُ لَهُ جَالِسٌ عَلَى كُرْسِيِّ دَاوُدَ، وَتَكُونُ جُثَّتُهُ مَطْرُوحَةً لِلْحَرِّ نَهَارًا، وَلِلْبَرْدِ لَيْلاً. واحد يقولي طب ما ابنه يهوياكين مش بقا ملك؟ الحقيقة يهوياكين مملكش الا يمكن 100 يوم وكان طول الـ 100 يوم بيفكر ويستعد علشان يستسلم ومكانش ملك ولا حاجة فاستسلم هو وأمه واللي معاه ، فمكانش يعتبر ملك، وبعد أقل من 100 يوم جه عمه اللي هو أخو يهوياقيم : صدقيا وملك.
"لِذلِكَ هكَذَا قَالَ الرَّبُّ عَنْ يَهُويَاقِيمَ مَلِكِ يَهُوذَا: لاَ يَكُونُ لَهُ جَالِسٌ عَلَى كُرْسِيِّ دَاوُدَ، وَتَكُونُ جُثَّتُهُ مَطْرُوحَةً لِلْحَرِّ نَهَارًا، وَلِلْبَرْدِ لَيْلًا." بيدفي على الكانونى(الدفاية)؟ طب قوله: جثته هتبقى في البرد ليلاً وفي الحر بالنهار، وخلي الدفا اللي هو بيدفاه ده ينفعه، ويقوله قبل كده في إصحاح 22: لاَ يَنْدُبُونَهُ قَائِلِينَ: آهِ يَا سَيِّدُ! أَوْ آهِ يَا جَلاَلَهُ! يُدْفَنُ دَفْنَ حِمَارٍ مَسْحُوبًا وَمَطْرُوحًا بَعِيدًا عَنْ أَبْوَابِ أُورُشَلِيمَ.
أدي اللي قطع كلمة ربنا وحرقها.
31وَأُعَاقِبُهُ وَنَسْلَهُ وَعَبِيدَهُ عَلَى إِثْمِهِمْ، وَأَجْلِبُ عَلَيْهِمْ وَعَلَى سُكَّانِ أُورُشَلِيمَ وَعَلَى رِجَالِ يَهُوذَا كُلَّ الشَّرِّ الَّذِي كَلَّمْتُهُمْ عَنْهُ وَلَمْ يَسْمَعُوا». فهنا ربنا بيأكد كلامه اللي كان مكتوب في الدرج: انه هيعاقب الملك واورشليم وسكانها كلهم.
يعني الغضب المتسبب في شرورهم، وفي آية في سفر الأمثال " مَنِ ازْدَرَى بِالْكَلِمَةِ يُخْرِبُ نَفْسَهُ، وَمَنْ خَشِيَ الْوَصِيَّةَ يُكَافَأُ." (أم 13: 13) ... أسوا إزدراء بكلمة الله هو ما فعله يهوياقيم لما قطع الكلمة وحرقها وقتل نبي من أنبياء الله، فالكتاب يقولك اللي يزدري بالكلمة يُخرَّب نفسه.
32فَأَخَذَ إِرْمِيَا دَرْجًا آخَرَ وَدَفَعَهُ لِبَارُوخَ بْنِ نِيرِيَّا الْكَاتِبِ، فَكَتَبَ فِيهِ عَنْ فَمِ إِرْمِيَا كُلَّ كَلاَمِ السِّفْرِ الَّذِي أَحْرَقَهُ يَهُويَاقِيمُ مَلِكُ يَهُوذَا بِالنَّارِ، وَزِيدَ عَلَيْهِ أَيْضًا كَلاَمٌ كَثِيرٌ مِثْلُهُ. باروخ كتب من تاني كل كلام ربنا علي لسان ارميا النبي.
لو كنت قبلت بالحبة اللي اتقالولك يا يهوياقيم كان أحسنلك. لكن ده اتزودلك عليهم عقاب يا يهوياقيم.
⪢