⪡ 1أَبَرُّ أَنْتَ يَا رَبُّ مِنْ أَنْ أُخَاصِمَكَ. لكِنْ أُكَلِّمُكَ مِنْ جِهَةِ أَحْكَامِكَ: لِمَاذَا تَنْجَحُ طَرِيقُ الأَشْرَارِ؟ اِطْمَأَنَّ كُلُّ الْغَادِرِينَ غَدْرًا! إرميا تشجّع ووقف قدام ربنا وقاله: يا رب استحملني، بس لازم أتكلم معاك وقال له: أنت يا رب مهما قولنا، ومهما عيدنا، َبَرُّ أنت يَا رَبُّ مِنْ أَنْ أُخَاصِمَكَ.
"أخاصمك" ... مش معناها أخاصمك مكلمكش. لكن: أصير لك خصماً، وكأننا في محكمة، يعني كان اتنين في خصومة أمام المحكمة، كل واحد بيقول الحُجة بتاعته.
فإرميا بيقول لربنا كده: يارب، حتى لو هأخاصمك وأقول الحجج بتاعتي، أنت هتبرر وتتزكى في كلامك. "لكِنْ أُكَلِّمُكَ مِنْ جِهَةِ أَحْكَامِكَ: لِمَاذَا تَنْجَحُ طَرِيقُ الأَشْرَارِ؟ " ... ده سؤال مُتعب أوي على فكرة، وكتير مننا ساعات بيتعب من السؤال ده. يا رب، لماذا تنجح طريق الأشرار؟ طب الواحد يبقى شرير علشان الدنيا تبقى ماشية معاه كويس؟ الواحد يبقى شرير علشان طريقه يبقى ناجح؟ مش معقول!
"لِمَاذَا تَنْجَحُ طَرِيقُ الأَشْرَارِ؟ اِطْمَأَنَّ كُلُّ الْغَادِرِينَ غَدْرًا!" ... إرميا يتعجب كيف ينجح الأشرار، لكن لا يخفي عليه أنهم غادرون غدرًا، وأن هذا الغدر يُعطي نجاحًا مؤقتًا ومزيفًا يليه هلاك وتدمير، كأنهم يغدرون بأنفسهم لا بالله ولا بالناس.
2غَرَسْتَهُمْ فَأَصَّلُوا. نَمَوْا وَأَثْمَرُوا ثَمَرًا. أَنْتَ قَرِيبٌ فِي فَمِهِمْ وَبَعِيدٌ مِنْ كُلاَهُمْ. إرميا عايز يقول لربنا إن الأشرار دول مكانش ممكن يبقوا في الحالة المُغرقة دي، إلا يا رب لو أنت مديهم فرصة. كأن إرميا بيتجاوز ويقول: يا رب هو أنت اللي سامح بكده ولا ايه؟
"غَرَسْتَهُمْ فَأَصَّلُوا. نَمَوْا وَأَثْمَرُوا ثَمَرًا." ... هو الحقيقة ربنا اختار هذا الشعب من وسط العالم، إداهم العهود والشريعة والمواعيد والناموس، وأثمروا وكبروا وبقوا أمة عظيمة. لكن الحقيقة للأسف، أنت قَرِيبٌ فِي فَمِهِمْ وَبَعِيدٌ مِنْ كُلاَهُمْ
"أنت قَرِيبٌ فِي فَمِهِمْ وَبَعِيدٌ مِنْ كُلاَهُمْ." ... "كلاهم": جمع كلُية يعني. عايز يقول إن أعماقهم حاجة، وكلامهم اللي طالع منهم حاجة تانية خالص. هو ده على فكرة كان حال الرؤساء والكتبة والفريسيين في زمن المسيح. وهو ده الحال في زمن إرميا برضه على فكرة، ما هو كان الناس كده في وقت إرميا، عاملين نفسهم بيعبدوا يهوه وبيروحوا الهيكل ويذبحوا الذبائح.
3وَأَنْتَ يَا رَبُّ عَرَفْتَنِي. رَأَيْتَنِي وَاخْتَبَرْتَ قَلْبِي مِنْ جِهَتِكَ. اِفْرِزْهُمْ كَغَنَمٍ لِلذَّبْحِ، وَخَصِّصْهُمْ لِيَوْمِ الْقَتْلِ. إرميا بيقول: يا رب ما أنت شايفني وشايف كل أعماقي وشايف كل حاجة فيّ.
"ِافْرِزْهُمْ كَغَنَمٍ لِلذَّبْحِ، وَخَصِّصْهُمْ لِيَوْمِ الْقَتْلِ." ... يمكن دي اللي خلت البعض يقول إن دي كان حالة ضعف من إرميا، ضعف بشر. انه بيطلب ده عن أعدائه، لكن الحقيقة أنا شايف إن دي نقلة عند الصليب، في اليوم الذي هُدمت فيه كل مملكة إبليس.
"اِفْرِزْهُمْ كَغَنَمٍ لِلذَّبْحِ، وَخَصِّصْهُمْ لِيَوْمِ الْقَتْلِ." ... ده يوم الصليب، لما المسيح داس لموت بموته، وأبطل الموت وأبطل الجحيم. قالها معلمنا بولس في كولوسي 2: 15، "إِذْ جَرَّدَ الرِّيَاسَاتِ وَالسَّلاَطِينَ أَشْهَرَهُمْ جِهَارًا، ظَافِرًا بِهِمْ فِيهِ." (كو 2: 15). هو ده يوم الجهر، يوم الصليب، جرد الرياسات والسلاطين. أنتصر على الشيطان وكل مملكته.
4حَتَّى مَتَى تَنُوحُ الأَرْضُ وَيَيْبَسُ عُشْبُ كُلِّ الْحَقْلِ؟ مِنْ شَرِّ السَّاكِنِينَ فِيهَا فَنِيَتِ الْبَهَائِمُ وَالطُّيُورُ، لأَنَّهُمْ قَالُوا: «لاَ يَرَى آخِرَتَنَا». شر الانسان يؤثر على عالم الحيوان والطيور والطبيعة عموماً. لكن نقدر دي ناخدها، لما بيقول هنا إرميا: "حَتَّى مَتَى تَنُوحُ الأَرْضُ." ... في وقت صلب المسيح، وكأن الطبيعة كلها تنوح على ملكها. مش الشمس أظلمت، وقوات السماوات تزعزعت، وحصل زلازل. الأرض تنوح، الطبيعة نفسها كأنها بتقول للبشر: هو أنتوا بتعملوا ايه؟ بتصلبوا الفادي؟ بتصلبوا القدوس البار؟
على رأي القديس يعقوب السروجي، في ميمر ساعات بيتقري في الجمعة العظيمة، يقول حاجة جميلة أوي. يقولك: جُنت العروس – العروس اتجننت، وصلبت العريس. أنتوا عارفين ماريعقوب السروجي وطريقته كده شعرية لطيفة وجميلة، فقالك: جنت العروس وصلبت العريس. فغضب أبوه، فدخل وشق آنيتها، وطردها من ميراثها. لما العروس اتجننت وصلبت عريسها، اللي جاي علشان يفديها ويخلصها. غضب أبوه، الآب السماوي، فدخل وشق آنيتها – علشان شق حجاب الهيكل. وطردها من ميراثه، وده اللي هنشوفه في باقي الإصحاح.
"لاَ يَرَى آخِرَتَنَا" ... وكأن إرميا النبي بيقول إن الناس دي سلكوا عكس الشريعة. وبيقولوا ان ربنا مش عارف مصيرهم.
وفى كبرياء استهانوا بالغضب الإلهي الآتي عليهم ليتوبوا وقالوا إن الله لا يرى آخرتنا أي لا يعرف مصيرنا، بدلًا من أن تقودهم الضيقة إلى التوبة ليكون لهم آخرة حسنة عند الله.
5« إِنْ جَرَيْتَ مَعَ الْمُشَاةِ فَأَتْعَبُوكَ، فَكَيْفَ تُبَارِي الْخَيْلَ؟ وَإِنْ كُنْتَ مُنْبَطِحًا فِي أَرْضِ السَّلاَمِ، فَكَيْفَ تَعْمَلُ فِي كِبْرِيَاءِ الأُرْدُنِّ؟ 6لأَنَّ إِخْوَتَكَ أَنْفُسَهُمْ وَبَيْتَ أَبِيكَ قَدْ غَادَرُوكَ هُمْ أَيْضًا. هُمْ أَيْضًا نَادَوْا وَرَاءَكَ بِصَوْتٍ عَال. لاَ تَأْتَمِنْهُمْ إِذَا كَلَّمُوكَ بِالْخَيْرِ. "إِنْ جَرَيْتَ مَعَ الْمُشَاةِ فَأَتْعَبُوكَ، فَكَيْفَ تُبَارِي الْخَيْلَ؟" ... وأنت ماشي مع الناس اللي ماشيين على رجليهم تعبت، عايز بقى تسابق الناس اللي راكبين الخيل؟
"وَإِنْ كُنْتَ مُنْبَطِحًا فِي أَرْضِ السَّلاَمِ،" ... أقعد مطمئن كده وبراحتك في أرض السلام، الدنيا كده هادية والمكان مش خطر.
فَكَيْفَ تَعْمَلُ فِي كِبْرِيَاءِ الأُرْدُنِّ؟ ... كبرياء الاردن يعني فيضانه.
"لأَنَّ إِخْوَتَكَ أَنْفُسَهُمْ وَبَيْتَ أَبِيكَ قَدْ غَادَرُوكَ هُمْ أَيْضًا." ... الحقيقة، دي عن المسيح. لأن: "إِلَى خَاصَّتِهِ جَاءَ، وَخَاصَّتُهُ لَمْ تَقْبَلْهُ." (يو 1: 11).
فهنا الله بيعاتب إرميا على ضعفه وعدم احتماله لإساءات الأشرار، ويوضح أنه سمح له بضيقات على قدر قامته الروحية، ولكن هناك ضيقات أكبر لم يسمح له بها، ويشبه ضيقته بمباراة في الجرى مع مجموعة من البشر، هذا هو ما حدث مع إرميا في عدم احتماله للأشرار، ولكن إن دخل في مباراة جرى مع الخيل، مثل دخوله في حرب مباشرة مع الشياطين، فهذا أصعب بكثير من احتمال إساءات الأشرار المحيطين به.
ويعطى تشبيهًا آخر لما يحدث من إساءات لإرميا وهو وجوده في أرض السلام، أي وادي سهل، ولكنه لم يستطع أن يمشى فيه بل سقط وانبطح على وجهه، فكيف يسير في نهر الأردن أثناء فيضانه، فهو لن يستطيع العبور فيه لعمقه وسيغرق بالتأكيد.
فالله يؤكد له أنه سمح له بتجارب على قدر طاقته وهو معه يسنده فيها فلا ينزعج.
7«قَدْ تَرَكْتُ بَيْتِي. رَفَضْتُ مِيرَاثِي. دَفَعْتُ حَبِيبَةَ نَفْسِي لِيَدِ أَعْدَائِهَا. من أجل شرور مملكة يهوذا اضطر الله أن يتخلى عنهم ويسمح لهم بالقتل والسبي على يد بابل. ولكن أبوته جعلته يتوجع عليهم
ويدعوهم "بيتى وميراثى وحبيبتي". فكان يتمنى أن يظلوا في عبادته ويتمتعوا برعايته فينالوا ميراثهم الأبدي الذي أعده لهم.
"دَفَعْتُ حَبِيبَةَ نَفْسِي لِيَدِ أَعْدَائِهَا." ... ده حصل في أيام إرميا، لما دُفِعوا إلى يد البابليين. وحصل بعدما صلبوا القدوس البار، ودُفِعوا في سنة 70 م إلى يد القائد الروماني تيطس. "قَدْ تَرَكْتُ بَيْتِي." ..."هُوَذَا بَيْتُكُمْ يُتْرَكُ لَكُمْ خَرَابًا." (مت 23: 38). قد تركت بيتك خلاص، كان بيتي، بس دلوقتي بقى بيتكم، فيُترك خراباً. رَفَضْتُ مِيرَاثِي
8صَارَ لِي مِيرَاثِي كَأَسَدٍ فِي الْوَعْرِ. نَطَقَ عَلَيَّ بِصَوْتِهِ. مِنْ أَجْلِ ذلِكَ أَبْغَضْتُهُ. وإحنا عند الصليب وشايفين الأحداث دي كلها وشايفين جبروت الناس دي.
وزي ما بنقول في القسمة: احتملت ظلم الأشرار. بذلت ظهرك للسياط. وخديك أهملتهما للَّطم. لأجلي يا سيدي.
" صَارَ لِي مِيرَاثِي كَأَسَدٍ فِي الْوَعْرِ." ... بقوا زي الاسد على مخلص نفوسهم! يعني أسد في الغابة كده، عايز يفترس. بس تفترسوا مين؟ وتموتوا مين؟ وتقتلوا مين؟ وَرَئِيسُ الْحَيَاةِ قَتَلْتُمُوهُ. (أع 3: 15).
"نَطَقَ عَلَيَّ بِصَوْتِهِ." ... كل الكلام اللي قعد يقوله في المحاكمات. 6 محاكمات! مفتريين، 3 دينية و3 مدنية. وبعد كده عمالين يجدفوا على المسيح وهو على الصليب. نَطَقَ عَلَيَّ بِصَوْتِهِ. مِنْ أَجْلِ ذلِكَ أَبْغَضْتُهُ. إحنا فاهمينها دي بقى، ما خلاص إحنا حفظنا فكرة "أَبْغَضْتُهُ" ... يعني رفضته، زي ما شوفنا في ملاخي 1: 2–3، "وَأَحْبَبْتُ يَعْقُوبَ وَأَبْغَضْتُ عِيسُوَ" ... يعني إيه "وَأَبْغَضْتُ؟" ... يعني رفضت خلاص. ليه؟ لأن هو رفضني. ربنا مش بيجبر حد، ربنا أكتر حد يحترم حرية إرادة الإنسان. فبيقول كده: مِنْ أَجْلِ ذلِكَ أَبْغَضْتُهُ.
الآية 9، اللي جاية دي، حتى في العبري وفي الترجمات، صعبة جداً ومُعقدة ومفتوحة لتفسيرات كتيرة، وآراء كتير. وغالبا كان ربنا قاصد إن إرميا يكتبها بالشكل ده، لأنها بتحمل معاني كتيرة. يقولك:
9جَارِحَةٌ ضَبُعٌ مِيرَاثِي لِي. اَلْجَوَارِحُ حَوَالَيْهِ عَلَيْهِ. هَلُمَّ اجْمَعُوا كُلَّ حَيَوَانِ الْحَقْلِ. اِيتُوا بِهَا لِلأَكْلِ. "جَارِحَةٌ،" ... يقصد بيها طير من الطيور اللي ليه ألوان متعددة.
"ضَبُعٌ،" ... الضبع ده حيوان معروف بالنهم الشديد والافتراس الشديد.
"جَارِحَةٌ ضَبُعٌ مِيرَاثِي لِي." . يا رب، يعني ميراثك وشعبك بقى أسد في الوعر ليك، وبقى طير جارح، لقى الفريسة، ضبع ما صدّق لقى الفريسة بتاعته علشان يلتهمها؟ الصوردي تتضح أوي وإحنا في أسبوع الآلام، وإحنا في الجمعة العظيمة.
"اَلْجَوَارِحُ حَوَالَيْهِ عَلَيْهِ. هَلُمَّ اجْمَعُوا كُلَّ حَيَوَانِ الْحَقْلِ." ... لكن هما في الآخر سيصيروا فريسة وسيهلكوا إلى الأبد، لو مأمنوش بالمسيح وده اللي حصل، اللي مأمنوش هلكوا.
"اِيتُوا بِهَا لِلأَكْلِ." ... يشبه سكان أورشليم واليهودية بحيوانات الحقل التي تفترسها الوحوش الكثيرة بسهولة، أي جيوش بابل التي تقتل وتدمر مملكة يهوذاِ.
10رُعَاةٌ كَثِيرُونَ أَفْسَدُوا كَرْمِي، دَاسُوا نَصِيبِي. جَعَلُوا نَصِيبِي الْمُشْتَهَى بَرِّيَّةً خَرِبَةً. ربنا كأنه زعلان أوي من القائمين على هذا الشعب، الرؤساء كانوا يحاولوا يصطادوا المسيح بكلمة، قعدوا يفكروا ازاي يتخلصوا منه.
"رُعَاةٌ كَثِيرُونَ أَفْسَدُوا كَرْمِي،" ... وهم اللي هيّجوا الشعب كله، وهم اللي قادوا كل العمل ده، والظلم والغدر ضد المسيح. الشعب مشي وراهم. رُعَاةٌ كَثِيرُونَ أَفْسَدُوا كَرْمِي، دَاسُوا نَصِيبِي. جَعَلُوا نَصِيبِي الْمُشْتَهَى بَرِّيَّةً خَرِبَةً.
"نصيبي المُشتهى." ... ربنا أشتهي أن يسكن وسط هذا الشعب، صار هذا الشعب بالنسبة لربنا: نَصِيبِي الْمُشْتَهَى. إرميا 12 ده من الإصحاحات اللي بتورينا قلب ربنا فيه إيه من جهة شعب.
يتألم الله لأن رعاة شعبه، أي الملوك والرؤساء والكهنة والأنبياء الكذبة، قد أضلوا شعبه، فتخلى عنهم الله وتعرضوا للدمار والخراب بيد بابل مع أنهم شعبه المخصّص للحياة معه والذي يشتهيه الله وكان يتمنى أن يحيا معه.
11جَعَلُوهُ خَرَابًا يَنُوحُ عَلَيَّ وَهُوَ خَرِبٌ. خَرِبَتْ كُلُّ الأَرْضِ، لأَنَّهُ لاَ أَحَدَ يَضَعُ فِي قَلْبِهِ. كلمة خراب: اتقالت 3 مرات هنا.
الفساد وصل إلى الأعماق، الظلم كتير جداً. علشان كده لما قال: "لاَ أَحَدَ يَضَعُ فِي قَلْبِهِ." ... كأن معظم الناس كده أو كل الناس كده.
"يَنُوحُ عَلَيَّ!" ... بصراحة، مفتوحة على كذا تفسير. نقدر نفهمها في طريق الصليب، لما المسيح شاف بنات أورشليم، وهن يبكين فقالهم: يَا بَنَاتِ أُورُشَلِيمَ، لاَ تَبْكِينَ عَلَيَّ بَلِ ابْكِينَ عَلَى أَنْفُسِكُنَّ وَعَلَى أَوْلاَدِكُنَّ. (لو 23: 28).
وقالهالنا برضه في سفر الرؤيا 1: 7،: "هُوَذَا يَأْتِي مَعَ السَّحَابِ، وَسَتَنْظُرُهُ كُلُّ عَيْنٍ، وَالَّذِينَ طَعَنُوهُ، وَيَنُوحُ عَلَيْهِ جَمِيعُ قَبَائِلِ الأَرْضِ. نَعَمْ آمِينَ." (رؤ 1: 7).
يعني الناس الفاسدين دول، الظالمين والغادرين، ليهم عقاب.
"جَعَلُوهُ خَرَابًا يَنُوحُ عَلَيَّ وَهُوَ خَرِبٌ. خَرِبَتْ كُلُّ الأَرْضِ." ... هما نفسهم سيصيروا خراباً، بما إنهم عملوا الجريمة البشعة دي. وفي نفس الوقت هينوحوا، بس هيكون الوقت اتأخر، اللي هو المسيح جاي وهينوحوا، ده طلع المسيح اللي إحنا عملنا في كل ده. وَيَنُوحُ عَلَيْهِ جَمِيعُ قَبَائِلِ الأَرْضِ.
12عَلَى جَمِيعِ الرَّوَابِي فِي الْبَرِّيَّةِ أَتَى النَّاهِبُونَ، لأَنَّ سَيْفًا لِلرَّبِّ يَأْكُلُ مِنْ أَقْصَى الأَرْضِ إِلَى أَقْصَى الأَرْضِ. لَيْسَ سَلاَمٌ لأَحَدٍ مِنَ الْبَشَرِ. "الروابي" ... جمع رابية، يعني تل أو مكان مرتفع. دي كانت المشكلة بتاعتهم، لأن كانوا بيعملوا الذبائح بتاعتهم فوق المرتفعات. فربنا قال لهم: إن كل المرتفعات بتاعتكم دي ستُباد. لكن نقدر برضه ناخدها وهو بيتكلم: رُعَاةٌ كَثِيرُونَ أَفْسَدُوا كَرْمِي. الناس العالية أوي، اللي ليها مراكز، وليها شنة ورنة في وقتهم.
"عَلَى جَمِيعِ الرَّوَابِي فِي الْبَرِّيَّةِ أَتَى النَّاهِبُونَ." ... كل دول سيسلموا إلى الهلاك.
"لأَنَّ سَيْفًا لِلرَّبِّ يَأْكُلُ مِنْ أَقْصَى الأَرْضِ إِلَى أَقْصَى الأَرْضِ." ... هي الحرب للرب، هو المسيح اللي خاض الحرب لوحده، وخلصنا من عدو الخير. سيف للرب ... لان ربنا هو اللي سمح لبابل انهم يادبوا شعبه، علشان يتوبوا ويرجعوا لايمانهم الاول.
"لَيْسَ سَلاَمٌ لأَحَدٍ مِنَ الْبَشَرِ." ... الناس دي مش هتكون في سلام ولا هيشوفوا سلام، لانهم كانوا عايزين يتخلصوا من ملك السلام، فمفيش سلام تاني.
13زَرَعُوا حِنْطَةً وَحَصَدُوا شَوْكًا. أَعْيَوْا وَلَمْ يَنْتَفِعُوا، بَلْ خَزُوا مِنْ غَلاَّتِكُمْ، مِنْ حُمُوِّ غَضَبِ الرَّبِّ». منع الله البركة عن أولاده الساكنين في أورشليم واليهودية، فلما زرعوا حقولهم لم تعطهم الثمار المطلوبة بل محاصيل ضعيفة جدًا يُعبر عنها بالشوك، أي عدم البركة، فكان تعبهم في الزراعة أو الصناعة أو أي حرفة لا يجدى، وصاروا في خزى من عدم حصولهم على ثمار وغلات من تعبهم، هذا بسبب غضب الله الشديد عليهم الذي أظهره لهم بغرض دعوتهم للتوبة.
الحقيقة، القديس جيروم والعلامة أوريجانوس قالوا: دي تتاخد على الفريسيين والكتبة، اللي هما كانت عندهم كلمة ربنا – زَرَعُوا حِنْطَةً – لكن حصدوا شوك. هما أبطلوا وصية الله بطريقتهم وتقليدهم وبسلوكهم وتصرفاتهم وبكرههم (مت 15: 6). فزرعوا الحنطة دي لكن حصدوا شوك. معرفوش يستفيدوا من كلمة الله.
والآباء برضه بيقولوا في التفسير إن دي إشارة للهراطقة، ياخدوا من كلمة ربنا – الحنطة الجميلة دي – ويطلعولنا شوك. آريوس يقولنا المسيح مش مساوي للآب، نسطور يقول المسيح شخصين. يعني ... "زَرَعُوا حِنْطَةً وَحَصَدُوا شَوْكًا. أَعْيَوْا وَلَمْ يَنْتَفِعُوا، بَلْ خَزُوا مِنْ غَلاَّتِكُمْ، مِنْ حُمُوِّ غَضَبِ الرَّبِّ. ".
14هكَذَا قَالَ الرَّبُّ عَلَى جَمِيعِ جِيرَانِي الأَشْرَارِ الَّذِينَ يَلْمِسُونَ الْمِيرَاثَ الَّذِي أَوْرَثْتُهُ لِشَعْبِي إِسْرَائِيلَ: «هأَنَذَا أَقْتَلِعُهُمْ عَنْ أَرْضِهِمْ وَأَقْتَلِعُ بَيْتَ يَهُوذَا مِنْ وَسْطِهِمْ. "جيراني" ... أنا. علشان شعبه ومدينته وحبيبته، "حبيبة نفسي" زي ما قال. ع
"َعلَى جَمِيعِ جِيرَانِي الأَشْرَارِ الَّذِينَ يَلْمِسُونَ الْمِيرَاثَ،" ... يلمسون الميراث يعني يخربوه يبوظوه ويهجموا عليه.
"الميراث الذي أَوْرَثْتُهُ لِشَعْبِي إِسْرَائِيلَ،" ... يقصد أرض كنعان، ارض الموعد.
"هأَنَذَا أَقْتَلِعُهُمْ عَنْ أَرْضِهِمْ – كل الجيران الأشرار دول هقتلعهم عن ارضهم،
"أَقْتَلِعُ بَيْتَ يَهُوذَا مِنْ وَسْطِهِمْ." ... ربنا كان عنده شعب، بس معندوش محاباة، الشعب ده غلط؟ هينعاقب، زي ما الأمم اللي قبلهم في الأرض غلطوا فاتعاقبوا.
فربنا بيقول: "هأَنَذَا أَقْتَلِعُهُمْ عَنْ أَرْضِهِمْ وَأَقْتَلِعُ بَيْتَ يَهُوذَا مِنْ وَسْطِهِمْ." ... تقريباً ولأول مرة في إرميا يقول "بيت يهوذا" لوحدها من غير "بيت إسرائيل". عايز يقول إن العقوبة اللي جاية دي على بيت يهوذا، بيت إسرائيل خلاص خد العقوبة بتاعته.
هذه نبوة عن الأمم الذين يعيشون حول شعب الله سواء القريبين أو البعيدين والذين سمح الله لهم أن يعتدوا ويخربوا بلاد شعبه مثل أشور وبابل. فيتنبأ الله عليهم بفم إرميا أنه سيخربهم كما خرب مملكة إسرائيل وسيخرب مملكة يهوذا.
15وَيَكُونُ بَعْدَ اقْتِلاَعِي إِيَّاهُمْ، أَنِّي أَرْجعُ فَأَرْحَمُهُمْ، وَأَرُدُّهُمْ كُلَّ وَاحِدٍ إِلَى مِيرَاثِهِ، وَكُلَّ وَاحِدٍ إِلَى أَرْضِهِ. ربنا جميل أوي!" أَنِّي أَرْجعُ فَأَرْحَمُهُمْ، وَأَرُدُّهُمْ كُلَّ وَاحِدٍ إِلَى مِيرَاثِهِ." ... عمرها ما اتقالت على فكرة عن الأمم إلا في الحتة دي في إرميا.
"وَأَرُدُّهُمْ كُلَّ وَاحِدٍ إِلَى مِيرَاثِهِ، وَكُلَّ وَاحِدٍ إِلَى أَرْضِهِ." ... طب لما اليهود يقولوها بيفهموا إيه؟ دي متتفهمش غير بطريقة مسيانية، لما الأمم دول يردوا إلى ميراثهم وإلى أرضهم؟ يعني زي ما قال معلمنا بولس: هيُطعموا في الزيتونة.
في وسط الظلام يشرق الله على البشرية بنور الرجاء، ليس فقط على شعبه، بل وعلى الأمم المجاورة إن عادوا إليه بالتوبة.
16وَيَكُونُ إِذَا تَعَلَّمُوا عِلْمًا طُرُقَ شَعْبِي أَنْ يََحْلِفُوا بِاسْمِي: حَيٌّ هُوَ الرَّبُّ، كَمَا عَلَّمُوا شَعْبِي أَنْ يَحْلِفُوا بِبَعْل، أَنَّهُمْ يُبْنَوْنَ فِي وَسْطِ شَعْبِي. الحلفان باسم ربنا معناه إن هما بقوا شعب يهوه خلاص، بقوا بتوع المسيح. "حَيٌّ هُوَ الرَّبُّ، كَمَا عَلَّمُوا شَعْبِي أَنْ يَحْلِفُوا بِبَعْل، أَنَّهُمْ يُبْنَوْنَ فِي وَسْطِ شَعْبِي. يُبْنَوْنَ فِي وَسْطِ شَعْبِي " ... يُطعموا في الزيتونة.
الناس الأمم دي علمت اليهود يحلفوا ببعل، لكن إذا الأمم دي رجعت واتعلموا بقى من شعبي يحلف بالرب ويصيروا ليهوه ... "أَنَّهُمْ يُبْنَوْنَ فِي وَسْطِ شَعْبِي."
الأمم الذين علموا شعب الله عبادة الأوثان والتي أشهرها عبادة البعل والحلف به، فهؤلاء لو آمنوا بالله وتابوا وتركوا خطاياهم، يرحمهم الله ويعود فيبنيهم بعد أن خربهم. وده اللي حصل لما آمنت الأمم بالمسيحية، فصاروا حجارة حية في الكنيسة مبنيين في البناء الروحي ويسلكون في طريق الله ويدعون لاسمه.
17وَإِنْ لَمْ يَسْمَعُوا، فَإِنِّي أَقْتَلِعُ تِلْكَ الأُمَّةَ اقْتِلاَعًا وَأُبِيدُهَا، يَقُولُ الرَّبُّ». هيسمعوا ويؤمنوا بالمسيح، هيُطعموا في الزيتونة. مش هيسمعوا، يقولك: حَسَنًا! مِنْ أَجْلِ عَدَمِ الإِيمَانِ قُطِعَتْ، وَأنت بِالإِيمَانِ ثَبَتَّ. لاَ تَسْتَكْبِرْ بَلْ خَفْ!
الأمم الوثنية التي تصر على شرورها، سيخربها الله ويبيدها ولا تعود تُبنى ثانية. وهذا رمز للهلاك الأبدي للأشرار اللي بيصروا على خطاياهم.
إن الله رحيم ولا يريد إهلاك البشر حتى من يتحدونه، فثق أنه يحبك مهما عملت من شرور وارجع إليه فيغسلك من خطاياك ويبنيك فتصير عظيمًا ونقيًا وتصلح لملكوت السماوات الذي أعده لك.
⪢