⪡ 1وَهذِهِ مَوَالِيدُ بَنِي نُوحٍ: سَامٌ وَحَامٌ وَيَافَثُ. وَوُلِدَ لَهُمْ بَنُونَ بَعْدَ الطُّوفَانِ. الإصحاح العاشر مليء بالشعوب وبالأسماء.
الإصحاح العاشر يعد أقدم سجل في علم الأنثروبولوجي اللي هو علم الأجناس لأنه يتكلم عن كيف تشعبت أجناس البشرية من بعد الطوفان.
← بيعلمنا كيف توزعت الشعوب وكيف جاءت من نوح وأولاده.
بيوضح إن السجل ده هو سجل مواليد بني نوح اللي هما هيكونوا البشرية مرة أخري ويقول سام وحام ويافث معظم الآباء والدارسين يقولوا إن سام هو الابن الأصغر ولكنه جاء في المقدمة لأنه يحمل نسل المسيح والمسيح يجعلك في المقدمة.
سام ← سامي حام ← أسود يافث ← جميل
* سام اتجه الي قارة آسيا وجاءت منه الشعوب السامية.
* حام أسود اللون أو زنجي وده اللي جاءت منه الشعوب الأفريقية وشبه الجزيرة العربية.
* يافث معني اسمه جميل ولكنه اتجه وسكن في قارة أوربا علشان كدة الأجناس الأوربية هم أكثر جمالاً من باقي الأجناس.
بيوضح هنا إن كل الإنجاب وكل اللي هنذكره مع بعض دلوقتي جاء بعد الطوفان.
(1) هيبدأ الأول بأبناء يافث.
بيذكرهم في الأول علشان الحديث عنهم في الكتاب المقدس بعد كدة بيكون قليل.
(2) وبعد كدة بيذكر بنو حام.
بنو حام بيذكرهم بأكثر تفاصيل لإن لهم علاقات كبيرة مع بني إسرائيل في المستقبل.
(3) وبيختم الإصحاح بالحديث عن أبناء سام.
لأن سام ده الابن اللي هنكمل معه في الكتاب المقدس.
* عادة لما يجي الكتاب المقدس يتكلم عن واحد يذكره في الآخر علشان تكمل معه السلسلة.
عندنا ثلاثة طرق ممكن يمشي فيهم المسيح وهما (سام وحام ويافث).. المسيح بيختار سكة سام علشان يعيش فيها.
بنو يافث: دول اللي سكنوا منطقة آسيا الصغري اللي هي تركيا حالياً والقارة الأوربية وجاءت منه الشعوب الأوربية كلها.
2بَنُو يَافَثَ: جُومَرُ وَمَاجُوجُ وَمَادَاي وَيَاوَانُ وَتُوبَالُ وَمَاشِكُ وَتِيرَاسُ. بيذكر أول حاجة سبعة أبناء ليافث.
(1) جومر ← ده سكن في أقصي الشمال في منطقة البحر الأسود وآسيا الصغري.
(2) ماجوج ← ده برضو سكن في أقصي الشمال وأواسط آسيا الصغري والبعض بيقول ناحية روسيا.
(3) ماداي ← اللي جه منها بعد كدة مملكة مادي اللي اتحدث مع فارس.
(4) ياوان ← ابو اليونانيين.
(5) توبال ← ده عشيرة قريبة من جنوب شرق البحر الأسود.
(6) (7) ماشك وتيراس ← دول برضو من المناطق التي سكنت ناحية البحر الأسود وبحر قزوين وتيراس ده أصل شعوب البلقان.
نبقي عارفين... ان يافث وابنائه قد سكنوا القارة الأوربية ومعها آسيا الصغري اللي هي تركيا.
هيبدأ يقولنا بعد كدة علي الأحفاد...
3وَبَنُو جُومَرَ: أَشْكَنَازُ وَرِيفَاثُ وَتُوجَرْمَةُ. اشكناز← اللي هو الشعب الألماني.4وَبَنُو يَاوَانَ: أَلِيشَةُ وَتَرْشِيشُ وَكِتِّيمُ وَدُودَانِيمُ. وبنو ياوان ← أولاد اليونانيين.
* ترشيش هو أشهر اسم من نسل يافث تم استخدامه في الكتاب المقدس وطبعاً كلنا عارفين قصة: هرب يونان الي ترشيش في أقصي جنوب أسبانيا.
أليشة ← اللي هما سكان جزائر اليونان والبعض بيقول في جزء منهم سكن في قبرس.
كتيم ← اللي هي جزيرة قبر.
دودانيم ← اللي هي سكان جزيرة رودس.
* كل دول يعتبر من يافث سواء أولاده أو أحفاده.
5مِنْ هؤُلاَءِ تَفَرَّقَتْ جَزَائِرُ الأُمَمِ بِأَرَاضِيهِمْ، كُلُّ إِنْسَانٍ كَلِسَانِهِ حَسَبَ قَبَائِلِهِمْ بِأُمَمِهِمْ. هنا بيقول من هؤلاء تفرقت جزائر الأمم ← لإن معظم نسل يافث سكنوا جزائر البحر المتوسط وساحل البحر المتوسط علشان كدة قال جزائر الأمم. لأنهم سكنوا السواحل الأوربية والجزر الكثيرة المنتشرة في هذه المناطق.
كل إنسان كلسانه ← كل واحد ولغته.
* من الواضح هنا إن هذا التقسيم قد اتضح بعد قصة برج بابل لأنه بيقول كل إنسان كلسانه يعني كلغته أي بعد تعدد اللغات.
* من بداية عدد 6 الي عدد 20 بيبدأ يتكلم عن بنو حام وبيذكرهم بتفاصيل كثيرة. (وده هيبقي فيه شعوب لها علاقات مباشرة مع بني إسرائيل).
6وَبَنُو حَامٍ: كُوشُ وَمِصْرَايِمُ وَفُوطُ وَكَنْعَانُ. حام كان عنده أربعة أبناء.
(1) كوش ← اللي هو سكن في جنوب مصر وفي أعالي السودان اللي هما الشعوب النوبية والشعوب الأثيوبية.
(2) مصرايم ← هنا الكلمة مثني لإنها إشارة إلي مصر العليا ومصر السفلي ومصرايم ده هو جد المصريين جميعاً.
(3) فوط ← ده اللي سكن أقصي شمال غرب مصر اللي هي عند ليبيا وفوط ده اللي جاء منه الليبيين.
(4) كنعان ← ده اللي جاءت منه الشعوب الكنعانية والتي سكنت فلسطين.
* لازم نعرف حاجة مهمة.. اللعنة جاءت لكنعان فقط وليس لسائر بني حام. لأن شعب مصر ربنا قال عنه بعد كدة... مبارك شعب مصر.
هيبدأ يتكلم عن احفاد حام.
7وَبَنُو كُوشَ: سَبَا وَحَوِيلَةُ وَسَبْتَةُ وَرَعْمَةُ وَسَبْتَكَا. وَبَنُو رَعْمَةَ: شَبَا وَدَدَانُ. بنو رعمة ← اللي هما شبا وددان.. دول يعتبروا جيل آخر غير جيل الأحفاد.8وَكُوشُ وَلَدَ نِمْرُودَ الَّذِي ابْتَدَأَ يَكُونُ جَبَّارًا فِي الأَرْضِ، هنا بيركز علي واحد من نسل كوش وطبعاً هو مش ابنه مباشرة لأنه مش مذكور في الآية (7) ولكن الواضح أنه من أحفاد كوش.
جباراً ← هنا معناها القوة البدنية..
يعني عاوز يقولنا إنه بدأ يبقي طاغي وبدأ يبقي جبار ويستخدم قوته البدنية.
9الَّذِي كَانَ جَبَّارَ صَيْدٍ أَمَامَ الرَّبِّ. لِذلِكَ يُقَالُ: «كَنِمْرُودَ جَبَّارُ صَيْدٍ أَمَامَ الرَّبِّ». جبار صيد أمام الرب ← المقصود بها يعني صياد عظيم للوحوش.
يعني موسي عاوز يقول إنه في زمنه كانوا بيضربوا بنمرود ده المثل يعني أي واحد متميز في الصيد كانوا بيقولوا عليه ذي نمرود.
نمرود ← يعني متمرد.
* التقليد اليهود قديماً كان يستخدم كلمة نمرود للتعبير عن التمرد علي ربنا والوقوف ضد ربنا.
10وَكَانَ ابْتِدَاءُ مَمْلَكَتِهِ بَابِلَ وَأَرَكَ وَأَكَّدَ وَكَلْنَةَ، فِي أَرْضِ شِنْعَارَ. نمرود هو أول من أسس مملكة في التاريخ.
* احنا كنا عرفنا في الإصحاح الرابع إن الإنسان بدأ يبني مدينة. فالإنسان كان قد عرف المدن وبني أكثر من مدينة لكن هنا الواضح إن بدأ يحصل تطور سياسي في حياة البشر وبدأ يكون دولة أو يكون مملكة.
أرض شنعار ← اللي هي أرض ما بين النهرين دجلة والفراط.
(بابل وأرك وأكد وكلنة) ← بيقول إن الأربعة مدن دول كبار جداً لدرجة انهم اتحدوا مع بعض وكونوا مملكة.
بابل ← هي مدينة شهيرة جداً في الكتاب المقدس وهتذكر معانا طول العهد القديم وهتذكر كمان في العهد الجديد حتي تذكر في سفر الرؤية بمعني رمزي.
ذي م أورشليم أشهر مدينة في الكتاب المقدس لإنها مدينة الله.
بابل تعد أيضاً مدينة شهيرة جداً بسبب إن هي ترمز الي مقاومة الله وترمز الي اعداد الله وده المعني المذكور في سفر الرؤية.
بابل المدينة كانت من أيام نمرود وهنعرف في الإصحاح الـ11 إن ربنا بلبل ألسنتهم لم جم يبنوا البرج ولكن بابل معناها باب إيل أو باب الله. بالرغم من إن اسمها كويس ولكن كان سلوكها دايماً مقاومة لشعب الله.
11مِنْ تِلْكَ الأَرْضِ خَرَجَ أَشُّورُ وَبَنَى نِينَوَى وَرَحُوبُوتَ عَيْرَ وَكَالَحَ يقصد هنا من تلك الأرض خرج نمرود.12وَرَسَنَ، بَيْنَ نِينَوَى وَكَالَحَ، هِيَ الْمَدِينَةُ الْكَبِيرَةُ. من الواضح هنا إن نمرود لم يكتفي بالإقامة في منطقة أرض شنعار إلا أنه خرج وراح الي منطقة آشور ومنطقة آشور دي في أعالي أرض بين النهرين.
نمرود هو اللي بني مدينة نينوي. وبني مدينة أخري اسمها رحوبوت عير ومدينة ثالثة اسمها كالح ومدينة رابعة اسمها رسن.
يبقي مملكة نمرود الممتدة عبارة عن 8 مدن
اربعة منهم في جنوب العراق وأربعة في شمال العراق.
الأربعة اللي في جنوب العراق الأربعة اللي في شمال العراق
(1) بابل (1) نينوي
(2) أرك (2) رحوبوت عير
(3) أكد (3) كالح
(4) كلنة في أرض شنعار (4) رسن
* البعض بيقول أن كلمة المدينة الكبيرة تنطبق علي الأربعة مدن دول لأنها كانت مدن عظيمة.
* يبقي ده خبر كدة جاي في نسل حام ان المملكة الأولي علي الأرض كانت مملكة نمرود وإنها كان فيها روح المقاومة لله وروح البعد عن الله لإن البعض بينسب لنمرود بناء برج بابل وكان الدافع هو الكبرياء وطبعاً كانت ممزوجة بالقوة البدنية وبالسلطان السياسي.
* البعض بيقول أيضاً علي النمرود ان هو اللي أدخل عبادة الأوثان ولكن كل دي أراء منقدرش نثبتها من النص الكتابي.
* هيبدأ يتكلم عن الابن الثاني من أولاد حام وهو مصرايم← أي ابو المصريين
13وَمِصْرَايِمُ وَلَدَ: لُودِيمَ وَعَنَامِيمَ وَلَهَابِيمَ وَنَفْتُوحِيمَ 14وَفَتْرُوسِيمَ وَكَسْلُوحِيمَ. الَّذِينَ خَرَجَ مِنْهُمْ فِلِشْتِيمُ وَكَفْتُورِيمُ. * دول كلهم قبائل سكنت في مصر العليا اللي هو الصعيد ودي اللي هي فتروسيم.
* نفتوحيم دول اللي سكنوا في الدلتا والتي أصبحت فيما بعد الوجه البحري.
* والباقي توزعوا في باقية جوانب مصر في فالجوانب الشرقية ناحية حدودنا مع فلسطين وفي فالجوانب الغربية ناحية حدودنا (حدود مصر مع ليبيا).
المهم إن كل هذه القبائل كانت مصرية الأصل ودول اللي جاء منهم بعد كدة الفراعنة وبعد كدة الأقباط الحاليين.
فلشتيم ← جاية من فلسطين الاسم قريب جدا من فلسطين.
كفتوريم ← لأنهم سكنوا كفتور أو جزيرة كريت.
* الواضح هنا أو البعض بيول إن الفلسطينيين الحاليين القدماء اللي هما قاوموا شعب اسرائيل كانوا من أصل مصري واللي هو نسل مصرايم. وسكنوا في الأول في جزيرة كريت وبعدين انتقلوا وسكنوا في الساحل الفلسطيني.
* الابن الأول لحام كان كوش والثاني مصرايم والثالث كنعان.
15وَكَنْعَانُ وَلَدَ: صِيْدُونَ بِكْرَهُ، وَحِثًّا أول واحد في أبناء كنعان كان اسمه صيدون (كان البكر) وده يعتبر أشهر واحد لأنه سكن علي ساحل لبنان فوق سور والمدينة دي مدينة شهيرة ولها تاريخ كبير في العهد القديم.
حثً ← ده اللي جه منه الحثنين.
كنعان كان عنده 11 ولد هنذكر الأسماء مع بعض...
16وَالْيَبُوسِيَّ وَالأَمُورِيَّ وَالْجِرْجَاشِيَّ 17وَالْحِوِّيَّ وَالْعَرْقِيَّ وَالسِّينِيَّ اليبوسي ده اللي سكن في أرض كنعان وجه منه اليبوسيين وأنشأوا مدينة اسمها يبوس والتي أصبحت أورشليم أشهر مدن الكتاب المقدس.
واليبوسي ده هنذكره بعد كدة في أكثر من موقع.
الأموري اللي هما الأموريين.
18وَالأَرْوَادِيَّ وَالصَّمَارِيَّ وَالْحَمَاتِيَّ. وَبَعْدَ ذلِكَ تَفَرَّقَتْ قَبَائِلُ الْكَنْعَانِيِّ. الحماتي ← نسبة الي حماه الموجودة في سوريا.
كل دول سكنوا في منطقة فلسطين وسوريا ولبنان وأعلي شبه الجزيرة العربية وده المكان اللي اخده كنعان.
وبعد ذلك تفرقت قبائل الكنعانيين ← يعني بدأوا يتفرقوا ويسكنوا في أماكن مختلفة ومتعددة.
19وَكَانَتْ تُخُومُ الْكَنْعَانِيِّ مِنْ صَيْدُونَ، حِينَمَا تَجِيءُ نَحْوَ جَرَارَ إِلَى غَزَّةَ، وَحِينَمَا تَجِيءُ نَحْوَ سَدُومَ وَعَمُورَةَ وَأَدْمَةَ وَصَبُويِيمَ إِلَى لاَشَعَ. ايه معني العبارة دي....؟!
دي أول أرض تذكر حدودها في الكتاب المقدس والأرض دي كانت أرض كنعان (تخوم الكنعاني) حدود الكنعاني. وأرض كنعان دي هتبقي أشهر أرض في الكتاب المقدس لأن دي الأرض اللي ربنا هيطلب من ابراهيم أن يترك أرضه ليسكن فيها ودي الأرض اللي هيسكن فيها شعب اسرائيل والأرض اللي هيسكن فيها المسيح طول فترة تجسده.
* في هذا الإصحاح يذكر موسي النبي...
أول حدود لأرض كنعان في أيام أولاد نوح. وازاي سكنوا الأجناس الكنعانية في هذه الأرض وطبعاً سميت أرض كنعان نسبة الي كنعان حفيد نوح.
صيدون ← دي أقصي نقطة في الشمال... دي الحدود الشمالية.
جرار وغزة ← دول نقطتين في الجنوب الغربي في أرض كنعان.
سدوم وعموره وأدمة وصبوييم ← ده الجنوب الشرقي.
لاشع ← دي أقصي نقطة في الجنوب.
* وكأن موسي عاوز يقولنا إن أول أرض أنا هذكرها بحدودها هي تخوم الكنعاني طيب ليه يا موسي تخوم الكنعاني .... ؟!
لإن دي هتبقي تخوم إسرائيل في المستقبل.
20هؤُلاَءِ بَنُو حَامٍ حَسَبَ قَبَائِلِهِمْ كَأَلْسِنَتِهِمْ بِأَرَاضِيهِمْ وَأُمَمِهِمْ. يعني بيوضح إن دول الشعوب اللي خرجوا من حام بن نوح.
* هيبدأ يتكلم عن الإبن الثالث والأخير من أبناء نوح وهو سام.
21وَسَامٌ أَبُو كُلِّ بَنِي عَابِرَ، أَخُو يَافَثَ الْكَبِيرُ، وُلِدَ لَهُ أَيْضًا بَنُونَ. بني عابر ← طيب اشمعنا ذكر عابر وهو من أحفاده لإن عابر ده سيصير اسمه علي كل شعب اسرائيل ويسموا العبرانيين ويقول في الإصحاح الـ14 إبراهيم العبراني أو إبرآم العبراني نسبة الي عابر.
* يبقي هو هنا بينسب سام الي ابنه عابر لأن عابر ده سوف يصير اسمه علي كل شعب إسرائيل.
ولد له بنون ← هنا طبعاً مش هيذكرهم بالتفصيل لأنه هناخدهم بالتفصيل في الإصحاح الحادي عشر (11) ولكن هو عاوز يقولنا إن سام ده هو اللي هنكمل معاه والذي سيأتي منه المسيح.
22بَنُو سَامٍ: عِيلاَمُ وَأَشُّورُ وَأَرْفَكْشَادُ وَلُودُ وَأَرَامُ. سام كان عنده خمسة أولاد.
(1) عيلام ← جاءت منه بعد كدة المملكة العيلامية والتي عاصمتها شوشن ودول سكنوا شمال الخليج الفارسي يعني عند إيران حالياً.
(2) آشور ← ابو الآشوريين وكنا جبنا سيرة آشور من شوية لما نمرود راح الي آشور وبني هناك نينوي. منطقة آشور سميت بهذا الاسم نسبة الي آشور بن سام.
(3) ارفكشاد ← ده الابن اللي هنكمل معه نسل المسيح.
(4) لود ← ده شعب سكن في آسيا الصغري ودخل علي يافث هناك وجاءت منه فيما بعد مملكة ليديا.
(5) أرام ← ده اللي سكن سوريا وجاءت منه المملكة الآرامية اللي هي السوريان وعاصمتها القديمة كانت دمشق.
* يبقي دول الخمس ابناء الرئيسيين لسام.
23وَبَنُو أَرَامَ: عُوصُ وَحُولُ وَجَاثَرُ وَمَاشُ. يبقي أرام كان عنده أربعة أولاد.24وَأَرْفَكْشَادُ وَلَدَ شَالَحَ، وَشَالَحُ وَلَدَ عَابِرَ. هنا بيركز علي النسل الذي جاء منه المسيح. فبيقول ان ارفكشاد ولد شالح ومعني اسمه نبته. وعابر من الفعل عبر وده اللي اشتق منه اسم الشعب العبراني.25وَلِعَابِرَ وُلِدَ ابْنَانِ: اسْمُ الْوَاحِدِ فَالَجُ لأَنَّ فِي أَيَّامِهِ قُسِمَتِ الأَرْضُ. وَاسْمُ أَخِيهِ يَقْطَانُ. البعض بيقول ان الآية دي تشير الي انقسام الأرض الي لغات مختلفة إن في أيام فالج بن عابر قسمت الأرض يعني حصلت قصة برج بابل البعض بيشير لكدة. والبعض الآخر بيشير الي أنه انقسام من ناحية الثقافات المختلفة.
عابر كان عنده ولدين ← (1) فالج (2) يقطان
* بس احنا هنكمل مع فالج ده النسل المقدس اللي هيجي منه المسيح.
يقطان كان عنده 13 ابن ... هنعرف اسمائهم مع بعض...
26وَيَقْطَانُ وَلَدَ: أَلْمُودَادَ وَشَالَفَ وَحَضَرْمَوْتَ وَيَارَحَ 27وَهَدُورَامَ وَأُوزَالَ وَدِقْلَةَ 28وَعُوبَالَ وَأَبِيمَايِلَ وَشَبَا 29وَأُوفِيرَ وَحَوِيلَةَ وَيُوبَابَ. جَمِيعُ هؤُلاَءِ بَنُو يَقْطَانَ. 30وَكَانَ مَسْكَنُهُمْ مِنْ مِيشَا حِينَمَا تَجِيءُ نَحْوَ سَفَارَ جَبَلِ الْمَشْرِقِ. يقطان ده كان جد القبائل العربية. البعض بيقول كان يطلق عليه قحطان جد العرب.
* بعد م يقطان ده ابتعد عن أخيه فالج بدأ يستقر في منطقة شبه الجزيرة العربية والجنس بتاعه هو الجنس العربي الي جانب القبائل اللي هتيجي من نسل إسماعيل فيما بعد.
لكن الـ13 قبيلة دول جاءوا من يقطان أخو فالج وجاءوا من نسل عابر بن شالح ابن ارفكشاد.
ميشا ← دي منطقة مسا في شمال الجزيرة العربية.
سفار ← سفارة تقع علي الشاطئ الغربي للجزيرة العربية.
* يعني سكنهم كان في منطقة الجزيرة العربية.
31هؤُلاَءِ بَنُو سَامٍ حَسَبَ قَبَائِلِهِمْ كَأَلْسِنَتِهِمْ بِأَرَاضِيهِمْ حَسَبَ أُمَمِهِمْ. بيوضح إن كل مجموعة بعائلتها راحت سكنت في منطقة لها حدودها الخاصة حسب شعوبها.32هؤُلاَءِ قَبَائِلُ بَنِي نُوحٍ حَسَبَ مَوَالِيدِهِمْ بِأُمَمِهِمْ. وَمِنْ هؤُلاَءِ تَفَرَّقَتِ الأُمَمُ فِي الأَرْضِ بَعْدَ الطُّوفَانِ. يعني بيوضح إن هما دول الأجناس البشرية اللي بدأت تتشعب وتعلي الأرض كلها.
* في بعض الأسماء موجودة حتي الآن:
أرام ← سوريا
مصرايم ← مصر
فلشتيم ← اللي هي فلسطين
اشكينار ← اللي هي الألمان. وغيرهم.....
ايه قيمة كل الكلام اللي احنا قولناه فوق ده...؟!
* إن ربنا وموسي النبي بيحدد النسل المقدس لأن إحنا بنبحث في الكتاب المقدس عن نسل المرآة اللي ربنا أعلن لآدم وحواء في الإصحاح الثالث أن منه هيجي المسيح المخلص فلازم يبقي واضح جداً نسل هنا المخلص وهيجي من انهي عائلة بالظبط وهنا وضحلنا ان هو جاي من نسل سام.
* ربنا بيذكر كل هذه الأسماء علشان يقول لكل واحد فينا أنا عارفك بأسمك.
* في اسماء تذكر للمجد ذي سام الذي جاء منه المسيح.
* وفي أسماء تذكر للخزي ذي نمرود وذي كنعان.
⪢